draw media

لە رەشنوسی بودجەی عێراقدا:
- داهاتی گشتی عێراق: 174 ترلیۆن دینار
- خەرجی گشتی عێراق: 217 ترلیۆن دینار
- كورتهێنان: 43 ترلیۆن دینار
- پشكی هەرێم: 13 ترلیۆن دینار


وەزارەتی دارایی عێراق

عەلی حەمەساڵح: كۆبوونەوە چوارقۆڵیەكە لەسەر ژمارەی ئۆتۆمبێلەكان تێكچووە
درەو:
عەلی حەمە ساڵح بڕیاردەری رەوتی هەڵوێست لە لێدوانێكی ڤیدیۆییدا:
- دوو رۆژ پێش ئێستا بڕیاربوو كۆبوونەوەی چوار قۆڵی بكرێت ( نێچیرڤان بارزانی، مەسرور بارزانی، بافڵ تاڵەبانی، قوباد تاڵةبانی)
- كۆبوونەوە چوار قۆڵیەكە نەكرا، تەسەور دەكەن بۆچی كۆبوونەوەكە نەكرابێت و نێوانیان تێكچوبێتەوە؟
- بەرپرسانی یەكێتی وتویانە بە (16) ئۆتۆمبێلەوە دێین بۆ كۆبوونەوە، پارتی وتویەتی نابێت دەبێت بە (10) ئۆتۆمبێلەوە بێن، قەدەری ئێمە كەوتووەتە دەستكێ؟
- دەزانم ئەگەر رێككەوتنەكە بكرایە دوو ئیدارەیی دەبوو بە شەرعیەتی یاسایی

بزوتنەوەی خوێندكارانی فەرەنسا:
🔻 بە شانازییەوە گەورەترین مۆزەخانەمان لە جیهان داخست
🔻وەزیری ناوخۆی فەرەنسا دەستی لەكاركێشایەوەو ماكرۆن رەتیكردەوە
🔻ماكرۆن داوای لە هێزەكانی ناوخۆ كرد پێداچوونەوە بە شێوازی مامەڵەیان لە گەڵ خۆپیشاندەران بكەن
درەو:
ئاژانسی هەواڵی "فرانس پرێس" بڵاویكردەوە، بەیانی ئەمڕۆ خوێندکاران، دەرگای چوونە ژوورەوەی مۆزەخانەی لۆڤەریان لە شاری پاریس داخست، بۆ دەربڕینی پشتگیری خۆیان بۆ بزوتنەوەی خوێندکارانی ئامادەیی و ناڕەزایەتی دەربڕین بەرامبەر بەوەی كە بە "سەرکوتکردنی پۆلیس" وەسفیان کردوە، ئەوەش بەگوێرەی ئیدارەی مۆزەخانەکە و دوو سەندیکای خوێندکاران.
فرانس پرێس ئاماژەی بەوەكردووە، لە نزیک مۆزەخانەکە لافیتەیەک نمایشکرا کە لەسەری نووسرابوو: "شانازی دەکەین کە رایدەگەیەنین گەورەترین مۆزەخانەی جیهانمان داخستووە" .
ئیدارەی لۆڤەر روونیکردووەتەوە، چالاکییەکە- کە خوێندکارانی قوتابخانەی لۆڤەر سەرپەرشتییان کردووە، كە پەیوەندی بە مۆزەخانەکەوە نییە؛ بەڵکو شوێنەکە وەک شوێنی ناڕەزایەتییەکە هەڵبژێردرا، ئەمەش رێگری لە کردنەوەی مۆزەخانەکە کرد لە کاتی ئاسایی خۆیدا کە کاتژمێر ٩ی بەیانیە.
ئەم ناڕەزایەتییە لە کاتێکدایە، فەرەنسا روبەڕوی لێكەوتەكانی شەپۆلێکی توندوتیژی و تێکدان و تاڵانکاری بووەتەوە، کە لە میانی خۆپیشاندانەکاندا سەریهەڵدا، دژی بەرزبوونەوەی تێچووی ژیان و بووە هۆی پێکدادان لەنێوان خۆپیشاندەران و هێزە ئەمنییەکان لە چەند شارێکدا.
ئەوە لەكاتێكدایە، ئەمڕۆ ئیمانوێل ماکرۆن، سەرۆکی فەرەنسا لە وتارێكدا دانی بە بوونی شکستدا نا لە مامەڵەکردن لەگەڵ ناڕەزایەتییەکان و پۆلیسی راسپارد پێداچوونەوە بەو شێوازە لە مامەڵەكردن لەگەڵ کردەوەکانی تێکدان و تاڵانکردن بكات.
لای خۆیەوە، کۆشکی ئێلیزێ رایگەیاند، وەزیری ناوخۆ لۆران نونیز دەستلەکارکێشانەوەی خۆی پێشکەش بە سەرۆک کۆمار کردووەو ئەویش رەتیکردەوە، جەختی لەسەر پێویستی بەردەوامی سەرکردایەتیکردنی هێزە ئەمنییەکان كردووە لەم قەیرانەی ئێستادا.
ماکرۆن وەزیری ناوخۆی راسپاردووە، هەنگاوی پێویست بنێت بۆ ئەوەی بە شێوەیەکی شەفاف کەموکوڕییەکان لە ئامادەکارییە ئەمنییەکان و کۆکردنەوەی زانیاری هەواڵگری بەر لە توندوتیژییەکان دەستنیشان بکات. هاوشانی داڕشتنی شێوازێكی نوێ بۆ كاری هێزە ئەمنییەکانی ناوخۆ بۆ بەرەنگاربوونەوەی تێکدەرەکان و کۆتاییهێنان بە تاڵانکردن و لابردنی بەربەستەکان.
وەزیری ناوخۆ دانی بەوەداناوە پۆلیس لە هەندێک شاردا کۆنترۆڵی لەدەستداوە لە کاتی روبەڕوبوونەوەکاندا، ئاماژەی بە بوونی كێشەو كەڵێن كردووە لە پێشبینیکردن و ئامادەکارییەکان، جەختیشكردووە لەوەی بۆیە دەستلەکارکێشانەوەی خۆی پێشکەش كردووە، بەرپرسیارێتی ئەو هەڵانەی لە ئەستۆ گرتووە.
پێشتر وەزیری ناوخۆی فەرەنسا رایگەیاند، رۆژی یەکشەممەو بەدرێژایی شەو لە پاریس 350 کەس لە توندوتیژییەکاندا دەستگیرکراون، ئەمە جگە لەوەی نزیکەی دوو هەزارو 400 کەس لە کاتژمێرەکانی سەرەتای نائارامییەکاندا دەستبەسەرکراون.
بە وتەی دەسەڵاتداران، ئەو رووداوانە بووەتە هۆی برینداربوونی نزیکەی هەزار کارمەندی ئەمنی، هاوکات ژمارەیەک لە خۆپیشاندەرانیش بە سەختی برینداربوون.
لەماوی چەند رۆژی رابردوودا چەندین شاری فەرەنسا روبەڕوبوونەوە و کردەوەی تێکدانیان بەخۆیەوە بینی، کە باڵەخانەی شارەوانییەکانیان و دوكان و كۆگا بارزرگانییەكانی کردە ئامانج، لەگەڵ تاڵانکردن و بڵاوبونەوەی پاشماوە لەسەر شەقامەکان.

سەرچاوەیەك لە وەزارەتی دارایی بۆ (درەو):
- مەسرور بارزانی سەرۆكی حكومەتی هەرێمی كوردستان، دەستلەكاركێشانەوەی ئاوات شێخ جەناب وەزیری دارایی رەتكردووەتەوە.
- تا ئێستا ئاوات شێخ جەناب سورە لەسەر بریاری دەستلەكاركێشانەوەی و دەوام ناكات

ئیلۆن ماسك:
🔻 ساڵی داهاتوو یەک پشك لە پشکەکانم لە كۆمپانیای سپەیس ئێکس دەدەم بە هەموو منداڵێکی ئەمریکا
درەو:
ئیلۆن ماسك، دەوڵەمەنترین پیاوی جیهان و خاوەنی كۆمپانیاكانی "سپەیس ئێکس و تێسلا مۆتۆرز" لە سەكۆی "ئێكس" نوسیویەتی، ساڵی داهاتوو یەک پشك لە پشکەکانم لە كۆمپانیای سپەیس ئێکس دەدەم بە هەموو منداڵێکی ئەمریکا، ئەمە یەکەم هەنگاو دەبێت لە زۆرێک لە هەنگاوەکانم لە داهاتوودا.

وەزارەتی خوێندنی باڵا:
🔻 وەرگرتنی پارەی خوێندنی (پارالێل - ئێواران) بە پێنج قیست دەبێت
"دوای داشکاندنی رێژەی (45%)ی کرێی خوێندن"
درەو:
وەزارەتی خوێندنی باڵاو توێژینەوەی زانستی لە نوسراوێكى فەرمیدا رایگەیاندووە، لەپێناو بەرژەوەندی گشتی و لەبەر چاوگرتنی دۆخی دارایی کەسوکار و بنەماڵەی خوێندکاران/ قوتابیان، د. ئارام محمد قادر وەزیری خوێندنی باڵاو توێژینەوەی زانستی بڕیاریدا بە؛ وەرگرتنی پارەی خوێندنی (پارالێل - ئێواران) بەشێوەی پێنج قیست بدرێت بۆ ئەو خوێندکار و قوتابیانەی کە بە شێوازی پارالێل و ئێواران دەخوێنن لە زانکۆ حکومییەکانی هەرێمی کوردستان.
بەگوێرەی نوسراوەكە، دوای داشکاندنی رێژەی (45%)ی کرێی خوێندن، وەرگرتنی پارەی خوێندنی پارالێل و ئێواران بە پێنج قیست جێبەجێدەکرێت.

🔻بەهای (100) دۆلار بەرامبەر بە (168,500) دینارە

فراكسیۆنی ساديقون:
🔻پێویستە دەستوری عێراق هەموار بكرێتەوەو سیستمی سیاسی بگۆڕێت بۆ سەرۆكایەتی یان نیمچە سەرۆكایەتی
🔻 جێگری یەكەمی سەرۆكی پەرلەمان سەرۆكایەتی جوڵەی هەمواركردنەوەی دەستور دەكات و دەبێت هێزەكان قۆناغی ترس تێپەڕێنن
🔻 دیمەنی هاوپەیمانییە سیاسییەکان گۆڕانکارییەکی گەورەی بەسەردا هاتووە؛ ئێستا هاوپەیمانی بەهێزەكان لەسەر بنەماى متمانەی بونیاد نراوە
🔻شیعەكان براوەی هەڵبژاردن و گەورەترین فراكسیۆنن؛ هەڵبژاردنی سەرۆك كۆمار بە زۆرینەی رەها دەبێت
درەو:
محەمەد بەلداوی، وتەبێژی فراكسیۆنی سادیقون لە پەرلەمانی عێراق دەڵێت، جێگری یەکەمی سەرۆکی پەرلەمان سەرکردایەتی دەستپێشخەریی هەموارکردنەوەی دەستوری عێراق دەکات.
بەلداوی لە چاوپێكەوتنێكدا لەگەڵ كەناڵی "العهد" وتی، داواکاری سەرۆکی ئەنجومەنی باڵای دادوەری بۆ هەموارکردنەوەی دەستور بابەتێکی گرنگ و جێی بایەخە، ئەوان لە فراكسیۆنی سادیقون پێشتریش داوای هەموارکردنەوەی دەستور و گۆڕینی سیستەمی سیاسیان كردووە لە پەرلەمانیەوە بەرەو سەرۆکایەتی یان نیمچە سەرۆكایەتی.
وتیشی، لیژنەکانی رابردوو کە ئەرکی هەموارکردنەوەی دەستوریان پێسپێردرابوو زۆرجار تووشی بەریەككەوتنی بەرژەوەندییەکان دەبوون، داواشی لە هێزە سیاسییەکان کرد، ترسەکانیان تێپەڕێنن و بەرەو رێبازێکی هاوبەشی هەنگاو بنێن، هەندێک بڕگەی دەستوریشی بە بەربەست زانی.
وتەبێژی فراكسیۆنی سادیقون ئاماژەی بەوەشکرد، دیمەنی هاوپەیمانییە سیاسییەکان گۆڕانکارییەکی گەورەی بەسەردا هاتووە، ئێستا سادیقون بەشێکە لە هاوپەیمانی بەهێزەكان، کە لەسەر بنەماى متمانە بونیاد نراوە.
راشیگەیاند، ئێمە گەیشتوینەتە قۆناغێک کە پێویستی بە هەموارکردنەوەی دەستور هەیە، عەدنان فەیحان سەرۆكایەتی جوڵەی ئەم هەمواركردنە دەكات، كە دوای دەنگدانی لە پەرلەمان پێویستی بە راپرسی جەماوەری دەبێت، جەختیشكرد، ئەوان (شیعەكان) گەورەترین فراكسیۆنن لە پەرلەمان كە هەڵبژاردن دەبەنەوە، زۆرینەی رەهاش بەسە بۆ هەڵبژاردنی سەرۆکی کۆمار.
لەبارەی پۆستی وەزیری كۆچ و كۆچبەرانیش رایگەیاند، هێزە سیاسییەکان رێككەوتن لەسەر ئەوەی عەلی زەیدی كاندیدێك بۆ ئەو پۆستە دیاریبكات، جەختیشكرد، ئەو پۆستە شایستەی پێکهاتەی مەسیحییە، نەک حزبێكی دیاریكراو.
ئاماژەی بەوەشكرد، پەرلەمانتارەكانی پارتی دیموكراتی كوردستان لەکاتی دەنگدان بە كاندیدی وەزیری ئاوەدانكردنەوە بەشداری دانیشتنەکەیان کرد، بەڵام ناڕەزاییان دەربڕی بەرامبەر بەو کاندیدە کە زەیدی بۆ وەزارەتی کۆچ و كۆچبەران دیاری كردبوو.

موحسین رەزایی:
🔻 ئەمریکییەکان پێیان وابوو زانیاریمان نییە لەبارەی بنكەكەكانی لە هەولێر بەڵام بە توندی لێماندان
درەو:
موحسین رەزایی، ئەمنیداری گشتی ئەنجومەنی باڵای ئاسایشی ئێران دەڵێت، هەندێک ئامانجمان دەستنیشانکرد، بەڵام لێمان نەدا، ئەمریكییەكان پێیانوابوو لەبارەیانەوە نازانین، بۆیە، بۆ یەکەمجار بە وردی دوو سێ بنکەمان بە توندی كردە ئامانج کە ئەفسەرە ئەمریکییەکان تێیدا جێگیربوون.
رەزایی لە چاوپێكەوتنێكدا لەگەڵ تەلەفیزیۆنی وڵاتەكەی وتی، بەڕێکەوت یەکێک لەو بنکانە بەرگری ئاسمانی نەبوو- وەک تاوەری T-22 لە ئوردن- بۆیە ئێمە بە توندی لێماندا.
پاشان هەولێر؛ بنکە ئەمریکییەکان لە هەولێر، کە پێیان وابوو ئێمە شوێنەکەیان نازانین، لەوێش بە توندی لێماندان.
کەواتە، ئەو شەڕە دوو هەفتەییەی کە ترەمپ باسی دەکرد، بوو بە شەڕێکی یەک رۆژە.

بەرپرسێكی بزوتنەوەی سادقون:
🔻 لە كۆبوونەوەی ئیدارەی دەوڵەتدا جەخت لەوەكراوە پرۆسەی كۆكردنەوەی چەك سەرجەم گرووپە چەكدارەكان بگرێتەوە لەنێویشیاندا گرووپە کوردی و تورکمانیەكان
درەو:
مەهدی حسێنی، ئەندامی مەکتەبی سیاسیی بزوتنەوەی سادقون (عەسایبی ئەهلی حەق)، دەڵێت، هاوپەیمانی ئیدارەی دەوڵەت لە دواین كۆبوونەوەیدا تاوتوێی چەند دۆسیەیەکی گرنگی کردووە، لەوانەش كۆكردنەوەی چەک لە دەستی دەوڵەتدا.
حسێنی لە لێدوانێکدا بۆ كەناڵی "العهد" رایگەیاندووە، بەشداربووانی هاوپەیمانیی ئیدارەی دەوڵەت رێککەوتوون لەسەر پێویستیی كۆكردنەوەی چەک لە دەستی دەوڵەتدا بەجۆرێک کە ئەنجامی بەرجەستەی لەسەر زەمینی واقیعداهەبێت.
جەختیش لەسەر لەوەكراوەتەوە، دەبێت سەرجەم گرووپەكان لەنێویشیاندا گرووپە کوردی و تورکمانیەكان، پرۆسەی كۆكردنەوەی چەک لە دەستی دەوڵەت بیانگرێتەوە.
لە چوارچێوەی هەنگاوەكانی پڕكردنەوەی وەزارەتە بەتاڵەكانیش ئاماژەی بەوەكردووە، یەکلاکردنەوەی هەردوو وەزارەتی ناوخۆو بەرگری لە چوارچێوەی تەواوکردنی کابینەی وەزاری و رێککەوتنە سیاسییەکاندایە.

🔻 نرخی بەرمیلێك نەوتی خاو بە (97,34) دۆلار مامەڵەی پێوەدەكرێت

🔻نرخی یەك ئۆنسە زێڕ بە (4,408) دۆلار مامەڵەی پێوەدەكرێت

مەزڵوم عەبدی:
🔻پێموایە كاتی ئەوە هاتووە جلە سەربازییەكانم دانێم
🔻كاتێك كشاینەوە بۆ ناوچە ناوچە كوردییەكان بەهەموو لایەكمان وت، ئێرە خاكی خۆمانە شەڕ دەكەین؛ ئیتر شەڕ وەستا
🔻 هێزەکانی هەسەدە پەیكەری خۆیان لەژێر ناوی نوێدا دەپارێزن؛ وەک لیوای قامیشلۆو دێرک و کۆبانێ و کار دەکەین بۆ دروستکردنی لیوای عەفرین
درەو:
مەزڵوم عەبدی، فەرماندەی گشتی هێزەكانی سوریای دیموكرات
🔹رێککەوتنی 29ی کانوونی دووەم کوردانی لە روودانی کۆمەڵکوژی پاراست، بەهیوای ئەوەین ئەو مافانەی لە رێککەوتنەکەدا هاتوون لە دەستوری سوریادا جێگیر بکرێن.
🔹ئەو مەرسومەی مافی بە کورد بەخشیوە هێشتا بەس نییە، پێمان وایە پێویستییەکی جدی هەیە بۆ زامنکردنی ئەم مافانە لە ڕووی دەستورییەوە.
🔹رێککەوتنی 29ی کانوونی دووەم ئاماژەی بە ناوچە کوردییەکان و تایبەتمەندییان کردووە، بەهیوای ئەوەین ئەم مافانەی سەرۆک ئیمزای لەسەر کردوون لە دەستوردا جێگیر بکرێن.
🔹پێویستە زمانی کوردی بخوێندرێت، چونکە ئێمە ماوەی 15 ساڵە بە پرۆگرامێکی تایبەت دەیخوێنین، ئاگادارمان كردوونەتەوە لە پێویستی خوێندن بە هەردوو زمانی عەرەبی و کوردی پێکەوە، لیژنەی تایبەت هەن بەدواداچوون بۆ ئەم دۆسیەیە دەکەن.
🔹هەڵوەشاندنەوەی هەسەدە راناگەیەم، بەڵکو راگەیاندنی کۆتاییهاتنی پرۆسەی تێکەڵبوونی هێزەکانمانە لەگەڵ سوپای سوریادا.
🔹هێزەکانی هەسەدە پەیكەری خۆیان لەژێر ناوی نوێدا دەپارێزن، وەک لیوای قامیشلۆ، لیوای دێرک و لیوای کۆبانێ و کار دەکەین بۆ دروستکردنی لیوای عەفرین.
🔹من ئامادەم سەردانی تورکیا بکەم ئەگەر بارودۆخەکە گونجاو بێت و ئۆجەلان رۆڵی هەبووە لە گەیشتن بە رێککەوتن و رۆڵیشی دەمێنێتەوە.
🔹رۆژئاوا هاوکاری هەموو بەشەکانی کوردستان كردووە، لە هەموو بەشەکانی کوردستانیشەوە هاتن بۆ بەرگری لە رۆژئاوا و خوێنی شەهیدان لەبیر ناکەین.
🔹ئێستا چووینەتە قۆناغێکی نوێوە و بڕیارمان داوە ببینە بەشێک لە دەوڵەتی نوێی سوریا، سەرکردایەتی نوێی سوریاش رەزامەندی لەسەر ئەمە دەربڕیوە.
🔹پلانی ستراتیجیمان داناوە بۆ کۆتاییهێنانی بەتەواوی بە دۆسیەی تێکەڵبوون لە کۆتایی ئەم مانگەدا.
رلە گەڕەکی شێخ مەقسود تووشی شکست بووین و ئەمەش پێویستی بە رەخنە هەیە و بەرپرسیارێتییەکەی هەڵدەگرین.
🔹کاتێک جەنگەکە فراوان بوو بڕیارمان دا بکشێینەوە بۆ ناوچە کوردییەکان بۆ پاراستنیان.
🔹وتمان ئەمەنە ناوچەی ئێمەن و شەڕ دەکەین بۆ پاراستنیان و ئەمەمان بە هەمووان وت، دواتر جەنگەکە وەستا و ئێستا رێککەوتن هەیە لەگەڵ دەوڵەتدا.
🔹بەرگی سەربازیم پۆشی چونکە جەنگەکە لە ساڵی 2013 بەسەرماندا سەپێندرا، پێم وایە کاتی ئەوە هاتووە دایکەنم.