دووربین :: dorbeen.co

موحەمەد وەهیب؛ عەقیدی عێراقی لەگرتەیەکی ڤیدیۆییدا ئاماژەی بەوە کردووە، کە خۆی شایەتحاڵی ئامادەکارییەکانی سوریا بووە بۆ پاشەکشەکردن لەدیمەشق، ئەگەر هاتنی سوپای عێراق و ڕزگارکردنی دۆخەکە نەبووایە -پێش ئەوەی دواتر خیانەتیان لێبکرێ- شایەتحاڵییەکەی لەپەرتووکی (جەنگی ڕەمەزان)ی نووسەر مەعن عەداسیشدا هاتووە. هەروەها موحەمەد وەهیب و ئەفسەرە عێراقییەکانی دیکە باسیان لەو هەواڵانە کردووە، کە سەبارەت بەکوژرانی عومەر ئەبرەش و کەسایەتییە نیشتیمانپەروەرەکانی دیکەی سوریا پێیانگەیشتووە. هەروەها گێڕانەوەی کوژرانی عومەر ئەبرەش لەپەرتووکی {چۆن جۆلان لەدەستچوو؟ تاوانێکی لێخۆشنەبوو} و {تاوان و پاداشت}ی نووسەر جریس ئەلهامسدا هاتووەو سەعدوڵا جابرییش لەپەرتووکی {پێداچوونەوەیەکی گشتگیرو کورت بۆ ڕژێمی ئەسەد} باسیکردووە.

* چاوگەکان:
١- حرب رمضان/ معن عداسي.
٢- كيف ضاعت الجولان؟ جريمةٌ لا تغتفر/ جریس الهامس.
٣- الجريمة والمكافأة/ جریس الهامس.
٤- مراجعة شاملة ومختصرة للنظام الأسدي/ سعدالله جابري.

عومەر ئەبرەش؛ رزگارکاری بەرزاییەکانی جۆلان چۆن تیرۆرکرا؟!

ن: سامر زەغاری

پاڵەوان عومەر ئەبرەش جۆلانی ئازادکرد، بەڵام بەپیلانگێڕیی حافز ئەسەد ناوبراو تیرۆرکرا!
حافز ئەسەد کاتێک وەزیری بەرگریی سوریا بوو جۆلانی ڕادەستی ئیسرائیل کرد، لەبەرئەوەی عومەر ئەبرەش جۆلانی ئازادکرد، حافز ئەسەدیش ناوبراوی تیرۆرکرد!

• پێشەکی: لەساڵی (١٩٦٧ز)دا، حافز ئەسەد وەزیری بەرگریی سوریا بوو، کە لەسەردەمی وەزارەتەکەیدا سوریا جۆلانی لەدەستدا، کاتێک ئیسرائیل دەستی بەسەردا گرت. جۆلان بەستراتیژیترین خاڵ دادەنرێت کە دەڕوانێتە سەر: سوریا، لوبنان، ئوردن و فەڵەستین، وەک خاڵێکی چاودێری وایە بەهۆی بەرزییەکەیەوە، هەروەها خاکێکی بەپیتە، کە سوریا بۆ دابینکردنی ئاسایشی خۆراکی پشتیپێدەبەست. بەڵام لەبری سزادانی حافز ئەسەد -کە لەو کاتەدا وەزیری بەرگری بوو- لەسەر خیانەتە سەلمێنراوەکەی بەڕادەستکردنی جۆلان، یان لانی کەم سزادانی لەسەر ئەو شکستەی کە تێیدا سوریا یەکێک لەگرنگترین ناوچەکانی لەدەستدابوو، حافز ئەسەد پلەکەی بەرزکرایەوەو دواتر بوو بەسەرۆکی سوریا! ئەمەیش لەحاڵەتێکی سەیرو دەگمەندا بوو، کە پێشتر ڕووینەدابوو، فەرماندەی سوپایەکی دۆڕاو کە وڵاتەکەی بەشێکی لە سەردەمی فەرماندەیی ئەودا لەدەستداوە، پلەکەی بەرزبکرێتەوەو ببێتە سەرۆکی ئەو وڵاتە، لەبری دادگاییکردنی، یان لانی کەم دوورخستنەوەی!

• عومەر ئەبرەش بەرزاییەکانی جۆلانی ئازادکرد!

لەمێژووی (٦/١٠/١٩٧٣ز)دا، میسرو سوریا جەنگیان لەدژی ئیسرائیل ڕاگەیاند، ئەوە جێگەی سەرسوڕمان بوو، کە لەسەر سنووری سوریا لەگەڵ ئیسرائیلدا تەنها یەک تیپی سەربازی هەبوو بەفەرماندەیی عەمید عومەر ئەبرەش، کە سوپای ئیسرائیل دەیتوانی بەئاسانی لەناویببات، ئەمەیش ئاماژەیەکی ڕوونبوو بۆئەوەی کە حافز ئەسەد بەئەنقەست دەیویست سوپای سوریا تێبشکێت، هەروەک چۆن لەساڵی (١٩٦٧ز)دا تێشکێنرا. بەڵام ئەوەی چاوەڕێنەدەکرا، ئەوە بوو کە تیپی حەوتەمی پیادەی ئامێردار بەفەرماندەیی عەمید عومەر ئەبرەش توانی بەرگرییەکانی ئیسرائیل تێبشکێنێت و جەنگێکی سەختی لەگەڵ هێزەکانی ئیسرائیل لەناوچەی (تەلی مەخفی) لەکەرتی ناوەڕاستی جۆلان ئەنجامدا، کە بەیەکێک لەگەورەترین جەنگەکانی دەبابە لەسەدەی بیستەمدا دادەنرێ، لەدوای سەرکەوتنەکەیش، عومەر ئەبرەش توانی (چیای شێخ) و تەواوی جۆلان ئازادبکات و بگاتە (پردی کچانی پێغەمبەر یەعقوب) و پاشان بۆ دەریاچەی تەبەرییە.

• حافز ئەسەد لەبری پاداشتکردنی، عومەر ئەبرەشی تیرۆرکرد!

لەکاتێکدا عومەر ئەبرەش سەرکەوتنێکی گەورەی بەدەستهێنابوو، پەیوەندییەکی تەلەفۆنی لەحافز ئەسەدەوە پێگەیشت و داوایلێکرد: پاشەکشەبکات! عومەر ئەبرەش بەتووڕەییەوە وەڵامیدایەوە: "تۆ شۆفێری میگ ١٧یت، چیی لەسەرکردایەتیکردنی جەنگەکان تێدەگەیت؟!". دواتر عومەر ئەبرەش تووشی شۆکبوو بەپاشەکشەی بەشێک لەتیپەکەی، لەدوای ئەوەی حافز ئەسەد ئەوی پشتگوێخست و فەرمانی بەئەفسەرە پلە نزمترەکان کرد کە پاشەکشەبکەن. پاشان حافز ئەسەد ئەفسەر (ئیبراهیم سافی)ی نارد کە لەمێژووی (٨/١٠/١٩٧٣ز)دا عومەر ئەبرەشی تیرۆرکرد! سەرەتا وا ڕاگەیەنرا کە ناوبراو خۆیی کوشتووە! پاشان چیرۆکەکە گۆڕراو وا ڕاگەیەنرا کە لەلایەن سوپای ئیسرائیلەوە کوژراوە. ئەوانەی لەتیپەکەی عومەر ئەبرەشیش مابوونەوە، بەشێوەیەک پاشەکشەیانکرد کە جیهانی تووشی شۆک کرد! هەموو ئەوەی بەدەستهێنرابوو لەدەستیان دەرچوو دیمەشق ئامادەکرابوو بۆ ڕادەستکردن. بەپاشەکشەی سوپای سوریایش هێزە مەغریبییەکان بەجێهێڵران، کە لەناو جۆلاندا پێشڕەویبکەن بێئەوەی فەرمانی پاشەکشەکردنیان پێبگات یان پاڵپشتیی ئاسمانییان هەبێت. بەم شێوەیە حافز ئەسەد ئەوانی ڕەوانەی دۆزەخێک کردو بەتەواوی لەناوی دەبردن، ئەگەر گەیشتنی پشتیوانیی سوپای عێراق نەبووایە، بەڵام سەرەڕای ئەوەیش ژمارەیەکی زۆر لەمەغریبییەکان شەهیدبوون.

• بەڵگەکردنی کوژرانی عومەر ئەبرەش
هۆکاری کوژرانی عومەر ئەبرەش ئەوە بوو، کە ڕێکەوتنەکەی حافز ئەسەدی لەگەڵ ئیسرائیل هەڵوەشاندەوە، کە تێیدا بڕیاربوو دیمەشقیان ڕادەستبکات و پاشەکشە بۆ حومس بکەن و پایتەختی سوریا بگوێزرێتەوە بۆ حومس، یان لەگێڕانەوەیەکی تردا بۆ حەڵەب یان لازقیە، ڕێک وەک چۆن کە لەساڵی (١٩٦٧ز)دا کاتێک وەزیری بەرگری بوو، بەرزاییەکانی جۆلانی ڕادەستکردن، ئەمەیش بەمەبەستی دروستکردنی دەوڵەتێکی عەلەوی، لەتەنیشت لوبنانی مارۆنی و ئیسرائیلی جوولەکەدا. هەر لەبەر ئەم هۆکارە بوو کە حافز ئەسەد تەنها یەک تیپی دانا بۆئەوەی تێشکاندنی ئاسانبێت، بەڵام ئەم تیپە سەرکەوتنی بەدەستهێنا، بۆیە عومەر ئەبرەش بوو بەبەربەستێک کە دەبووایە لاببرێ.

بەدرێژایی مێژووی هاوچەرخ، ئەوانەی حیجابیان قەدەغەکردووە، سەرەنجام شکستیانهێناوە!


ڕەزا شا (1936 تا 1941) حیجابی قەدەغەکرد لەئێران و بۆی نەچووەسەر!

لەتورکیا (1925 تا نزیکی 2010) مستەفا کەمال قەدەغەیکردو بۆی نەچووەسەر!

یەکێتیی سۆڤیەت (1920 تا 1930) حیجابی قەدەغەیکردو بۆی نەچووەسەر!

فەڕەنسا لە (2004) قەدەغەیکردو بۆی نەچووەسەر!

تونس (1981 تا 2011) حیجاب و سەرپۆشی قەدەغەکردو بۆی نەچووەسەر!

بەلجیکا (2011) قەدەغەیکردو بۆی نەچووەسەر!

نەمسا (2017) هەوڵیداو بۆی نەچووەسەر!

دانیمارک (2018) ویستی قەدەغەیبکات و نەیتوانی!

سویسرا (2021) ویستی قەدەغەیبکات و بۆی نەچووەسەر!

تاجیکستان (1992) قەدەغەیکردو بۆی نەچووەسەر!

ئازەربایجان (2026) بۆی ناچێتەسەر!

سەیرە، زۆر سەیرە! ئەوانەی کە ڕۆژو شەو لەسەر شاشەکان و لەکۆڕو کۆبوونەوەکاندا قاڵوچکەدەبن و بەدەنگی بەرز باسی «مافی ژنان»، «ئازادیی تاکەکەسی» و «بزووتنەوەی فێمێنیزم» دەکەن، کەچی کاتێک نۆرەی سەربەستیی ئافرەتی باڵاپۆش دێت، ڕاستەوخۆ وسدەبن و چەپڵە بۆ ستەم دەکوتن و ژنانی موسوڵمان بەمرۆڤ نازانن!

کام ماف؟ کام ئازادی؟ ئایا ئازادی لای ئێوە تەنها ئەوەیە کە کچ و ژن ناچاربکەن بەدڵی سیستەم و ئارەزووی سیکۆلاری ئێوە جل لەبەربکەن؟!

ئەوەی پێیدەڵێن «ڕزگاری»، لەڕاستیدا دەستدرێژییەکی ئاشکرایە بۆ سەر ئیرادەو هۆشی ئافرەتێک، کە دەیەوێت بەئازادیی خۆی بژی، نەک بەزۆری شوڵک و یاسای توندوتیژ.

ئەوانەی پێیانوایە: بەزۆرلێکردنەوەی سەرپۆش لەسەر سەری دایک و خوشکە ئیمانییەکانمان شارستانییەت دروستدەبێت، با چاوەکانیان هەڵبڕن و ببینن کە ئەمە جگە لەچەوساندنەوەی فیکری و توندوتیژی هیچی تر نییە.

هەزار مخابن بۆ ئەو دووڕووییە کە «ئازادی»ی تەنیا لەو کاتەدا بەلاوە پەسەندە، کە لەگەڵ بەرژەوەندی و حەزی خۆیدا یەکبخواتەوە، بەڵام کاتێک ئافرەتێک بەئارەزووی خۆی باوەڕو پۆشاکی خۆی هەڵدەبژێرێت، دەبێتە ئامانجی پەلامارو سزادان.

ئەوانەی ئەمڕۆ لەبەرامبەر قەدەغەکردنی حیجابدا بێدەنگن، یان بەشانازییەوە پاساوی بۆ دەهێننەوە، هەمان ئەو کەسانەن، کە درۆی گەورەی مافی مرۆڤ بۆ خەڵک دەکەن و لە ژوورە داخراوەکاندا پێنووسی ستەم بۆ سەرکوتکردنی ئازادییە ڕاستەقینەکان بەکاردەهێنن.

کاتێک ماف دەبێتە کەرەستەیەکی ڕووکەش بۆ موزایەدە، ئافرەت تەنها دەبێتە قوربانیی یارییە قێزەونەکانی کەسانی وسکراو.
سەرەنجام هەر بۆ ئیسلام و موسوڵمانانە.

ن: مەودود جەبار

https://www.facebook.com/share/1EfF1SNPAi/

٥- پێماندەڵێت: ویستی سیاسیی ئەم دوو حزبە، لەژێر دەسەڵاتی خۆیاندا نییەو وەک کۆیلە بەدەستی وڵاتانی هەرێمییەوەن، هەروەها ئەمریکاو ئەوروپییەکانیش وەک داشی دامە دەیانجوڵێنن.
٦- ئەم رووداوە پێیوتین: کوردستان دەیان ساڵ گەڕێنرایەوە دواوە، دەیان ساڵ میللەتی کوردیان بەراورد بەمیللەتانی تر دواخست، ئەو نیمچە سەربەخۆییەیش کە هەبوو ئەمان لەدەستیاندا، لەدوای ئەوەی بەدەیان ھەزار کوردیان، لەجەنگەکانی نێوان خۆیان و لەدژی بەعسیشدا بەکوشتدا، کەچی ئەمڕۆ دەبینین لەپێناوی بەرژەوەندیی تایبەتیی خۆیاندا ھەموویان کردە پووش.
٧- ئەم رووداوە پێماندەڵێت: ژیان لەژێر سایەی ئەم دەسەڵاتەدا ھیچ ئەمانێکی نییە، چونکە گومانی ئەوە دەکرێ، لەبچووکترین گۆڕانکاریدا ئەم وڵاتە توشی جەنگێکی سەخت و وێرانکاری بکرێتەوە، بگرە لەوانەیە جارێکی تر بەنرخێکی زۆر ھەرزانتر بیفرۆشنەوە.
٨- ئەم رووداوە پێماندەڵێت: لەژێر سایەی حوکمی ئەم دەسەڵاتەدا، دەبێت ھەموو کاتێک خەڵکی کوردستان چاوەڕێی ئەوەبن، کە ئاوارەیی و برسێتی و سەرگەردانی روویانتێبکات.
٩- ئەم رووداوە پێیوتین: دەسەڵاتی کوردایەتییەوانان هیچ قییەمێکی: سیاسی، ئەخلاقی، نیشتیمانی، دینییان نییە. بەدڵنیاییەوە ئەوەی لای ئەوان ھیچ بایەخ و ئەرزشێکی نەبێت دینی میللەتەکەیە، ئەمانە وڵاتیان کردووە بەجێگەی تەراتێنی دەزگا جاسوسییەکانی دەوڵەتانی تر، لەم وڵاتەدا کە زۆرینەی دانیشتووانی موسوڵمانن، ھاتوون ئەو خەڵکەیان سەرکوتکردووە، نەدەھێڵن بەئازادی دینەکەیان پیادەبکەن، نەدەھێڵن بانگخواز و زانایان دینەکە وەک
خۆی بۆ خەڵکەکە روونبکەنەوە، ئەمە جگە لەوەی ئەو ھەموو راگەیاندن و رێکخراوانەیان -کە دژی دین و کەلتووری رەسەنی کوردن- خستۆتەگەڕ بەمەبەستی بێدینکردنی خەڵکەکە، لەھەموویشی سەیرتر بایەخپێدان و هێنانەوەی دینی زەردەشتییە بۆ کوردستان، لەکاتێکدا ئەو دینە لەوڵاتی خۆیدا کە ئێرانە، نە لێیدەپرسن و نە باسیشیدەکەن، بەهۆی ئەوەی کوردستان لەسایەی ئەم دەسەڵاتەدا زۆر بێخاوەنە، ئەوانیش -لەپێناوی پارەو پۆست و زیاتر مانەوەیاندا- ئامادەن دین و ژینی خەڵکەکە بۆ شتێکی زۆر کەم و بێنرخ ھەڕاجبکەن.
١٠- ئەم رووداوە زیاتر کوردی بەرەو نائومێدی بردو وای کرد لاوەکانمان بەلێشاو بەرەو وڵاتانی رۆژئاوا کۆچبکەن، چونکە ھەست بەوە دەکەن ئینتیمای دینی، پاشان نیشتیمانی لەلای دەسەڵاتدارەکانی ئەم وڵاتە، بەهیچ شێوەیەک نەماوە، ئیتر کە مەحرومبن لەھەموو شتێکی سەرەتایی ژیان، بێبەشبن لە: دامەزراندن، بوونی کار، بوونی شوێنێک، کە بتوانن ھاوسەرگیریی تێدابکەن و تێیدا بحەوێنەوە، ئایا ئەم لاوانە چ دڵێکیان بەم وڵاتە خۆش بێت، چۆن تێیدا دەمێننەوە، لەکاتێکدا ئەم دەسەڵاتە عەقڵی بەوە ناشکێت کە لاوان گەورەترین سەرمایەی میللەتانن، لەبەرئەوە وا بێخەم و بێباکن لەکۆچی گەنجان.
لەکۆتاییدا داواکارم لەھەموو کوردێکی خاوەن ویژدانی زیندوو، ئەم رووداوە بکەنە وانەیەک بۆ ئەوەی چیتر متمانە بەم دەسەڵاتدارانەی هەرێمی کوردستان نەکەن، پێویستە چیتر بەقسەی باقوبریقیان ھەڵنەخەڵەتێن، نەبنە کۆیلەو پشتیوانی کەسانێک، کە میللەت و خاکیان لەلا وەک پوشوپەڵاش وایە.

+ بەستەری بابەتەکە لەپێگەی ئەلیکترۆنیی دووربیندا:
https://www.dorbeen.co/detailnews.aspx?jimare=226&babet=4

لەئەرشیفی پێگەی دووربینەوە؛

(١٦)ی ئۆكتۆبه‌ر له‌دیدی كورده‌وه‌ چییەو رووداوەکەیش چیمان پێدەڵێت‌؟!

ن: شوان سلێمانی

ئەو روداوو کارەساتانەی لەژیانی ئادەمیزاددا روودەدەن، زۆر کات ئەوانەی لەناو واقیعەکەدان ھەموو لایەنەکانی بەتەواوی نابینن و ھەستیپێناکەن، یان خوێندنەوەیەکی بابەتییان بۆی نییە، کارەساتی (١٦/١٠/٢٠١٧ز)یش کە بەڕووداوی (١٦)ی ئۆکتۆبەر ناسراوە، کۆمەڵێک لێکەوتەی لەدوای خۆی بەجێھێشت، کاتێک باسیدەکرێ، بەپێی جوگرافیاو نزیک و دووریی لەڕووداوەکەوە جیاوازیی لەدیدی خەڵکەکەدا درووستکردووەو لەناو خودی تاکی کوردیشدا دونیایەک خوێندنەوەی جیاوازی بۆ دەکرێ.
ئەگەر چەند نموونەیەک لەناوچەکانی تری کوردستان و جیاواز لەجوگرافیای روداوەکە بهێنینەوە، ئەوا کۆمەڵێک بۆچوونی جیاواز لەناو خەڵکی کوردستاندا بەدیدەکەین:-
١- بەشێوەیەکی گشتی؛ ھەندێک لەخەڵکی هەموو ناوچەکانی کوردستان، ئیدانەی ئەم رووداوە دەکەن و پێیانوایە: ئەمە دوورە لەھەموو قییەم و ئەخلاقێکی سیاسیی تەندروست، بۆ ئەوانەی لەناوخۆی کورددا پێیھەڵسان، ھەروەها بۆ ئەوانەیش کە دەستدرێژییەکەیان ئەنجامدا. هەروەها بۆچوونیان وایە: ھەردوو لایەنی دەسەڵاتدار ھەڵساون بەئەنجامدانی خیانەتی زۆر گەورە دژی کوردو کوردستان، بەوەی یەکێتی کەرکوکی فرۆشت و پارتییش پێشتر ناوچەکانی تری کوردستانی بەشەنگالیشەوە فرۆشت.
٢- یەکێتییەکان پێیانوایە: (١٦)ی ئۆکتۆبەر دەرئەنجامی ریفراندۆمەو ئەوەیش ھۆکاربووە کە دوژمن ھێرشبکات، ھێزەکانیش نابەرانبەربوون، ئێمەیش –واتە: یەکێتییەکان- نەمانتوانی بەرھەڵستیی ھێرشەکە بکەین.
٣- بەشێک لەیەکێتییەکان پێیانوایە: بەپیلانێکی داڕێژراوی پێشوەخت، کۆمەڵێک لەسەرکردایەتی و باڵی دەستڕۆیشتووی یەکێتی، کەرکوک و ناوچەکانی تریان فرۆشتووە.
٤- پارتییەکان پێیانوایە: رووداوی (١٦)ی ئۆکتۆبەر خیانەتەو پەیوەندی بەڕیفراندۆمەوە نەبوو، بەڵکو ئەوە بەشێکی یەکێتی بوو، بۆ بەدەستهێنانی کۆمەڵێک ئیمتیازات، خاکی کوردستانی بەئێران فرۆشت. بۆ لەدەستدانی ناوچەکانی تری کوردستان بەشەنگالیشەوە، پارتییەکان دەڵێن: لەدوای بەجێھێشتنی بەرەکانی جەنگ لەلایەن چەکدارەکانی یەکێتییەوە، نەتوانرا رێگریی لەھێرشی هێزەکانی دوژمن بکرێ، بۆیە بەناچاری لەو ناوچانە کشاینەوە.
٥- کۆمەڵێک لەڕۆشنبیرانی بێلایەن و دڵسۆزانی کورد، پێیانوایە: روودانی کارەساتی (١٦)ی ئۆکتۆبەر، لەگەردنی ھەردوو حزبی پارتی و یەکێتیدایە، پێویستە ئەوانیش بەبێ جیاوازی بەرپرسیارێتییەکەی لەئەستۆبگرن.
٦- بەشێک لەھاووڵاتیانی ئەو ناوچانەی بوونە قوربانیی ئەم رووداوە دەڵێن: ژیانمان لەژێر سایەی ئەم ھێزانەی دوژمندا باشترە، لەوەی لەژێر سایەی دزو مافیاو جەردەکانی دەسەڵاتدارانی کورددا بژین.
ئەمانەی باسمانکردن؛ وتەو بیروبۆچوونی دانیشتووانی کوردستانە، سەبارەت بەکارەساتی (١٦)ی ئۆکتۆبەر بەیەکێتی و پارتییشەوە.
ئێستایش کاتی ئەوەیە بزانین، رووداوی (١٦)ی ئۆکتۆبەر چیمان پێدەڵێت:-
١- کوردستان وەک خاک، کوردیش وەک نەتەوە لەلای وڵاتانی دراوسێ و پاشان وڵاتە زلھێزەکان، تەنھا وەک داردەستێک بۆ مەبەستی سیاسی و بازرگانیی خۆیان بەکاردەھێنرێن، ئەمەیش دەگەڕێتەوە بۆ ھەستکردن بەکۆیلەیەتی و لاوازیی کەسایەتیی دەسەڵاتدارانی ئێستای کوردستان، نەک کەسایەتیی خودی کورد. چونکە ئەوە ئەم دەسەڵاتەیە نوێنەرایەتیی کورد دەکات و گوێ بەھیچ قییەمێک نادات، هەروەها ئامادەیە ھەموو شتێک تەنھا بۆ مانەوەی دەسەڵاتە کارتۆنییەکەی -کە وەک بووکەڵە وایە بەدەستی وڵاتانی ترەوە-
و دەستکەوتنی پارەو سامانی زیاتر، پێشکەشبکات
٢- ئەم رووداوە پێماندەڵێت: دەسەڵاتەکەی پارتی و یەکێتی ئەوەی لایان گرنگنەبێت ئەمنییەتی کوردستانە، ئەوەی گوێیپێنەدەن خاک و سنووری کوردستانە، چونکە ئەگەر ئەمانە لەلایان گرنگبووایە، ھەرگیز ئاوا بەم خەمساردییە دانەدەنیشتن، لەدوای لەدەستدانی (٥١%)ی خاکی کوردستان، ئەوەتا لەپێناوی بەدەستهێنانی پۆست و پلەکانی بەغداد، پەلاماری یەکتری دەدەن و خەریکە یەکتری بخۆن.
٣- پێماندەڵێت: پارتی و یەکێتی ھەرگیز ناتوانن لەپێناوی کوردستان و خەڵکەکەی، واز لەدزی و تاڵانکردنی پارەو سامانی کوردستان بھێنن، ھەمیشە بەرژەوەندیی تایبەتی خۆیان، پێش بەرژەوەندیی گشتیی خەڵک دەخەن، ئەوەتا بەبەرچاوی ھەموو جیھانەوە خەڵک و خاکی کوردستانیان کرد بەقوربانیی بەدەستهێنانی کورسی و پارەی زیاتر بۆ خۆیان.
٤- ئەم رووداوە بۆ جاری ھەزارەیەم بۆی سەلماندین: پەیوەندیی یەکێتی و پارتی لەوپەڕی ئاڵۆزی و ناتەباییدایە، ھەرگیز ئامادەنین لەپێناو میللەت و خەڵکە مافخوراوەکەدا، یەک تۆز لەو بەرژەوەندییە تایبەتییەی خۆیان بێنە خوارەوە.

زانکۆی زادی کتێبێکی مامۆستا کـ.ـرێکـ.ـار بەزمانی عەرەبی بڵاودەکاتەوە

ئا: چیا عەلی

کتێبی (کیف وجدتُ نفسي؟ الحلقة المفقودة بين بـ.ـن لادن وصدام حسين) مامۆستا کـ.ـرێکـ.ـار لەساڵی (۲۰۰٤ز)دا بەزمانی نەرویجی نوسیویەتی و دواتر کردوویەتی بەعەرەبی.

ناساندنی کتێبەکە:
مامۆستا لەپێشەکیی کتێبەکەدا نوسیویەتی: "تا ساڵی (۲۰۰۲ز) بەزیاتر لە بیست وڵاتی ڕۆژهەڵات و ڕۆژئاوادا دەگەڕام، بێئەوەی هیچکەس کێشەم بۆ دروستبکات.. لەو گەڕانانەمدا هاواری گەلێکی ستەمدیدەم دەگەیاند بەخەڵکی وڵاتانی تر، هاواری گەلێک کە لەکیمیاییبارانکردنی هەڵەبجەدا ئیبادەکرابوو، هاواری ئەو ئیسلامییانەی هەر لەلایەن وڵاتی خۆیان گەمارۆدرابوون، پێش ئەوەی لەلایەن وڵاتانی دەرەکییەوە گەمارۆبدرێن! بەڵام لەناکاو بینیم ناوم لەڕیزی ناوی ئـ.ـوسـ.ـامـ.ـە بن لادن و سەددام حوسێندا هاتووە!"
سەرەنجام مامۆستا ناچاربوو بۆ خۆی شتێک بنووسێت، کە عەقیدەو فیکری کۆمەڵکاریی خۆیی تێدا ڕوونبکاتەوە، تا خەڵکی هەموو بزانن مامۆستا کـ.ـرێکـ.ـار کێیەو وڵاتان بۆچی و لەبەرچی دژایەتییدەکەن؟!
ئەم کتێبە چەندین باسی گرنگی تێدایە لەوانە:
١-کورتەیەکی ژیانی خۆیی نوسیوە.
۲- پوختەیەک دەربارەی عەقیدەو فیکری کۆمەڵکاری.
۳- خستنەڕووی بەشێک -زۆر بەکورتی- دەربارەی قۆناغەکانی ژیاری ئیسلامی تا ڕووخاندنی خیلافەتی عوسمانی.
٤- پاشان باسکردنی سێ بزووتنەوەی چاکسازیی ئیسلامی (ئیخوانولموسلیمین، جەماعەتی ئیسلامی لەپاکستان، بزووتنەوەی ماشۆمی لەئەندەنوسیا) کە لەدوای ڕووخاندنی خیلافەت دامەزرێنراون.
٥- شۆڕشی ئێرانی، دەرکەوتنی بزووتنەوە جیهادییەکان، شۆڕشی ئیسلامی لەسوریا، جیهادی ئەفغانستان.
٦- چەند باسێکی گرنگ و تایبەت دەربارەی: بزووتنەوەی ئیسلامی لەباشووری کوردستان، ئەنسـ.ـارولـ.ـئیسـ.ـلام.
۷- چوونی مامۆستا بۆ نەرویج و ڕووبەڕووبوونەوەی چەندین ناڕەحەتیی تر.

تێبینی: خاڵی (٢)یان، بەشێکی زۆری هەر ئەوەیە کە لەکتێبی (جیهانبینیی ئیسلامی)دا هەیە.
خاڵی (٣، ٤)یش بەشێکی زۆری هەر ئەوەیە کە لەکتێبی (ڕمان و ڕامان)دا هەیە.

+ ئەمە بەستەری کتێبەکەیە لەپێگەی (زادی ڕێمان)دا:
https://zadyreman.com/bookdetail.aspx?jimare=1383

بسم الله الرحمن الرحیم

پێگەی دووربین - ڕاپرسی
پێگەیەکی ئەلیکترۆنیی سەر تۆڕە کۆمەڵایەتییەکانە بۆ پێناسە، شیکارو بۆچوونی کۆمەڵکارییانەی ڕۆشنبیرانی کورد، دەربارەی واقیعی کوردستان و ژیان و روووداوەکانی.
+ هەفتانە -ساڵانە ٥٢ جار- ڕاپرسی ئەنجامدەدەین و دواتر ئەنجامەکان دەکەینە کتێبێک و بەدیاری دەینێرین بۆ ئەو کەسانەی کە (٣٠) جارو زیاتر وەڵامی راپرسییەکانیان داوەتەوە.
+ هەوڵدەدەین زیاتر لە (١٠٠٠) کەسی ڕۆشنبیری نوخبە، بەشداریی ئەم ڕاپرسییانە بکەن -ڕاپرسییەکان بۆ ئەو کەسایەتییە بەڕێزانە دەنێرین و وەڵامەکانیان زیاتر جێی بایەخ دەبێت و بەهەندوەردەگیرێن-.
+ لەدوای هەفتەیەک لەناردنی ڕاپرسییەکە بۆ هەزار نوخبەکە، ئەنجامەکەی بۆ ڕای گشتییش بڵاودەکرێتەوە، تا خەڵکی تریش بەشداریی وەڵامەکان بکەن، ڕای ئەم جەماوەرەیش، ڕای زۆرینەی نوخبەکە بەهێزتردەکەن.
+ ئەم پێگەیە سەربەخۆیەو موڵکی هەموو ڕۆشنبیرێکی کوردە، هەر جۆرە ئینتیمایەکی: سیاسی، حزبی، ئایینی، عەشیرەتی و ناوچەیی هەبێت، گرنگ سوودوەرگرتنە لەڕاوبۆچوونیان.
+ ناونیشان و زانیاریی تایبەتیی کەس داواناکەین، بەڵام گرنگە ئەمانە بزانرێن: تەمەن، توخم، ئاستی خوێندن، لەکوردستان، یان لەدەرەوە دەژی.
+ د. رێبەر موحەمەد سەرپەرشتیدەکات.

+ لەئێستادا بەڕێزتان دەتوانن لەڕێگەی ئەم بەستەرەی خوارەوە، وەڵامی راپرسیی ژمارە (١) بدەنەوە، کە تەنها بۆ ماوەی هەفتەیەک بەردەستدەبێت، پاشان ئەنجامەکەی بڵاودەکرێتەوە.

https://docs.google.com/forms/d/e/1FAIpQLScNGIcpECy8u5vXkbktCnh2I-M0PnRzyCvErM76ID0OMavnfQ/viewform

چۆنێتیی داخستنی حوجرەکان و دەستگیرکردنی مامۆستایانی ئەهلی سوننەت لەلایەن ئیتڵاعاتەوە

ن: مامۆستا سەلاحەدین مەهدەوی

داخستنی حوجرەی زانستە شەرعییەکان و دەستگیرکردنی هەندێک لەمامۆستایانی ئەهلی سوننەت لەشاری مهاباد لەلایەن ئیدارەی ئیتڵاعاتەوە، ڕۆژی بیست و یەکەمی مانگی گەلاوێژ، حوجرەی زانستە شەرعییەکانی مهاباد کە لەژێر چاودێری و بەڕێوەبردنی جەنابی حاجی مامۆستا شەفیعی بورهانیدایە، بەتینوفشاری ئیدارەی موخابەرات داخراو ژمارەیەک لەمامۆستایانیش دەستگیرو زیندانیکران! وردەکاریی بابەتەکە بەم شێوەیەی خوارەوەیە:
شەوی بیست و یەکەمی مانگی گەلاوێژ، کاتژمێر دووی نیوەشەو، هێزەکانی ئیدارەی ئیتڵاعات بەجلوبەرگی مەدەنییەوە هێرشیانکردە سەر ماڵی مامۆستا فاروقی ئەحمەدی -یەکێک لەمامۆستایانی حوجرەی ناوبراو لەمهاباد-و لەماڵ هێنایانە دەرەوە، جا چونکە کلیلی مزگەوت و حوجرەکەی پێبوو، بەزۆرو هەڕەشە ناچاریانکردبوو کە دەرگای مزگەوتەکە بکاتەوە، پاشان هێزەکانی ئیتڵاعات هێرشیانبردووەتە ناو مزگەوتەکەو هەموو مۆبایل و لاپتۆپی فەقێکانی ئەو حوجرەیەیان زەوتکردووەو لەگەڵ خۆیاندا بردوویانن! پاشان مامۆستا فاروقیشیان دەستبەسەرکردووەو بۆ شوێنێکی نادیاریان گواستووەتەوە، هاوکات ژمارەیەکی تر لەو هێزانە هێرشیابردووتە سەر ماڵی هەریەکە لە: مامۆستا موحەممەدی حوسەینی -یەکێکی تر لەمامۆستایانی حوجرەکە- لەتیفی سەبری و مامۆستا ناسر؛ ئیمامی جەماعەتی یەکێک لەمزگەوتەکانی مهابادو ئەوانیشیان دەستگیرکردووەو بۆ شوێنێکی نادیاریان گواستوونەتەوە! بۆ ڕۆژی دواتر حاجی مامۆستا شەفیعی بورهانی بۆ ناوەندی هەواڵگریی ئیدارەی ئیتڵاعات بانگکراوەو پێیانوتووە: پێویستە حوجرەکەت دابخەیت! بۆیە مامۆستایش ناچاربووە حوجرەکەی دابخات و هەموو فەقێکان بۆ ماڵەوە بنێرێتەوە. ئەمە لەکاتێکدایە کە زیاتر لەمانگێکە ئیدارەی ئیتڵاعات ڕێی لەبەڕێوەچوونی ڕێوڕەسمی ئیجازەدان بەکۆمەڵێک مامۆستای ئایینی لەشاری سەرپێڵی زەهاو گرتووە!.
من لێرەدا هیچ شتێکم بۆ وتن نییە، جگە لەم ڕستە پیرۆزە: {إنا لله وإنا إليه راجعون}. پاشان کەمێک لەم دوو ڕووداوەو ڕووداوەکانی هاوشێوە وردببنەوەو سەرنجیانبدەن: بۆتان ڕووندەبێتەوە کە ستەملێکراوی، چەوساوەیی و ژێردەستەیی ئەهلی سوننەت گەیشتۆتە چ ئاستێک! ڕووداوی ئاوا گرنگ و ناخۆش ڕوودەدات و ئەهلی سوننەت ئاوا دەکەوێتە ژێر ستەمەوە، کەچی تەنانەت هەواڵێکیشی لێ بڵاونابێتەوە! جا کە هەر هەواڵەکەیشی بڵاونەبێتەوەو باسێکی لێنەکرێ، ئەوە ئاشکرایە کە هیچ هەنگاوێکیش بۆ لابردنی ستەمی وا بەرزناکرێتەوە. سەرنجبدەن و بیرکەنەوە کە ستەم، هەڕەشە، تەنگانەو چەوساوەیی گەیشتۆتە چ ئاستێک؛ ئەمەیش تەنها نموونەیەکە لەڕووداووی زۆر گەورەترو ناخۆشتر، بیر لەوەیش بکەنەوە کە تەنانەت لەم سەردەمی جەنگەیشدا حکومەتی ئێران، ئەهلی سوننەت لەلوتف و چاکەکاریی خۆی بێبەشناکات! جا لێرەدا دووڕوویی دەزگا راگەیاندنە بەناو لایەنگرەکانی ئازادیی خەڵکی ئێرانیش زۆرتر ئاشکرادەبێت، چونکە ئەوانە هەواڵی سەماکردنی کچێکی ئێرانی بڵاودەکەنەوەو بۆ نموونە دەنووسن: فڵانە کچ بۆ لایەنگری لەڕاپەڕینی: ژن، ژیان، ئازادی سەمایکرد! بەڵام هەرگیز نابینین کە باسێک لەم چەوساوەیی ئەهلی سوننەتە بکەن، بەهیوای دەرس و پەندوەرگرتن! جا ئەی ئەهلی سوننەت بێن با ئەم ئامۆژگارییە بکەینە ئاڵقەی گوێمان: {إن الله لايغير ما بقوم حتى يغيروا ما بأنفسهم}.

چەپی کوردی بەچی سەغڵەتە؟

ن: ئارام موحەمەد تۆفیق

چەپی کوردی بەم هەموو ئافرەتانە سەغڵەتنابێت، کە لەگوندی لوبنانی کراونەتە کۆیلەو بەناوی وەبەرهێنانەوە لەهەموو مافێکی ژنانە بێبەشن، سەغڵەتنابێت کە دەبینێت سەدان ژن بەناوی پیشەسازیی پۆرنۆگرافییەوە کراونەتە کۆیلەی سێکسی و فیلمی ڕووتیان پێدەردەهێندرێ و بەشێکیان دواتر توشی نەخۆشیی دەروونی و جەستەیی دەبن، بەوە سەغڵەت نییە کە دەبینێت ژنان بەناوی کارەوە هێنراونەتە دەرەوەی ماڵ و لەمەساجخانەو کافتریاو باڕەکاندا بەلەشی نیوەڕووتیانەوە دەبێت مشتەری زیادبکەن بۆ سەرمایەدارێکی بێئەخلاق، بەو هەموو ژنە بێسەرپەرشتانە سەغڵەتنابێت کە لەبەر نەبوونی تورەگەی سواڵیان بەکۆڵێدا داوە، بەو هەموو کچ و ژنە قوڕبەسەرانە سەغڵەتنابێت، کە بەهۆی داوی تلیاک و هیرۆیینەوە وەک لاکە تۆپیو لەشەقام و جادەکانی ئەمریکادا دەکەون و مێشومەگەزیان تێئاڵاوە!
ئەی بەچی سەغڵەتن؟
چەپی کوردی وەک ڕێویی گەڕ سەغڵەتدەبێت کە ببینێت ئافرەتێک لەژێر باڵی هاوسەریدا دەژی، یان لەسایەی باوک و برایدا دەژی، هەرگا ئەمەی بینی، دەکەوێتە پەلەکوتە: ئەهااا ژن مافیان زەوتکراوە، ئەها لەچوار دیواری ماڵدا سجنن! لەجێی ئەوەی بڵێن: لەچواردیواری ماڵدا دایکن، پورن، کابانن..
چەپی کوردی گورگ ئاسا داوای ئازادیی مریشک دەکات، تا هەرکاتێک حەزی کرد بیانخوات، لای چەپی کوردی چواردیواری مەساجخانەو زیناخانەو کافتریاکان نابنە سجنی ئافرەت، بەس چوار دیواری ماڵێک کە سایەی ژنەو خاوەنی مێردو منداڵی خۆیەتی، سجنە..
ئای لەسەرەوبنی عەقڵی چەپ و ناپاکی و دڵڕەشیی چەپی کورد.