Tahlil360 | Global Leaders

✨ Vohidov Akbarjon "GLOBAL LEADERS" klubining yetakchisi etib tayinlandi.

⚡️ U akademiyaning "xalqaro munosabatlar" yo'nalishi birinchi bosqich talabasi bo'lib, hozirga qadar ushbu klubning yetakchi o'rinbosari sifatida faoliyat yuritib kelgan.

https://t.me/global_leaders_hub

✨ Xoliqulov Jamshid klubdagi o'z faoliyatini yakunlagani munosabati bilan Turg'unboyev Abdukamol IIAU klub yetakchisi etib tayinlandi. 🌐 Abdukamol Turg'unboyev "xalqaro munosabatlar" yo'nalishi 1-bosqich talabasi bo'lib, hozirga qadar universitetlararo keng…

🌍 MARKAZIY OSIYODA MINTAQAVIY XAVFSIZLIK VA YOSHLAR DIPLOMATIYASI

Normuhammadov Oyatilloh
"O’zbekiston Xalqaro Islomshunoslik akademiyasi  talabasi"

Ushbu tahlil BMT Nizomi, Yevropada Xavfsizlik va Hamkorlik Tashkiloti (YXHT), Shanxay Hamkorlik Tashkiloti (ShHT), Kollektiv Xavfsizlik Shartnomasi Tashkiloti (KXShT) hamda BMTning “Youth 2030” strategiyasiga asoslanadi. Maqsad — mintaqaviy hamkorlikning zamonaviy mexanizmlari orqali Markaziy Osiyoda barqaror taraqqiyotga erishish yo‘llarini ilmiy asosda tahlil qilishdir.

🔹 MINTAQAVIY XAVFSIZLIK VA HAMKORLIK

Markaziy Osiyoda mintaqaviy xavfsizlikni ta’minlash bugungi kunda davlatlar uchun ustuvor yo‘nalishlardan biriga aylangan. Mintaqa davlatlari terrorizm, ekstremizm, transchegaraviy jinoyatchilik va iqtisodiy xavflarga qarshi birgalikda yechim topishga intilmoqda. Siyosiy fanlar doktori S. A. Mirziyoyev o‘z tadqiqotlarida O‘zbekistonning mintaqaviy xavfsizlikdagi o‘rnini tahlil qilib, diplomatik faoliyatning hal qiluvchi ahamiyatga ega ekanini ta’kidlaydi. Uning fikricha, Afg‘oniston bilan chegara xavfsizligini ta’minlash, terrorizm va ekstremizmga qarshi kurash hamda iqtisodiy hamkorlikni rivojlantirish mintaqaviy barqarorlikni mustahkamlaydi.
Bu yondashuvlar O‘zbekistonning ochiq va pragmatik tashqi siyosat yuritayotganini, hamda har qanday davlat bilan manfaatli kelishuvga erisha olishini ko‘rsatadi.

🔹 MINTAQAVIY INSTITUTLAR VA YANGI BOSQICH

2025-yil 16-noyabrda Toshkentda bo‘lib o‘tgan Markaziy Osiyo davlat rahbarlarining VII Maslahat uchrashuvida “Markaziy Osiyoda mintaqaviy xavfsizlik va barqarorlik konsepsiyasi” qabul qilindi. Ushbu hujjat:
xavfsizlikka oid asosiy tahdidlar katalogini
2026–2028-yillarga mo‘ljallangan amaliy chora-tadbirlar rejasini
o‘z ichiga oladi. Shuningdek, BMTning UNRCCA markazi va YXHTning chegara boshqaruvi bo‘yicha tashabbuslari mintaqaviy hamkorlikni yanada kuchaytirmoqda.

🔹 GEOSIYOSIY VAZIYAT

Bugungi kunda Markaziy Osiyo Xitoy, AQSH, Hindiston, Eron, Turkiya va arab davlatlari manfaatlari kesishgan strategik hududga aylangan. Bu esa: Iqtisodiy hamkorlik imkoniyatlarini kengaytiradi
lekin shu bilan birga geosiyosiy raqobatni ham kuchaytiradi. Mintaqaviy xavfsizlik tizimi esa turli kuch markazlari o‘rtasidagi raqobat sababli murakkab shakllanmoqda.
Shuningdek, davlatlar o‘rtasida: iqtisodiy bog‘liqlikning sustligi
eksport tarkibining o‘xshashligi xavfsizlik tahdidlariga turlicha yondashuv umumiy strategiya ishlab chiqishni qiyinlashtirmoqda.

🔹 INTEGRATSIYA MUAMMOLARI

Mintaqaviy integratsiyani murakkablashtiruvchi omillar:
yetakchilik uchun raqobat
siyosiy ambitsiyalar hal etilmagan chegara nizolari
davlat chegaralarini huquqiy rasmiylashtirish muammolari
bularning barchasi mintaqaviy birlashuv jarayoniga to‘sqinlik qilmoqda.

🔹 YOSHLAR DIPLOMATIYASI

Yoshlar diplomatiyasi — xalqaro munosabatlarning muhim yo‘nalishi bo‘lib, yoshlar o‘rtasida muloqot, hamkorlik va o‘zaro ishonchni mustahkamlashga xizmat qiladi. Uning asosiy shakllari:

Xalqaro forumlar
Ta’lim almashinuv dasturlari
Madaniy loyihalar

qo‘shma tashabbuslar
Bu jarayon yoshlar o‘rtasida do‘stlikni kuchaytiradi va kelajak diplomatik munosabatlar uchun mustahkam poydevor yaratadi. Markaziy Osiyoda yoshlar diplomatiyasi ayniqsa muhim, chunki yosh avlod: mintaqaning kelajak rivojini belgilaydi.Ekstremizm va radikalizmning oldini olishda muhim rol o‘ynaydi xalqaro hamkorlikni mustahkamlaydi

✈️ 📷 https://www.instagram.com/global_leaders_hub?igsh=MXB5b3A1NWxheWk4dQ== 🖤 https://youtube.com/@global_leaders_club?si=x5kV1wnEnaMjT9fl

🗣 Turkiyaning Baykar kompaniyasi yangi K2 nomli kamikadze dronini taqdim etdi.

K2 boshqa dronlardan farqli o'laroq, sun'iy intellekt yordamida ishlovchi uzoq masofali droni hisoblanadi.

U 2000 km dan ortiq masofaga ucha oladi va 200 kg gacha jangovar yuk olib yurish imkoniga ega. Dron 13 soatdan ortiq havoda qolishi hamda 200 km/soatdan yuqori tezlikda uchishi mumkin.

K2 sun'iy intellekt asosidagi guruh rejimida bir nechta dron bilan birgalikda koordinatsiyalangan hujumlarni amalga oshira oladi.
——————————————
👉 https://t.me/technical_leaders
#texnologiya #dron #baykar #suniyintellekt

❗️❗️❗️

🌟"GLOBAL LEADERS" 🤝 🇺🇿"Yosh Analitiklar"

✈️ 📷 https://www.instagram.com/global_leaders_hub?igsh=MXB5b3A1NWxheWk4dQ== 🖤 https://youtube.com/@global_leaders_club?si=x5kV1wnEnaMjT9fl

🤝 Talabalar tashabbusini birlashtirish va xalqaro maydonda yangi liderlarni kashf etish maqsadida O‘zbekiston xalqaro islomshunoslik akademiyasining "Global Leaders" klubi hamda Toshkent xalqaro universiteting "Yosh Analitiklar" klubi o‘rtasida hamkorlik memorandumi imzolandi.

🌐 Ushbu Memorandum doirasida ikki jamoa o'rtasida ilmiy-amaliy aloqalarini yo'lga qo'yish, yoshlar orasida liderlik va tahliliy fikrlash ko‘nikmalarini rivojlantirish hamda faol talabalar o‘rtasida samarali networking muhitini shakllantirishga qaratilgan tashabbuslar belgilab olindi.

✅ Quyidagi yo'nalishlarda hamkorlikni yo'lga qo'yishga kelishib olindi:

🔴 qo‘shma seminarlar, treninglar va davra suhbatlarini tashkil etish;
🔴 ilmiy-amaliy konferensiyalarni birgalikda o'tkazish;
🔴 intellektual o'yinlar va tanlovlar tashkil etish;
🔴 kitobxonlik kechalari va tanlovlarini o'tkazish;
🔴 tajriba almashish hamda ekspertlarni jalb etish;
🔴 talabalar uchun yangi loyihalar va tashabbuslarni ishlab chiqish.

✈️ 📷 https://www.instagram.com/global_leaders_hub?igsh=MXB5b3A1NWxheWk4dQ==
🖤 https://youtube.com/@global_leaders_club?si=x5kV1wnEnaMjT9fl

📱Ijtimoiy tarmoqlarning salbiy oqibatlari

©️ Norbo'tayev Islombek, xalqaro munosabatlar yo'nalishi 2-bosqich talabasi

🚫Taqiqlar chetlab o'tilmoqda

🔵 Biroq, muammolardan biri shundaki, taqiqlarni amalga oshirish jarayoni qiyin kechmoqda. Hukumat ma’lumotiga ko‘ra, taqiq joriy etilgach bir necha kun ichida 4,7 million akkaunt o‘chirildi. Ammo 8–15 yoshli bolalar soni atigi 2,5 million ekanini hisobga olsak, bu juda katta ko‘rsatkich. Avvalgi hisob-kitoblarga ko‘ra, bu yoshdagi o‘smirlarning qariyb 95 foizi kamida bitta platformadan foydalanadi, ko‘pchiligi esa bir nechta akkauntga ega.

➡️ Shuningdek, o‘chirilgan profillarning bir qismi faol bo‘lmagan. "Men bilgan hamma, ehtimol, taqiqni chetlab o‘tish yo‘lini topdi va bu hech narsani o‘zgartirmadi", — deydi Melburndagi 14 yoshli o‘spirin. Avtraliyalik o‘smirlar taqiqni chetlab o‘tishda tug‘ilgan kun sanalarini kattaroq qilib kirgazishdan tortib, yuzini burishtirib o‘zini qariroq ko‘rsatishgacha bo‘lgan ayyarona yo‘llarni o'ylab topishgan.

➡️ Qonun kuchga kirishidan 6 kun oldin Facebook 550.000 ga yaqin foydalanuvchini blokladi. Meta kompaniyasi yoshini noto‘g‘ri ko‘rsatgan foydalanuvchilarni aniqlash uchun sun’iy intellektdan foydalanishni boshladi.

➡️ Biroq, ushbu usul joriy qilingan Britaniyada 10–12 yoshli bolalarning sezilarli qismi hali ham qoidalarni buzib Instagramdan foydalanayotgani bu tizim yetarlicha samara bermasligini ko‘rsatdi. Yuzni skanerlashda ham sun’iy intellekt amaliyoti qo‘llanilmoqda.

➡️ Ammo Avstraliyadagi o‘smirlar tizimni chetlab o‘tish yo‘llarini topishgan – kamerani kattaroq do‘stiga qaratishdan tortib, yuzi ajin ko‘rinishi uchun tirishtirishgacha. Bu holatdan toliqqan texnologiya vakillari esa foydalanuvchilarda qoidalarga amal qilish istagi pastligini ta’kidladi.

➡️ Bundan tashqari, o‘smirlar taqiqlarni virtual xususiy tarmoqlar (VPN) yordamida chetlab o‘tishga urinmoqda. Bu tarmoq foydalanuvchining haqiqiy joyini soxtalashtirishga yordam beradi.

💻 💻 https://www.instagram.com/global_leaders_hub?igsh=MXB5b3A1NWxheWk4dQ== 💻 https://youtube.com/@global_leaders_club?si=x5kV1wnEnaMjT9fl

Ijtimoiy tarmoqlarning salbiy oqibatlari

©️ Norbo'tayev Islombek, xalqaro munosabatlar yo'nalishi 2-bosqich talabasi

🌍 Bu borada davlatlarning ma'suliyati qanday ?

➡️ Ilgargi davlatlarning asosiy ichki funksiyalari o‘zining an’anaviy mohiyatini asta-sekin yo‘qotmoqda. U qo‘shimcha ravishda, umumiy jihatdan, axborot xavfsizligi sohasiga kiruvchi ijtimoiy-tarmoqlarni tartibga solish, fuqarolar axborot ma’lumotlarining maxfiyligini saqlash, kiber jinoyatlarni oldini olish kabi yangi funksiyalar bilan to‘ldirilmoqda yoki yangilanmoqda.

🔴 Davlat nisbatan yangi bo‘lgan regulatyorlik vazifasi – ijtimoiy tarmoqlarni tartibga solishda asosiy subyekt hisoblanadi. Bunda davlat fuqarolarning matbuot, so‘z erkinligini cheklash nutqayi nazaridan emas, balki ularning ruhiy va aqliy salomatligini turli axborot xurujlaridan saqlash, jamiyatga sog‘lom avlodni integratsiya qilish nuqtayi nazaridan yondoshmoqda.

🔴 Bu yo‘lda hozirda Avstraliya hukumati yetakchi bo‘lib, undagi ilk tajribadan xulosa chiqazayotgan va ayrim tuzatish va qo‘shimchalar bilan o‘z qonunchilik amaliyotida sinab ko‘rmoqchi bo‘lgan Ispaniya, Fransiya, Germaniya kabi rivojlangan davlatlarni ham ko‘rishimiz mumkin.

➡️ Avstraliya boshlab bergan "bolalarni ijtimoiy tarmoqlardan cheklash siyosati".

🔴 2025- yil 10- dekabrda Avstraliya hukumati 16 yoshdan kichik, voyaga yetmagan shaxslarga TikTok, Instagram, Facebook, X, Threads, Snapchat kabi o‘nlab asosiy ijtimoiy tarmoqlardan foydalanishni qonun bilan taqiqladi. Avstraliya hukumati ushbu taqiqni xavotirli so‘rovnoma ma’lumotlari bilan asoslagan.

🔴 2025- yil o‘tkazilgan tadqiqot natijalariga ko‘ra, 10 va 15 yosh o‘rtasidagi bolalarning 96 foizi ijtimoiy tarmoqlardan foydalangan. Ularning 70 foizi zararli kontentlarga duch kelgan. Har yetti nafardan biri kattalar tomonidan onlayn shilqimlik xatti-harakatlariga duch kelgan. Yarmidan ko‘pi kiber bezorilik qurboni bo‘lgan.

🔴 Aslida ushbu qonun 2024- yilda qabul qilingan ( “Onlayn xavfsizlikka o‘zgartirish kiritish, ijtimoiy tarmoqlarda minimal yosh to‘g‘risida”gi 2024-yilgi qonun) ammo kuchga kirishi 2025- yil 10- dekabrga to‘g‘ri kelgan. Hozirda "taqiqlar ro‘yxati"ga Facebook, Instagram, Snapchat, Threads, X, You tube, Reddit, Kick hamda Twitch striming platformalari kiritilgan.

➡️ Hukumat saytlarni quyidagi uchta mezon asosida baholagan:

🔴 Platformaning asosiy maqsadi ikki yoki undan ortiq foydalanuvchilar o‘rtasida onlayn muloqotni ta’minlashmi?

🔴 U foydalanuchilarga boshqalar bilan muloqot qilishga imkon beradimi?

🔴 U foydalanuchilarga materiallar joylashtirish imkonini beradimi?
iMessage, You tube Kids, WhatsApp va Google Classroom ushbu mezonlarga javob bermagani uchun taqiqqa kiritilmadi.

🔴 Qonunning amalda joriy etilishini ta'minlaydigan mexanizmlarning samarali ishlashi uchun hukumat asosiy javobgarlikni bolalar yoki ularning ota-onalariga emas, balki ijtimoiy tarmoq kompaniyalariga yukladi.

🔴 Agar kompaniyalar belgilangan talablarni bajarmasa 49,5 million Avstraliya dollarigacha (taxminan 32 million AQSh dollari) midqorida katta moliyaviy jarimaga tortilishi mumkin. Hukumat, shuningdek, platformalarga foydalanuvchilarning yoshini aniqlash uchun bir nechta zamonaviy texnologik usullardan ishlatishni majburiy qilib qo'ydi.

➡️ Bularga quyidagilar kiradi:

🔴 rasmiy davlat tomonidan berilgan shaxsni tasdiqlovchi hujjatlar (ID) orqali tekshirish;

🔴 biometrik usullar, ya’ni yuz tasviri yoki ovozini aniqlash texnologiyalari;

🔴 foydalanuvchining qaysi kontentga ergashishi yoki uning internetdagi

🔴 xatti-harakatlarini tahlil qilish asosida uning taxminiy yoshini aniqlash va h.k.lar.

✈️ 📷 https://www.instagram.com/global_leaders_hub?igsh=MXB5b3A1NWxheWk4dQ== 🖤 https://youtube.com/@global_leaders_club?si=x5kV1wnEnaMjT9fl

#befarqboʻlmang

10-ishtirokchi

Siz har kuni soatlab vaqt sarflayotgan ijtimoiy tarmoqlar aslida sizning kelajagingizni sekin va jimjit yemiryapti. Eng achinarlisi — siz bunga ko‘nikib ulgurdingiz. Befarq bo‘lmang, akademik.

©Norbo'tayev Islombek

https://t.me/iiau_club

2-qism

➡️Siz bilan istalgan tilda jonli muloqot qiladi, xatolaringizni tuzatadi va darajangizga mos mashqlar beradi. Har qanday qiyin tushunchani (masalan, kvant fizikasi yoki matematik formulani) sodda tilda tushuntirib beradi. Smart soatlar va sog‘liqni kuzatish ilovalari SI yordamida yurak urishi, uyqu sifati va jismoniy faollikdagi kichik o‘zgarishlarni sezib,kasallik boshlanishidan oldin ogohlantiradi.

🔴Taomingiz suratini ko‘rib, uning kaloriyasini va tarkibidagi foydali moddalarni hisoblab beradi.Yoki “Kechki ovqatga nima pishirsam
bo‘ladi?” degan savolga muzlatkichingizdagi bor mahsulotlardan kelib chiqib retsept taqdim etadi.

🔴Inson bir necha kun davomida bajaradigan ma’lumotlarni qayta ishlash vazifasini u bir necha soniyada bajara oladi. Charchamaydi va 24/7 rejimida ishlaydi. Inson omili sababli yuzaga keladigan xatolar(charchoq, diqqatning tarqoqligi) unda kuzatilmaydi. Agar algoritm to‘g‘ri sozlangan bo‘lsa,u hisob-kitob va tahlillarda juda yuqori aniqlikni ta’minlaydi.

🔴Inson hayoti uchun xavfli bo‘lgan muhitlarda ishlay oladi: okean tubini tadqiq qilish; kosmik missiyalarni bajarish; radiatsiya yuqori bo‘lgan hududlarda ishlash yoki minalarni zararsizlantirish shular jumlasidan. Bizdan farqli o‘laroq, sun’iy intellekt hissiyotga berilmaydi, faqatgina mavjud raqam va faktlarga tayanib, eng maqbul yechimni taklif qiladi.
Tibbiyotda kasalliklarni (masalan, saraton) ilk bosqichda rentgen tasvirlari orqali aniqlaydi.

🔴Ta’limda har bir o‘quvchining o‘zlashtirish darajasiga mos individual dastur yaratadi.Transport yo‘nalishida haydovchisiz avtomobillar orqali yo‘l-transport hodisalarini kamaytiradi. Biznesda mijozlarga xizmat ko‘rsatuvchi chat-botlar va bozor trendlarini prognoz qiladi.

🔴Biznesda beminnat ko‘makchi
O‘zbekiston Liberal-demokratik partiyasining asosiy elektorati tadbirkorlar va ishbilarmonlar, fermerlar, umuman, biznes egalari bo‘lgani bois sun’iy intellektning ular uchun foydali jihatlari haqida keng­roq to‘xtalish ayni muddao. Aytish joizki, sun’iy intellekt endilikda biznes uchun shunchaki trend emas, balki asosiy strategik infratuzilmaga aylandi, desak mubolag‘a bo‘lmaydi. U kompaniyalarga xarajatlarni kamaytirish, daromadni oshirish va mijozlar bilan ishlash sifatini yangi bosqichga olib chiqish imkonini beradi.

🔴Jumladan, mijozlarga xizmat ko‘rsatish (24/7 qo‘llab-quvvatlash). Zamonaviy chat-botlar va ovozli yordamchilar mijozlarning savollariga inson kabi javob bera oladi. Mijozlar kutib qolmaydi, kompaniya esa operatorlar uchun ketadigan xarajatlarni tejaydi. “Mening buyurtmam qaerda?” degan savollarga u soniyalar ichida javob beradi.

🔴Bashoratli tahlil (Predictive Analytics). SI katta hajmdagi ma’lumotlarni tahlil etib, kelajakdagi tendensiyalarni prognoz qiladi. Qaysi mahsulotga talab ortishi yoki qachon uskunalar buzilishi mumkinligini oldindan biladi. Natijada ortiqcha zaxira saqlash xarajatlari kamayadi.

🔴Shaxsiylashtirilgan marketing. SI har bir mijozning xatti-harakatini o‘rganadi va unga aynan kerakli mahsulotni taklif qiladi. Ommaviy reklama o‘rniga “har bir mijoz uchun alohida yondashuv” tizimi ishlaydi. Qarabsizki, sotuvlar hajmi va mijozlarning sodiqligi ortadi.

🔴Operatsion jarayonlarni avtomatlashtirish. SI murakkab hujjatlarni tahlil qilish, hisob-fakturalarni tekshirish va buxgalteriya ishlarini avtomatik bajarishi mumkin. Masalan, Agentic AI tizimlari nafaqat tahlil etadi, balki mustaqil ravishda qaror qabul qilib, vazifalarni bajaradi (masalan, ta’minotchiga avtomatik buyurtma beradi).

🔴Endilikda umumiy SI modellari (masalan, ChatGPT) o‘rnini aniq bir soha uchun (masalan, faqat tibbiyot, faqat qurilish yoki moliya uchun) maxsus o‘qitilgan modellar egallamoqda. Kichik biznes egalari shuni esda tutishlari kerakki, ular sohada uni joriy etishni katta tizimlardan emas, balki oddiy chat-botlar yoki ma’lumotlarni tahlil qiluvchi tayyor SI-asboblardan boshlashlari maqsadga muvofiq.

🔴SIning sirli zararlari yo‘qmi?
Sun’iy intellekt katta imkoniyatlar eshigini ochsa-da, uning rivojlanishi ma’lum xavf va zararli jihatlardan xoli emas.

😎 😎 https://www.instagram.com/global_leaders_hub?igsh=MXB5b3A1NWxheWk4dQ==
🟥 https://youtube.com/@global_leaders_club?si=x5kV1wnEnaMjT9fl

🧠Sun’iy intellekt bilan ishlash uchun ham aql kerak

©️Nurxon ELMIRZAEVA,
“XXI asr” muxbiri

⚙️Bugungi raqamli texnologiyalar davrida sun’iy intellektning hayotimizga dadil kirib kelayotgani taraqqiyot bosqichida inson omilini yengillashtirayotgani haqiqat. Shu bilan birga, ayrim xavotirlarga ham sabab bo‘layotgani sir emas.
Masalan, “Endi bolalarimiz o‘qimaydi, yodlamaydi, ilm olishga ishtiyoqi va xotirasi susayib ketadi”, “SI  vazifamizni olib qo‘ymoqda, bu ketishda ishsiz qolamiz-ku...” deganday.

🤔Albatta, bu kabi xavotirlar bir jihatdan o‘rinli va sog‘lom fikrlaydigan har bir insonning tabiiy reaksiyasidir. Eslang, har qanday texnologik inqilob (masalan, bir zamonlar radio-televidenie, kalkulyator, elektron jihozlarning paydo bo‘lishi yoki internetning ommalashuvi) shunday qo‘rquvlarni olib kelmaganmidi?

⚙️Aslida, sun’iy intellekt – inson ongiga xos bo‘lgan vazifalarni bajara oladigan kompyuter tizimlari yoki algoritmlaridir. Oddiy aytganda, bu mashinalarning fikr­lashi, o‘rganishi va mustaqil qaror qabul qilishidir. Agar odatiy dasturlar faqat berilgan qat’iy buyruqlarni bajarsa, SI ma’lumotlarni tahlil qilish orqali o‘zi xulosa chiqaradi. Uning asosini mashinaviy o‘rganish (machine learning) tashkil etadi, katta hajmdagi ma’lumotlarni “hazm qilish” orqali qonuniyatlarni topadi.

🤔Sun’iy intellekt allaqachon hayotimizning ajralmas qismiga aylanib ulgurdi. Ko‘pincha biz uning borligini sezmaymiz ham, lekin u kundalik yumushlarimizni sezilarli darajada osonlashtirmoqda. Ilgari biz Googledan ma’lumot qidirgan bo‘lsak, endi SIdan tayyor javob olyap­miz. Bizning eng yaqin  yordamchimiz bo‘lgan smartfonlar SIning eng katta uyasi hisoblanadi.

⚙️Siri, Google Assistant yoki Alexa orqali chiroqni yoqish, qo‘ng‘iroq qilish yoki eslatma yozish, bularning barchasi ovozni tanish algoritmlari yordamida ishlaydi. Yuzni tanish (FaceID) – telefoningizni ochishda qo‘llaniladigan texnologiya yuzingizning biometrik nuqtalarini soniyaning ming bo‘laklarida tahlil qiladi. Yozayotgan so‘zingizni oldindan sezish va xatolarni tuzatish, yo‘llarda vaqtimizni tejashda uning o‘rni ­beqiyos.

🤔Google yoki Yandex SI yordamida tirbandlikni baholab, eng tezkor yo‘lni hisoblab beradi. Yandex Go kabi ilovalar narxni belgilash va eng yaqin haydovchini topishda murakkab algoritmlardan foydalanadi. Til to‘siqlarini yengishda ham SI inqilob qildi.

⚙️Google Translate va DeepL orqali hozirgi tarjimalar shunchaki so‘zma-so‘z emas, balki matnning ma’nosini (kontekstni) tushungan holda amalga oshirilmoqda. Duolingo kabi ilovalar SI yordamida sizning xatolaringizni o‘rganadi va aynan siz qiynalgan mavzularni ko‘proq takrorlatadi.

🤔Hatto sizga nima yoqishini sizdan yaxshiroq bilishi mumkin, desam hayron bo‘lmassiz! Rad etishga shoshilmang, YouTube va Netflixda sizga yoqishi mumkin bo‘lgan videolar ro‘yxati sizning avvalgi ko‘rgan narsalaringiz asosida shakllantiriladi. Instagram yoki TikTok lentasidagi kontent aynan sizning qiziqishlaringizga moslab saralanadi.

⚙️Ijod va ish samaradorligida ham u sizga ko‘makchi va bu soha oxirgi yillarda eng tez rivojlandi. ChatGPT va boshqa chat-botlar ma’lumot izlash, xat, kod yozish yoki shunchaki g‘oyalar o‘ylab topishda eng yaqin ko‘makchiga aylandi. Midjourney yoki DALL-E kabi tizimlar birgina matnli buyruq orqali professional darajadagi rasmlar chizib bermoqda. Qisqacha aytganda, sun’iy intellekt bizning aqlli soyamizga aylanib qoldi.

🤔Qizig‘i shundaki, SI kundalik hayotimizda yana qator imkoniyatlarni taqdim etmoqda. Endilikda u sizning kun tartibingizni biladi. Shu bois uchrashuvlarni irejalashtiradi, ya’ni elektron pochtadagi xatlarni tahlil qilib, muhim muloqotlarni taqvimga kiritadi. Ma’lumotlarni saralaydi, kun davomida kelgan yuzlab xabarlardan eng muhimlarini ajratib, qisqacha mazmunini ulashadi.

⚙️Uyingizni ham boshqaradi va odatlaringizni o‘rganadi. Uyda bo‘lmagan vaqtingizda chiroq va isitish tizimlarini o‘chiradi yoki minimal darajaga tushiradi. Kameralar SI yordamida begona odamni uy a’zolaridan ajrata oladi va shubhali harakat haqida darhol xabar beradi.

😎 😎 https://www.instagram.com/global_leaders_hub?igsh=MXB5b3A1NWxheWk4dQ==
🟥 https://youtube.com/@global_leaders_club?si=x5kV1wnEnaMjT9fl

O‘zbekiston xalqaro islomshunoslik akademiyasi rektorining 21-mart – Navro‘z umumxalq bayrami munosabati bilan bayram tabrigi

Assalomu alaykum hurmatli hamkasblar!
Qadrli talaba-yoshlar!

✨Kechagina barchamiz muqaddas dinimizning eng go‘zal bayrami – Muborak Ramazon hayitini yuqori kayfiyat, o‘zgacha shukuh ila nishonladik. Parvardigori olamdan yurtga tinchlik, totuvlik, barokat so‘rab, millionlab qo‘llar duoga ochildi.

✨“Tinch elga bayram yarashadi” deganlaridek, bugun Ona diyorimizga barchamiz orziqib kutgan Navro‘zi olam kirib kelmoqda.

✨Kurrayi zamin va tabiatga mehr-muhabbat, saxovat va muruvvat, bunyodkorlik va olijanoblik kabi xalqimizga xos ezgu fazilatlar eng qadimiy bayramimiz bo‘lgan Navro‘z timsolida asrlar davomida ulug‘lanib, sayqal topib kelayotir.

✨Shu o‘rinda Prezidentimizning Navro‘z bayrami munosabati bilan yo‘llagan tabriklaridagi quyidagi jumlani keltirishni joiz topdim: “Yurtimizda yashayotgan 130 dan ortiq millat va elat vakillari bu bayramni bir bo‘lib, shod-u xurramlik bilan nishonlamoqda. Mana shunday ahillik va totuvlik Yangi O‘zbekistonimizni birgalikda barpo etishning eng ishonchli kafolatidir.

✨Biz jamiyatimizda millatlar va dinlararo hamjihatlikni bundan buyon ham mustahkamlash uchun bor kuch va imkoniyatlarimizni safarbar etamiz. Bu borada qo‘shni va qardosh mamlakatlar bilan birga, yagona Markaziy Osiyo ovozi bo‘lib, mintaqamizning tinchlik, birodarlik va hamkorlik makoni sifatidagi nufuzini oshirishga ustuvor ahamiyat qaratamiz”.

✨Fursatdan foydalanib, Navro‘z umumxalq bayrami bilan Akademiyamizning ahil jamoasi, talaba-yoshlarni chin qalbimdan samimiy tabriklayman!

🌐Batafsil: https://iiau.uz/oz/news/4535

O‘zbekiston xalqaro islomshunoslik akademiyasining rasmiy sahifalarini kuzatib boring!🔽

🌐 https://www.iiau.uz/oz✅ https://www.facebook.com/iiau.fb?locale=ru_RU🌐 https://www.instagram.com/iiau_official/✅ https://t.me/iiau_official📹 https://www.youtube.com/@iiau_official/videos

📊Iqtisodiy barqarorlik harbiy salohiyat bilan bevosita bog‘liqdir. Sanksiyalar iqtisodiyotga bosim o‘tkazgan bo‘lsa-da, ichki ishlab chiqarish va energiya resurslari iqtisodiy tizimning ishlashini saqlab qolishga yordam berdi. Davlat iqtisodiy siyosati importga qaramlikni kamaytirish va ichki imkoniyatlarni rivojlantirishga qaratildi. Shu orqali mudofaa sohasini moliyalashtirish davom ettirildi.

➡️Zaxira qo‘shinlari tizimi keng safarbarlik imkoniyatini ta’minlaydi. Basij nomi bilan tanilgan ko‘ngilli tuzilma favqulodda vaziyatlarda ichki xavfsizlik va hududiy mudofaa vazifalarini bajaradi. Zarurat tug‘ilganda katta miqdordagi inson resurslarini qisqa muddatda jalb qilish imkoniyati mavjud.

➡️Geosiyosiy jihatdan Eron strategik jihatdan muhim hududda joylashgan. Mamlakat Yaqin Sharq, Markaziy Osiyo va Fors ko‘rfazi o‘rtasidagi transport hamda energetika yo‘llariga yaqin hududda joylashgan. Mintaqadagi siyosiy raqobat va xavfsizlik muammolari Eron mudofaa siyosatining doimiy shakllanishiga ta’sir ko‘rsatadi.

➡️Shu bilan birga, harbiy tizim oldida qator muammolar ham mavjud. Zamonaviy texnologiyalarni joriy etishdagi cheklovlar, iqtisodiy bosimlar va ayrim harbiy sohalarda modernizatsiya zarurati saqlanib qolmoqda. Biroq mavjud resurslarni ichki imkoniyatlar asosida rivojlantirish harbiy tizim faoliyatini davom ettirishga xizmat qilmoqda.
Xulosa qilib aytganda, Eron harbiy salohiyati keng qo‘shin soni, raketa tizimlari, ichki ishlab chiqarishga asoslangan logistika va safarbarlik imkoniyatlari bilan tavsiflanadi.

➡️Harbiy strategiya hududiy mudofaa, uzoq muddatli qarshilik va resurslardan samarali foydalanishga yo‘naltirilgan. Mamlakat harbiy modeli tezkor hujumdan ko‘ra barqarorlikni saqlash va ehtimoliy mojaro sharoitida tizim faoliyatini davom ettirishga asoslangan.

😎 😎 https://www.instagram.com/global_leaders_hub?igsh=MXB5b3A1NWxheWk4dQ==
🟥 https://youtube.com/@global_leaders_club?si=x5kV1wnEnaMjT9fl

🤔ERONNING HARBIY SALOHIYATI VA ZAHIRALARI CHIDAMLILIGI

© Shukurjon Tojiddinov, "Farxod Karimov maktabi" a'zosi

🤔Bugungi global xavfsizlik muhiti keskin o‘zgarib borayotgan bir davrda Eron Islom Respublikasi Yaqin Sharq mintaqasida harbiy salohiyati, strategik joylashuvi va uzoq muddatli qarshilik imkoniyatlari bilan ajralib turadigan davlatlardan biri hisoblanadi. Mamlakat harbiy tizimi oddiy qurol-aslaha miqdoriga emas, balki uzoq davom etadigan mojaro sharoitida barqarorlikni saqlash, resurslarni safarbar qilish va tashqi bosimlarga moslashish qobiliyatiga asoslangan.Eron xavfsizlik siyosati mudofaa, deterrensiya va strategik chidamlilik tamoyillariga tayanadi.

🤔1979-yilgi Islom inqilobidan keyin Eron harbiy tizimi to‘liq qayta shakllandi. Shoh davrida mamlakat armiyasi asosan xorijiy texnologiyalarga tayangan bo‘lsa, inqilobdan so‘ng joriy etilgan embargolar harbiy mustaqillikni zaruratga aylantirdi.

🤔1980–1988-yillardagi Eron–Iroq urushi harbiy rejalashtirishga katta ta’sir ko‘rsatdi. Ushbu urush davomida Eron texnik ustunliksiz ham keng safarbarlik, logistika va ichki resurslardan foydalanish orqali mudofaani tashkil etdi. Natijada mamlakat harbiy strategiyasi tezkor hujumdan ko‘ra uzoq muddatli qarshilikka moslashtirildi.

🤔Eron quruqlik kuchlari muntazam armiya va Islom inqilobi gvardiyasi korpusidan iborat. Muntazam armiya davlat hududini himoya qilishga yo‘naltirilgan bo‘lsa, gvardiya strategik obyektlar xavfsizligi va maxsus operatsiyalarni amalga oshiradi. Qo‘shinlar son jihatdan katta bo‘lib, safarbarlik imkoniyatlari keng hisoblanadi.

🤔Harbiy tayyorgarlikda tog‘li hududlar, cho‘l zonalari va shahar sharoitida jang olib borish mashqlari muhim o‘rin egallaydi. Mamlakat geografiyasi mudofaa operatsiyalarini tashkil etishda qo‘shimcha ustunlik beradi.
Havo kuchlari tarkibida turli davrlarda ishlab chiqarilgan samolyotlar mavjud bo‘lib, ularning katta qismi modernizatsiya orqali xizmatda saqlanmoqda.

🤔Sanksiyalar sabab yangi aviatsiya texnologiyalarini sotib olish imkoniyati cheklanganligi tufayli mavjud texnikani ta’mirlash va modernizatsiya qilish asosiy yo‘nalishlardan biriga aylandi. So‘nggi yillarda uchuvchisiz uchish apparatlari rivojlanishi havo operatsiyalarida muhim rol o‘ynay boshladi. Razvedka va zarba berish imkoniyatlari dronlar orqali kengaytirildi.

🤔Eron dengiz kuchlari Fors ko‘rfazi va unga tutash hududlarda faoliyat yuritishga moslashgan. Yirik okean floti o‘rniga kichik tezkor katerlar, suv osti kemalari, qirg‘oq mudofaa tizimlari va dengiz minalaridan foydalanish strategiyasi qo‘llanadi. Dengiz yo‘llari xavfsizligi mamlakat harbiy siyosatida muhim o‘rin tutadi. Ayniqsa Hormuz bo‘g‘ozi orqali o‘tuvchi energiya tashuvchilar oqimi mintaqaviy ahamiyatga ega bo‘lib, ushbu hudud strategik nazorat nuqtasi hisoblanadi.

🤔Raketa va ballistik tizimlar Eron harbiy salohiyatining asosiy komponentlaridan biridir. Qisqa va o‘rta masofali raketalar turli harbiy obyektlarga uzoq masofadan zarba berish imkonini yaratadi. Mobil uchirish qurilmalari va yer osti infratuzilmasi raketa tizimlarining saqlanish darajasini oshiradi. Raketa dasturi mamlakat mudofaa strategiyasida muhim deterrensiya vositasi sifatida qaraladi.

🤔Logistika tizimi va zahiralar Eron harbiy chidamliligining muhim qismi hisoblanadi. Harbiy sanoatning katta qismi ichki ishlab chiqarishga asoslangan. Qurol-aslaha ehtiyot qismlari, o‘q-dorilar va texnik vositalarning muayyan qismi mamlakat ichida ishlab chiqariladi. Omborlar va ta’minot bazalarining turli hududlarga taqsimlanganligi tizim barqarorligini oshiradi. Energiya resurslari mavjudligi harbiy va iqtisodiy faoliyatni davom ettirish imkonini beradi.

😎 😎 https://www.instagram.com/global_leaders_hub?igsh=MXB5b3A1NWxheWk4dQ==
🟥 https://youtube.com/@global_leaders_club?si=x5kV1wnEnaMjT9fl

#siyosat #iqtibos

🔴"Til insonning fikrini yashirish uchun berilgan. "

©️Taleyran Sharl Moris

😎 😎 https://www.instagram.com/global_leaders_hub?igsh=MXB5b3A1NWxheWk4dQ==
🟥 https://youtube.com/@global_leaders_club?si=x5kV1wnEnaMjT9fl

O‘zbekiston xalqaro islomshunoslik akademiyasi rektorining Muborak Ramazon hayiti munosabati bilan bayram tabrigi

Assalomu alaykum muhtaram ustozlar!
Aziz talaba-yoshlar!

✨Sizlarni butun islom ummati uchun ulugʻ va fayzli ayyom – qalblar poklanishi, maʼnaviy kamolot va insonparvarlik gʻoyalari ulugʻlanadigan muborak Ramazon hayiti bilan Oʻzbekiston xalqaro islomshunoslik akademiyasi jamoasi va shaxsan oʻz nomimdan chin yurakdan qutlayman.

✨Ramazon oyi – sabr-toqat, bagʻrikenglik, ezgulik va hamjihatlik timsoli boʻlib, u insonni nafs tarbiyasi, yuksak maʼnaviyat hamda komillik sari chorlaydi. Muborak hayit ayyomi esa ana shu ulugʻ qadriyatlarni yanada mustahkamlab, jamiyatimizda tinchlik, hamjihatlik va oʻzaro hurmat muhitini kuchaytiradi.

✨Bu borada davlatimiz rahbarining Ramazon hayiti munosabati bilan xalqimizga yoʻllagan tabriklarida aytilganidek, “Jahondagi hozirgi g‘oyat murakkab vaziyatda oila va mahallalarda, butun mamlakatimizda osoyishtalik, fayz-u baraka muhitini saqlash, yoshlarimizni yot va buzg‘unchi g‘oyalar ta’siridan asrash o‘ta dolzarb vazifamiz bo‘lib qolmoqda”.

✨Haqiqatan, bugun Yangi Oʻzbekistonda diniy-maʼrifiy sohani rivojlantirish, islomning asl insonparvarlik mohiyatini keng targʻib etish davlat siyosatining ustuvor yoʻnalishlaridan biriga aylandi. Muhtaram Prezidentimiz Shavkat Mirziyoyev rahbarligida vijdon erkinligini taʼminlash, diniy taʼlimni takomillashtirish, maʼnaviy-maʼrifiy merosimizni chuqur oʻrganish va jahon jamoatchiligiga xolis tarzda yetkazish borasida keng koʻlamli islohotlar amalga oshirilmoqda.

✨Ayniqsa, poytaxtimiz Toshkent shahrida barpo etilgan Islom sivilizatsiyasi markazi yurtimizning boy ilmiy-maʼrifiy salohiyati, islom madaniyati va ilm-faniga qoʻshgan beqiyos hissasining yorqin ramzi sifatida jahon ahli eʼtiborini tortmoqda. Ushbu markaz islom dinining tinchliksevar, bagʻrikeng va maʼrifatparvar mohiyatini keng yoritishga xizmat qiladi.

✨Shuningdek, Samarqand shahrida buyuk muhaddis, islom olamining iftixori Imom Buxoriy hazratlari majmuasining yangi qiyofada barpo etilishi ajdodlarimiz ilmiy merosiga boʻlgan yuksak ehtiromning amaliy ifodasidir. Bu maskan nafaqat ziyoratgoh, balki ilmiy-maʼrifiy markaz sifatida ham kelajak avlod tarbiyasida muhim oʻrin tutadi.

🌐Batafsil: https://iiau.uz/oz/news/4533

O‘zbekiston xalqaro islomshunoslik akademiyasining rasmiy sahifalarini kuzatib boring!🔽

🌐 https://www.iiau.uz/oz✅ https://www.facebook.com/iiau.fb?locale=ru_RU🌐 https://www.instagram.com/iiau_official/✅ https://t.me/iiau_official📹 https://www.youtube.com/@iiau_official/videos

Afg‘onistonning qochib ketgan sobiq prezidenti Ashraf G‘ani yana hokimiyat uchun kurashni boshlaganini https://t.me/haqqin_azz

“Tolibon rejimi o‘z tarixidagi eng zaif nuqtaga yetdi. Ayni paytda biz Afg‘onistonni qaytarib olishimiz va bu yerda haqiqiy vakillik hukumatini tuzishimiz kerak”, — dedi Afg‘onistonning sobiq prezidenti o‘z videomurojaatida.

P/S: AQSHning qo’g’irchog’i bekordan bekorga tilga kirib qolmaydi!

👉 https://t.me/jurnalistSardorAli

✅Markaziy Osiyoga mahsulot eksport qilayotgan ishbilarmon ayol 300 nafar xotin-qizga ish o‘rni yaratdi


✅O‘zLiDeP tashabbusi bilan amalga oshirilayotgan “Mahallaning ishbilarmon ayoli” loyihasi doirasida Xorazm viloyati, Hazorasp tumanidagi qator mahallalarda tadbirkor xotin-qizlar faoliyati bilan yaqindan tanishildi. Xususan, “Al Xorazmiy”, “Muxomon”, “Ovshar” va “Karvak” mahallalarida o‘tkazilgan uchrashuvlarda ayollarning tadbirkorlik faoliyati, erishgan yutuqlari va kelgusidagi rejalari muhokama qilindi.


✅Uchrashuvlar davomida “Muxomon” mahallasida faoliyat yuritayotgan “Diamond” MCHJ ish faoliyati alohida e’tiborga sazovor bo‘ldi. Ayollar kiyimlari tikishga ixtisoslashgan mazkur korxona 2020 yilda tadbirkor Risolat Quryozova tomonidan 5 nafar xodim bilan tashkil etilgan bo‘lsa, bugungi kunda bu yerda 300 nafar xotin-qiz doimiy ish bilan ta’minlangan. Korxona faoliyati izchil rivojlanib, mahsulotlar Qirg‘iziston va Tojikiston davlatlariga eksport qilinmoqda.


✅Bu esa mahalliy ishlab chiqarishni rivojlantirish bilan birga “Made in Uzbekistan” brendi nufuzini oshirishga xizmat qilmoqda.
Shuningdek, korxonada ishlab chiqarish hajmini yanada kengaytirish maqsadida Navro‘z arafasida 500 o‘rinli yangi zamonaviy tikuvchilik korxonasini ishga tushirish rejalashtirilgan. Bu orqali yana 500 nafar xotin-qiz uchun yangi ish o‘rinlari yaratiladi. Ishchi guruh qaroriga asosan tadbirkor Risolat Quryozova “Mahallaning ishbilarmon ayoli” loyihasining tuman bosqichida ishtirok etish uchun yo‘llanma oldi.

😎 😎 https://www.instagram.com/global_leaders_hub?igsh=MXB5b3A1NWxheWk4dQ==
🟥 https://youtube.com/@global_leaders_club?si=x5kV1wnEnaMjT9fl

✅Transatlantik munosabatlarning yangi bosqichi: AQSh va Yevropa o‘rtasida strategik ishonch inqirozi

🔹Tojiddinov Shukurjon
"Farxod Karimov maktabi" a'zosi

✅Ikkinchi jahon urushidan keyin AQSh va Yevropa o‘rtasida shakllangan transatlantik ittifoq global siyosatning eng barqaror hamkorlik tizimlaridan biri hisoblanib kelgan. Ushbu hamkorlik harbiy xavfsizlik, iqtisodiy integratsiya va siyosiy qadriyatlar asosida mustahkamlangan edi. Biroq so‘nggi yillarda xalqaro tizimda yuz berayotgan o‘zgarishlar ushbu ittifoq ichida ham strategik savollarni keltirib chiqarmoqda.

✅Bugungi kunda AQSh va Yevropa o‘rtasidagi munosabatlar yangi bosqichga o‘tayotganini, bunda o‘zaro ishonch omili avvalgidek mustahkam emasligini ta’kidlashmoqda.So‘nggi siyosiy bayonotlar ham aynan shu jarayonni aks ettirmoqda. Yevropa diplomatiyasi yetakchilaridan biri hisoblangan Kaja Kallas AQSh siyosati Yevropa birlik tizimiga bosim o‘tkazayotganini ta’kidladi. Uning fikricha, ayrim siyosiy qarorlar Yevropa davlatlarini alohida-alohida muzokaralarga tortib, Yevropa Ittifoqining umumiy strategik pozitsiyasini zaiflashtirishi mumkin. Bu fikr Yevropa siyosiy elitalari orasida keng muhokama qilinmoqda.


✅Transatlantik ishonchdagi o‘zgarishlar bir necha omillar bilan bog‘liq. Birinchidan, AQSh siyosatida milliy manfaatlar ustuvorligini kuchaytirgan yondashuv paydo bo‘ldi. Bu yondashuv ayniqsa Donald Trump siyosiy ritorikasida aniq ko‘rinadi. Uning tashqi siyosatga oid qarashlari ittifoqchilardan ko‘ra Amerika manfaatlarini birinchi o‘ringa qo‘yishga asoslangan. Natijada Yevropa davlatlari AQShning uzoq muddatli strategik niyatlari haqida jiddiy savollar bera boshladi.


✅Bugungi kun voqealari ushbu muhokamalarni yanada kuchaytirmoqda. Xalqaro xavfsizlik muhitining keskinlashuvi Yevropani murakkab geosiyosiy vaziyatga olib keldi. Bir tomondan, Yevropa xavfsizlik tizimi hali ham NATO doirasida AQSh harbiy qudratiga tayanadi. Ikkinchi tomondan esa, Yevropa siyosiy elitalari uzoq muddatda mustaqil strategik salohiyatga ega bo‘lish zarurligini ta’kidlamoqda.


✅Energetika, savdo va texnologiya sohalaridagi global raqobat ham transatlantik munosabatlarga ta’sir ko‘rsatmoqda. So‘nggi yillarda energiya bozorlari keskin o‘zgarib, Yevropa davlatlari yangi energiya manbalarini izlashga majbur bo‘ldi. Bu jarayon Yevropa iqtisodiy siyosatini qayta ko‘rib chiqishga olib kelmoqda. Energiya xavfsizligi masalasi Yevropaning strategik mustaqillik haqidagi muhokamalarini tezlashtirdi.


✅Shu bilan birga, global siyosiy tizimda yangi kuch markazlarining paydo bo‘lishi ham transatlantik ittifoqni qayta baholashga majbur qilmoqda. Xalqaro maydonda yangi iqtisodiy va siyosiy bloklarning shakllanishi AQSh va Yevropa uchun hamkorlik modelini qayta ko‘rib chiqish zaruratini tug‘dirmoqda. Kelajakda G‘arb ichidagi ittifoq qadriyatlar asosidagi ittifoqdan ko‘ra manfaatlar muvozanatiga asoslangan pragmatik hamkorlik shakliga o‘tishi mumkin.


✅Yevropa ichida ham bu masala bo‘yicha turli qarashlar mavjud. Sharqiy Yevropa davlatlari xavfsizlik masalalarida AQSh bilan yaqin hamkorlikni davom ettirish tarafdori. G‘arbiy Yevropaning ayrim siyosiy doiralari esa strategik avtonomiya g‘oyasini faol qo‘llab quvvatlamoqda.

✅Bu esa Yevropa ichida ham yangi siyosiy muvozanat izlanayotganini ko‘rsatadi. Hozirgi vaziyat transatlantik ittifoqning zaiflashishini emas, balki uning transformatsiya jarayoniga kirganini anglatadi. Ya’ni AQSh va Yevropa o‘rtasidagi hamkorlik saqlanib qoladi, biroq u avvalgidek avtomatik ittifoq emas, balki murakkab strategik muvozanatga asoslangan hamkorlik shaklida rivojlanadi.

✅Bugungi xalqaro siyosiy vaziyat transatlantik munosabatlar tarixida yangi davr boshlanganini ko‘rsatmoqda. Global xavfsizlik, iqtisodiy raqobat va geosiyosiy kuchlar muvozanatining o‘zgarishi AQSh va Yevropa o‘rtasidagi strategik ishonch masalasini kun tartibiga olib chiqdi. Shu sababli kelajakda transatlantik ittifoqning barqarorligi Yevropa va AQSh o‘rtasidagi yangi strategik kelishuvlar qanday shakllanishiga bog‘liq bo‘lib qoladi.

😎 😎 https://www.instagram.com/global_leaders_hub?igsh=MXB5b3A1NWxheWk4dQ==
🟥 https://youtube.com/@global_leaders_club?si=x5kV1wnEnaMjT9fl

🌟 "GLOBAL LEADERS" jamoasi

😎 😎 https://www.instagram.com/global_leaders_hub?igsh=MXB5b3A1NWxheWk4dQ==
🟥 https://youtube.com/@global_leaders_club?si=x5kV1wnEnaMjT9fl