HERBİ_AZERBAİJAN

⚡️⚡️Azərbaycan və Özbəkistan arasında əbədi dostluq haqqında Müqavilə imzalanıb

Daşkənddə Prezident İlham Əliyevin rəsmi qarşılanma mərasimi

🇦🇿🇺🇿 Daşkənd Prezident İlham Əliyevi qarşılayır

Azərbaycan Prezidenti İlham Əliyevin Özbəkistana dövlət səfəri çərçivəsində Daşkənd Azərbaycan bayraqları və dövlət başçısının portretləri ilə bəzədilib.

📍 Daşkənd, Özbəkistan

Prezident İlham Əliyev Özbəkistanın paytaxtı Daşkəndə gəlib.

Özbəkistanın Daşkənd hava limanında Prezident İlham Əliyevin dövlət səfərinə hazırlıq işləri görülür.

‼️‼️Prezident İlham Əliyevin Özbəkistana dövlət səfərini işıqlandırmaq üçün Azərbaycan media nümayəndələri Özbəkistana yola düşür.

🇦🇿 Bu gün DMX əməkdaşlarının peşə bayramıdır

Bu münasibətlə Dövlət Mühafizə Xidmətinin bütün əməkdaşlarını təbrik edir, çətin, şərəfli və məsuliyyətli işlərində uğurlar arzulayırıq!

Daşkənd İlham Əliyevin səfərinə belə hazırlaşır

🇺🇿🇦🇿Hazırda Özbəkistan paytaxtı Daşkənd

❗ Zakir Həsənov “EFES-2026” təlimini Ərdoğanla birlikdə izləyib

❗️DSX: İrandan Azərbaycana 12 kiloqrama yaxın narkotik keçirilməsinin qarşısı alındı

Dövlət sərhədinin etibarlı mühafizəsinin təmin edilməsi, narkotik vasitələr, psixotrop maddələr və onların prekursorlarının qanunsuz dövriyyəsinə qarşı mübarizə tədbirləri uğurla davam edir.

Dövlət Sərhəd Xidmətinin Sərhəd Qoşunları Komandanlığının “Horadiz” sərhəd dəstəsinin xidməti ərazisində keçirilən sərhəd axtarışı və əməliyyat tədbirləri nəticəsində ümumi çəkisi 11 kiloqram 985 qram narkotik vasitə (7 kq 885 qram heroin, 4 kq 100 qram metanfetamin) və 20 ədəd psixotrop tərkibli Metadon M-40 həbinin İran İslam Respublikasından Azərbaycan Respublikası ərazisinə keçirilməsinin qarşısı alınıb.

Fakt üzrə əməliyyat-istintaq tədbirləri davam edir.

🇦🇿🥀 Kursant yaşadığı mənzildə vəfat edib

DSX-nin Xüsusi Məktəbinin kursantı yaşadığı mənzildə vəfat edib.

Onun hansı şəraitdə vəfat etməsi barədə hələlik məlumat yoxdur.

Allah rəhmət eləsin!

Şəhidimizin xatirə guşəsini təmizləyən uşaqlardan nümunəvi addım👏

❗️❗️Şərti düşmən gəmisi uğurla ələ keçirilib

Türkiyədə keçirilən “EFES-2026” çoxmillətli birgə təlimində növbəti mərhələnin tapşırıqları uğurla yerinə yetirilib.

Əməliyyat planına uyğun olaraq, iştirakçı ölkələrin hava-desant bölmələri şərti düşmən gəmisinin ələ keçirilməsi tapşırığını icra ediblər.

Hücum helikopterləri ilə hədəfə yaxınlaşan qruplar, qısa müddət ərzində gəminin göyərtəsinə eniş həyata keçiriblər.

Yüksək peşəkarlıq və koordinasiya ilə icra edilən əməliyyat nəticəsində gəmi tam nəzarətə götürülüb, ekipaj üzvləri zərərsizləşdirilib və təhlükəsizlik tədbirləri təmin edilib.

XTQ-nin bölmələrində inspeksiya yoxlaması keçirilib

Milli Qəhrəman Pəncəli Teymurovun medalı ailəsinə təqdim olunub

🇦🇿 Sərhədçilər “Heydər zirvəsi”nə yürüş edib

Dövlət Sərhəd Xidmətinin bir qrup hərbi qulluqçusu Ümummilli Liderin anadan olmasının 103-cü ildönümü ərəfəsində Böyük Qafqazda yerləşən “Heydər zirvəsi”nə yürüş edib.

“Xınalıq” istiqamətindən başlayan yürüş iştirakçıları çətin dağlıq ərazini qət edərək zirvəyə çatıb. Zirvədə Ulu Öndərin şəkli, Dövlət bayrağı və DSX-nin emblemi ucaldılıb, Dövlət Himni səsləndirilib.

Həmçinin qaya üzərində xatirə lövhəsi bərkidilib.

🇦🇿 ƏÜO-da “MAHHXHQ hazırlığı kursu”nun növbəti buraxılış mərasimi keçirilib

❗🥀Daha 3 itkin şəhidin qalıqları tapıldı - 33 il sonra

Füzuli rayonundan olan üç nəfərin taleyinə 33 ildən sonra aydınlıq gətirilib.

Uzun illər itkin kimi qeydə alınan 3 Füzuli sakinin qalıqları aşkarlanıb.

Sadıqov Zaur İmamqulu oğlu 1973-cü ildə rayonun İşıqlı kəndində anadan olub və 1993-cü il iyulun 22-də itkin düşmüşdü.

Həziyev Ələddin Həzi oğlu eyni ildə həmin kənddə doğulub, 93-cü ilin iyulun 2-də itkin düşmüşdü.

Cəfərov Rafiq Şakir oğlu isə 1973-cü ildə Aşağı Əbdürrəhmanlı kəndində doğulmuş və 1993-cü il avqustun 23-də itkin düşmüşdü.

Bildirilir ki, onların nəşinin qalıqları mayın 15-də torpağa tapşırılacaq.

(c) Qafqazinfo

🔴İrəvanda Ukrayna Prezidenti Volodimir Zelenskinin səfərinə etiraz olaraq Ukrayna bayrağı yandırılıb.

❗️ƏÜO-da hərbi vəzifəlilərlə növbəti təlim toplanışı keçirilib

Cari ilin hazırlıq planına əsasən, Səfərbərlik və Hərbi Xidmətə Çağırış üzrə Dövlət Xidməti ilə birgə tədbirlər çərçivəsində Əlahiddə Ümumqoşun Ordunun (ƏÜO) N hərbi hissəsində bir qrup hərbi vəzifəlinin cəlb olunması ilə keçirilən növbəti təlim toplanışı başa çatıb.

❗FHN DSX-nin hərbi hissəsində təlim keçirib

Fövqəladə Hallar Nazirliyinin Dövlət Yanğın Nəzarəti Xidməti və Dövlət Sərhəd Xidmətinin Maddi-Texniki Təminat Baş İdarəsi “N” saylı hərbi hissədə birgə təlim keçirib.

Məlumata görə, təlimə FHN-in Dövlət Yanğın Nəzarəti və Dövlət Yanğından Mühafizə xidmətlərinin canlı qüvvə və texnikası cəlb olunub. Məqsəd şəxsi heyətə fövqəladə hallar, o cümlədən yanğın zamanı davranış qaydalarının aşılanması və peşəkar bacarıqların artırılması olub.

Nəzəri hissədə iştirakçılara təhlükəsizlik qaydaları və təxliyə barədə məlumat verilib, ilkin yanğınsöndürmə vasitələrinin istifadəsi nümayiş etdirilib.

Praktiki hissədə isə şərti yanğın üzrə “Həyəcan” siqnalından sonra əraziyə operativ müdaxilə olunub, “zərərçəkmişlər” təxliyə edilib və yanğın söndürülüb.

Təlim uğurla başa çatıb, nəticələr müzakirə olunaraq müvafiq tapşırıqlar verilib.

🇦🇿 Milli Müdafiə Universiteti cari ilin 5-15 may tarixlərində “Qərargah zabiti kursu”na elektron sənəd qəbulunu elan edir.

“Qərargah zabiti kursu” Azərbaycan Ordusunda briqada səviyyəsində əməliyyatların idarə olunması və qərargah fəaliyyətlərinin təşkili üzrə zabitlərin hazırlanması məqsədilə 15 sentyabr 2026-cı il tarixindən 12 fevral 2027-ci il tarixinədək Hərbi İdarəetmə İnstitutunda əyani formada keçiriləcəkdir.

Kursa baş zabit kateqoriyalı vəzifələrdə xidmət edən kapitan, mayor və polkovnik-leytenant rütbəli zabitlər müraciət edə bilərlər.

Qəbul imtahanlarının keçirilmə yeri və tarixi barədə namizədlərə əlavə məlumat veriləcəkdir.

Ətraflı məlumatı http://mmu.edu.az/ saytının “Təhsil müəssisələrinə qəbul” bölməsində yerləşdirilmiş “Qərargah zabiti kursu” hissəsindən əldə etmək mümkündür.

Əlaqə məlumatları:

- Telefon: (012) 404-18-45
- Çağrı mərkəzi: *0811
- E-poçt: [email protected]
- Ünvan: Bakı şəhəri, Qızıl Şərq 13.1 AZ1065

❗ "EFES - 2026” təliminə hazırlıq prosesi davam edir

Hərbi qulluqçularımızın iştirakı ilə Türkiyə Respublikasında keçirilən “EFES - 2026” çoxmillətli təliminin hazırlıq məşqləri davam edir.

Beynəlxalq təlimin planına əsasən hərbi qulluqçular müxtəlif poliqonlarda artilleriya və minaatan qurğularından atış çalışmalarını praktiki olaraq icra ediblər.

İcra olunan fəaliyyətlər təmsilçilərimiz tərəfindən yüksək peşəkarlıqla yerinə yetirilir.