KO‘KDALA KO‘ZGUSI

🇺🇿 “QADRING BALAND BO‘LSIN, ONA TILIM!”
O‘zbek tili bayramining viloyatdagi asosiy tantanalari Qarshi shahridagi Abdulla Oripov nomli ijod maktabida tashkil etildi.
Viloyat hokimligi, Qarshi davlat universiteti, Respublika Ma’naviyat va ma’rifat markazi viloyat bo‘limi hamda hamkor tashkilotlar ishtirokida o‘tkazilgan tadbirda olimlar, ziyolilar, o‘qituvchilar, yoshlar, xorijlik mehmonlar va keng jamoatchilik vakillari qatnashdi.
Tadbir O‘zbekiston Qahramoni, xalq shoiri Abdulla Oripov haykali poyiga gul qo‘yish marosimi bilan boshlandi. Bayramda viloyat hokimi Murotjon Azimovning tabrigi o‘qib eshittirildi. Davlat tilini rivojlantirishga munosib hissa qo‘shayotgan bir guruh fidoyilar Faxriy yorliq, tashakkurnoma va esdalik sovg‘alari bilan taqdirlandi.
Tadbirning ilmiy-ma’rifiy qismida til, adabiyot va davlatchilikning tarixiy ildizlariga bag‘ishlangan ma’ruza tinglandi. Badiiy chiqishlar, sahna ko‘rinishlari, viktorinalar va mumtoz qo‘shiqlar bayramga o‘zgacha fayz bag‘ishladi.

https://t.me/kukdalakuzgusi

🇺🇿 Ona tilimiz — millatimiz faxri!
21-oktabr — O‘zbek tili bayrami muborak bo‘lsin!
Ko‘p millatli yurtimizda o‘zbek tiliga bo‘lgan hurmat va ehtirom, millatlararo do‘stlik va hamjihatlik bardavom bo‘lsin!

O‘zbek tilimiz — milliy g‘ururimiz!

Bir o‘quvchi.
Ikki ta’sirli xalqaro natija.

KOʻKDALAlik 10 sinf oʻquvchi Eshquvvatova Nafisa Doniyor qizi xalqaro SAT imtihonida qatnashib yuqori 1320 balni qoʻlga kiritdi.
Bunday yuqori natijaga erishishda oʻquvchining tinimsiz mehnati, ota onasining oʻquvchiga uyda dars tayyorlashiga koʻmaklashishi, maktabida esa oʻqituvchilarining mustahkam bilim berishi, mehnatlarining samarasidir.
Bu — tinimsiz mehnat, chuqur bilim va haqiqiy sifatli ta’limning yorqin dalili.

Bunday natija bilan o‘quvchimiz Webster, WIUT, Inha, NewUU va SIUT kabi nufuzli xalqaro universitetlarga bemalol topshirishi mumkin.
Shu bilan birga, davlat OTMlariga ham hujjat topshirib, 4 yillik grant imkoniyatidan foydalanish imkoniyati ochiladi.

@Kukdala_uz

#Ko‘kdala_tumani
#Kitoblar_targ‘iboti #Kitobxonlik_madaniyati
📚 KITOB — MA’NAVIYAT VA TAFAKKUR MANBAI!
📖 Ko‘kdala tumanidagi 3-sonli umumiy o‘rta ta’lim maktabida Respublika Ma’naviyat va ma’rifat markazi Ko‘kdala tuman bo‘linmasi tashabbusi bilan kitobxonlik madaniyatini yuksaltirishga qaratilgan ma’naviy-ma’rifiy tadbir tashkil etildi.
📚 Tadbir davomida o‘quvchilarga “Birlashib, buyuk tarix yaratamiz”, “Yagona Vatan, yagona xalq bo‘lib, yangi hayot va kelajak yaratamiz!”, “100 kitob haqida kitob”, “Buyuklar haqida 100 ta dalil” hamda Muhammad Ali qalamiga mansub “Temurbek” asarlarining mazmun-mohiyati va ahamiyati haqida ma’lumot berildi.
🎯 Tadbirning asosiy maqsadi — yoshlar o‘rtasida kitobxonlik madaniyatini rivojlantirish, milliy tariximiz, buyuk ajdodlarimiz merosi va umuminsoniy qadriyatlarga bo‘lgan qiziqishni oshirish, mutolaa orqali yosh avlodning ma’naviy dunyosini boyitishdan iborat.
📚 Kitob o‘qigan avlod — tafakkuri yuksak, ma’naviyati boy va kelajagi porloq avloddir!
https://t.me/kukdalakuzgusi

#Ko‘kdala_tumani
#Kitoblar_targ‘iboti #Kitobxonlik_madaniyati

📚 KITOB — MA’NAVIYAT VA TAFAKKUR MANBAI!
Ko‘kdala tumanidagi 4-sonli umumiy o‘rta ta’lim maktabida Respublika Ma’naviyat va ma’rifat markazi Ko‘kdala tuman bo‘linmasi tashabbusi bilan kitoblar targ‘ibotiga bag‘ishlangan ma’naviy-ma’rifiy tadbir o‘tkazildi.
📖 Tadbirda “Birlashib, buyuk tarix yaratamiz”, “Yagona Vatan, yagona xalq bo‘lib, yangi hayot va kelajak yaratamiz!”, “100 kitob haqida kitob” hamda Muhammad Ali qalamiga mansub “Temurbek” asarlari targ‘ib qilindi.
🎯 Asosiy maqsad — o‘quvchilar o‘rtasida kitobxonlik madaniyatini yuksaltirish, milliy tariximiz va boy ma’naviy merosimizga qiziqishni oshirish.
📚 Kitobxon avlod — Yangi O‘zbekiston kelajagi!

https://t.me/kukdalakuzgusi

Yangi o‘quv yili tantanali marosim bilan boshlandi

Yangi o‘quv yilining boshlanishi munosabati bilan Ko‘kdala tumanidagi 94-sonli umumiy o‘rta ta’lim maktabida tantanali tadbir bo‘lib o‘tdi.
Unda Ko‘kdala tumani prokurori Ravshan Xurramov, maktab jamoasi, ota-onalar hamda o‘quvchilar ishtirok etdi.
Tadbir avvalida O‘zbekiston Respublikasi Prezidenti tomonidan maktab o‘quvchilariga yo‘llangan bayram tabrigi o‘qib eshittirildi. Unda yosh avlodning sifatli ta’lim olishi, bilim va ko‘nikmalarini oshirishi, kelajakda Vatan ravnaqiga munosib hissa qo‘shishi uchun yaratilayotgan imkoniyatlar alohida ta’kidlandi.
Shundan so‘ng, maktabning 1-sinfiga qabul qilingan o‘quvchilarga Prezidentimiz sovg‘alari tantanali ravishda topshirildi.
Tadbirda so‘zga chiqqan tuman prokurori Ravshan Xurramov o‘quvchilarni yangi o‘quv yili boshlangani bilan samimiy tabriklab, ularga mustahkam sog‘lik, a’lo baholar, bilim olish yo‘lida ulkan muvaffaqiyatlar tiladi.
Shuningdek, yosh avlodning har tomonlama barkamol bo‘lib voyaga yetishi, ta’lim-tarbiyasi va huquqiy bilimlarini oshirishda maktab, ota-ona va jamoatchilikning hamjihatligi muhim ekanligi qayd etildi.
Tantanali marosim ko‘tarinki kayfiyat va bayramona ruhda o‘tdi.
Yangi o‘quv yili barcha o‘quvchilar uchun yangi bilimlar, ezgu maqsadlar va ulkan zafarlar sari muhim qadam bo‘lishiga tilak bildirildi.

#Ko‘kdala_tumani 🇺🇿
#Bilimlar_kuni 📚

Ko‘kdala tumanidagi 14-sonli umumiy o‘rta ta’lim maktabida “Bilimlar kuni” ko‘tarinki ruhda o‘tkazildi.
Yangi o‘quv yilining boshlanishi munosabati bilan tashkil etilgan tadbirda maktab jamoasi, o‘quvchilar va ota-onalar ishtirok etdi.
Tadbirda davlat rahbarining o’quvchi yoshlarga tabrigi o’qib esittilidi!

#Ko'kdala_tumani 🇺🇿
#birdamjamiyat #Ma'naviy_ko'makchi

MEHR VA E’TIBOR — INSON QADRI UCHUN
Ko‘kdala tumani Soybo‘yi MFYda yashovchi II guruh nogironi Buriyeva Ra’no opaning holidan mahalla patronaj hamshirasi hamda “Ma’naviy ko‘makchi” Turdiyeva Munavvar birgalikda xabar oldi.
Tashrif davomida Ra’no opaning holati, ehtiyoj va muammolari o‘rganilib, samimiy suhbat o‘tkazildi. U kishiga zarur tavsiya va ko‘maklar ko‘rsatildi.
Bunday e’tibor va g‘amxo‘rlik insonlarni yolg‘iz qoldirmaslik, ularning hayotiga mehr va iliqlik olib kirish, inson qadrini ulug‘lashga xizmat qiladi.

Mehr bor joyda — birdamlik, e’tibor bor joyda — farovonlik!

#Ko'kdala_tumani 🇺🇿 #birdamjamiyat #Ma'naviy_ko'makchi

MEHNAT VA INTILISH — FAROVONLIK GAROVI!

Ko‘kdala tumani Soybo‘yi MFY “Ma’naviy ko‘makchi”si Turdiyeva Munavvar tomonidan mahallada yashovchi fuqarolar holidan xabar olinmoqda.
Shunday fuqarolardan biri Sattorova Lobar bo‘lib, II guruh nogironi bo‘lishiga qaramay, tinimsiz mehnat qilib, o‘qib-izlanmoqda. U aholiga kompyuter xizmatlari ko‘rsatib, oilaviy daromadiga hissa qo‘shmoqda.
Lobar uchun Soybo‘yi MFY binosidan xona ajratilib, aholiga kompyuter xizmatlarini ko‘rsatishi uchun zarur sharoit yaratildi.Endilikda mahalla aholisi turli hujjat va kompyuter xizmatlaridan foydalanish uchun uzoqqa borishiga hojat qolmadi — kerakli xizmatlarni o‘z mahallasida olish imkoniga ega bo‘ldi.
Bugun mahalla aholisi xizmatlardan o‘z hududida foydalanmoqda.

Imkoniyat va mehnat — farovonlik sari yo‘l!

#Ko'kdala_tumani 🇺🇿
#birdamjamiyat
#ma'naviy_ko'makchi

Respublika Ma’naviyat va ma’rifat markazi Ko‘kdala tuman bo‘linmasi tomonidan tayinlangan “Ma’naviy ko‘makchi” Turdiyeva Munavvar tomonidan Ko‘kdala tumani Soybo‘yi MFYda yashovchi kambag‘al oilalarning xonadonlariga borib, ularning muammolari va ehtiyojlari o‘rganildi.
O‘rganishlar davomida oilalarga daromad manbaini yaratish, kasb-hunar o‘rganish, tadbirkorlik faoliyatini yo‘lga qo‘yish, chorvachilik va parrandachilik bilan shug‘ullanish bo‘yicha tavsiyalar berildi.
Shuningdek, fuqarolarni boqimandalik kayfiyatidan chiqarish, mehnat va tashabbuskorlikka yo‘naltirish hamda mavjud imkoniyatlardan samarali foydalanish yuzasidan tushuntirish ishlari olib borildi.
Asosiy maqsad — oilalarning farovonligini oshirish, bandligini ta’minlash va ma’rifat orqali kambag‘allikni qisqartirish.

#uzb35 #mustaqillik35

Vatanparvarlik siz uchun nima?

https://t.me/qashqadaryo_ziyo | https://www.instagram.com/qashqadaryo_ziyosi?igsh=MXYyNmV2b2trNmlmNQ==

Bugun 2-sentabr kuni Koʻkdala tumani maktabgacha va maktab taʼlimi boʻlimiga qarashli 83-sonli umumiy oʻrta taʼlim maktabida ''Bilimlar kuni'' bayram tadbiri bo'lib o'tdi.
Bu sana – yoshlar uchun yangi bilimlar sari yo‘l, ustoz va murabbiylar uchun esa yana bir mas’uliyatli yilning boshlanishidir.

Jaranglab yangragan ilk qo‘ng‘iroq ovozi – ilk bor maktab ostonasiga qadam qo‘ygan 1-sinf o‘quvchilari uchun yangi bosqich, 11-sinf o‘quvchilari uchun esa maktab hayotining so‘nggi yili boshlangani ifodasidir.

Tadbir davomida 1-sinf o‘quvchilariga Prezidentimizning bayram sovg‘alari topshirildi, barcha o‘quvchilarga esa ezgu tilaklar bildirildi.

🇺🇿 1991-yil 31-avgust — jonajon Vatanimiz mustaqillikka erishgan, tariximizda yangi sahifa ochilgan buyuk kundir.Barcha yurtdoshlarimizni eng ulug‘, eng aziz bayram — O‘zbekiston mustaqilligining 35 yillik to‘yi bilan chin qalbdan muborakbod etaman!Ushbu qutlug‘ ayyom har bir xonadonga tinchlik-xotirjamlik, baxt-saodat va qut-baraka olib kelsin. Yurtimiz tinch, osmonimiz musaffo, mustaqilligimiz abadiy bo‘lsin!

MUSTAQILLIK BAYRAMIMIZ MUBORAK BO‘LSIN!

Kam ta’minlangan oilalar farzandlariga maktab formalari tarqatildi

O‘zbekiston «Mahalla» xayriya jamoat fondi Qashqadaryo viloyat bo‘limi, Ko‘kdala tumani hokimligi hamda Mahallalar uyushmasi Ko‘kdala tumani bo‘limi hamkorligida xayriya tadbiri tashkil etildi.

Tadbir doirasida ijtimoiy reyestrga kiritilgan 20 nafar kam ta’minlangan oila farzandlariga maktab formalari tarqatildi.

Mazkur xayriya tadbiri orqali bolalarning yangi o‘quv yilini munosib va ko‘tarinki ruhda boshlashlari uchun zarur sharoit yaratish, ijtimoiy himoyaga muhtoj oilalarni qo‘llab-quvvatlash maqsad qilindi.

Bunday ezgu tashabbuslar aholi, ayniqsa, ehtiyojmand oilalar va ularning farzandlarini qo‘llab-quvvatlash, ularga mehr va e’tibor ko‘rsatishda muhim ahamiyat kasb etmoqda.

https://t.me/Kukdala_uz

Chiyalda 330 o‘rinli qo‘shimcha maktab binosi foydalanishga topshirildi

Ko‘kdala tumanining Chiyal mahallasida joylashgan 68-maktab uchun qurilgan 330 o‘rinli qo‘shimcha zamonaviy o‘quv binosi foydalanishga topshirildi.

Yangi bino o‘quvchilar uchun barcha zarur sharoitlarni yaratish, ta’lim sifatini oshirish hamda maktabdagi mavjud quvvatni kengaytirish maqsadida bunyod etildi. Zamonaviy ta’lim talablariga mos ravishda jihozlangan binoda o‘quvchilarning sifatli bilim olishi uchun qulay imkoniyatlar yaratilgan.

Yangi binoning ochilish marosimida Ko‘kdala tumani hokimi Xurram Djurayev, tuman prokurori Ravshan Xurramov, jamoatchilik vakillari, o‘qituvchilar hamda ommaviy axborot vositalari vakillari ishtirok etdi.

Tadbirda so‘zga chiqqanlar mamlakatimizda ta’lim sohasiga qaratilayotgan e’tibor, yosh avlod uchun yaratilayotgan keng imkoniyatlar haqida ta’kidlab, yangi bino o‘quvchilar uchun munosib tuhfa ekanini qayd etdilar.

Ayniqsa, mazkur zamonaviy ta’lim maskanining foydalanishga topshirilishi O‘zbekiston Respublikasi Mustaqilligining 35 yilligi arafasida Chiyal ahli uchun munosib bayram sovg‘asi bo‘ldi.

Endilikda 68-maktab o‘quvchilari yanada zamonaviy, shinam va qulay sharoitlarda ta’lim olish imkoniyatiga ega.

https://t.me/Kukdala_uz

#E'tirof

Qashqadaryo viloyati Ko'kdala tumani MMTB ga qarashli 54-umumiy oʻrta taʼlim maktabi MMIBDO' Q.Xoliyorov oilasi va kutubxona mudirasi Xujaniyozova Mahbuba "Ibratli oila" koʻkrak nishoni bilan taqdirlandi.

#Ko‘kdala _ tuman

Biznesni rivojlantirish banki xodimlari milliylikni targ‘ib etgan holda o‘z vazifalarini bajarib mijozlarga xizmat ko‘rsatishmoqda.

Ko‘kdala tuman MMTBga qarashli 2- maktabda Milliyligimiz targ‘ib qilinmoqda.

Ko‘kdalada “Ibratli oila” ko‘krak nishonlari tantanali ravishda topshirildi

Tuman hokimligida 15-may – Xalqaro oila kuni munosabati bilan tumanda ibratli oila namunasi bo‘lib kelayotgan, farzandlar tarbiyasi, ularning ilmli hamda kasb-hunarli bo‘lib voyaga yetishida, shuningdek, tadbirkorlikni rivojlantirish, sog‘lom turmush tarzini targ‘ib qilish va yosh oilalarga o‘rnak bo‘lib kelayotgan oilalar ishtirokida tantanali tadbir o‘tkazildi.

Tadbirda tuman hokimi X.Djurayev, tuman prokurori R.Xurramov, tuman IIB rahbari R.Temirov, jamoatchilik hamda OAV vakillari ishtirok etdi.

Tadbir davomida tuman hokimi Xurram Djurayev so‘zga chiqib, so‘nggi yillarda davlatimiz rahbari tomonidan oiladek muqaddas qo‘rg‘onni asrab-avaylash, unda voyaga yetayotgan yoshlarni vatanparvarlik ruhida tarbiyalash uchun yaratilayotgan sharoit va imkoniyatlarga alohida to‘xtalib o‘tdi.

Shundan so‘ng, tumandagi 13 ta namunali oilaga Prezidentimiz farmonlari asosida Vazirlar Mahkamasining qarori bilan ta’sis etilgan “Ibratli oila” ko‘krak nishonlari tantanali ravishda topshirildi.

Shuningdek, tadbir davomida ushbu yuksak e’tibor va e’tirofdan ilhomlangan namunali oila vakillari so‘z olib, yurtboshimizga o‘z minnatdorliklarini bildirishdi.

Ma’lumot uchun, o‘tgan yili ushbu ko‘krak nishoni 9 ta ko‘kdalalik oilaga topshirilgan edi.

https://t.me/Kukdala_uz

#diqqat_tanlov

📚 “Dunyo mamlakatlari” kitobini o‘qib, super sovg‘alar egasiga aylaning! Tanlovda barcha O‘zbekiston fuqarolari qatnashishi mumkin. Barcha ishtirokchilariga QR kodli sertifikat beriladi.

G‘oliblar quyidagicha taqdirlanadi:
🥇1-2-o‘rinlarga – 🇹🇷Turkiyaga sayohat;
🥈3-4-o‘rinlarga – 🇪🇬Misrga sayohat;
🥉5-6-o‘rinlarga – 🇻🇳Vetnamga sayohat;
🔸7-o‘ringa – 5 million so‘m pul;
🔸8-o‘ringa – 4 million so‘m pul;
🔸9-o‘ringa – 3 million so‘m pul;
🔸10-15-o‘rinlarga – 1 million so‘mdan;
🔹16-20-o‘rinlarga – 15 tadan kitoblar;
🔹21-50-o‘rinlarga – 10 tadan kitoblar;
🔹51-100-o‘rinlarga – 8 tadan kitoblar;
🎁150 kishiga qo‘shimcha sovg‘alar.

Eng faol targ‘ibotchilarga:
🥇1-3-o‘rinlarga – 1.5 million so‘mdan;
🥈4-6-o‘rinlarga – 1 million so‘mdan;
🥉7-9-o‘rinlarga – 500 ming so‘mdan;
🔹10-20-o‘rinlarga – 8 tadan kitoblar.

✅ Kitob o‘qing, bilim oling – sovg‘a yutib, sayohat qiling!

Tanlovda ishtirok etish:
👉 https://t.me/kitobtargibot

“Motamsaro ona” haykali poyiga gulchambar qo‘yildi

Ko‘kdala tumanida 9-may — Xotira va qadrlash kuni munosabati bilan “Motamsaro ona” haykali maydonida xotira va ehtirom tadbiri bo‘lib o‘tdi.

Unda tuman hokimi Xurram Djurayev, tuman prokurori, IIB, Mudofaa ishlari bo‘limi, huquqni muhofaza qiluvchi idoralar rahbarlari, tashkilot rahbar va xodimlari, keng jamoatchilik vakillari, sportchilar hamda OAV xodimlari ishtirok etdi.

Tadbir davomida “Motamsaro ona” haykali poyiga gulchambar va gullar qo‘yilib, Vatan tinchligi hamda xalq osoyishtaligi yo‘lida jon fido qilgan yurtdoshlarimiz xotirasiga hurmat bajo keltirildi.
Shundan so‘ng, tuman hokimi so‘zga chiqib, urush va mehnat frontida mardlik va fidoyilik ko‘rsatgan, tinchlik uchun kurashib halok bo‘lgan jasur o‘g‘lonlar xotirasini yod etdi.

Tadbir yakunida tuman bosh imom-xatibi tomonidan Qur’on tilovat qilinib, yurtimiz tinchligi, osmonimiz musaffoligi va mustaqilligimizning abadiyligi tilab duolar qilindi.

https://t.me/Kukdala_uz