MollaBazarı

Məhəmməd Müxbər: “İranın obyektlərinə hücum olarsa, 9 ölkənin obyektləri hədəfə alınacaq”. 🇮🇷👤💬

İranın ali rəhbərinin köməkçisi və müşaviri Məhəmməd Müxbər bildirib ki, ölkənin nüvə elektrik stansiyasına və ya neft-kimya zavoduna hücum ediləcəyi təqdirdə, İran 9 ölkənin müvafiq obyektlərini hədəfə alacaq.

Müxbər İranın “regional müharibə” strategiyasının çəkindirici rol oynadığını iddia edib. O, həmçinin Əli Xameneinin raket və dronların imkanlarından xəbərdar olduğunu, Müctəba Xameneinin isə hücum müharibəsi üçün hazırlıq və imkanların yaradılmasını nəzərdə tutduğunu bildirib.

محمد مخبر: اگر به تاسیسات ایران حمله شود، تاسیسات ۹ کشور هدف قرار می‌گیرد

İranın rabitə infrastrukturuna kiberhücumlar kəskin artıb. 🔺

İranın rabitə nazirinin müavini Behzad Əkbəri son 28 saat ərzində ölkənin şəbəkə və rabitə infrastrukturuna kiberhücumların intensivliyinin kəskin artdığını bildirib. Onun sözlərinə görə, hücumların əksəriyyəti müdafiə sistemləri tərəfindən dəf edilib.

Eyni zamanda, Tənzimləmə Təşkilatının rəhbəri Həmid Fəttahi internet keyfiyyətinin aşağı düşdüyünü və istifadəçi şikayətlərinin artdığını təsdiqləyib. O, buna səbəb kimi tezlik problemlərini, infrastruktur nasazlıqlarını və elektrik kəsintilərini göstərib.

ایرانین رابيطه اینفراستروکتورونا سایبِر حوجوم‌لار کَسکین آرتیب

Rubio: “İranın geniş əraziləri gələcək hücumlara qarşı müdafiəsizdir”. 🇺🇸🗣️

ABŞ Dövlət katibi Marko Rubio bildirib ki, Vaşinqton İranla müharibədə qarşıya qoyduğu hərbi məqsədlərə nail olub və İran ərazisinin böyük hissəsi mümkün gələcək hücumlara qarşı həssas vəziyyətdədir.

Rubio bu fikirləri ötən həftə Breitbart News saytına verdiyi, oktyabrın 2-də dərc olunan müsahibəsində səsləndirib. O, ABŞ prezidenti Donald Trampın müharibədə əsas məqsədinin İranın nüvə silahı əldə etməsinin qarşısını almaq olduğunu deyib.

Rubionun sözlərinə görə, ABŞ və İsrailin hava hücumları nəticəsində İranın hava və dəniz qüvvələrinə ciddi zərbə vurulub. O iddia edib ki, bu səbəbdən İran artıq ənənəvi hərbi müdafiə sistemi arxasında gizlənərək nüvə silahı hazırlamaq imkanına malik deyil.

Onun iddiasına görə, Tehran Hörmüz boğaz üzərində nəzarəti ələ keçirməyə çalışsa da, nəticədə bu nəzarəti itirib.

روبیو: ایرانین گنی‌ش ارازيلری گله‌جک حوجوم‌لارا قارشی مودافیه‌سیز دیر

Əraqçidən Tramp və Netanyahuyaya xəbərdarlıq: “Ehtiyatlı olun, bizimdə yarımçıq qalmış işimiz var”.❗️

İranın xarici işlər naziri Abbas Əraqçi ABŞ prezidenti Donald Trampın və İsrailin baş naziri Benyamin Netanyahunun son açıqlamalarına cavab verərək onları xəbərdar edib.

Əraqçi sosial şəbəkədə yazıb: “Sonuncu dəfə işi bitirməyə çalışanda İran əvvəlkindən daha güclü çıxdı. Yenidən şansınızı sınamaq istəyirsiniz? Davam edin! Amma ehtiyatlı olun! Bizim də yarımçıq qalmış işimiz var”.

O, həmçinin Netanyahunu həbsxanadan yayınmaq üçün ABŞ-ı yeni müharibəyə sürükləməyə çalışmaqda ittiham edib və müharibənin İsrail, eləcə də ABŞ prezidenti üçün mümkün nəticələrindən narahat olduğunu iddia edib.

Açıqlamalar Tramp və Netanyahunun İranın davranışı dəyişməyəcəyi təqdirdə ABŞ və İsrailin birgə hərəkət edərək “işi bitirəcəkləri” barədə xəbərdarlıqlarından sonra səsləndirilib.

عراقچی‌دن ترامپ و نتانیاهویا اخطار: «احتیاطلی اولون، یاریما قالمیش ایشیمیز وار»

Əraqçi: “Hörmüz boğazı İranın şərtləri qəbul edilərsə, altı günə açılacaq”. 🇮🇷👤💬

İranın xarici işlər naziri Abbas Əraqçi bildirib ki, ABŞ Tehranın şərtlərini qəbul edərsə, iki ölkə arasında danışıqlar yeddinci gün bərpa olunacaq.

İran mediasının məlumatına görə, Tehran yeddi günlük planı Qətər vasitəsilə Vaşinqtona təqdim edib. Əraqçi təklifin dəyişmədiyini və qərarın ABŞ-dan asılı olduğunu bildirib. Lakin şərtlərin detalları və Vaşinqtonun cavabı açıqlanmayıb.

İran daha əvvəl limanlarına tətbiq edilən dəniz blokadasının və neft ixracına qoyulan məhdudiyyətlərin aradan qaldırılmasını tələb edib. Nüvə proqramı ilə bağlı fikir ayrılıqları da tərəflər arasında razılaşmaya mane olur.

ABŞ və İsrailin fevralın 28-də İrana hücumlarından sonra Hörmüz boğazında gəmiçilik hərəkəti pozulub. Dünyanın əsas neft və qaz daşınması marşrutlarından biri olan boğazda məhdudiyyətlər enerji təchizatı və beynəlxalq ticarətlə bağlı narahatlıqları artırıb.

عراقچی: هرمز بوغازى ایرانین شرط‌لری قبول ائدیلسه، آلتی گونه آچیلاجاق

Tramp: “İran liderlərinin dediyi hər şeyi eşidirik”. 🇺🇸🗣️

ABŞ prezidenti Donald Tramp bildirib ki, Vaşinqton İran rəhbərliyinin fəaliyyətini və açıqlamalarını izləyir. “Onların etdikləri hər şeyi eşidirik”, – deyə o, Corciya ştatının Elton şəhərində çıxışı zamanı bildirib.

Tramp məlumatı məxfi adlandırsa da, ABŞ-ın onu necə əldə etdiyini açıqlamayıb. O, İranla münaqişəni hərbi təlimə bənzədib, müharibənin tezliklə başa çatacağını və İranın heç vaxt nüvə silahı əldə etməyəcəyini deyib.

ایران لیدرلرینین ددیک‌لری هر شئیی ائشیدیریق

İranın Pakistana ixracı dayandırılıb. ❌

Tehran Ticarət Palatasının Nəqliyyat Komissiyasının rəhbəri bildirib ki, İranın Pakistana ixracı hazırda dayanıb, idxal isə davam edir.

Biman Sanandci qeyd edib ki, iki ölkə arasında quru ticarət sərhədi bağlanmayıb. Lakin Pakistan idxalçıları İrandan aldıqları mallar üçün bank sisteminə elektron idxal forması təqdim etməlidirlər.

Onun sözlərinə görə, İran banklarına qarşı sanksiyalar bu prosesi çətinləşdirib və Pakistan idxalçıları üçün problemlər yaradıb.

Palata rəsmisi xəbərdarlıq edib ki, bank əməliyyatları ilə bağlı məhdudiyyətlər aradan qaldırılmasa, İranın Pakistana ixracı faktiki olaraq dayanmış vəziyyətdə qalacaq.

ایرانین پاکستانا ایخراجی دایاندیریلیب

Qumda başqa kişini öpdüyünə görə qadına 50 şallaq cəzası verildi. ⚖️

İranın Qum şəhərində bir qadın başqa kişi ilə fiziki təmasda olmaq ittihamı ilə 50 şallaq cəzasına məhkum edilib.

HRANA-nın məlumatına görə, Qum Cinayət Məhkəməsinin 119-cu şöbəsi 18 Mehr 1405-ci il tarixli hökmündə qadına qarşı bu cəzanı təyin edib.

Qərar qadının ərinin şikayəti və qəhvəxanada onun başqa kişi ilə fiziki təmasını əks etdirən videonun məhkəməyə təqdim edilməsindən sonra verilib.

Hökmün mətninə əsasən, məhkəmə videonu araşdırdıqdan sonra qadının naməhrəm kişi ilə öpüşdüyü və qucaqlaşdığı qənaətinə gəlib. Qadın isə məhkəmə iclasında ittihamı rədd edib.

#kərimədövləti

قم‌ شهرینده باشقا کیشی‌نی اوپدوینه گؤره قادینه ۵۰ شلاق جزاسی وئریلدی

Tramp Rusiya və İrana qarşı sanksiyaların bir hissəsini təxirə salır. 🇺🇸👤📄

Ağ Ev bildirib ki, ABŞ Prezidenti Donald Tramp oktyabrın 14-də “Rusiya və İrana qarşı sanksiyalar haqqında Qanun” çərçivəsində bəzi sanksiyaların, məhdudiyyətlərin və tariflərin tətbiqini dayandıran sərəncam imzalayıb.

Qərar yeni qaydaların qüvvəyə minməsinə iki gün qalmış qəbul edilib. Tramp bu tədbirlərdən müvəqqəti azadolmanın ABŞ-ın milli maraqlarına uyğun olduğunu bildirib və qərarı təsdiq üçün Konqresə təqdim edib.

“Lindsi Qrem qanunu” kimi tanınan qanun 18 sentyabr 2026-cı ildə Tramp tərəfindən imzalanıb.

Qanun Rusiya ilə əlaqəli şəxslərə və təşkilatlara sanksiyalar tətbiq etməklə yanaşı, Rusiya neft və qazını almağa davam edən və ya sanksiyalardan yayınmağa kömək edən ölkələrdən idxal olunan mallara yüksək tariflərin tətbiqini nəzərdə tutur.

Qanuna əsasən, Rusiya neft və qazının əsas alıcılarından idxal olunan mallara 100 faizə qədər tarif tətbiq edilə bilər.

ترامپ روسیه و ایرانا قارشی سنکسییالارین بیر قسمینی تأخیر سالیر

Axios: İranın pulu yoxdu, müttəfiq qrupları sepaha pul göndərir.

ABŞ Mərkəzi Komandanlığının (CENTCOM) komandanı admiral Bred Kuper bildirib ki, İran tərəfindən dəstəklənən silahlı qruplar doqquz aylıq müharibənin iqtisadi təzyiqini azaltmaq üçün İslam İnqilabı Keşikçiləri Korpusuna (İİKK) pul göndərirlər.

ABŞ rəsmilərinin sözlərinə görə, dəniz blokadası İranın neft gəlirlərinə 25 milyard dollar ziyan vurub, 350 milyon dollarlıq kriptovalyuta aktivlərinin dondurulması isə ölkədəki maliyyə böhranını daha da ağırlaşdırıb.

Kuperin sözlərinə görə, Hizbullah, HƏMAS və İraqdakı şiə silahlı qrupları əvvəllər İİKK-dan aldıqları maliyyə yardımının bir hissəsini indi geri göndərirlər. Məlumatlara əsasən, bəzi qruplar vəsait çatışmazlığı səbəbindən döyüşçülərinə ödənişləri də dayandırıblar.

Kuper Hörmüz boğazında gəmilərə hücumların artmasını İİKK-nın çətin vəziyyətə düşməsinin əlaməti adlandırıb. O bildirib ki, boğaz hələ də açıqdır və ötən həftə buradan 100 milyon barel neft daşınıb.

Bürucerdi Trampı hədələdi: “Bombaların anasından istifadə edin, biz də raketlərin atasından istifadə edəcəyik”. 🇮🇷🗣️

İran parlamentinin Milli Təhlükəsizlik və Xarici Siyasət Komissiyasının üzvü Əlaəddin Bürucerdi ABŞ prezidenti Donald Trampın İrana qarşı “bombaların anası”ndan istifadə ehtimalı ilə bağlı açıqlamalarına cavab verib.

Bürucerdi bildirib ki, ABŞ belə bir addım atarsa, İran da raketlərdən istifadə edərək Vaşinqtona bunun bədəlini ödədəcək.

O, həmçinin İranın Hörmüz boğazı ilə bağlı siyasətinin dəyişməyəcəyini vurğulayıb və ABŞ-ı İslam Respublikasının “qırmızı xətlərini” pozmamaq barədə xəbərdar edib.

بروجردی ترامپی تهدید ائتدی: «بومبالارین آناسیندان ایستیفاده ائدین، بیز ده راکئتلرین آتاسیندان ایستیفاده ائده‌جئیق»

CENTCOM: İranın neft ixracına 25 milyard dollarlıq zərbə vurulub. 💰

ABŞ Mərkəzi Komandanlığının (CENTCOM) komandanı admiral Bred Kuper oktyabrın 14-də bildirib ki, İrana qarşı dəniz blokadası gücləndirilir və ölkənin ixrac-idxal imkanları ciddi şəkildə məhdudlaşdırılır.

Onun sözlərinə görə, ABŞ İranın ən azı 25 milyard dollar dəyərində xam neft ixracının qarşısını alıb. Hazırda Yaxın Şərqdə 50 mindən çox ABŞ hərbçisi yerləşdirilib.

Kuper bildirib ki, son bir həftədə Hörmüz boğazından 400 ticarət gəmisi keçib və ABŞ qüvvələri boğazdan 1,3 milyard bareldən çox xam neftin daşınmasına dəstək verib.

سنترکام: ایرانین نفت ایخراجینا ۲۵ میلیارد دولارلیق زربه وورولوب

İran Parlamentinin Milli Təhlükəsizlik Komissiyasının sədri İbrahim Əzizi ABŞ Prezidenti Donald Trampın “Bombaların Anası”nın istifadəsi ilə bağlı açıqlamalarına cavab verib. 🇮🇷🗣️

Əzizi “Millət Evi” xəbər agentliyinə bildirib ki, İran milli maraqlarına, təhlükəsizliyinə və ərazi bütövlüyünə qarşı istənilən addıma qətiyyətli və peşmanedici cavab verəcək.

O, İranın qədim tarixə və zəngin sivilizasiyaya malik bir xalq olduğunu vurğulayaraq, ABŞ-ın təhdidlərinə qarşı ölkənin silahlı qüvvələrinin istənilən mümkün hücuma hazır olduğunu qeyd edib.

ابراهیم عزیزی: ایرانا قارشی ایستنیلن حرکته قاطع جوواب وریله‌جک

İranda axund Yaser Taheri şəxsi evində öldürülüb. 👳🏻‍♂️

Mazandaran əyalətinin ruhani icmasının üzvü və Sari şəhərinin Rəhbənd məhəlləsində yerləşən Həsən Əskəri məscidinin imamı axund Yaser Taheri bu gün şəxsi evində soyuq silahla qətlə yetirilib.

Məlumata görə, Taheri həmçinin İslam İnqilabı Keşikçiləri Korpusunun (SEPAH) üzvü və Saridəki Məhdəvi Bəsic qərargahının rəhbəri olub.

O, yanvar ayında keçirilən etirazlar zamanı etirazçıların həbsində və öldürülməsində mühüm rol oynamaqda ittiham edilirdi. Həmçinin, dəfələrlə Sari küçələrində həbs olunan gənclərin edam edilməsinə çağırış etdiyi bildirilir.

Hadisənin təfərrüatları və qətlin mümkün səbəbləri barədə əlavə məlumat verilməyib.

#kərimədövləti

ایراندا آخوند یاسر طاهری شخصی ائوینده قەتل ائدیلیب

İran 7 ölkədəki körpüləri mümkün hücum hədəfləri kimi müəyyən edib.

İranın “Jiran” təhlükəsizlik bülleteninin məlumatına görə, ABŞ və İsrail tərəfindən İrana hücum ediləcəyi təqdirdə “sıfır saat”da hədəf alına biləcək 7 ölkədəki körpülərin siyahısı müəyyən edilib.

Siyahıya İsraildəki Karmel və Ayalon, Səudiyyə Ərəbistanındakı Kral Fəhd və Vadi Laban, Birləşmiş Ərəb Əmirliklərindəki Şeyx Zayed və Sonsuzluq, Qətərdəki Lusail, Küveytdəki Şeyx Cabir, Bəhreyndəki Şeyx Həməd və İordaniyadakı Abdun körpüləri, eləcə də Omandakı Sahar keçidləri daxildir.

Məlumatda bu obyektlərin mümkün hədəflər kimi nəzərdən keçirildiyi bildirilir.

ایران ۷ اولکده‌کی کورپولری مومکون هجوم هدفلری کیمی معین ائدیب

Tehranda qadınlar məcburi hicab olmadan azad şəkildə gəzirlər. 👱🏼‍♀️👩🏻

#kərimədövləti

تهران‌دا خانیملار مجبوری حجاب اولمادان گزیرلار

ABŞ İrana bağlı maliyyə və kommersiya şəbəkələrinə qarşı yeni sanksiyalar tətbiq edib. 🇺🇸

ABŞ Maliyyə Nazirliyi İranın maliyyə və kommersiya şəbəkələri ilə əlaqəli 16 şəxsə və 11 quruma qarşı yeni sanksiyalar tətbiq olunduğunu açıqlayıb.

Nazirliyin məlumatına görə, sanksiyalar İran, Birləşmiş Ərəb Əmirlikləri, İraq, Kuba və Honkonqda fəaliyyət göstərən şirkət və şəxslərin sanksiyalardan yayınma və maliyyə köçürmələri ilə bağlı fəaliyyətlərini hədəf alır.

Sanksiyaya məruz qalan qurumlar arasında İraqdakı Beynəlxalq İnvestisiya və Maliyyələşdirmə İnkişaf Bankı, Kuba Beynəlxalq Ticarət Bankı, Çabahar Beynəlxalq Bankı və Cəzirə Beynəlxalq Bankı, eləcə də İran, BƏƏ və Honkonqda fəaliyyət göstərən bir sıra ticarət və birja şirkətləri yer alır.

Bundan əlavə, maliyyə və ticarət şəbəkələri ilə əlaqəli 16 menecer və digər şəxs də ABŞ-ın 2013-cü il tarixli İcra Fərmanı əsasında sanksiyalara məruz qalıb.

آمریکا ایرانلا باغلی مالی و تجاری شبکه‌لره گؤره ۱۶ شخصه و ۱۱ قوروما قارشی یئنی تحریم‌لر طتبیق ائتدی

Tramp: “İrana hücumla bağlı məlumatları sızdıranlar həbs edilməli və ya güllələnməlidir”.❗️

ABŞ Prezidenti Donald Tramp İrana hücumun vaxtı barədə məlumatları mediaya sızdıran şəxslərin həbs olunmalı və ya güllələnməli olduğunu bildirib. Associated Press-in məlumatına görə, Tramp sızdıranları rüsvayçılıq adlandıraraq onlara qarşı sərt tədbirlər görülməsini tələb edib.

Arizona ştatının Bullhead şəhərindəki seçki kampaniyasında Tramp B-2 bombardmançılarının uçuşu barədə məlumatların “The New York Times” və “CNN” tərəfindən yayımlandığını iddia edib.

O, məlumat sızmasına görə əməliyyatı təxirə saldığını, lakin iki gün sonra, 2025-ci ilin iyununda hücumun həyata keçirildiyini bildirib.

Tramp iddia edilən sızmanın arxasında duran şəxslərin kimliyini açıqlamayıb və əlavə sübut təqdim etməyib.

ترامپ: ایرانا حجوملا باغلی معلوماتلاری سیزدیرانلار حبس اولونمالی و یا گولللنملیدیر

Tramp: İran rəhbərliyinin danışıqlardakı əsas xahişi “Bizə yaşamağa icazə verin” olub. 🇺🇸🗣️

ABŞ Prezidenti Donald Tramp Montanada çıxışında İranla bağlı məsələnin çox tezliklə sona çatacağını və bundan sonra neft qiymətlərinin kəskin düşəcəyini bildirib.

Tramp İranın donanmasının və hava qüvvələrinin olmadığını, hərbi qüvvələrinin darmadağın edildiyini və rəhbərliyinin sıradan çıxarıldığını iddia edib.

O, İran rəhbərliyinin danışıqlarda əsas xahişinin “Xahiş edirik, bizə yaşamağa icazə verin ” olduğunu deyib.

Tramp əlavə edib ki, İranla bağlı vəziyyət ya hərbi yolla, ya da razılaşma vasitəsilə tezliklə həll olunacaq. O, həmçinin ABŞ-ın İranın nüvə silahı əldə etməsinə imkan verməyəcəyini vurğulayıb.

ABŞ Prezidenti İranı Yaxın Şərqin “zorbası” adlandıraraq, ölkənin əvvəlki gücünü itirdiyini iddia edib.

ترامپ: ایران رهبرلارینین مداکیرلارده اساس خاهی‌شی «بیزه یاشاماغا ایجازه وئرین» اولوب

Katz: “İran İsrailə hücum edərsə, bütün infrastrukturunu, o cümlədən enerji obyektlərini vuracağıq”. 🇮🇱🗣️

İsrailin müdafiə naziri İsrael Katz xəbərdarlıq edib ki, İran İsrailə hücum edəcəyi təqdirdə, İsrailin İrana qarşı zərbələrində mövcud məhdudiyyətlər aradan qalxacaq.

Katz bildirib ki, belə bir halda İsrail İranın bütün milli, hərbi və mülki infrastrukturunu, o cümlədən enerji obyektlərini hədəfə alacaq.

“İranın İsrailə hücumu bizi bütün məhdudiyyətlərdən azad edəcək. Biz bütün infrastruktura, o cümlədən enerji infrastrukturuna zərbələr endirəcəyik və İranı daş dövrünə və qaranlığa qaytaracağıq”, – Katz deyib.

کاتس: اَگَر ایران بِه اِسرائیل حوملِه کُند، تَمامِ زیرساخت‌های آن، اَز جُملِه تاسیساتِ اِنِرژی را هَدَف قَرار خاهیم داد

ABŞ Amir Yaryab haqqında məlumat üçün 10 milyon dollara qədər mükafat elan edib. 🇺🇸💰

ABŞ Dövlət Departamentinin “Rewards for Justice” proqramı İran İslam İnqilabı Keşikçiləri Korpusunun (SEPAH) Kiber-Elektron Komandanlığının yüksək vəzifəli şəxsi Amir Yaryab haqqında məlumat verənlərə 10 milyon dollara qədər mükafat təklif edib.

ABŞ tərəfinin iddiasına görə, Yaryab SEPAH-ın Kiber Əməliyyatlar Komandanlığına rəhbərlik edir və SEPAH-la əlaqəli “Şəhid Həmmat” və “Şəhid Şuştəri” kiber qruplarının ABŞ-ın kritik infrastrukturuna qarşı fəaliyyətlərini yönləndirib.

آمریکا امیر یاریاب حاققیندا معلومات وئرانلارا ۱۰ میلیون دولارا قدر مۆکافات ائلان ائدیب

ABŞ hücumlarında 6 İran Hərbi Dəniz Qüvvələri zabiti həlak olub. ❌

İran mediası ABŞ qüvvələrinin sentyabrın 1-də İranın cənub sahillərindəki hədəflərə endirdiyi hava zərbələri nəticəsində 6 İran Hərbi Dəniz Qüvvələri zabitinin həlak olduğunu bildirib.

آمریکا حمله‌لریندا ۶ ایران دنیز قوّوه‌لری ضابطی هلاک اولوب

ABŞ-ın son hücumlarında İran ordusunun üç pilotu öldürülüb. 👤👤👤💺

İnqilab Keşikçiləri Korpusuna yaxınlığı ilə tanınan Tasnim xəbər agentliyi ABŞ-ın İrana son hava hücumları zamanı İran İslam Respublikası ordusunun üç pilotunun öldürüldüyünü bildirib.

Agentlik pilotların adlarını və fotolarını yayıb. Onlardan ikisinin hərbi dəniz pilotu, birinin isə hava qüvvələri pilotu olduğu qeyd edilib. Lakin onların harada və nə vaxt öldürüldüyü açıqlanmayıb.

Bildirilib ki, açıqlanan adlar sentyabrın 1-də ABŞ-ın Əhvaz və Ağacəri şəhərlərinə hücumlarında öldürüldüyü elan edilən yeddi nəfər arasında yer alır.

İran rəsmiləri ABŞ-ın son hava hücumları zamanı cənubi Kerman əyalətindəki Ciroft hava limanı, Kermanşah, Əsəluyə, Xuzistan əyalətindəki ərazilər, Sistan və Bəlucistan əyalətindəki Çabahar və Konarak, həmçinin Hörmüzqan əyalətindəki Sirik, Lavan, Qeşm və Bəndər Abbasın hədəfə alındığını bildiriblər.

Netanyahu: “İrandakı rejim süqut edəcək, biz onu devirəcəyik”. ❗️

İsrailin Baş naziri Benyamin Netanyahu İrandakı rejimin devriləcəyini bildirib.

“İrandakı rejim süqut edəcək. Biz onu devirəcəyik. Rejim artıq son günlərini yaşayır.

Mənim rəhbərliyim altında bütün sistemlərimiz bu rejimi devirmək üçün fəaliyyət göstərir”, – Netanyahu deyib.

نتانیاهو: «ایراندکی رژیم سۇقوت اېدەجک، بیز اونو دویرەجەییک»

Donald Tramp: “Bizim xəbərimiz olmadan tualetə belə gedə bilməzlər”.

ABŞ prezidenti Donald Tramp İranın fəaliyyətlərini yaxından izlədiklərini və Vaşinqtonun Tehranın hərəkətlərindən xəbərdar olduğunu bildirib.

Tramp deyib: “Biz onların tikinti işləri apardığını gördük və etdikləri hər şeyi izləyirik”.

O əlavə edib: “Bizim xəbərimiz olmadan hərəkət edə bilməzlər. Bizim xəbərimiz olmadan hətta tualetə belə gedə bilməzlər”.

دونالد ترامپ: خبر یمیز اولمادان حتی توالته ده گیده بیلمزلار

İran Küveytdəki ABŞ hərbi bazasında “əsas obyekt”i vurduğunu bildirib. 🇮🇷

Bu barədə İranın Press TV telekanalı məlumat yayıb. Bildirilir ki, bazaya raket və pilotsuz uçuş aparatları ilə zərbələr endirildikdən sonra ərazidən tüstü buludları qalxıb.

Mümkün itki və ziyanla bağlı hələlik rəsmi məlumat verilməyib. İranın Küveytdəki ABŞ obyektlərinə hücumları barədə məlumatı digər mənbələr də təsdiqləyir, lakin zərbələrin nəticələri ilə bağlı tərəflərin açıqlamaları fərqlənir.

ایران کوەیتدەکی آمریکانین حەربی بازاسین‌دا «اساس اوبیکت»ی ووردوغونو بیلدیریب

Tramp Hörmüz boğazının adının “Tramp boğazı” olaraq dəyişdirilməsini təklif edib. 👤💬

ABŞ prezidenti Donald Tramp Hörmüz boğazının adının “Tramp boğazı” olaraq dəyişdirilməsini təklif edib. O, Truth Social-da ABŞ-ın boğaza nəzarət etdiyini iddia edərək bu sualı verib.

Tramp həmçinin bildirib ki, boğaz “Amerikanın özü kimi, əvvəlkindən daha isti olacaq”. O, daha əvvəl də Hörmüz boğazına nəzarəti ələ keçirmək niyyətindən danışıb.

Trampın bu açıqlaması ABŞ qüvvələrinin Hörmüz boğazı yaxınlığında İİKK-nin mövqelərinə yeni zərbələr endirməsindən bir gün sonraya təsadüf edib

ترامپ هرموز بوغازینین آدینی «ترامپ بوغازى» دَییشدیرمَیی تَکلیف ائدیب

Basnet: “Hər kəsə mesajım Tehrandan uzaq durmaqdır”. 👤💬

ABŞ maliyyə naziri Skott Basnet aviaşirkətlərin, gəmiçilik şirkətlərinin və rəqəmsal aktivlər sektorunun İranın iqtisadi təcridinə qarşı növbəti sanksiya hədəfləri ola biləcəyini bildirib.

Basnet “Fox News”a deyib: “Hər kəsə mesajım Tehrandan uzaq durmaqdır. Hamımız bunun bitməsini istəyirik və bunun ən sürətli yolu bu rejimi dəstəkləyənlərin bunu dayandırmasıdır”.

O, İİKK ilə əməkdaşlıq edən istənilən qurumun sanksiyaya məruz qalacağını və ABŞ-ın İİKK-nın aktivlərini izlədiyini bildirib.

Basnet vurğulayıb: “Sıfır tolerantlıq nümayiş etdirəcəyik və bu rejimi iqtisadi cəhətdən diz çökdürəcəyik”.

Nazir həmçinin İİKK-nın xaricdəki hesab və əmlaklarının müəyyən edildiyini, bu aktivlərin dondurulacağını açıqlayıb.

باسنت: هر کس پیامیم تهران‌دان اوزاق دورماقدی