Strategic Focus: Middle East and North Africa

Saudiya Yamandagi mojaro sabab og‘ir vaziyatda qolmoqda – Tom Barrak

AQSHning Turkiyadagi elchisi Tom Barrak Yamandagi vaziyat va Saudiya Arabistoni duch kelayotgan qiyinchiliklar haqida fikr bildirgan. Uning ta’kidlashicha, Saudiya Arabistoni hozirda murakkab vaziyatda qolmoqda. Barrak Yaman tarixining o‘ziga xos jihatlari va mintaqadagi jarayonlarning murakkabligini qayd etib, bu borada mintaqa vakillariga tushuntirish berishga hojat yo‘qligini bildirgan.

Shuningdek, elchi kuch ishlatishga asoslangan harbiy javob choralari avval ham kutilgan natijani bermaganini ta’kidlagan. Uning fikricha, bunday yondashuv kelgusida ham samarali bo‘lishi ehtimoli past.

Strategic Focus: Middle East and North Africa

🇺🇸🇮🇱Vens Netanyaxuni qo‘llab-quvvatlashdan bosh tortdi

AQSH vitse-prezidenti Jey Di Vens asosiy e’tiborini AQSHda bo‘lib o‘tadigan oraliq saylovlarga qaratishini bildirib, Isroilda 27-oktyabr kuni bo‘lib o‘tadigan ovoz berish arafasida Bosh vazir Binyamin Netanyaxuni ochiq qo‘llab-quvvatlashdan bosh tortgan.

Strategic Focus: Middle East and North Africa

🇺🇸🇮🇱Netanyaxu va Tramp hamkorlikni davom ettirishga tayyor ekanini bildirdi

Isroil Bosh vaziri Binyamin Netanyaxu va AQSH Prezidenti Donald Tramp o‘zaro ittifoq va hamkorlikni davom ettirishga tayyor ekanligini ta’kidlagan.

“Netanyaxu: “Donald, biz yakunlashimiz kerak bo‘lgan ish bor. Biz uni birgalikda oxiriga yetkazamiz. Buni amalga oshiramiz”.

Tramp: “Siz buyuk jangchisiz va biz buni juda tez orada isbotlaymiz. Menimcha, siz ulkan g‘alabaga erishasiz. Siz men yonimda ko‘rishni istaydigan insonsiz”.

Netanyaxu: “Bizning ittifoqimiz birgalikda aql bovar qilmas natijalarga erisha olishimizni isbotladi”, deb aytgan.

Strategic Focus: Middle East and North Africa

🇮🇱Arab saylovchilari Netanyaxuning hokimiyatdan ketishiga ta’sir ko‘rsatishi mumkin

Isroilda kelasi hafta bo‘lib o‘tadigan saylovlarda arab saylovchilarining faolligi Binyamin Netanyaxuning hokimiyatdan ketishiga ta’sir qilishi mumkin. Bu haqda mamlakatdagi siyosiy vaziyatga oid xabarlarda ta’kidlanmoqda.

Ma’lumotlarga ko‘ra, arab jamoasi yetakchilari saylovchilarni safarbar etish orqali Isroil tarixidagi eng o‘ng qarashlarga ega hukumatga qarshi siyosiy faollikni kuchaytirmoqda.

Strategic Focus: Middle East and North Africa

🇦🇱🇷🇺🇮🇷Albaniya Bosh vaziri namoyishlarda Rossiya va Eron ta’siri borligini da’vo qildi

Albaniya bosh vaziri Edi Rama mamlakatdagi namoyishlar haqida fikr bildirib, noroziliklar boshlanganidan buyon ijtimoiy tarmoqlarda Rossiya ta’siri kuchayganini ta’kidlagan. Uning so‘zlariga ko‘ra, “Flamingo inqilobi” boshlangan ilk kunlardanoq jamoatchilik noroziligi ijtimoiy tarmoqlarda Rossiya ta’sirining kuchayishi bilan birga kechgan.

“Tabiatni himoya qilishni istayotgan albaniyaliklar sifatida ko‘rinish uchun 10 minglab soxta akkauntlar yaratildi. Ular safarbar qilindi. Xuddi Eron terrorchi respublikasi tomonidan Albaniyada tabiatni himoya qilish bahonasida minglab boshqa odamlar safarbar qilinganidek.

Qanday qilib bularning barchasini tasodif deb hisoblash mumkin? Bu tasodif emas. Bu yerda hech qanday tasodif yo‘q”, degan Edi Rama.

Strategic Focus: Middle East and North Africa

🇮🇷Eron mintaqaviy xavfsizlik mexanizmini yaratish shartini ma’lum qildi

Eron Tashqi ishlar vazirligi vakili Ismoil Baqoiy mintaqaviy xavfsizlik mexanizmini yaratish uchun qo‘shni davlatlar o‘z hududlaridan boshqa mamlakatlarga qarshi foydalanilishiga yo‘l qo‘ymasligi kerakligini ta’kidlagan.

“Qo‘shni davlatlar tajovuzkorga o‘z hududlarini taqdim etayotgan bir paytda, yaxshi qo‘shnichilik munosabatlari haqida gapirish mumkin emas. Agar ular haqiqatan ham mintaqaviy xavfsizlik mexanizmini yaratmoqchi bo‘lsa, birinchi qadam tashqi kuchlarning o‘z hududlaridan boshqa mamlakatlarga tahdid qilish va ularga hujum uyushtirish uchun foydalanishiga yo‘l qo‘ymaslik kerak”, degan Ismoil Baqoiy.

Strategic Focus: Middle East and North Africa

🇨🇦🇵🇸Kanada opera kompaniyasi ochilishida Falastin bayrog‘ini ko‘targan ijrochini ishdan bo‘shatdi.

Strategic Focus: Middle East and North Africa

Hech qanday sivilizatsiyalar urushi rag‘batlantirilmasligi kerak – Aroqchi

Eron TIV rahbari Abbos Aroqchi Rossiya Tashqi ishlar vaziri Sergey Lavrov bilan o‘tkazilgan matbuot anjumanida Yevropa davlatlari va AQSHning mojaroni sivilizatsiyalar o‘rtasidagi urush sifatida talqin qilishga urinishlarini tanqid qilgan.

“Yevropa hozir yo‘l qo‘yayotgan va AQSH boshlab bergan yanada jiddiy xato – bu mojaroni sivilizatsiyalar urushi sifatida ko‘rsatishdir. O‘zlari yaratgan boshi berk vaziyatdan chiqish uchun ular endi tarixga murojaat qilib, o‘tmishdan eronliklar ularga hujum qilgan holatlarni izlashmoqda.

Menimcha, bu shunchaki o‘zlarini va xalqaro hamjamiyatni aldashga urinishdir. Hech qanday sivilizatsiyalar urushi rag‘batlantirilmasligi kerak va bugungi kunda ham bunday urush yuz bermasligi lozim”, deb aytgan Abbos Aroqchi.

Strategic Focus: Middle East and North Africa

Dushmanlarimizga har qanday vaqtda zarba berishga tayyormiz – Netanyaxu

Isroil Bosh vaziri Binyamin Netanyaxu mamlakat dushmanlariga zarur bo‘lgan har qanday vaqtda zarba berish uchun yetarli tayyorgarlik, qat’iyat va salohiyatga ega ekanini ta’kidlagan.

“Biz dushmanlarimizga zarur bo‘lgan har qanday vaqtda zarba berish uchun tayyorgarlik, qat’iyat va imkoniyatlarga egamiz. Dushmanlarimiz bundan avval boshdan kechirgan zarbalaridan ham og‘irroq zarbalarga duch keladi”, deb aytgan u.

Strategic Focus: Middle East and North Africa

🇮🇱🇵🇸Bosib olingan G‘arbiy Sohilda Isroil ko‘chmanchilari Ramallohdan shimolda Turmus Ayya shaharchasiga hujum qilib, falastinlik dehqonlarni zaytunzorlarda kaltaklagan hamda bitta uy va avtomashinaga o‘t qo‘yib yuborgan.

Strategic Focus: Middle East and North Africa

🇹🇷🇮🇱Istanbulda turkiyalik faollar isroillik ayolga hujum qildi

Istanbuldagi savdo markazlaridan birida turkiyalik faollar Isroil fuqarosiga hujum qilib, “Bizga qarshi sionistlarni xohlamaymiz” shiorini aytib baqirgan.

Aksiya ishtirokchilarining hujumiga ushbu ayol oilasining Isroil mudofaa armiyasi (SAXAL) bilan go‘yoki aloqalari borligi haqida da’volar sabab bo‘lgan. Hujum qilganlar ayolning oila a’zolari Isroil qo‘shinlarida xizmat qilganini da’vo qilgan, biroq bu ma’lumotning rasmiy tasdiqlari taqdim etilmagan.

Voqea joyiga Turkiya politsiyasi tezkorlik bilan yetib kelib, mojaroga aralashgan va binodan xavfsiz chiqarilishini ta’minlagan.

Strategic Focus: Middle East and North Africa

🇪🇺🇮🇱Isroillik ko‘chmanchilar Yevropa diplomatlariga hujum qildi

Isroillik ko‘chmanchilar guruhi Iordan daryosining G‘arbiy sohilida Yevropa diplomatik korpusi vakillariga hujum uyushtirgan. Hodisa Fransiya, Belgiya va Polsha diplomatlari tashrif buyurgan Taybe aholi punktida qayd etilgan.

Kvadratsikllarda harakatlangan niqobli 7 nafar hujumchi diplomatik missiya avtomashinasini to‘sib qo‘yib, hujjatlarni taqdim etishni talab qilgan hamda Belgiya konsulligiga tegishli mashina oynasini sindirib tashlagan.

Isroil Mudofaa armiyasi sodir bo‘lgan voqeani qoralagan, huquq-tartibot idoralari esa hujum tafsilotlarini o‘rganish bo‘yicha tergov boshlagan.

Strategic Focus: Middle East and North Africa

🇸🇦Saudiyada vertolyot qulashi oqibatida 2 kishi halok bo‘ldi

Saudiya Arabistonining Najron viloyatida razvedka vertolyoti halokatga uchragan. Bu haqda arab koalitsiyasining rasmiy vakili Turki al-Malikiy ma’lum qilgan. Uning so‘zlariga ko‘ra, halokatga texnik nosozlik sabab bo‘lgan.

Qulagan vertolyot bortida 2 nafar ekipaj a’zosi bo‘lgan va ularning ikkisi ham halok bo‘lgan. Vertolyot Saudiya Arabistoni Milliy gvardiyasi vazirligi nazorati ostidagi hududga qulagan.

Strategic Focus: Middle East and North Africa

🇮🇶Iroqning Bag‘dod shahridagi Xalq safarbarlik kuchlari qarorgohida portlash yuz berdi

Mahalliy manbalar obyekt havo hujumiga uchraganini da’vo qilgan bo‘lsa-da, hech qanday javobgarlik da’vosi yoki hujum tasdig‘i mavjud emas. Iroqdagi obyekt joriy yilda AQSH, Isroil va Saudiya Arabistoniga tegishli ekani aytilayotgan havo hujumlari nishoniga takroran uchragan.

Strategic Focus: Middle East and North Africa

🇮🇱Netanyaxu Isroil o‘z fuqarolari uchun kuchliroq bo‘lishi kerakligini aytdi

“Qanchalik kuchli bo‘lsak, ular bilan tinchlik sari shunchalik dadil qadam tashlay olamiz. Qanchalik kuchli bo‘lsak, bu yerda barcha Isroil fuqarolari uchun hayotni shunchalik yaxshi rivojlantira olamiz.

Quvvat ittifoqlarni jalb qiladi va tinchlikni ilgari suradi. Ojizlik esa tashlab qo‘yilishga olib keladi. Oqibatda, ojizlik mag‘lubiyatga ham yetaklaydi”, degan Isroil Bosh vaziri.

Keyingi bosqichlarda Eron raqibidan son va sifat jihatidan ustun bo‘ladi – G‘olibov

“So‘nggi 15 oy ichida harbiy sohadagi erishgan ilgarilashimiz butun bir o‘n yillik yutuqlarga teng bo‘ldi. Mojaroning har bir davrida biz avvalgilariga qaraganda yaxshiroq harakat qildik va jang qildik.

Qurolli kuchlarimiz ham hujumkor, ham mudofaa salohiyati bo‘yicha maksimal darajada yuqori samaradorlik bilan qayta tiklanmoqda hamda mustahkamlanmoqda.

Ushbu natijalar texnologiyalarimiz mahalliy ishlanma ekani va barcha ishlarni yoshlarimiz olib borayotgani sababli amalga oshdi, shu bois dushmanga murojaat qilishimizga hojat yo‘q. Bugun Eron o‘z harbiy qudratini raqiblariga qaraganda ko‘proq darajada qayta tikladi.

Dushman bilib qo‘ysin: mojarolarning keyingi bosqichlarida bizning ustunligimiz – ham sifat, ham son jihatidan – yanada sezilarli bo‘ladi”, deya bayon qilgan Eron parlamenti spikeri.
https://t.me/qalampir_english

Islomobodda masofadan boshqariladigan avtomobil namoyishi halokat bilan yakunlandi

Islomobod shahridagi D-Chowk maydonida masofadan boshqariladigan avtomobil taqdimoti chog‘ida mashina to‘xtab turgan militsiya furgoniga borib urilgan.

Jurnalist yo‘lovchi o‘rindig‘ida o‘tirib, “Pokistonda iqtidorlar yetarli” deya maqtov aytayotgan videoni tasvirga olayotgan edi – bir necha soniya o‘tib internet uzilgan, rul boshqaruvi ishdan chiqqan va avtomobil furgonga borib urilgan.

Ixtirochi internet uzilgan taqdirda avtomobil avtomatik ravishda to‘xtashini ta’kidlagan edi. Biroq u to‘xtamagan.
https://t.me/qalampir_english

“Erkinlik uchun kurashyapman”. Netanyaxu dardini dasturxon qildi

“Oyatullohlar mening saylovda yutqazishimni xohlamoqda; “Hizbulloh” va HAMAS ham yutqazishimni istaydi; darvoqe, Turkiya ham. Ular buni ochiqchasiga aytmoqda.

O‘zingizga xolisona savol berib ko‘ring: Isroil dushmanlari ushbu saylovlarda kimning g‘alaba qozonishini xohlaydi? Sizga ayta olamanki, ular mening g‘olib bo‘lishimni xohlamaydi.

Biz butun erkin dunyo uchun kurashmoqdamiz. Ular buni biladi va shuning uchun ham bizning mag‘lub bo‘lishimizni istaydi. Biz ularning g‘alaba qilishiga yo‘l qo‘ymaymiz”, dedi Isroil Bosh vaziri.

🇵🇸G‘azoda navbatdagi qonli zarbadan so‘ng bolalar o‘yinchoqlari qonga belandi

Bu manzara Isroilning falastinlik bolalarga nisbatan davom etayotgan qirg‘ini va beg‘ubor bolalikning eng asosiy huquqlaridan mahrum etilayotganini yaqqol ko‘rsatmoqda.

🇵🇰🇵🇸Shahboz Sharif Falastin xalqining hamma qatori yashashga haqqi borligini aytdi

“G‘azo va G‘arbiy Sohildagi beayb insonlarning fojiali ahvoli to‘xtovsiz davom etmoqda va bu tasavvur qilib bo‘lmaydigan azob-uqubatlarga sabab bo‘lmoqda.

Falastinlik onalar o‘z farzandlari motamini tutib, chuqur qayg‘uga botmoqda, oilalar barbod bo‘lmoqda va butun avlodlar doimiy qo‘rqinch, mahrumlik hamda tubsiz adolatsizlik soyasida yashamoqda.

Xalqaro hamjamiyat Falastin xalqiga, boshqa barcha ezilgan millatlar qatori, ularning o‘z taqdirini o‘zi belgilash borasidagi fundamental huquqini ta’minlashda yordam berish majburiyatini bajarishi shart”, degan Pokiston Bosh vaziri.

🇮🇱Isroil veteranlari G‘arbiy Sohildagi yahudiy ko‘chmanchilarining zo‘ravonligini qoraladi

Isroilning sobiq generallari, razvedka xodimlari va sobiq bosh vazirlari G‘arbiy sohildagi ko‘chmanchilar tomonidan sodir etilayotgan zo‘ravonliklarni “yahudiy terrorizmi” hamda etnik tozalash sifatida tobora keskin ayblamoqda va hukumatni ushbu harakatlarga zamin yaratib berayotganlikda aybdor deb bilmoqda.

Ular falastinliklarga qilingan hujumlar – shu jumladan qotilliklar, uylarga o‘t qo‘yish va majburiy ko‘chirish holatlari – Isroilning xavfsizligi hamda demokratiyasiga putur yetkazayotganidan ogohlantirmoqda.

Isroilning 200 dan ortiq taniqli namoyandalari, jumladan o‘nlab iste’fodagi generallar va sobiq xavfsizlik xizmati rahbarlari hukumatni ushbu zo‘ravonlikni to‘xtatishga chaqirgan.

“Xomanaiyga salom deng”. Putin Rossiya Eron bilan birdamligini aytdi

Bishkekda o‘tgan uchrashuvda Rossiya Prezidenti Vladimir Putin Rossiya xalqi o‘z manfaatlarini himoya qilayotgan Eron bilan hamjihat ekanini ta’kidlab, murakkab vaziyatda mamlakatga zarur mahsulotlar yetkazib berilayotganini bildirgan. U, shuningdek, Eron oliy rahnamosi Mujtabo Xomanaiyga o‘z salomini yo‘llagan.

O‘z navbatida, Eron Prezidenti Mas’ud Pezeshkiyon ikki davlat o‘rtasidagi strategik aloqalar AQSH bosimiga qarshi turishda muhim o‘rin tutishini hamda Eron bir qutbli dunyo konsepsiyasidan voz kechishda Rossiya pozitsiyasini qo‘llab-quvvatlashini ta’kidlagan.

Eron parlamenti spikeri AQSHni “buyuk shayton” deb atadi

“Minabdagi maktab: bolalarni qirg‘in qilish. Lamerddagi sport zali: bolalar shafqatsizlarcha o‘ldirildi. Ko‘hestakdagi to‘y: bolalar o‘z oilalari bilan birga o‘ldirildi.

Agar qudratli davlat o‘zini shayton kabi tutsa, nishonlarni shayton kabi tanlasa va shayton kabi o‘ldirsa – bu shaytondir.

Xuddi shunday ishni qilayotgan kichik shaytonni panohiga olyaptimi? Demak, bu buyuk shaytondir”, deb yozdi Mohammad Bag‘ir G‘olibov X platformasida.

Rasmiy sahifalarimizga obuna bo‘ling:
https://t.me/qalampir | https://t.me/qalampirlive | https://t.me/qalampirsport | https://t.me/qalampirfm | https://t.me/qalampir_english

🇮🇱🇸🇾Isroil Suriya janubida tozalash operatsiyasini o‘tkazdi

10 ta bronetransportyordan iborat Isroil armiyasi patruli Suriya janubidagi Jamla aholi punktiga kirib, u yerda hududni tozalash operatsiyasini o‘tkazgan.

🇰🇼🇵🇰Quvayt va Pokiston qo‘shma mudofaa hamda harbiy hamkorlik bitimini imzoladi

Quvayt va Pokiston harbiy munosabatlarni hamda operativ muvofiqlashtirishni kuchaytirish uchun qo‘shma mudofaa va harbiy hamkorlik shartnomasini imzolagan.

Pokiston Quvayt qurolli kuchlarini tayyorlashga, chegara boshqaruvini takomillashtirishga hamda harbiy muvofiqlashtirish, tayyorgarlik va shaylikni oshirishga ko‘maklashadi.

🇩🇿Jazoirda o‘rmon yong‘inlari sababli 3 kunlik motam e’lon qilindi

Jazoir Prezidenti Abdulmajid Tebbun mamlakatning markaziy va sharqiy viloyatlarida yuz bergan halokatli o‘rmon yong‘inlari oqibatida insonlar qurbon bo‘lgani munosabati bilan 3 kunlik milliy motam e’lon qilgan.

Rasmiy ma’lumotlarga ko‘ra, tabiiy ofat oqibatida kamida 12 kishi halok bo‘lgan va 54 kishi jarohatlangan. Jabrlanganlarga zarur tibbiy yordam ko‘rsatilmoqda hamda xavfli hududlardan aholini evakuatsiya qilish davom etmoqda.

🇮🇱🇵🇸Isroil harbiylari Quddus shimolidagi Qalandiya lagerida falastinlik yigitni noqonuniy tarzda hibsga oldi.

🇮🇷Marhum Ali Lorijoniy oilasi bilan uchrashuv lavhalari namoyish etildi

Ta’lim vaziri Haddad Odil hamda inqilob shahidining asarlarini saqlash va nashr etish idorasi a’zolari, OAV vakillari bilan birgalikda marhum Lorijoniyning xonadoniga tashrif buyurgan va uning oila a’zolariga hurmat ko‘rsatgan.

🇮🇱🇵🇸Isroil droni G‘azo shahrida mototsiklni nishonga oldi

SAXAL uchuvchisiz uchog‘i G‘azo shahridagi al-Sanoat chorrahasi yaqinida mototsikldagi yigitga bevosita zarba bergan.

Qora dengizda Turkiyaning “Star II” yuk kemasiga dron zarba berdi

Liberiya bayrog‘i ostida suzayotgan “Star II” kemasi “Lider Denizcilik” kompaniyasiga tegishli. 152 metrli yuk kemasiga 25-avgustga o‘tar kechasi Tuapse portidan Turkiya yo‘nalishida chiqib ketganidan so‘ng dron hujum qilgan. Zarb kema ustki tuzilmasiga teggan hamda kapitan ko‘prigi jiddiy shikastlangan.

Kemachilik yangiliklariga ixtisoslashgan “Deniz haber” portali ma’lumotlariga ko‘ra, qurbonlar va jarohatlanganlar yo‘q.