فەتوای زانایان

ابن القیم دەفەرموێت:

ئەگەر ئیماندار هێندەی هەنەسەكانی
سەڵاوات بدات لەسەر پێغەمبەری خوا
هێشتا هەقی خۆی پێ نەداوە”

« اللَّهُمَّ صَلِّ عَلَى مُحَمَّدٍ، وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ، وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ، وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ، وَعَلَى آلِ إِبْرَاهِيمَ، فِي الْعَالَمِينَ إِنَّكَ حَمِيدٌ مَجِيدٌ».

ئایە ئەگەر کەسێک مۆریەک یان شتێک بە خۆ وەبکات بەناوای چاو زار ڕێگە پێدراوە؟

و/ ڕێگە پێدراو نیە بۆ کەسێک هیچ شتێک بەناوی چاو زار هەڵبواسێ چونکە پێغەمبەر علیه السلام دەفەرموێ:(( هەر کەسێک شتێک بەناوی چاوزار بەخۆ وەبکات ئەو شرکی کردووە))

ابن باز دەفەرموێ: هەڵواسینی هەر شتێک بەناوی چاوزار شرکە چونکە کەسەکە وای لێدێت تەوەکولی بەخودای گەورە کەم دەبێتەوە پشت بەم شتە دەبەستێت وەدەزانی دەتوانێت سوودی پێ بگەینێ

بۆیە ڕێگە پێدراو نیە هیچ لە مۆری و یان نووشتە یان هەر شتێکی تر بەناوی چاو زار هەڵبگیرێت، چونکە شرکە.

🌟 مژدە بۆ خوازیارانی زانستی شەرعی 🌟

ڕاگەیاندنی ناونووسین بۆ ساڵی خوێندنی ٢٠٢٦ – ٢٠٢٧

لە پەیمانگای سوننە بۆ زانستە شەرعییەکان - هەولێر

پەیمانگای سوننە دەرگای ناونووسین بۆ ساڵی نوێی خوێندن واڵا دەکات.
تایبەتە بە پیاوان و بە پەیڕەوێکی زانستی وانەکان دەوترێنەوە.

📚 ئەو وانانەی دەخوێندرێن:

📖 تەفسیری قورئانی پیرۆز
⚖️ فیقهی ئیسلامی
💎 عەقیدە و بیروباوەڕ
📜 فەرموودەناسی (حەدیس)
🕌 سیرەی پێغەمبەر (ﷺ)
🗣️ زمانی عەرەبی
⚖️ ئوسوڵی فیقهـ
🤲🏻 ئاداب و پەروەردەی ئیسلامی

🔖بڕوانامەی بەشداری دەبەخشرێت بە قوتابیان

📅 کاتەکانی ناونووسین:
دەستپێکی تۆمارکردن: ٢٠٢٦/٥/١ کۆتایی تۆمارکردن:٢٠٢٦/٦

📝 ناونووسین:
تۆمارکردن تەنها بە یەک خولەک دەبێت:

🔗 https://surveyheart.com/form/69b034b82ac0ef04c52443d8

🏫 زانیارییەکانی خوێندن:
📍شێوازی وانەکان: ئامادەبوونه (خوێندن ئۆنلاین نییە و پێویستە قوتابی ئامادە بێت).

⏳ ماوەی خوێندن: ٢ ساڵ (٤ کۆرس).
🗓️ ڕۆژانی وانە: سێشەممە و
چوارشەممە.
⏰ کاتژمێر: ٥:٠٠ی ئێوارە بۆ ٨:٠٠ی شەو.

📞 بۆ پەیوەندی و زانیاری زیاتر:

📞: 07504717166

🤖 بۆتی تێلیگرام:
https://t.me/Sunaorgbot

ئیمەیڵ: [email protected]

بەبیانووی خوێندن وایان لە کچەکان کرد کەبیر لە هاوسەرگیری نەکەنەوە تا خوێندن تەواو دەکەن بۆیە دەبینین بەشێکی زۆریان دوای خوێنوون لەماڵ مانەوەو تەمەنیان گەورەبوو کەواتە سوودی خوێندن و ماندووبوونت چی بووە؟

ژینگەی خراپ: کچێ تۆ کەی بەکەڵکی شوکردن دێیت؟!
جارێ زووە، بەڕێوەبردنی ماڵ ومنداڵ نازانیت، کابانی و چێشت لێنان نازانیت!
ئەی چی بکەم؟
دوانزە ساڵ بخوێنەو هەموو ئەم دەرس و کتێبانە تەواو بکە، چواریش بخە سەری، دووی تریش بۆ ماستەر، ساڵێکی تریش بۆ دکتۆرا، ژیانی خۆت بفەوتێنە با داهاتووت هەبێت و بچیتەسەر نانی خۆت، مەمنونی پیاو نەبیت، ئەوە ئاسانترو خۆشترە لە شووکردن!
- هەر بەجددی بەڕێوەبردنی ماڵ قورسترە؟! جا تەماشا بکە:
کام کچ وکوڕە دەڵێیت؟ ئەگەر بێ عەقڵ ترین و گەمژەترین کەس بن بەژیانی هاوسەرگیری، دەتوانیت بەخولێکی 4 ڕۆژە تێی بگەیەنیت لەباسی هاوسەرگیریی بەزیادەوە..
بەڵام ئەگەر تەماشای بڕی هەوڵ و ماندووبوونی ئەو کوڕو کچانە بکەیت کەوا لە قوتابخانەدا بەگەرماو سەرما دەیکێشن، بەتایبەت ئەوانەی لەپۆلی 12 دان، والله بەزەییت بە حاڵیاندا دێتەوە وا لەڕو و لاوازبوون، هەیانە ڕۆژانە ئاوی موقەتەری بۆ هەڵدەواسن!
بەشێکی زۆریان لەژێر فشاری هەوڵدان بۆ نمرەی بەرز تووشی چەندین کێشەی جەستەیی و دەروونی دەبن وەک: تێکچوونی جەستەو ڕووخسارو سترێس و فشاری دەروونی وهتد..
دواتر لەکاتی تاقیکردنەوەی کۆتاییدا ئەگەر نمرەیان بەرزنەبێت، هەندێکیان تووشی نەخۆشی دەروونی سەخت دەبن و لەهەندێک حاڵەتدا دەگاتە خۆکوشتن..
مەعقولە عەقڵ و فکریان لە قۆناغەکانی خوێندندا ئەم هەمووە کتێبە زانستی و ئەدەبیە جیاوازە لەخۆبگرێت، بەڵام تێنەگات لەژیانی هاوسەرگیری؟!
ئەگەر ڕاستیت دەوێت: ژینگەیەکی تێکەڵ بەهزری فێمێنیزم و لیبراڵیەت وای فێرکردووە ئەمە داهاتووی دیاری دەکات، داهاتووش بەپێوەری ئەوان قیامەت نیە، بەڵکو بەدەستهێنانی دونیاو ململانێکردنە لەگەڵ مافەکانی پیاوان!
ئیتر ئەوانیش بەعەقڵی مێگەل ملیان کەچ کردووەو تەنها بەڵێیان بۆدەکەن.
توخوا مەعقولە تۆی ئافرەت خوای گەورە شێوازو نەخشی دەروون و جەستەی تۆی بەشێوەیەکی جیاواز لە پیاو خولقاندبێت، کەچی ئەرکە سەرەکییەکەت لەبیرببەنەوەو پێت وابێت تۆ یەکسانیت لەگەڵ پیاو، و دەبێت ململانێی لەگەڵ بکەیت و هاوشانی بیت، وە بەپێچەوانەی فیترەت و دین و هەموو شتێک بڕیابدەیت؟!
لەسایەی ئەم هزرە تێکدەرانەدا گەنجی ئێمە هەموو دەرگایەکی شەرعی بەڕوودا داخراوە، بۆیە دەبێت سەرکێشی بکات و نەفسی خۆی بخەسێنێت تا زانکۆ تەواو دەکات، وە ئەگەر نەیتوانی نەفسی بگرێت ئەوە لەڕێی ناشەرعیەوە قەرەبووی دەکاتەوە! وەک: خووی نهێنی و ئیباحیەت و ماڵپەڕەکانی پۆڕن وهتد..
جا مەپرسە چەند کێشەی دەروونی وجەستەیی ڕووبەڕووی دەبێتەوە.
چونکە هەرچی ڕۆژانە بەر 5 هەستەکانی دەکەوێت لەژینگەو لە میدیاکاندا بریتیە لە جەستەی ئافرەت و ڤیدیۆی ئافرەت وهتد، بۆیە هەمیشە لەململانێدایە لەنێوان گوێڕایەڵی شەیتان و گرتنی نەفسدا..
لەملاشەوە دینەکەی داوای ئەوەی لێدەکات زەواج بکات بۆئەوەی داوێنپاک بێت، کەچی کۆمەڵگای نا هۆشیار دەبنە ڕێگر، بەڕاستی وەک ئەوە وایە مرۆڤێک بخەیتە ناو ئاوەوە کەچی بڵێیت نابێت تەڕ ببیت!
ئینجا کچ وکوڕ دەچنە زانکۆو تەواوی دەکەن، کچێ ئەوە ئێستا بوویتە چەند؟ بووم بە 30 ساڵ!
عادەتەن ئەوپەڕی بژیت تا 20 ساڵی تر دەژیت، -ئەگەر خوا بیدات- بەنیسبەت ئافرەت منداڵ خستنەوەش تا 10-15 ساڵی ترە.
وڵاتانی ئێمە کێشەی ئەوەیە نە کۆمەڵگایەکی ئیسلامیی تەواوین نە عالەمانی تەواو، بۆیە لەیەک کاتدا حساب دەکەین بۆ دین و ڕەهەندەکانی عالەمانیەتیش! لەلایەکەوە هەندێک پرسی عەشایەری و دینی ڕەچاو دەکەین بۆیە وەک ڕۆژئاوا دەرگا کراوە نیە بۆ ئازادی بەرەڵایی وهتد، کەوا هەرتاکێکی ڕۆژئاوایی لەسەرەتای باڵغ بووندا مومارەسەی دەکات، لەلایەکی دیکەشەوە ڕێگر نین لە دیاردەکانی فێمێنیزم و لیبراڵیەت وهتد و ڕێگرین لەوەی زەواج و هاوسەرگیری ڕووبدات کە دەبێتەهۆی خەساندنی دەروونی گەنجان یان بڵاوبوونەوەی بەدڕەوشتی نهێنی.
کێشەکە ئەوەیە هەموو ئەمانەش لەپێناو هیچدا، لە وڵاتێکدا کە نەدامەزراندن هەیە، نە هەلی کار..
هەر بەجددی بەڕێوەبردنی ماڵ قورستر بوو؟!

بزانە بۆچی دروستکراویت:

ابن باز (ڕەحمەتی خوای لێبێت) دەفەرموێت:

«تۆ بۆ ئەوە دروست نەکراویت تەنها بخۆیت و بخۆیتەوە، دروست نەکراویت بۆ بونیادنانی کۆشک و تەلار، یان چاندنی دار و درەخت، یان هەڵکەندنی ڕووبار، یان هاوسەرگیری و هاوشێوەی ئەوانە، نەخێر..

بەڵکو تۆ دروستکراویت بۆ ئەوەی پەرستشی پەروەردگارت بکەیت، تۆ دروستکراویت بۆ ئەوەی لەسەر فەرمانبەرداری ئەو دامەزراو بیت و شوێنکەوتووی پێغەمبەرەکەی بیت ﷺ، تۆ بۆ ئەمە دروستکراویت. هەرچی لەسەر زەویدایە بۆ تۆ دروستکراوە تاوەکو هاوکاریت بکەن لەسەر گوڕایەڵی خودا و وازهێنان لە گوناهەکانی، نەک بۆ ئەوە دروستکرابن کە بەکاریان بهێنیت بۆ شوێنکەوتنی ئارەزووەکانت.»

مجموع الفتاوى ج٧ ص٩٨

مامۆستا علی خان دەیگێڕێتەوە:

هەڵەیەکی کچان لەکاتی هاوسەر گیریاندا ...وریای ئەمە بە ...نهێنی تایبەت بە ئابڕو شەڕەف مەدرکێنە .....

ئامۆژگاریەكم هەیە بۆ ئافره‌تان –بە تایبەت-!

السلام عليكم ورحمة الله وبركاته
خۆشكی خۆم! تكایە نهێنی خۆت -بە تایبەت نهێنیەكت كە پەیوەستە بە ئابڕو وشەرەف وناموسەوە- لای مێردەكەتيش مەیدركێنه‌ ومه‌یگێڕەوە، با پیاوەكەتیش زۆر چاك بێت ...

هەڵەیەكت كردوە لە ڕابردودا، بۆ كای كۆنە بە با دەدەی!؟ {عَفَا اللَّهُ عَمَّا سَلَفَ} [المائدة: 95] لە بری ئەوە، تەوبە وئیستیغفار وداوای لێ خۆشبون بكە له‌ خوای ميهره‌بان، وتاعەتی خوا بكە -سبحانه وتعالی-...

ماوەیەك پێش ئێستا ئافرەتێك تەلەفۆنی بۆ كردم، دەیوت: بە دوو گیانیەوە تەڵاق دراوم! لەبەر ئەوەی بە پیاوەكەی وتبو: لە تەمەنی ئەوەندە ساڵیدا، فڵان كەس، فڵان كاری لەگەڵ كردوم...

گەنجێكی تر تەلەفۆنی بۆ كردم وپڕ قوڕگی لە گریان بو! دەیوت: شەش مانگە خێزانەكەم گواستۆتەوە! ئەڵێ‌: كاتی خۆی فڵان كوڕ ئاوهای لەگەڵ كردوم! ئێستا چی لێ بكەم!؟

لە هەموی ناخۆشتر! گەنجێك لە بەردەم مزگەوتەكەم یەخەی پێ گرتم وزۆر پەشۆكاو بو، دەیوت: ژنەكەم پێی وتوم -لەو ماوەیەی كە تۆراوه-: ڕۆیشتم بۆ لای ساحیرێك هەواڵت بزانم، بەڵام دواجار زینای لەگەڵ كردم!

ئەمانە ودەیان نمونەی تری دڵ تەزێنی هاوشێوەی، ئەبێت ببن بە پەند بۆ پەند وەرگران وژیرەكان...

بۆیە:
تكایە نهێنی خۆت مەدركێنە بۆ كەس.
پیشینان فەرمویانە: قسە كەوتە زار، دەكەوێتە شار.
سبەی تەڵاقت دەدا ونهێنیەكەشت ئاشكرا دەكات! ئه‌وسا هەم ژیانی خۆتت تێك دا وهەم نهێنیەكەشت به‌ بادا.

خوشكی به‌ڕێز: تۆیەك تەحەممولی نهێنیەكانی خۆتت پێ نەكرێت! ئەی بەرامبەرەكەت چۆن تەحەممولی نهێنی تۆی پێ ده‌كرێت؟!

ئه‌گه‌ر كه‌سێك سنگی ته‌سك بێت له‌ ئاست نهێنیه‌كانی خۆی وته‌حه‌ممولی هه‌ڵ گرتنی نه‌كات، ئه‌وا بێگومان سنگی ئه‌و كه‌سه‌ی نهێنیه‌كه‌ی لا باس ده‌كەیت ته‌سك تر وبێ ته‌حه‌ممولتره‌.

ئه‌گه‌ر تۆ سیقه‌ت به‌ كه‌سێك هه‌یه‌ ولای باسی ده‌كه‌یت، بێگومان به‌ ئه‌ویش كه‌سێكی هه‌یه‌ متمانه‌ی پێ هه‌بێت ولای باسی بكات.

ئیمامی شافیعی -رحمه الله تعالی- ئه‌فه‌رموێ:
إذا المرء أفشى سره بلسانه * ولام عليه غيره فهو أحمق
إذا ضاق صدر المرء عن سر نفسه * فصدر الذي يستودع السر أضيق

چەند نهێنیت بۆ باس كرا، وترا: توخخوا فڵان كەس لە دەمت دەر نەچێت ها؟! جونكە فڵان كەس بۆی گێڕامەوە، وتی: بەینی خۆمان بێت!؟
كە نهێنیەكیشت هەبو، ویستت بیدركێنی وهەر سور بوی لەسەری، تەلەفۆن بۆ مامۆستایەك بكە وتا هەندێك ئامۆژگاریت بكات ولە سەرەنجامی ئەو كارە ئاگادارت بكاتەوە ...
بەوەش هەم نهێنیەكەت دركاند كە لە ڕوی دەرونیەوە هێور دەبیتەوە، هەمیش لە سەرەنجامی ئەو نهێنی ئاشكراكردنەشت دەتترسێنرێیت...
والحمد لله رب العالمين

علی خان
مزگەوت قازی موحەممەد -رحمه الله تعالى-.
٢٩ محرم ١٤٣٥
2ـی دیسمبەری 2013

1ـ پرسیار: حیكمەت چییە لەوەی ئافرەتی حەیزدار (بێنوێژ) تەنها قەزای ڕۆژوو دەکاتەوە نەک نوێژ؟

شێخ العثیمین رحمه الله دەفەرمووێت:

یەکەم: شاراوە نییە کە ئەرکی سەرشانی موسڵمان ئەوەیە کە ئەو فەرمانانە جێبەجێ بکات کە خودا لەسەری فەرزی کردووە، و دووربکەوێتەوە لە هەموو ئەو شتانەی کە خودا لێی قەدەغە کردووە، جا چ حیكمەتی ئەو فەرمان و قەدەغەکردنە بزانێت یان نەیزانێت. لەگەڵ ئەوەشدا باوەڕی وایە کە خودا فەرمان بە بەندەکانی ناکات تەنها بەوە نەبێت کە بەرژەوەندی ئەوانی تێدایە، و قەدەغەشیان لێ ناکات تەنها لەوە نەبێت کە زیانی بۆیان هەیە. هەموو شەریعەت و یاساکانی خودای گەورە لەبەر حیکمەتێکە کە تەنها خۆی دەیزانێت، چەندێکی بووێت بۆ بەندەکانی دەردەخات بۆ ئەوەی ئیمانی بڕوادار زیاد بکات، و ئەوەشی بیەوێت لای خۆی دەیهێڵێتەوە بۆ ئەوەی بڕوادار بە تەسلیمبوونی بۆ فەرمانی خودا ئیمانەکەی زیاتر بێت.

دووەم: وەک زانراوە نوێژەکان زۆرن و لە شەو و ڕۆژێکدا پێنج جار دووبارە دەبنەوە، بۆیە قەزاکردنەوەی بۆ ئافرەتی حەیزدار گران و پڕ زەحمەتە. بە پێچەوانەی ڕۆژوو کە تەنها جارێک لە ساڵێکدا فەرزە، و لەوانەیە لەو ماوەیەدا حەیزەکە تەنها ڕۆژێک یان دوو ڕۆژ بێت. خودای گەورە ڕاستی فەرمووە: (خوای گەورە دەیەوێت کارتان بۆ ئاسان بکات و چونکە مرۆڤ بە لاوازی دروست کراوە).

سەرچاوە: لێژنەی هەمیشەیی بۆ فەتوا (٥/٣٩٧)

گەر بەرەکەت و ئاسوودەیت دەیەوێت لە ژیانی دونیاو دواڕۆژت ئەوە ئەم کارە بکە:

ابن تەیمیە رحمه الله دەفەرمووێت:

​"هەرکەسێک بە قورئانەوە سەرقاڵ بێت، خوای گەورە بەرەکەت دەخاتە ناو عەقڵ و ژیان و هەموو کارەکانییەوە."

( بۆیە بڕیار بدە هیچ ڕۆژێکت بێ خوێندنەوەی قورئان لە دەست نەچێت)

چ جیاوازی هەیە لەنێوان کەسێک کە رقی لە کردنی گوناحەو نایکات و کەسێک کە حەزی لە گوناحەو و بەهەمان شێوە نایکات؟؟.

"جیاوازییەکەی لە لایەنی نییەت و تێکۆشانی ناخیدا دەردەکەوێت، هەرچەندە هەردووکیان پاداشت وەردەگرن لەسەر ئەنجام نەدانی گوناهەکە

١. ئەو کەسەی رقی لە کردنی گوناحە و نایکات:
ئەم کەسە دڵی پاکە و مەیل و ئارەزووی بۆ گوناه نییە، بەڵکو رقی لێیەتی. ئەمە نیشانەی ئیمانێکی بەهێز و دڵێکی تەندروستە کە لە بنەڕەتدا خۆی لە خراپە بەدوور دەگرێت. پاداشت وەردەگرێت لەسەر پاراستنی خۆی لە گوناه و پاکڕاگرتنی دڵی.

٢. ئەو کەسەی حەزی لە گوناحە و بەهەمان شێوە نایکات:
ئەم کەسە لەگەڵ خۆیدا لە جیهادێکی گەورەدایە (جیهادی نەفس). ئارەزووی گوناهەکەی هەیە و نەفسەکەی داوای لێدەکات، بەڵام لەبەر خودا و لە ترسی سزای خودا، خۆی لێ دەپارێزێت و ئەنجامی نادات. ئەمە نیشانەی ئیمانێکی زۆر بەهێزترە کە توانیویەتی بەسەر ئارەزووەکانی نەفسیدا زاڵ بێت. پاداشتی ئەم کەسە لەوانەیە گەورەتر بێت، چونکە جگە لە پاداشتی وازهێنان لە گوناه، پاداشتی تێکۆشان و بەسەردا زاڵبوون بەسەر ئارەزووەکانیدا وەردەگرێت لەپێناو خودا

بەڵگە لەسەر ئەمە فەرموودەی پێغەمبەرە صلى الله عليه وسلم:
عَنْ أَبِي هُرَيْرَةَ رَضِيَ اللَّهُ عَنْهُ، عَنِ النَّبِيِّ صلى الله عليه وسلم، فِيمَا يَرْوِيهِ عَنْ رَبِّهِ عَزَّ وَجَلَّ، قَالَ:
""إِنَّ اللَّهَ كَتَبَ الْحَسَنَاتِ وَالسَّيِّئَاتِ، ثُمَّ بَيَّنَ ذَلِكَ: فَمَنْ هَمَّ بِحَسَنَةٍ فَلَمْ يَعْمَلْهَا، كَتَبَهَا اللَّهُ عِنْدَهُ حَسَنَةً كَامِلَةً، وَإِنْ هَمَّ بِهَا فَعَمِلَهَا، كَتَبَهَا اللَّهُ عَشْرَ حَسَنَاتٍ إِلَى سَبْعِمِائَةِ ضِعْفٍ إِلَى أَضْعَافٍ كَثِيرَةٍ. وَإِنْ هَمَّ بِسَيِّئَةٍ فَلَمْ يَعْمَلْهَا، كَتَبَهَا اللَّهُ عِنْدَهُ حَسَنَةً كَامِلَةً، وَإِنْ هَمَّ بِهَا فَعَمِلَهَا، كَتَبَهَا اللَّهُ سَيِّئَةً وَاحِدَةً.""
(بوخاری و موسلیم)

واتە: ""خودا چاکە و خراپەی نووسیوە، پاشان ڕوونی کردەوە: هەر کەسێک نیازی چاکەیەکی هەبوو و ئەنجامی نەدا، خودا لای خۆی بە چاکەیەکی تەواو بۆی دەنووسێت. وە ئەگەر نیازی پێی هەبوو و ئەنجامی دا، خودا بە دە چاکە بۆی دەنووسێت تا حەوت سەد هێندە یان زیاتر. وە ئەگەر نیازی خراپەیەکی هەبوو و ئەنجامی نەدا، خودا لای خۆی بە چاکەیەکی تەواو بۆی دەنووسێت. وە ئەگەر نیازی پێی هەبوو و ئەنجامی دا، خودا بە یەک خراپە بۆی دەنووسێت.""

لەم فەرموودەیەدا بە ڕوونی دەردەکەوێت کە ئەگەر کەسێک نیازی خراپەیەکی هەبێت (واتە حەزی لێی بێت) بەڵام لەبەر خودا وازی لێ بهێنێت، خودا پاداشتی چاکەیەکی تەواوی پێ دەبەخشێت. ئەمەش نیشانەی گەورەیی پاداشتی ئەو کەسەیە کە لەگەڵ ئارەزووی نەفسیدا تێدەکۆشێت.

هەروەها لە فەرموودەی حەوت جۆرە کەسەکەدا کە خودا لە رۆژی دواییدا سێبەریان دەکات:
""وَرَجُلٌ طَلَبَتْهُ امْرَأَةٌ ذَاتُ مَنْصِبٍ وَجَمَالٍ، فَقَالَ: إِنِّي أَخَافُ اللَّهَ.""
(بوخاری و موسلیم)

واتە: ""پیاوێک ئافرەتێکی خاوەن پلە و جوانی داوای لێکرد (بۆ ئەنجامدانی گوناه)، ئەویش گوتی: من لە خودا دەترسم.""
ئەمەش نموونەیەکە بۆ کەسێک کە ئارەزووی گوناهەکەی لە دڵدا دروست دەبێت، بەڵام لە ترسی خودا وازی لێ دەهێنێت، و پاداشتێکی گەورەی بۆ دەبێت

بۆیە، هەردوو حاڵەتەکە جێگەی ستایشن و پاداشتیان هەیە، بەڵام ئەو کەسەی لەگەڵ ئارەزووەکانی خۆیدا تێدەکۆشێت و لە پێناوی خودا دەستبەرداری گوناه دەبێت، پلەیەکی تایبەت و پاداشتێکی گەورەتری هەیە لای خودا .

والله أعلم.

شەرمەزاری ئەوەیە لە قیامەت پێغەمبەر صلی الله علیه وسلم شکایەتت لێبکات بەوەی پشتت لە قورئانی پیرۆز کردووە،

سەیرە مسوڵمانی ئەمڕۆ کاتی بۆ هەموو شتێک هەیە تەنیا بۆ قورئانی پیرۆز نەبێت کە قسەی خودای گەورە!

چۆن دڵێک دەتوانێت تێربێت لە قورئانی پیرۆز گەر گوناحکار نەبێت:

عوسمانی کوڕی عەفان (ڕەزای خوای لێبێت) دەفەرمووێت:

​"ئەگەر دڵەکانتان پاک بوونایە، هەرگیز لە خوێندنی قورئان تێر نەدەبوون."

( بۆیە با هیچ ڕۆژێکت بەسەر نەڕوا بێ خوێندنەوەی کەلامی الله چونکە بەرەکەت لەگەڵ قورئان خوێندنە)

بۆبزەی لێو .......

ترسی ژن لەپیاوەکەی لەهێنانی ژنی دووەم ......

ئافرەتێک پرسیاری لەپیاوەکەی کرد :« وتی دوێنێ لەکوێ بویت ؟».

پیاوەکەش پێی وت:« مەترسە من پیاوێکم لەخوا دەترسم کاری حەڕام ناکەم ».

ژنەکەش وتی :« من باش ئەوەدەزانم تو حەڕام ناکەیت ، من لەحەڵاڵ دەترسم لێت نەک حەڕام ».

سلام علیکم

تقبل الله منا ومنکم
جەژنی ڕەمەزان لەهەموو لایەك پیرۆزبێت خوای گەورە طاعەت و عیبادەتی هەموو لایەکمانی قەبوڵ کردبێ

(ليلة القدر خير من ألف شهر ) شەوێکە خێرەکەی زیاترە لە هەزار مانگ

گەر تا ئێستاش نەتوانیوە لە شەوانی ڕابردوو دابنیشیت با ئەم شەوت لە دەست نەچێت لەخۆرئاوابوونی ڕۆژ خۆت ئامادە بکەو شەوەکە زیندوو بکەوە تا فەجری صادق دەردەکەوێت

خۆت بە نوێژ کردن و زکر کردن و قورئان خوێندن و دۆعا کردن خەریک بکە

شەوەکە بە قسەی نابەجێ و سەیرکردنی شتی نابەجێ بەفیڕۆ مەدە.

شەوێکە مردووان حەسرەتی بۆ دەخوازن،

شەوێکە گەر لە دەست بچێت هەموو خێرێکت لە دەست چووە،

شەوێکە عیبادەت تێدا خێرترە لە هەشتا و سێ ساڵ

شەوێکە مەلائیکەتان دادەبەزن جوبرائیلیشیان لە گەڵە

شەوێکی پیرۆزە شەوێکە پڕ رەحمەت و بەرەکەتە.

تەمەنی زۆرمان بڕیوە کەممان ماوە چیمان ئامادە کردووە بۆ ڕۆژی لێپێچینەوە؟!

https://t.me/QalgahniRozho_bot
السلام عليكم و رحمة الله ..
من بەشداریم کردووە لە خولێکی زانستی ناوازە بە ناوی (قەڵغانی ڕۆژوو) کە تایبەتە بە ئامادەکاری بۆ مانگی ڕەمەزان.

بە باشم زانی تۆش بانگهێشت بکەم بۆ ئەم دەرفەتە، چونکە بابەتەکانی زۆر گرنگ و بەسوودن بۆ هەموو موسڵمانێک.

🎙 وانەبێژ: م. شادمان شهاب عباس
🎁 خەڵاتەکان: ٣ گەشتی عومرە و ٢٠ دیاری تر.
📜 بڕوانامە بۆ هەموو بەشداربووان.

📝 تۆش بۆ بەشداریکردن کلیک لەم لینکەی خوارەوە بکە:
👇👇
https://t.me/QalgahniRozho_bot

بەشداری بکەن بسست و شەشی رەمەزان ئیمتیحانە ٲن شاء الله پێنج خەڵاتی تێدایە

1ـ خەڵاتی یەکەم: 900 هەزار

2ـ دووەم: 800 هەزار

3ـ سێیەم: 700 هەزار

4ـ چوارەم: 600 هەزار

5ـ پێنجەم: 500 هەزار

لینکی خۆتۆمارکردن لە خولەکە
https://script.google.com/macros/s/AKfycbzW2ks5GIYysIqU5ZWIjl_wRf8WlxIk7VSuUAsPu0rEVKmglzUDAKCAhazLlXXz9VByDw/exec

پێنجەم : تەسک بوونەوە مەجاری بۆ شەیتان ، چونکە بەزۆر خواردن دەمارەکان خوێن پڕ دەبن و فراوان دەبن ، بە کەم خواردن مجاری تەسک دەبن ، مجاری خوێن شەیتان ھاتوچۆی پێدا دەکات ، لەبەر وتەی : " الشیطان يجري من ابن ادم مجرى الدم " لەبەر ئەوە فەرمان کراوە بەو مرۆڤەی ناتوانێ ژن بھێنێت بەڕۆژوو بێت ، بۆ ئەوەی مجاری خوێن تەسک ببێتەوە و شەھوەت کەمتر بێت و شەیتان زاڵ نەبێت بەسەر کەسەکەدا .

شەشەم : پارێزگاری یە بۆ زۆری رطوبات لە لاشە ، لەبەر ئەوە ھەندێک خەلک لەش ساغییان زیاد دەبێت بە ڕۆژوو گرتن ، ....

حەوتەم : لە پێش و پاش خێر و چاکە بەدەست دەھێنێت لە عیبادەتی خوا ، لە پێشی پارشێو خواردن ، چونکە پارشێو عیبادەتە ، لەبەر وتەی پێغەمبەر سەلامی خوای لێ بێت دەفەرمووێت : " تسحروا فإن في السحور بركة " ، وە ئەوەی بە دەست دێت کاتی ڕۆژوو شکاندن ، چونکە خۆشەویسترین بەندە لای خوا ئەوەیە پەلە دەکات لە ڕۆژوو شکاندن .

ھەشتەم : زۆربەی ڕۆژووگرەکان کاتیان ھەیە بۆ عیبادەت ، لەبەر ئەوە دەبینیت مرۆڤ کاتی ڕۆژوو گرتن عیبادەتی زیاد دەکات ، ڕۆژی بەڕۆژوو بوون و بێ ڕۆژوو بوون وەک یەک نیین ئیلا بۆ کەسێکی غافل ، غافل حالەتێکی تری ھەیە ، بەڵام مرۆڤی بە ئاگا و ژیر ڕۆژی بەڕۆژوو بوون و بێ ڕۆژوو بوون لەلای وەک یەک نیین . ))

فتح ذي الجلال والإكرام ج٧ لاپەڕە ١٦

٥٧٤ـ کەفارەتی ڕۆژی چییە ؟

ابن عثیمین ڕەحمەتی خوای لێ بێت دەفەرمووێت : (( واجبە لەسەر ئەو کەسەی نەخۆشییەکەی بەردەوامە ، وە لەسەر نێر و مێ ئەگەر بە تەمەن داچوون و توانای ڕۆژوو گرتنیان نەبوو خواردن بدەن بە ھەژار بۆ ھەر ڕۆژێک ، جا چ خواردنەکە بدات بە ھەژارەکان ، یان خواردن ئامادە بکات و ھەژارەکان بانگ بکات بە گوێرەی ڕۆژەکانی مانگ ، ھەروەک ئەنەس بن مالك خوا لێی ڕازی بێت ئەمەی کردووە کاتێک پیر بوو ، سی ھەژاری کۆ کردەوە بەدیلی ڕۆژووی مانگی ڕەمەزان . ))

فتاوى الصيام لاپەڕە ١١١ .

٥٧٥ـ کەسی بەتەمەن دەتوانێت بەهۆی بیتاقەتی و نەتوانینەوە بە ڕۆژوو نەبێت؟

ابن قدامە ڕەحمەتی خوای لێ بێت دەفەرمووێت : (( کەسی بە تەمەن داچوو و پیرەمێرد ئەگەر ڕۆژوی لەسەر گران بوو زۆر ، بۆیان ھەیە ڕۆژوو بشکێنن و خواردن بدەن بۆ ھەر ڕۆژێک ، ......

ئەگەر نەیتوانی خواردنیش بدات ئەوە ھیچی لەسەر نییە ، بەڵگە : ( لا يُكَلِّفُ اللَّهُ نَفْسًا إلا وُسْعَهَا ) ، .....

نەخۆشێک ئومێدی چاک بوونەوەی نەبێت ، ڕۆژوو دەشکێنێت و خواردن دەدات بە ھەژار بۆ ھەر ڕۆژێک . ))

"المغني" (4/396) .

٥٧٦ـ حوکمی ڕۆژوو گرتن لەجیاتی کەسێک زیندووە ؟

قاضي عِياض ڕەحمەتی خوای لێ بێت دەفەرمووێت : (( ھەموو زانایان یەک دەنگن کەس لە جیاتی کەس نوێژ ناکات جا چ زیندوو بێت یان مردوو بێت ، وە ھەموو زانایان یەک دەنگن کەس ڕۆژوو ناگرێت لە جیاتی کەس ئەگەر کەسەکە زیندوو بێت . ))

إکمال المعلم (١٠٤/٤) .

ئیمام لنووي ڕەحمەتی خوای لێ بێت دەفەرمووێت : (( قاضی و ھاوەڵانی ئێمە دەڵێن : ھەموو زانایان یەک دەنگن لەسەر ئەوە نابێت کەس نوێژ بۆ کەسی تر بکات ، وە نابێت کەس ڕۆژوو بۆ کەسی تر بگرێت ئەگەر زیندوو بێت . ))

شرح صحیح مسلم (٢٦/٨) .

وە ورگ و زگت بپارێزیت لەخواردنی حەرام خواردنی حەرامی تێنەکەی

وەهەروەها گوێیەکانی بپارێزێت لەحەرام کراوەکان لەگۆرانی مۆسیقاو وتەی ناشایستەو لەگوێگرتن لەغەیبەت و وەجگە لەمانەش.

(وەچاوەکانت بپارێزیت لەسەیرکردنی حەرام نەزەرو فلیم و شتە ناشەرعیەکان)

(گەر بەم شێوەیە بەڕۆژ بوویت و مەبەستت تەنیا رەزامەندی خودای گەورە بێت ئەوە موژدەی قبول بوونت لێبێت)

فتاوی نور علی الدرب للٳمام ابن باز رحمه الله ۱٦/۲۰.

٥٦٩/ ئایا کەسێک کاتی بانگی بەیانی پەرداغی ئاوی لە دەست بێت بخواتەوە ڕۆژووی دروستە ؟

عَنْ أَبِي هُرَيْرَةَ رضي الله عنه قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( إِذَا سَمِعَ أَحَدُكُمْ النِّدَاءَ وَالْإِنَاءُ عَلَى يَدِهِ فَلَا يَضَعْهُ حَتَّى يَقْضِيَ حَاجَتَهُ مِنْهُ )) رواە أبو داود (2350) ، ، قال الألباني في صحيح أبي داود : " إسناده حسن صحيح ، وصححه الحاكم والذهبي وعبد الحق الإشبيلي .

واتە : ئەگەر یەکێک لە ئێوە گوێی لە بانگ بوو ، وە قاپێک لە دەستی بوو با قاپەکە دانەنێت هەتا پێویستی خۆی تەواو دەکات .

ابن عثیمین ڕەحمەتی خوای لێ بێت دەفەرمووێت : (( دەوترێت فەرموودەکە لەسەر ڕووکەشی خۆیەتی .

بەلگە : ئەوەی ئاو دەخواتەوە ڕێگە دراوە لە کاتێک ئاو بخواتەوە کە بۆی دروستە ، کەواتە کۆتایی ئاو خواردنەوەکەشی شوێن کەوتەی سەرەتایەکەیەتی ، هەروەک پێغەمبەر سەلامی خوای لێ بێت دەفەرمووێت : " هەر کەسێک بگات بە ڕەکاعەتێک نوێژ ئەوا بە نوێژ گەیشتووە " ئەمەشیان خوای گەورە چاوپۆشی کردووە کە دروستە ))

تفسیر ابن عثیمین ج۲ لاپەڕە ۳۷۰

٥٧٠ـ ئایا ئافرەت دەتوانێت سەرەتای سک پڕی بە ڕۆژوو نەبێت ؟

ابن عثيمين ڕەحمەتی خوای لێ بێت دەفەرمووێت : (( ئافرەتی دوو گیان لەم دوو حالەتە زیاتر نییە :

حالەتی یەکەم / ئافرەت توانای ھەیە بە ڕۆژوو بێت و وە ڕۆژوو کاریگەری لەسەر منالی نییە ، ئەم ئافرەتە واجبە بە ڕۆژوو بێت ، چونکە عوزری نییە بۆ تەرک کردنی ڕۆژوو .

حالەتی دووەم / ئافرەت توانای نییە بە ڕۆژوو بێت لەبەر گرانی حەمل لەسەری یان لەبەر لاوازی لاشەی یان بێجگە لە ئەمانە ، لەم حالەتە ڕۆژوو دەشکێنێت بە تایبەتی ئەگەر زیانی ھەبوو بۆ مناڵ ، ئەو کات واجبە ڕۆژوو بشکێنێت . ))

فتاوى الشيخ ابن عثيمين 1/487

٥٧٢/ ئایا دروستە نەخۆش بە ڕۆژوو بێت ؟

زانایان دەلێن نەخۆش ئەم سێ حالەتانەن :

حالەتی یەکەم : ڕۆژوو کاریگەری تێی ناکات ، وەک پەسیو یان ددان ئێشان یان نەخۆشی تری هاوشێوەی ئەمانە ، ئەمەیان دەبێت بە ڕۆژوو بێت و حەڕامە بشکێنێت کە ئەمە وتەی ڕاستە .

حالەتی دووەم : ئەگەر ڕۆژوو لەسەری گران بوو ، بەلام ڕۆژوو زیانی بۆی نییە ، ئەمەیان مکروهە بەڕۆژوو بێت و سونەت ڕۆژوو بشکێنێت .

حالەتی سێیەم : ئەگەر ڕۆژوو لەسەر گران بوو وە زیانی بۆی هەبوو ، ئەمەیان حەڕامە بەڕۆژوو بێت و واجبه ڕۆژوو بشکێنێت .

بگەڕێوە بۆ شرح الممتع لابن عثیمین ج٦ لاپەڕە ۳٥۲ ــ ۳٥٤

٥٧٣ـ حیکمەت و سوودی ڕۆژوو چییە ؟

ابن عثیمین ڕەحمەتی خوای لێ بێت دەفەرمووێت : (( یەکەمیان : ئەوەی کە خوای گەورە ئاماژەی بۆ کردووە : " يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ " [ البقرة : ١٨٣ ] ، لە سونەت وتەی پێغەمبەر سەلامی خوای لێ بێت دەفەرمووێت : " من لم یدع قول الزور والجھل فلیس للە حاجة أن يدع طعامه وشرابه . "

دووەم : زانینی نیعمەتەکانی خوای گەورە لەسەر بەندەکان بە ئارەزووەکانی خواردن و خواردنەوە و نیکاح ، چونکە قەدری نیعمەت نازانرێ ئیلا بە دژەکەی ، ھەروەک دەوترێ : بە دژەکەی شتەکان دەناسرێن ، کەسێک بەردەوام تێرە و خۆشی بە خێزانی خۆی دەبات قەدری ئەم نیعمەتە باش نازانێت ، بەڵام ئەگەر ڕێگری لێ کرا و دابڕا لێی بە شەرع یان قەدەر ، ئەوا نیعمەتی خواردن و خواردنەوە و نیکاح دەزانێت ، چونکە ئەمڕۆ بۆی نییە ، بۆیە سوپاسی خوا دەکات کە بۆی ئاسان کردووە پێشتر .

سێیەم : ڕاھێنانی نەفس لەسەر ئارام گرتن ھەتا دەبێتە کەسێکی ئارام گر ، چونکە مرۆڤ ڕۆژ ھەیە کاتی ڕۆژوو گرتن برسی دەبێ یان تێنوو دەبێت ، ئەم ڕۆژووە دەبێتە ڕاھێنان ئارام گرتن لەسەر بزر بوونی شتی خۆشەویست ، ئەمە تەربییەتی نەفسی یە .

چوارەم : دەولەمەند دەزانێت پێویستیەکانی ھەژار چیین بەھۆی ڕۆژووە ، دڵی نەرم دەبێت و بەزەیی پێیدا دێتەوە ، لەبەر ئەوە پێغەمبەر سەلامی خوای لێ بێت سەخی ترینی خەلکی بووە لە بەخشین ، بەتایبەتی لە مانگی ڕەمەزان کاتێک جبریل دەھات قورئانی لەگەڵ مراجعە دەکرد ، مرۆڤ نازانێت پێویستی یەکانی کەسی لێ قەوما و ئازارەکانی چیین ئیلا ئەگەر برسی بێت ، بەمە بەزەیی بە برا ھەژارەکانی دا دێتەوە .

خوێندنی لاپەڕەیەك لەقورئان گونجاوە لەگەڵ زۆربەی پێش نوێژ خوێنان، وەئەگەریش کەسێک یان دووکەسیان تێدا بوو توانای ڕاوەستانی زۆریشیان نەبوو ئەوە کارەکە فراوانە لەنوێژی سونەت سووپاس بۆ خودای گەورە با ئەوانەی توانای ڕاوەستانی زۆریان نەبوو بالەدانیشتن نوێژەکەیان بکەن، وەهەرکەسێك نەتوانێت بەپێوە نوێژ بکات بەهۆی نەتوانینەوە لەدانیشتن کردی ئەوە خێری راوەستانی بۆ دەنووسرێ.

بۆیە وای دەبینم ئەو ئیمامە بەردەوام بێت لەو شێوازەی لەسەری بووە لەخوێندنی قورئان وانابینم نوێژەکە قەد درێژبێت.


نور علی الدرب العثیمین ۲۷٥.

٥٥٩/ حوکمی هێنانەوەی ئاو (منی) لەڕۆژانی ڕەمەزان لەکاتی بەڕۆژو بوون ڕۆژو دەشکێنێت؟

و/ ئاو هێنانەوە لەکاتی بەڕۆژو بوون ڕۆژو بەتاڵ دەکاتەوە ئەگەر بەئەنقەست ئاوەکەی بهێنێت، پێویستە ڕۆژوەکە بگرێتەوە ئەگەر ڕۆژوەکە ڕۆژوی واجب بوو.

وەئاو هێنانەوە بەدەست چ لەکاتی بەڕۆژو چ لەکاتی تر ڕێگە پێنەدراوەو نابێت ئەنجام بدرێت، ئەو ئاو هێنانەوەی کەخەڵك ناوی لێناوە خووی نهێنی.

مجموع الفتاوی للٳبن باز  ۱٥/۲٦۷

٥٦٢/ ئایا دەرچوونی مەذی بە شەهوەتەوە ڕۆژو بەتاڵ دەکاتەوە؟

و/ هاتنی المذی ڕۆژو بەتاڵ ناکاتەوە لەوتەی ڕاستی زانایان.

المذی: ئاوێکی لینجە پێش هاتنی مەنی دێت جاری وایە بەشەهوەتەوە دێت جاری واش هەیە بێ هیچ شەهوەتێك دێت.

مجموع الفتاوی للٳبن باز  ۱٥/۲٦۸.

٥٦٣/ کچێك لە پانزدەی ڕەمەزان نیشانەی بلوغ پێگەیشتنی لێ بەدیار دەکەوێت کە سوری مانگانەیە وەهەواڵی ماڵەوەی نادات بەڕۆژو دەبێت ئایا دەبێت ئەم ڕۆژوانە بگرێتەوە وەئایە کەفارەتیش دەبێت بدات؟

و/ ئافرەت کەگەیشتە بالغ بوون کەسوڕی مانگانەیە پێویستە لەکاتی ئەم حەیضە بەڕۆژو نەبێت، وەئەم ئافرەتەش کەلەسوڕی مانگانە بەڕۆژو بووە ئەوە دەبێت پاش ڕەمەزان ڕۆژوەکانی بگرێتەوە، بەڵام کەفارەتی لەسەر نیە.

فتاوی نور علی الدرب للٳبن باز ۱٦/۱۹٦.

٥٦٤/ ئەگەر پیاوێك بەقسەی خۆش خێزانەکەی بخەلەتێنێت تا لێی نزیك دەبێتەوەو پاشان جیماعی لەگەڵ دەکات لەکاتی بەڕۆژو بوونی مانگی رەمەزان ئایا ئافرەتەکەش دەبێت کەفارەت بدات، کەپیاوەکەی هۆکار بووە؟

و/ نەخێر کەفارەتی لەسەر ئافرەتەکە نیە بەڵکو کەفارەت لەسەر پیاوەکەیەو دەبێت کەفارەتەکە بدات.

(بەڵام دەبێت ئافرەت خۆی دوور بکات لەپیاوەکەی ئەگەر بزانی پیاوەکەی تووشی ئەم تاوانە دەبێت ئەگەر نزیکی ببێتەوەو، بۆیە هەندێك پیاو ناتوانن خۆ راگر بن ئەگەر دەست گەمە لەگەڵ خێزانی بکات بۆیە ئەم جۆرە پیاوە دەبێت لەمانگی ڕەمەزان لەڕۆژەکانی خۆی دوور بکاتەوە لەدەست گەمە با تووشی ئەم تاوانە نەبێت)

الموقع الرسمی للشیخ الناصر الدین الٲلبانی رحمه الله

٥٦٥/ ئایا لەسونەت هاتووە کە ڕۆژووان کاتێك ڕۆژو دەشکێنێت ئەوە دەبێت بەچەند قەسپێکی تاك ڕۆژوەکان بشکێنێت؟

و/ واجب نیە ـ بەڵکو سونەتیش نیە ـ کە لەکاتی ڕۆژو شکاندن بەتاك ڕۆژوی خۆی بشکێنێت بەنموونە سێ دنکە خورما یان پێنج دنك وەیان حەوت دنك بخوات،

ئەوەی وارد بێت لەپێغەمبەر علیه السلام تەنیا لەجەژنی رەمەزان نەدەچووە نوێژی جەژن تا چەند دنکێك قەسپی نەخواردبا کە خوارنی قەسپەکانیشی بەتاك بوو( کە واتە سونەت وایە پێش ئەوەی بچیتە نوێژی جەژنی رەمەزان شتێك بخۆی ئەگەر قەسپ بێت و بەتاك بێت باشترو سونەت ترە)

فتاوی نور علی الدرب محمد بن صالح العثیمین ۱۱/۲

٥٦٦/ ئایا ئەگەر ئافرەتێك منداڵی لەبەر بچێت لەڕەمەزان، بەڕۆژو دەبێت؟

و/ ئەگەر منداڵەکەی کەلەبەری دەچێت هێشتان بەتەواوی دروست نەببوو واتە دەست یان سەر یان پێی هتد دروست نە ببوو ئەوە خوێنی نیفاس نیە، نوێژ دەکات و بەڕۆژوش دەبێت بەڵام بۆ هەموو نوێژێك دەست نوێژێکی نوێ دەشواتەوە تا خوێنەکە ڕادەوەستێ،

وەئەگەر منداڵەکە دەست و پێ و سەری دروست ببوو ئەوە خوێنەکەی بە نیفاس دەژمێردرێت دەبێت واز لەنوێژی ڕۆژو گرتن بهێنێت تا خوێنەکە دەوەستێت یان چل ڕۆژی تەواو دەکات ئەگەر خوێنەکە نەوەستا زوتر.

(نیفاس: خوێنێکە لەکاتی منداڵ بوونی ئافرەت دەردەچێت، بەهاتنی ئەم خوێنە ئافرەت واز لە نوێژو ڕۆژو دەهێنێت تا خوێنەکە ڕادەوەستێت درێژترین کاتیشی تا چل ڕۆژە گەر زوتریش پاك بووەوە خوێنەکەی ڕاوەستە ئەوە خۆی دەشوات و نوێژ دەکا گەر ڕەمەزانیش بوو دەتوانێت بەڕۆژو بێت)

فتاوی نور علی الدرب للامام ابن باز رحمه الله  ۱٦/۳۱٦.

٥٦٧/ چۆن لاشە بەڕۆژو دەبێت لە ڕەمەزان، یان چۆن لاشەمان بەڕۆژو بکەین لەڕەمەزان؟

و/ بەڕۆژو بوونی لاشە بەوەی دەبێت کە دوور کەویتەوە لەوەی خودای گەورە حەرامی کردووە لەسەرت؛ بەنموونە:

زمانت بەڕۆژو کەی واز بهێنی لەحەرامەکان لە غەیبەت کردنو قسە هێنان و بردن و درۆکردن وەوێنەی ئەمانە.

وەدەستت بەڕۆژوکەی بەوەی واز بهێنی لەو حەرامانەی بەدەست دەکرێت لەدزی کردن و، زوڵم و دوژمنایەتی خەلك وەوێنە ئەمانە،

پێیەکانت بەڕۆژوکەی بەوەی واز بهێنی و دوورکەوێتەوە لەوحەرامانەی بەپێ ئەنجام دەدرێت بەپێیەکانت نەچیتە شوێنی حەرام

٥٥٠ـ ئایا ئافرەتی دوگیان یا خوود شیردەر ڕۆژوەکەیان ئەگێڕنەوە کە نەیان توانی بەڕۆژوو ببن ؟؟؟

پرسیار کرا لەزانای فەرموودەناس شێخ البانی  دەربارەی ئەوەی کەوا ئەوترێت ئافرەتی دوگایان یاخوود شیردەر کەترسیان ھەبوو لەخۆیان یا کۆرپەکەیان کە بەڕۆژوو ببن ئەوا بەڕۆژوو نابن و بۆھەر ڕۆژوێکیش خواردنی فەقیرێک ئەدەن ئایا ئەم وتەیە تاچەند ڕاستە؟؟ تکایە ڕونی کەوە بۆمان .

شێخ البانی لەوڵاما فەرموی :-
گرتنەوەی ڕۆژووی لەسەر نیە بەڵکوو لەسەریەتی بۆ ھەر ڕۆژوویەک خواردنی فەقیرێک ئەدات ئەمەش  وڵامی ڕاست و دروستە لەم بارەیەوە .

سەرچاوە فتاوی الجدة شریط ٢٥

٥٥١/ ئەگەر کەسێکی ڕۆژووان ببینم خۆی لەبیر بچێت بەڕۆژوە بخوات و بخواتەوە لەمانگی ڕەمەزان چی بکەم: ئایا بیری بخەمەوە کە بەڕۆژوە یان وازی لێبێنم؟

و/ گەر کەسێك کەسێك ببینێت بەلەبیرچوونەوە لەمانگی ڕەمەزان دەخوات و دەخواتەوە پێویستە ئاگاداری بکاتەوە لەبەرئەوەی ئەو لەبیری کردووە چی لەسەر نیە، بەڵام خۆ تۆ کەدەیبینی لەبیرت نەکردووە بۆیە دەبێت ئاگاداری بکەیەوە.

وەخودای گەورە دەفەرموێ:(( یارمەتی یەکتربن لەکاری چاکەخوازی)) المائدە:  ۲

العثیمین رحمه الله سلسله اللقلء الشهری ۷۰.

٥٥٢/ حوکمی کەسێک چییە کە رۆژووی چەند رە مە زانی نە گرت لە بە ر تە مبە ڵی و نە زانی یان لای شتێکی ئاسایی بوو یان دوای هە واو و نە فسی و شە یتان کە وتبوو ئایا پێویستە ڕۆژووە کانی بگرێتەوە؟

و/ ڕای زۆرینەی زانایان ئە وە یە کە دەبێت سەرجەم ڕۆژووە کانی بگرێتەوە ئە گەر ئەو ڕۆژووەکەی نە گرێتەوە ئە وا تە وبە کە ی قە بول نییە بەڵام ڕای پەسەند و تە واو ئە وە یە کە  گرتنەوەی رۆژووە کانی لە سەر نییە هەر کەسێک  بە ئەنقەست عیبادەتە تێکی لە کاتی خۆیدا دواخست بە بێ هیچ عوزرێک! ئەوە شتێکی کردووە کە پێچەوانەی فە رمایشتی خوا و پێغەمبەرە ئەو کاتە ئەو کردەوەیە یە ی بە سەر و چاو دا دەدرێتەوە

چونکە پێغەمبەری خوا دەفەرموێت : ( من عمل عملا ليس عليه أمرنا فهو رد) واتە هەر کەسێک کار و کردە وە یە ک بکات کە ئە مری ئێمە لە سەر نە بێت ئەوا بە سەر و چاوی دا دە درێتە وە. پێویستە لە سەر ئەم کەسە کە رۆژووی چەند مانگێکی رە مە زانی نە گرتوە تە وبە بکات بۆ لای خوا و کردەوەی چاک بکات و جێگیر ببێت و داوای جێگیر بوون بکات.

فە توای زانای پایەبەرز شێخ محمد بن صالح العثيمين، شریط ۳٥٦.

٥٥٣/ ئایا حوكمی موسافیر لە ڕەمەزاندا شۆفێرى ئۆتۆمبیلەكان دەگرێتەوە؟

و/ بەناوى خواى بەخشندە و میهرەبان

بەڵێ حوكمی سەفەریان لەسەردا دێت، بۆیان هەیە نوێژ كورت بكەنەوە و كۆبكەنەوە و بە ڕۆژووش نەبن.

ئەگەر كەسێك بڵێت: ئەی كەی ڕۆژوو بگرن لە كاتێكدا بە درێژایی ساڵ ئەمە كاریانە؟ لە وەڵامدا ئەڵێین: لە ڕۆژانی زستاندا با ڕۆژوو بگرن لەبەر ئەوەی ڕۆژەكانی كورت و ساردن، بەڵام ئەو شۆفێرانەی لە ناو شاردا كار دەكەن ئەم حوكمەیان نییە و واجبە بە ڕۆژوو بن.

(وەدەتوانێتن بەڕۆژو بێت کەسی مسافیر گەر زۆر قورس نەبێت لەسەری)

جواب الشيخ محمد بن صالـح العثيمين رحمه الله، فتاوى رمضان: (2 / 333 ـ 334).

٥٥٤/ ڕۆشتنی خوێن لە ڕۆژووان ئایا ڕۆژوو دەشكێنێت؟

و/ ئەو خوێن ڕۆشتنەی بە هۆی ددانەوە دروست دەبێت هیچ زیانێكی بۆ ڕۆژووەكە نییە، بە مەرجێك هەوڵ بدات خۆی بپارێزێت لە قوتدانی ئەو خوێنە چونكە دەرچوونی خوێن بەبێ ویستی مرۆڤـ بە یەكێك لەوانەی ڕۆژوو دەشكێنێت ناژمێردرێت،

گەر كەسێك ئەم حاڵەی بەسەر هات واجب نییە ڕۆژووەكەی قەزا بكاتەوە.

. جواب (الشيخ محمد بن صالـح العثيمين رحمه الله)، فتاوى رمضان: (2 / 460).

٥٥٤/ ئایا قسە هێنان و بردنی لەنێوان خەلك (النمیمە) وەغەیبەت کردن ڕۆژو دەشکێنێت؟

غەیبەت کردنی خەلک و نەمیمەت کردن ڕۆژو ناشکێنن، بەڵام لە پاداشتی ڕۆژو کەم دەکەنەوە...

پێغەمبەر علیه السلام دەفەرموێ:( هەرکەسێك لەکاتی ڕۆژو واز لە وتەی خراپ و کردەوەی خراپ و نەفامی نەهێنێت، ئەوە خودای گەورە پێویستی بەوە نیە تۆ خۆت بۆی برسی تێنوو بکەی))

( کەواتە ڕۆژو دەبێت وات لێبکات لەشتە خراپەکان دوور بکەویتەوە، نەوەك پاداشتی ڕۆژوت بۆ نامێنێتەوە)

المصدر  ٤۸ سٶال فی الصیام لابن العثیمین،  ص: ٤٦.

٥٥٥/ ئافرەتێك بەڕۆژو دەبێت پێنج دەقیقە پێش بانگی مغریب تووش حەیض عادەی مانگانە دەبێت، ئایا ڕۆژوەکەی دروستە؟

و/ ڕۆژوەکەی دروست نیە مادەم تووشی حیض بووە پێش ڕۆژ ئاوا بوون، بۆیە ڕۆژوەکەی بەتاڵ دەبێتەوە وە ڕۆژوەکەش دەبێت پاش ڕەمەزان بگرێتەوە.

فتاوی نور علی الدرب للٳمام ابن باز ۱٦/۲٦٥.

٥٥٦/ ئەگەر ئیمامێك لاپەرەیەکی قورئان بخوێنێت لەنوێژی تەراویح ئایا نوێژەکەی درێژە؟

خوێندنی قورئان لەنوێژی تەراویح لاپەرەیەکی قورئان واتە لایەکی زۆرنیە؛ بەڵکو نەوەندگیرە نەزۆر درێژە نە زۆرکورتە بەڵام لەکورتەکەی نزیکترە،