Aqro Azərbaycan

Channel created

Məcnun Məmmədov Zəngilanda vətəndaşları qəbul edəcək. Aprelin 17-də, saat 09:00-da kənd təsərrüfatı naziri Məcnun Məmmədov Zəngilan rayonunun Ağalı kəndində bu rayondan, eyni zamanda Qubadlı və Cəbrayıl rayonlarından olan vətəndaşları qəbul edəcək. Qəbulda…

Azərbaycanda aqrar sektor 1% böyüyüb.

Bu ilin I rübdə Azərbaycanda 1 milyard 717,6 milyon manat dəyərində kənd təsərrüfatı məhsulları istehsal edilib.

"Report" Dövlət Statistika Komitəsinə istinadən xəbər verir ki, bu, ötən ilin eyni dövrü ilə 1,1% çoxdur.

Xatırladaq ki, yanvar-mart aylarında Azərbaycanda 29 milyard 703,2 milyon manatlıq ümumi daxil məhsul (ÜDM) istehsal olunub. Bu ötən ilin eyni dövrünə nisbətən 0,3% azdır.

O cümlədən, son 1 ildə ölkənin neft-qaz ÜDM-nin dəyəri 1,2% azalaraq 8 milyard 531,6 milyon manata düşüb, qeyri-neft-qaz ÜDM-nin dəyəri isə 0,2% artaraq 21 milyard 171,6 milyon manata çatıb.

✅ Bəyən, paylaş, abunə ol.

Azərbaycanın meşə fındığı ixracından gəlirləri 2 dəfə artıb.

Bu ilin yanvar-fevral aylarında Azərbaycan 57,4 milyon ABŞ dolları dəyərində meşə fındığı ixrac edib.

"APA-Economics" bu barədə İqtisadi İslahatların Təhlili və Kommunikasiya Mərkəzinə istinadən xəbər verir.

Dövr ərzində ixrac olunan məhsulun dəyəri ötən ilin yanvar-fevral ayları ilə müqayisədə 2 dəfə artıb.

Ötən ilin eyni dövründə 27,9 milyon ABŞ dollarlıq meşə fındığı ixrac edilib.

Cari ilin yanvar-fevral ayında Azərbaycanın qeyri-neft sektoru üzrə ixracı 2025-ci ilin müvafiq dövrü ilə müqayisədə 19,7% artaraq 580,7 milyon ABŞ dolları təşkil edib.

✅ Bəyən, paylaş, abunə ol.

İmişlidə zərərverici həşəratlar yonca sahələrinə ziyan vurub, məhsuldarlıq azalıb.

İmişli rayonunun yonca sahələrində zərərverici həşəratlar yayılıb.

"Report"un Muğan bürosuna bu barədə rayon sakinləri məlumat verib.

Onların sözlərinə görə, fitonomus adlanan zərərverici həşəratlar əsasən birinci biçində müşahidə olunur. Həşəratlar yoncanın yarpaqlarını bütünlüklə yeyərək məhv edir.

Nəticədə yoncanın məhsuldarlığı xeyli aşağı düşür. Hazırda ziyanvericilərə qarşı mexaniki və kimyəvi üsullarla mübarizə aparılır.

Məsələ ilə bağlı İmişli Dövlət Aqrar İnkişaf Mərkəzindən bildirilib ki, ziyanvericilərə qarşı mübarizə tədbirlərinin effektivliyi birbaşa düzgün vaxt seçimindən asılıdır. Belə ki, dərmanlama zamanı bir neçə məqamlara diqqət yetirmək tövsiyə edilir.

Havalar qızdıqca ziyanvericilər günorta saatlarında kölgəyə çəkilərək bitkinin dibinə toplaşırlar. Ona görə də günorta saatlarında aparılan dərmanlama işləri ziyanvericilərin gizlənməsi səbəbindən gözlənilən nəticəni vermir və təsirsiz olur. Bu səbəbdən mübarizə tədbirlərinin səmərəliliyini artırmaq üçün dərmanlamanın hava temperaturunun nisbətən aşağı olduğu, ziyanvericilərin aktiv olduğu saatlarda aparılması məqsədəuyğundur.

Mərkəzdən həmçinin bildirilib ki, fitonomus zərərvericilərinin aşkar edildiyi yonca sahələrində mübarizə tədbirləri həyata keçirilir. Eyni zamanda fermerlərin maarifləndirilməsi istiqamətində də işlər aparılır.

✅ Bəyən, paylaş, abunə ol.

Azərbaycan Rusiyadan buğda tədarükünü kəskin artırıb.

Bu ilin yanvar ayında Azərbaycana xarici ölkələrdən 28,87 milyon ABŞ dolları dəyərində 129 min 933 ton buğda gətirilib.

"Report"un Dövlət Statistika Komitəsinin məlumatları əsasında apardığı hesablamalarına görə, bu, 2025-ci ilin eyni dövrü ilə müqayisədə dəyər ifadəsində 54%, kəmiyyət olaraq 50% çoxdur.

Hesabat dövründə Azərbaycan Rusiyadan 18,97 milyon ABŞ dolları dəyərində (1 il əvvəlki göstəricidən 3 dəfə çox) 83 min 613 ton (+3 dəfə) və Qazaxıstandan 9,9 milyon ABŞ dolları dəyərində (-19%) 46 min 320 ton (-21%) buğda alıb.

2025-ci ildə Azərbaycana idxal edilmiş 1 milyon 267 min 322 ton buğdanın 52,26%-i Qazaxıstanın, 47,73%-i Rusiyanın payına düşüb.

✅ Bəyən, paylaş, abunə ol.

Tovuzlu fermerlər soğanın qiymətinin 5 qəpiyə qədər düşdüyünü, lakin məhsula alıcı tapa bilmədiklərini bildirirlər.

Fermerlərin sözlərinə görə, hazırda təxminən 100 tona yaxın məhsul mövcuddur. 10-15 gündən sonra məhsul ümumiyyətlə yararsız olacaq.

Onlar məhsulların xarici bazarlara ixracı ilə bağlı hökumətdən yardım istəyirlər. (Milliaz)

✅ https://t.me/shedevrplus

Azərbaycan Gürcüstandan gübrə tədarükünü 16 dəfə artırıb.

Bu ilin yanvar ayında Azərbaycan 5,13 milyon ABŞ dolları dəyərində 8 min 222 ton gübrə (orqanik gübrələrdən başqa) idxal edib.

"Report"un Dövlət Statistika Komitəsinin məlumatları əsasında apardığı hesablamalarına əsasən, bu, 2025-ci ilin eyni dövrünün göstəricisindən dəyər ifadəsində 1% çox, kəmiyyət olaraq – 37% azdır.

Hesabat dövründə Azərbaycan Rusiyadan 2,41 milyon ABŞ dolları dəyərində (1 il əvvəlki göstəricidən 31% az) 5 min 375 ton (-56%), Türkiyədən 1,33 milyon ABŞ dolları dəyərində (+40%) 419 ton (+3,5 dəfə), Çindən 684 min ABŞ dolları dəyərində 1 min 201 ton (1 il əvvəl tədarük olmayıb), Polşadan 250 min ABŞ dolları dəyərində 416,5 ton (1 il əvvəl tədarük olmayıb), Gürcüstandan 108 min ABŞ dolları dəyərində (+22 dəfə) 380 ton (+16 dəfə) gübrə alıb.

2025-ci ildə Azərbaycana idxal edilmiş 172 min ton gübrənin 85%-i Rusiyanın payına düşüb.

✅ Bəyən, paylaş, abunə ol.