Azərbaycan Dəmir Yolları

💙 Dəmir yollarının sevimli dostu Mikayılın hekayəsi davam edir - onun qatarlara olan marağı bu dəfə dostlarını Dəmiryol Muzeyinə apardı.

🏛️ Dəmiryolçuların peşə bayramı münasibətilə Azərbaycan Beynəlxalq Autizm Mərkəzinin uşaqları və təlimçiləri muzeyimizi ziyarət ediblər. Dəmir yollarının tarixi və inkişafı haqqında məlumat alıb, ekspozisiyalarla tanış olublar.

🎁 Ziyarət uşaqlara yeni biliklər və xoş təəssüratlar qazandırıb. Görüşün sonunda onlara xatirə hədiyyələri təqdim olunub.

✨💙 Mikayılın qatarlara olan sevgisinə qucaq açacaq hələ çox dayanacaqlar var.

🛤️☀️ Canlanan həyatı, yenilənən hissləri, gerçəkləşən arzuları daşıyan Horadiz-Ağbənd dəmir yolu.

🚆 ADY artan sərnişin tələbatını qarşılamaq üçün 24 və 25 oktyabr tarixlərində Bakı–Ağstafa–Bakı marşrutu üzrə əlavə qatar reysləri həyata keçirəcək.

ℹ️ Eyni zamanda, bu istiqamətlərə Bakı–Qazax–Bakı marşrutu üzrə ənənəvi qrafiklə gündəlik səfərlər təşkil olunur.

🎫 Biletləri ADY-nin rəsmi saytı, “ADY Mobile” tətbiqi və ya dəmiryol kassalarından əldə edə bilərsiniz.

⛰️ Göygölün bir addımlığına qatarla gedin!

🌟 ADY ilə Gəncə səfəri həm də Göygölə səyahət fürsəti deməkdir.

✅ Gəncə Dəmiryol Vağzalından 10 dəqiqəlik məsafədə yerləşən Nəriman Nərimanov parkının yaxınlığından G1 və G2 nömrəli avtobus marşrutları ilə Göygölə rahat gedə bilərsiniz.

🪄 Payız səyahəti üçün ADY-ni seç, Gəncədən Göygölə keç!

🪨 Bu ilin 9 ayı ərzində ADY-nin sərnişin və yük qatarlarına hərəkətdə olarkən 26 dəfə daş atılıb.

🚆 Ötən ilin eyni dövrü ilə müqayisədə analoji hadisələrin sayı 38% azalsa da, xoşagəlməz nəticələr dəyişmir:

- sərnişinlərin və qatar heyətinin həyatı təhlükə altına düşür;
- qatara ciddi zərər dəyir;
- maşinist qatarı təcili saxlamalı olur, nəticədə hərəkət cədvəlində gecikmələr yaranır.

ℹ️ Aşkarlanmış faktlarla bağlı Dəmir Yolu Nəqliyyatında Polis İdarəsinə məlumat verilib və hər bir faktla bağlı müvafiq araşdırma aparılıb.

💬 Qatarlara daş atanların əsasən azyaşlılar olduğunu nəzərə alaraq, ADY valideynləri uşaqları bu barədə mütəmadi maarifləndirməyə çağırır.

📢 Bir daha xatırladırıq ki, dövlət əmlakı hesab edilən qatarlara daş atmaq cinayətdir.

📢 Zəfər Günü və Dövlət Bayrağı Günü ilə əlaqədar ardıcıl dörd qeyri-iş günündə sərnişin tələbatını qarşılamaq məqsədilə 7, 8, 9 və 10 noyabr tarixlərində Bakı-Qəbələ-Bakı marşrutu üzrə həm gediş, həm dönüş reysləri təşkil olunacaq.

✅ Biletləri saytımızdan, "ADY Mobile" tətbiqindən və ya dəmiryol kassalarından əldə edə bilərsiniz.

✨ Xoş səfərlər diləyirik!

ℹ️ ADY sədri Rövşən Rüstəmov Qazaxıstana səfəri çərçivəsində “Rəqəmsal İpək Yolu: Süni intellekt və logistikanın qabaqcıl texnologiyaları” mövzusunda keçirilmiş 8-ci “Yeni İpək Yolu” (“New Silk Way”) biznes-forumunda iştirak edib.

🔗 Daha ətraflı: https://sml.az/ady-new-silkway-forum

ℹ️ Qazaxıstanda səfərdə olan AZCON Holding və ADY nümayəndə heyətləri Aktau və Kurık limanlarının, eləcə də bir sıra terminalların infrastrukturu ilə tanış olublar.

🤝 Müzakirələr əməkdaşlığın genişləndirilməsi, yükdaşımaların səmərəliliyinin artırılması və rəqəmsal məlumat mübadiləsinin təşkili məsələlərini əhatə edib.

🔗 Daha ətraflı: https://sml.az/ady-kazakhstan-port

🚆 ADY artan sərnişin tələbatını qarşılamaq üçün 17 və 18 oktyabr tarixlərində Bakı–Ağstafa–Bakı marşrutu üzrə əlavə qatar reysləri həyata keçirəcək.

ℹ️ Eyni zamanda, bu istiqamətlərə Bakı–Qazax–Bakı marşrutu üzrə ənənəvi qrafiklə gündəlik səfərlər təşkil olunur.

🎫 Biletləri ADY-nin rəsmi saytı, “ADY Mobile” tətbiqi və ya dəmiryol kassalarından əldə edə bilərsiniz.

🌟 Bu gün insanları, regionları və iqtisadiyyatları bir-birinə bağlayan dəmiryolçuların peşə bayramıdır.

🛤️ 146 illik zəngin tarixə malik Azərbaycan dəmir yolları bu gün müasir tələblərə cavab verən, ölkəmizin nəqliyyat-logistika imkanlarını genişləndirən və qitələrarası bağlantılarda mühüm rol oynayan strateji sahələrdən biridir.

🤝🏻 Dəmiryolçuların əməyi yalnız sərnişin və yük daşımalarının təhlükəsiz, rahat və dayanıqlı təşkilinə deyil, eyni zamanda, iqtisadi inkişafın, sosial rifahın və regional əməkdaşlığın möhkəmlənməsinə xidmət edir.

✨ Bu əlamətdar gün münasibətilə bütün dəmiryolçuları ürəkdən təbrik edir, şərəfli fəaliyyətlərində uğurlar, möhkəm cansağlığı və tükənməz enerji arzulayırıq!

🚆 Çexiyanın nəqliyyat naziri İvan Bednarikin rəhbərlik etdiyi nümayəndə heyəti Bakı Dəmiryol Vağzalında olub.

Qonaqlar vağzalın infrastrukturu və ADY-nin sərnişindaşıma layihələri, eləcə də SİMA Pay üztanıma ilə ödəniş sisteminin tətbiqi barədə məlumat verilib.

🔗 Daha ətraflı: https://sml.az/ady-czech

☘️ ADY və “KPMG Azərbaycan” şirkətinin əməkdaşlarının iştirakı ilə 13 oktyabr - dəmiryolçuların peşə bayramına həsr olunmuş iməcilik aksiyası keçirilib.

🧹🛤️ “Yollarımız dəmir, izlərimiz təmiz” şüarı ilə təşkil olunmuş aksiya çərçivəsində dəmir yollarının Lökbatan sahəsindəki mühafizə zolağında təmizlik və abadlıq işləri aparılıb, o cümlədən plastik və polietilen tullantılar toplanaraq utilizasiya üçün təhvil verilib.

✅ ADY dayanıqlı inkişaf istiqamətlərinin tərkib hissəsi kimi ekoloji məsuliyyət tədbirlərini bundan sonra da davam etdirəcək.

🤝🏻 ADY rəhbərliyi AQEM (CICA) Liman Rəhbərləri Konfransı çərçivəsində Çinin liman və texnologiya şirkətlərinin nümayəndələri ilə görüşlər keçirib.

🔗 Daha ətraflı: https://sml.az/cica-ady-gorusler

⚓ Bakıda AQEM (CICA) liman rəhbərlərinin iştirakı ilə keçirilən beynəlxalq konfransda Orta Dəhlizin inkişafı, limanlararası əməkdaşlıq, multimodal daşımaların səmərəliliyinin artırılması və regional yük axınlarının genişləndirilməsi müzakirə olunub.

🔗 Daha ətraflı: https://sml.az/cica-tedbir-baki-limani

🌟 ADY-nin “Kitab Dayanacağı” böyüməyə davam edir!

📚 Sərnişinlərin gözləmə və səfər vaxtına maraq və bilik qatan “Kitab Dayanacağı” Bakı və Gəncədən sonra Sumqayıt Dəmiryol Vağzalında da istifadəyə verildi.

🚆 İndi Sumqayıtdan başlayan səfərləri kitabların rəngarəng dünyası müşayiət edəcək. Sevdiyiniz kitabı seçin, mütaliə zövqünü səfər boyu yaşayın.

✨ Yolunuz Sumqayıta düşəndə “Kitab Dayanacağı”na baş çəkməyi unutmayın!

Uzun, dəmir bir yoldayıq – yol gedirik gündüz, gecə ☀️🌙

✨ Xoş xatırlamaq və xatırlanmaq hər kəsin istəyidir.

🤝🏻 Gəlin xoş xatirələrimizlə yadda qalaq.

🚂 Keçmişə növbəti qısa səyahət.

Bu dəfə Bakı yük stansiyasının 1963-cü ilə aid tarixinə nəzər salırıq.

Arxiv görüntüləri dəmir yolu tariximizin müxtəlif mərhələlərini, eləcə də həmin dövrdə Bakı yük stansiyasındakı iş prosesini əks etdirir.

👉 Zəngin dəmir yolu irsimizin bu dəyərli epizodlarını görmək üçün fotoları yana sürüşdürün.

📸 19 avqust – Dünya Fotoqrafiya Günü münasibətilə bütün fotoqrafları və fotoqrafiya həvəskarlarını təbrik edirik.

🪄 Əgər bu gün dəmir yollarının zəngin keçmişini yaşada, arxivləşdirə, gələcəyə daşıya biliriksə, bunda fotoqrafların böyük əməyi var.

🫶🏻 Əziz fotoqraflar, sizə cansağlığı, tükənməz enerji və bol uğur arzulayırıq. Bu yoldan əl çəkməyin, şəkil çəkin.

🚆 ADY artan sərnişin tələbatını qarşılamaq üçün 19 və 21 avqust tarixində Bakı–Ağstafa–Bakı marşrutu üzrə əlavə qatar reysləri həyata keçirəcək.

ℹ️ Bu istiqamətlərə, eyni zamanda, Bakı–Qazax–Bakı marşrutu üzrə ənənəvi qrafiklə gündəlik səfərlər təşkil olunur.

🎫 Biletləri Bakı və Gəncə Dəmiryol Vağzallarının kassalarından, ADY-nin rəsmi saytından və ya “ADY Mobile” tətbiqindən əldə edə bilərsiniz.

📢 Sərnişinlərimizin nəzərinə!

🔁 Ənənəvi mövsümlərarası keçidlə əlaqədar 19 sentyabrdan etibarən Bakı-Qəbələ-Bakı reyslərinin qrafikinə dəyişiklik ediləcək.

ℹ️ Belə ki, qatarlar Bakıdan Qəbələyə həftənin şənbə günü, Qəbələdən Bakıya isə bazar günü hərəkət edəcək.

🌟 Qeyd olunan tarixdən sonrakı səfər planlarınız üçün yeni qrafiki nəzərə almağınızı tövsiyə edirik.

📢 Xırdalan-Sumqayıt xətti üzrə sərnişin qatarlarının hərəkəti bərpa olunur.

✅ "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramı"nın icrası çərçivəsində Xırdalan–Güzdək sahəsində dəmiryol xətlərinin altından yeni avtomobil yolu keçidinin inşası tamamlanıb və dəmir yolu ilə sözügedən istiqamətdə sərnişindaşımanın bərpası üçün hazırlıq işlərinə başlanıb.

ℹ️ Hazırda Xırdalan–Sumqayıt sahəsi üzrə yol infrastrukturuna baxış keçirilir, eyni zamanda, bu istiqamətdə təyin olunacaq yeni reyslər üzrə istismara veriləcək hərəkət tərkiblərinin təmiri işləri davam etdirilir. Bütün bu işlər başa çatdıqdan sonra Bakı-Xırdalan-Sumqayıt marşrutu ilə qatarların Sumqayıta hərəkəti yeni tədris ili başlayanadək bərpa olunacaq.

🛤️ Sözügedən qatarlar həmişəki qaydada həftənin bütün günlərində mövcud dayanacaqlar üzrə hərəkət edəcək.

🚆 ADY artan sərnişin tələbatını qarşılamaq üçün 14 avqust tarixində Bakı–Ağstafa–Bakı marşrutu üzrə əlavə qatar reysləri həyata keçirəcək.

ℹ️ Bu istiqamətlərə, eyni zamanda, Bakı–Qazax–Bakı marşrutu üzrə ənənəvi qrafiklə gündəlik səfərlər təşkil olunur.

🎫 Biletləri Bakı və Gəncə Dəmiryol Vağzallarının kassalarından, ADY-nin rəsmi saytından və ya “ADY Mobile” tətbiqindən əldə edə bilərsiniz.

✅ ADY Naxçıvan dəmir yolu şəbəkəsində yenidənqurma işlərini davam etdirir.

🏗️ Dəmir yolu xətti üzrə Azərbaycan–Ermənistan sərhədindən Ordubad istiqamətində 6 km-lik hissədə torpaq işləri tamamlanıb, Salamməlik stansiyasında başlayaraq 700 metrlik hissədə yeni rels-şpal çərçivələri quraşdırılıb, zəruri mühəndis qurğularının inşası davam etdirilir.

ℹ️ Yenidənqurma tamamlandıqdan sonra dəmir yolunun illik yükötürmə qabiliyyəti 15 milyon ton olacaq.

🌟 Yeni bağlantı Naxçıvanı Azərbaycanın əsas dəmir yolu şəbəkəsi ilə birləşdirəcək, həmçinin Zəngəzur dəhlizinə qoşularaq Türkiyəyə birbaşa dəmir yolu çıxışını təmin edəcək və Azərbaycanın tranzit imkanlarını əhəmiyyətli dərəcədə artıracaq.

🇦🇿 Prezident İlham Əliyev və birinci xanım Mehriban Əliyeva Naxçıvan Muxtar Respublikasının dəmir yolu infrastrukturunda aparılan yenidənqurma işləri ilə tanış olublar.

ℹ️ Rəqəmsal inkişaf və nəqliyyat naziri Rəşad Nəbiyev və “Azərbaycan Dəmir Yolları” QSC-nin sədri Rövşən Rüstəmov dövlətimizin başçısına və birinci xanıma görülmüş işlər barədə məlumat verdilər.

🔗 Daha ətraflı: https://bit.ly/4fQy8vv

✨ Bakıdan sonra növbəti “Kitab Dayanacağı” Gəncədə!

📖 9 Avqust - Kitabsevərlər Günündə Gəncə Dəmiryol Vağzalında “Kitab Dayanacağı” istifadəyə verildi.

📚 Dəmiryolçuların, tərəfdaşların və könüllülərin töhfəsi ilə toplanan kitablar artıq Gəncədə də sərnişinlərin ixtiyarındadır.

🪄 Gözləmə və səfər vaxtını mütaliə ilə daha mənalı et, “Kitab Dayanacağı”ndan sən də faydalan!

🚆 ADY bu ilin yanvar-iyul aylarında 6,4 milyondan çox sərnişin daşıyıb. Bu, ötən ilin eyni dövrü ilə müqayisədə 17% çoxdur.

📊 Qeyd olunan dövr ərzində Abşeron dairəvi dəmir yolu ilə 6 milyondan çox (16% artım), rayonlararası marşrutlarla isə 347 minə yaxın sərnişin (18% artım) səfər edib.

📈 Bu ilin iyul ayında isə ümumi sərnişindaşımada (951 mindən çox) 15% artım qeydə alınıb. İyulda Abşeron dairəvi xətti ilə sərnişindaşıma göstəricisi 12% artaraq 876 min, rayonlararası marşrutlarla isə 24,5% artaraq 57 840 nəfərə çatıb.

📚 Beynəlxalq Kitabsevərlər Gününü sərnişinlərimizlə birlikdə qeyd etdik!

🚉 “Parlaq İmzalar” nəşriyyatı ilə birgə Bakı Dəmiryol Vağzalında sərnişinlərə ədəbiyyatla bağlı maraqlı suallar ünvanladıq. Sualları düzgün cavablandıran iştirakçılara isə kitablar hədiyyə etdik.

✨ Səfər öncəsi yaşanan bu xoş anlarla mütaliə sevincini bölüşdük, sərnişinlərimizin yoluna yeni hekayələr qatdıq.

💙 Bütün kitabsevərləri təbrik edir, hər səfərin yeni bir kitabla, hər kitabın isə unudulmaz bir səyahətlə başlamasını arzulayırıq!

👦🏻👧🏻 Balaca sərnişinlərimiz üçün pulsuz səyahət!

🚆 ADY-nin Bakı–Tbilisi–Bakı qatarında

- 5 yaşa qədər uşaqlar ayrıca yer tutmamaq şərtilə pulsuz,
- 5–10 yaş arası uşaqlar isə səyahət sinifi, alış tarixi və mövsümdən asılı olaraq 50%-dək endirimlə səfər edə bilərlər.

❗️ Əsas qaydalar:
- 5 yaşadək bir uşaq üçün nəzərdə tutulan pulsuz bilet mütləq şəkildə rəsmiləşdirilməlidir.
- ⁠Uşaqla səyahət etibarlılıq müddəti olan pasportun əsasında aparılır. Uşaq 1 valideynlə səyahət edirsə, digər valideynin və ya digər böyüklə (valideynsiz) səyahət edirsə, hər 2 valideynin ayrı-ayrılıqda notarial qaydada təsdiqlənmiş etibarnaməsi təqdim olunmalıdır.

🎟️ Biletləri saytımızdan, "ADY Mobile" tətbiqindən və ya dəmiryol kassalarından əldə edə bilərsiniz.

🧳🚆 Bakı–Tbilisi–Bakı qatarı ilə səfərdə baqaj rahatlığı!

🎒 Komfort və Komfort+ sinifləri üzrə çəkisi 23 kq-dan (Lüks sinifdə 30 kq-dan) çox olmayan 1 ədəd baqajı pulsuz apara bilərsiniz. Bundan əlavə, kiçik əl yükü üçün də ödəniş tələb olunmur.

👶🛒 Pulsuz aparıla bilən əşyalara qatlanan uşaq arabası da daxildir. Komfort+ kupesini tam bron edən sərnişinlər isə uşaq arabalarını həm də açıq vəziyyətdə daşıya bilərlər.

✨ Hər birinizə rahat səyahət, xoş anlar və yaddaqalan xatirələr arzulayırıq!