Davari Barzan دەڤەری بارزان

ئەمڕۆ شەممە، ١٧ـی ئۆکتۆبەری ٢٠٢٦، لە قەزای پیرمام، بەڕێز مەلامستەفا بارزانی بەشداریی لە پرسەی پێشمەرگەی هەردوو شۆرشی ئەیلوول و گوڵان خوالێیخۆشبێت (موسا حەدۆ موسا دری _ هەرکی بنەجی) کرد.
بەڕێزیان لە نزیکەوە هاوخەمی و سەرەخۆشیی خۆی ئاراستەی بنەماڵە و کەسوکاری کۆچکردوو کرد، و هیوای خواست خودای مەزن گیانی بە بەهەشتی بەرین شاد بکات و سەبووری و ئارامیش بە خانەوادەکەیان ببەخشێت.

ڕاگەیاندنی نووسینگەی مەلامستەفا بارزانی

ئێوارەی ئەمڕۆ دووشەممە ٥ـی ئۆکتۆبەری ٢٠٢٦ لە شاری هەولێر، بەڕێز مەلامستەفا بارزانی بەشداری لە مەڕاسیمی یادی ڕۆژی نیشتمانی وولاتی ئەلمانیا کرد و لەلایەن بەڕێزان دانیێل کرێبەر باڵیۆزی ئەلمانیا لە عێراق و كریستیان ئۆلیفكە کونسولی گشتی ئەلمانیا لە هەرێمی کوردستان پێشوازی لێکرا.

مەڕاسیمەکە لەلایەن کونسولخانەی گشتی وولاتی ئەلمانیا لە هەرێمی کوردستان ڕێکخرابوو و لە میانەی بەشداریکردنەکەیدا بەڕێزیان، گەرمترین پیرۆزبایی خۆی ئاراستەی بالیۆز و کونسوڵی گشتی، دیپلۆماتکاران و هاووڵاتییانی ئەلمانی نیشتەجێی هەرێمی کوردستان کرد.

ڕاگەیاندنی نووسینگەی مەلامستەفا بارزانی

زبارەی چنینی سماق لە گوندی ئالکا - دەڤەری بارزان.

قەزای هەریر.. بە هاوکاریی نووسینگەی بەڕێز مەلامستەفا بارزانی و بە سەرپەرشتیی دەستەی ژین و ژیار، خولێکی تایبەتیی زمانی ئینگلیزی بە شێوەیەکی بێبەرامبەر بۆ قوتابیان و گەنجانی دەڤەرەکە کرایەوە.

ئەمڕۆ یەکشەممە، ٩ـی ئابی ٢٠٢٦ لە شاری هەولێر، بەڕێز مەلامستەفا بارزانی بەشداریی لە پرسەی خوالێیخۆشبێت خاتوو (دلیارا ستارۆڤا) هاوسەری پێشمەرگەی تێکۆشەر و کەسایەتی نیشتیمانپەروەر و هەڤاڵی بارزانی نەمر بۆ یەکێتی سۆڤیەتی جاران خوالێخۆشبوو (عەبدولڕەحمان پیرەسالی) کرد.

بەڕێزیان لە نزیکەوە هاوخەمی و سەرەخۆشیی خۆی گەیاندە بنەماڵە و کەسوکاری کۆچکردوو، و هیوای خواست خودای مەزن گیانی بە بەهەشتی بەرین شاد بکات و سەبووری و ئارامیش بە خانەوادەکەیان ببەخشێت.

ڕاگەیاندنی نووسینگەی مەلامستەفا بارزانی

ئەمڕۆ چوارشەممە، ٨ـی نیسانی ٢٠٢٦، لە ئیدارەی سەربەخۆی سۆران، بە نوێنەرایەتی بەڕێز جەنابی سەرۆک بارزانی، مەلامستەفا بارزانی بەشداریی لە پرسەی شەهیدی قارەمان وەیسی ئاخر سەردەری _ شێروانی کرد.

مەلامستەفا بارزانی، لە نزیکەوە هاوخەمی و سەرەخۆشیی قووڵی بەڕێز جەنابی سەرۆک بارزانی گەیاندە بنەماڵەی سەربەرزی شەهید وەیسی، بەڕێزیان جەختی لە پیرۆزیی قوربانییەکانی ڕێگای ئازادی کردەوە و دووپاتی کردەوە کە خوێنی پاکی ئەم قارەمانە و تێکڕای شەهیدانی کوردستان، هێمای نەمری و شکۆمەندیی نەتەوەکەمانن و هەرگیز بەفیڕۆ ناچن، هاوکات لە یەزدانی مەزن داواکار بوو گیانی پاکی شەهید (وەیسی شێروانی)بە بەهەشتی بەرین شاد بکات و ئارامی و سەبووری بە دڵی خانەوادە و هاوسەنگەرانی ببەخشێت.

شەهید وەیسی شێروانی، یەکێک بوو لەو پێشمەرگە ئازایانەی فرقەی ٥ کە لە پەلامارە تیرۆریستییەکەی شەوی ٢٣ لەسەر ٢٤ـی ئاداری ٢٠٢٦ لە سپیلک ، بریندار ببوو، پاش مانەوەی لە نەخۆشخانە و ململانێیەکی سەخت لەگەڵ برینەکەی، سەرەنجام گەیشتە ئەو شەش شەهیدەی هاوسەنگەری خۆی و کاروانی نەمرانی ڕێگای ئازادی کورستان و شکۆی شەهادەتی پۆشی.

ڕاگەیاندنی نووسینگەی مەلامستەفا بارزانی