فەرموودەکانی پێغەمبەر ﷺ

📜 فـەرمـوودەی ( ٧٧٣ )

❖ عَنِ الْعِرْبَاضِ بْنِ سَارِيَةِ يَقُولُ : قَامَ فِينَا رَسُولُ اللَّه ﷺ ذَاتَ يَوْمٍ ، فَوَعَظَنَا مَوْعِظَةً بَلِيغَةً وَجِلَتْ مِنْها الْقُلُوبُ وَذَرَفَتْ مِنْها الْعُيُونُ ، فَقِيلَ : يَا رَسُولَ اللَّه ، وَعَظْتَنَا مَوْعِظَةَ مُوَدِّعٍ ، فَاعْهدْ إِلَيْنَا بِعَهدٍ ، فَقَالَ : .

واتە ⁄ عیربازی کوڕی ساریە دەڵێت : ڕۆژێک پێغەمبەر ﷺ لەنێوماندا هەستا و ئامۆژگاریی کردین بە ئامۆژگارییەکی بەهێز و لەجێ کە دڵەکانی دەلەرزاند و چاوەکان فرمێسکیان لێ دەهات ، پێیان گوت : ئەی پێغەمبەر ﷺ بە جۆرێک ئامۆژگاریت کردین وەک ئەوەی ئامۆژگاری ماڵئاوایی بێت ، جا شتێکمان پێ بسپێرە بۆ دوای خۆت - تا پێوەی پابەند ببین -  ، پێغەمبەریش ﷺ فەرمووی (( تەقوای اللە بکەن و لەسەر گوێڕایەڵی و فەرمانبەرداری دەسەڵات ببن با ئەو کەسەی فەرمانتان پێ دەکات بەندەیەکی حەبەشیش بێ - مادام موسڵمانە - ، وە لەدوای من ڕاجیاییەکی زۆر دەبینن ( جیاوازی لە تێگەشتن بۆ دین و لێکدانەوەی دەقەکان ) بۆیە لەو کاتەدا دەست بگرن بە سوننەت و ڕێگای من و جێنشینە سەرڕاستەکانم ، بە ددانەکانتان ئەو ڕێبازە بگرن و خۆتان به‌دوور بگرن لە شتی داهێنراو و زیادە ، چونکە بێگومان هەموو داهێنراوێک لە ئاییندا گومڕاییە )).

📚 رواه ابن ماجه ٤٢