Böyüklərdən Kəlamlar

Ayətullah Haeri Şirazi:

"Bəzən insan bir çox əməlləri, ibadətləri yerinə yetirir, məsələn 40 günlük çillə tutur, amma sonra artıq islah edilə bilməz bir hala gəlir!!
Niyə? Çünki özü haqqında “hüsnüzənn” (özünü yaxşı zənn etmə) edir, nəticədə öz içində təkəbbürə qapılır.
Əsas məsələ insanın bir əmələ tovfiqat tapandan sonra necə bir hal qazanmasıdır.
İblis altı min il ibadət etdi, amma sonra özü haqqında hüsnüzənnə qapıldı!
İnsan etdiyi bütün əməllər - ibadətlər, dualar, insanlara xidmət, xuşu halında qıldığı namazlar, ziyarətlər nə üçündür? Hamısı bunun üçündür ki, anlasın:

"Bu,Rəbbimin fəzlindəndir və məni yoxlamağı üçündür ki, görsün şükürmü edirəm, ya nankorluq (naşükürlük)?

(Nəml/40)

https://t.me/kelamlardan

Bir mömini ələ salmaqdan və Allahın ərşinin titrəməsindən qorxmadınız?!

Ayətullah Səadətpəvər (r.ə):
Bir gün İmam Xomeyninin dərsində bir tələbə sadə bir sual verdi və bəzi tələbələr güldülər.
İmam onun sualına cavab verdi. Ertəsi gün həmin tələbə yenidən çox sadə bir sual verdi və yenə tələbələr güldülər.
İmam səbirli şəkildə cavab verdi. Üçüncü gün tələbə bu dəfə mövzu ilə əlaqəsi olmayan bir sual soruşdu və tələbələr yenə güldülər!

Bu dəfə İmam sükut etdi. Hər kəs təəccüb etdi ki, niyə İmam cavab vermədi. Bir müddət sonra İmam narahat halda buyurdu.
"Siz bu şəxsin sualına güldünüz, bir mömini ələ salmaqla və onu incitməklə Allahın ərşinin titrəməsindən qorxmadınız?!

https://t.me/kelamlardan

Ayətullah Müctehidi Tehrani (r.ə):

✍ İki əməl var ki, dünyada asan, amma əməl tərəzisində çox ağırdır:

1⃣ Gözəl əxlaqlı olmaq

Ailədə ər-arvad gözəl əxlaqlı olmalıdır. Peyğəmbərdən (s) belə bir rəvayət var:
" Kişinin arvadı pis əxlaqlı olarsa, kişi evdə özünü qərib hiss edər".

Başqa bir rəvayətdə deyilir ki, əgər ər-arvad gözəl əxlaqlı olsalar, onların ömrü uzun olar. Gözəl əxlaqlı qadın Allah yolunda cihad edən şəxs kimi savab qazanır.

2⃣ Sükut

Sus. Çox danışmağın axırı pis olar.
Bu, qeybət, yalan və iftiraya gətirib çıxarır. Bir rəvayətdə deyilir ki, əgər görsən kimsə sakit və az danışandır, get ondan hikmət öyrən".

https://t.me/kelamlardan

Ayətullah Hairi Şirazi:

"Əgər birisi desə ki, mən nəyin səhv, nəyin düz olduğunu bilmirəm.
O zaman Allah-Təala o bəndəsinə buyurar:
Onun sözünə inanmayın! Mən özüm ona bunu ilham etmişəm»

Şəms /8

"Sonra da günahlarını və təqvalı olmağını ona ilham etmiş və onu iş görməyə qadir etmişdir".

https://t.me/kelamlardan

Ayətullah Kaşani (r.ə):

"Bəzən həyatımızda elə çətin və dolaşıq vəziyyətlər yaranır ki, onların həll olunması qeyri-mümkün görünür."
Lakin Əhli-Beytə (ə) təvəssül etmək və Allaha təvəkkül etmək bu düyünləri açmağa imkan yaradır."

https://t.me/kelamlardan

Ayətullah Müctəhidi (r.ə):

" Sizə faydası olmayan şeyləri danışmayın.
Çox sözlər var ki, biz danışırıq və onların ucbatından əməl dəftərimiz ağırlaşır
Faydasız sözləri tərk edin.

https://t.me/kelamlardan

"Möminin abrını tökmək, elə bir günahdır ki, dünyada da, axirətdə də
insanın abrını aparar..!"

Əllamə Təbatəbai

https://t.me/kelamlardan

Şeyx Cəfər Müctəhidi:

"Dünyanın istənilən yerindən qəlbdən İmam Rzanı (ə) çağırıb o Həzrətin hüzuruna diqqət yetirsəniz, O dərhal sizə nəzər salar.
Bu, “Ənisün-Nüfus” (ruhların sirdaşı) kəlməsinin həqiqi mənasıdır".

https://t.me/kelamlardan

Övladlarınıza dua edin

Ayətullah Behcət (r.ə) hər gecə yatmazdan əvvəl uşaqların hər biri üçün dua etməyə çox diqqət edərdi və tövsiyə edərdi ki,
hər gün məktəbə getməzdən əvvəl dörd dörd surə: İxlas, Fələq, Nəs və Kafirun və Ayətəl-Kürsi oxunsun.

Özü də onlar üçün bu duanı oxuyardı:
«اللَّهُمَّ اجْعَلْنِی فِی دِرْعِکَ الْحَصِینَةِ الَّتِی تَجْعَلُ فِیهَا مَنْ تُرِیدُ»

Əllahumməcəlni fi dir'ikəl həsinətilləti təcəlu fihə mən turid

"Allahım! Məni o möhkəm qalxanına yerləşdir ki, ora istədiyin şəxsi yerləşdirirsən."

Rəvayətdə var ki, bu dua Əhli-Beytin (ə) sirlərindəndir".

https://t.me/kelamlardan

Keçmişi yaxşı olmayan, amma indi yaxşı olmaq istəyənlər nə etməlidirlər?

🔹Cavabında Ayətullah Kəşmiri buyurdu:
"İstiğfar etsinlər və Yunisiyyə zikrini çox desinlər. Həmçinin keçmişdəki pis əməllərə və sifətlərə bir daha qayıtmamaq üçün qətiyyətli olsunlar".

https://t.me/kelamlardan

Ayətullah Bəhcət (r.ə):

Biz gərək xətalarımıza və səhvlərimizə haqq qazandırmağı kənara qoyaq və hər bir xəta üçün istiğfar diləyək. Əgər həmin xətanı düzəltmək mümkündürsə, onu da aradan qaldıraq.

📚"Behcətin hüzurunda", cild 1, səh. 300

https://t.me/kelamlardan

Aqibətin xeyirli olması

Ayətullah Behcət (r.ə):

"Hər kəs hər gün "Yasin" surəsini oxuyub savabını Həzrət Fatiməyə (s.ə) hədiyyə etsə,

həmçinin ""Əhd" duasını oxuyub
savabını İmam Zamanın (ə.f) anası Həzrəti Nərcis xatuna bağışlasa,

eləcə də "Vaqiə" surəsini oxuyub
savabını Hz Əliyə (ə) hədiyyə etsə
istəsə də, istəməsə də aqibəti xeyirli olar ".

https://t.me/kelamlardan

Ayətullah Meşkini (r):

"İnsan günah edir və elə düşünür ki,
gizli bir yerdə etdiyi bu günahla hər şey bitdi və keçdi!
Halbuki sənin günahın hər şeyə təsir edir .Hətta nəsilində təsir buraxır,
mühitinə təsir edir".

https://t.me/kelamlardan

O kəslər ki, ata-anası rəhmətə gedib,  onların məzarını ziyarət etsinlər.
Elə düşünməsinlər ki, evdə bir Fatihə oxuyaram, savabını da göndərərəm, kifayətdir."
Xeyr! Ata-ana övladlarının yolunu gözləyir və ziyarətinə getdikdə sevinirlər.
Hacətlərin qəbul olduğu mühüm məkanlardan biri də məhz ata-ananın qəbridir".

Ayətullah Dəstğeyb

https://t.me/kelamlardan

Ayətullah Haqqşunas (r.ə) buyurur:

Gecə namazı qəlbinizdəki pərdələri aradan qaldırar, sizi Haqqın dərgahına yaxınlaşdırar və dünya dərdlərinizi də aradan aparar.
Uca Allah gecə namazı qılanlarla fəxr edir və buyurur:
"Belə insanlara verdiyim ilk şey budur ki, onları həqiqi tövbəyə (tövbeyi-nəsuh) müvəffəq edirəm".

✍️ Kitab: Soxəni Yar

https://t.me/kelamlardan

Ayətullah Ənsari Həmədani:

"Əgər bir şəxs ata və ya anasına qarşı ağvalideyn olsa, onlardan halallıq alana qədər hər gün günahkar sayılır."

https://t.me/kelamlardan

"Bəzilərinin çox günahı var və belə deyirlər:
"Görəsən Allah mənim günahlarımı bağışlayar?!"
Onlar bilmirlər ki, insan bu halətə çatanda – yəni ağlayaraq Allahdan bağışlanma diləyəndə, bu halın özü göstərir ki, bağışlanıb.
Bağışlanır ki, belə ağlaya bilir!"

• Hacı İsmayıl Dulabi •

https://t.me/kelamlardan

"Övladınızın yanında həyat yoldaşınıza hörmət edin ki, onlar da
valideynə hörməti öyrənsinlər".

Əli Rza Pənahian

https://t.me/kelamlardan

İsmayıl Dulabi (r):

"Ana balasını əzizləyərək çirkli paltarını çıxarıb onu hamama aparıb yuyur, amma uşaq ağlayır, istəmir.

Allah da, bir bəndəsini bəla və çətinliklərlə paklamaq istəyəndə, bəndə cahil olduğu üçün ağlayır və şikayət edir".

https://t.me/kelamlardan

Ayətullah Kəşmiri (r.ə):

"Həmd surəsini və bəzi digər surələri oxuyub möminlərin ruhlarına hədiyyə edin, sizin üçün dua etsinlər.

https://t.me/kelamlardan

Ayətullah Behcət (r.ə):

"Harada bir çətinlik və ya bəla ilə qarşılaşsaq, bilməliyik ki, ondan əvvəl biz özümüz bu düyünü və imtahanı hazırlamışıq – ya vacibi tərk etməklə, ya harama düşməklə, ya da mühüm və təkid olunmuş müstəhəbi tərk etməklə".

Ayətullah Bəhaəddini (r.ə):

📌Günah, xüsusilə də başqalarının haqqına girmək (haqqını tapdamaq), zirəklik deyil, ən böyük axmaqlıqdır. Həqiqi zirəklik Allaha bəndəlik etməkdir".

Ayətullah Cavadi Amuli buyurur:

"Əgər ailəni sadəcə birgə yaşayış kimi görsək, onun dəyərini anlamarıq. Ailə – insanın Allaha yaxınlaşması üçün bir körpüdür. Bu körpünü keçmək üçün səbir, sevgi və Allaha təvəkkül lazımdır."

"Hər kəs üçün tövbə və dönüş yolu açıqdır. Keçmişi yaxşı olmayanlar istiğfar etsin, Yunisiyyə zikrini söyləsinlər və bir daha pis əməllərə qayıtmamaq üçün qətiyyətlə qərar versinlər."

Ayətullah Bəhaiddin(r.ə)

Ayətullah Həsənzadə Amuli :
"Qardaşım, onun-bunun söhbətini etmə, sus !
Bax, düşün və ibrət al. Ən vacibi isə öz əməllərin barədə düşün, islahın və təkamülün üçün çalış."

Həzrət Ayətullah Müctəhidi Tehraninin nəsihətləri:

1⃣ İnsanın işlərinin və həyatda uğurunun açarı – ata və ananı razılığını qazanmaqdır.

2⃣İkinci ən mühüm əməl – namazı vaxtında qılmaqdır.

3⃣ Ailədə kişi və qadının bir-birindən razı qalmasıdır.

🔸Evdə mənəvi inkişaf

➖Kamilliyə çatmaq üçün nə etməliyik ?
Məsələn: sədəqə verək?
Gecə namazı qılaq?
İmkansız insanlara kömək edək?
Kamilliyə çatmağın ən qısa və rahat yolu ailə mühitidir.
Məsələn, nəzər yetirin, deyir:
Əgər bir kişi həyat yoldaşı ilə oturub, sadəcə olaraq onunla söhbət etsə, ona Kəbə evində etiqaf etməyin savabı verilir! Bu qədər savab və nuraniyyət cəmiyyətdə dostlarla və başqaları ilə adi söhbətlərdə mövcud ola bilərmi?

Ayətullah Pənahiyan

Ən böyük imtahanımız, ailə daxilindəki əxlaqımızdır.
Həqiqi yaxşı əxlaq, ilk növbədə ailəmizlə münasibətlərimizdə özünü göstərir. Ailəyə qarşı göstərilən sevgi, mərhəmət və yaxşılıq, Allahın razılığını qazanmağın ən böyük səbəbidir.

Hər bir insan evdəki insanlarla yaxşı münasibət qurmadan, evdən kənarda yaxşı insan olduğunu iddia edə bilməz. Ailə mühitində göstərilən səmimi davranış, əsl ibadət və Allahın bəyənəcəyi əxlaqdır. İnsan öz ailəsinə qarşı nə qədər şəfqətli və diqqətli olsa, Allah da ona bir o qədər yaxın olar.


Ayətullah Pənahiyan

💠 Ailədə Kişinin Rolu

Ailə sistemindəki ən mühüm sütunlardan biri səbrdir.✔️
Ailədaxili münasibətlərdə, kiçik və böyük mübahisələr, gündəlik həyatda yaranan narazılıqlar və çətinliklər zamanı səbir göstərmək, ailə üzvlərini bir arada tutan əsas qüvvədir.
Lakin burada diqqət ediləcək ən vacib məqam kişinin roludur.📍 Ailənin mərkəzində duraraq, səbrin təməlini qoymaq və bu istiqamətdə digər üzvlərə nümunə olmaq, kişilər üçün böyük bir məsuliyyətdir.
Kişi, ailənin atası və lideri olaraq, səbr və dözüm göstərməli, ailənin sabitliyi üçün bu müsbət davranışları digər üzvlərə aşılamalıdır.

📝 Ayətullah Təraşiyun

Ayətullah Behcət (r.ə) buyurur:

"Dua edərkən onun şərtlərinə əməl etmək vacibdir və bu şərtlərdən biri də günahlardan tövbə etməkdir. Necə ki, buyurulub: "Dua edən tövbə edərsə, duası qəbul olunar."
Bu o demək deyil ki, biz İmam Zamanın (ə.f) zühurunun tezləşməsi üçün dua edək, amma əməllərimiz bu zühuru gecikdirən və onu uzaqlaşdıran səbəblərə çevrilsin."

📚 "Behcətin hüzurunda", c.1, səh.119