964 Kurdi

لە پشووەکانیشدا ماندوونەناسانە، شەقام و کۆڵانەکان خاوێن

شارەوانی هەولێر وێنەکانی بڵاوکردووەتەوە و نوسیویەتی، بە سوود وەرگرتن لە پشووی هەینی و چۆڵی شەقامەکان و پشووی کاسبکاران تەواوی ناوچەی کۆگان و شەقامی عەلافەکان خاوێن کرانەوە

کاسبی خۆیان دەکەن و شەقامەکەش بە پیسی جێدەهێڵن

هیچ کەسێک تەمەننا ناکات شەقامە بەناوبانگەکەی سلێمانی لە ئێواراندا بەمشێوەیە ببینێت

ئاوازی هەزار بولبولی شەیدا 12 ساڵ بەسەر کۆچی دوایی تێپەڕی، بەڵام هێشتا دەنگی لەناوماندایە

ئیسماعیل بەقایی وتەبێژی وەزارەتی دەرەوەی ئێران دەڵێت، ناکۆکییەکانمان لەگەڵ واشنتن گەورەن، بەتایبەت دوای ئەو تاوانانەی لە چەند مانگی رابردوودا ئەنجامدراون، بەڵکو تەواوی سەرنجمان لەسەر کۆتاییهێنانە بە جەنگ بەتایبەت لە لوبنان.

دەشڵێت، لەم قۆناغەدا ئەگەر بمانەوێت باس لە وردەکارییەکانی ئەتۆم و یۆرانیۆمی پیتێنراو بکەین، ناگەینە هیچ ئەنجامێک، سەردانی فەرماندەی سوپای پاکستانیش بۆ ئێران، مەرج نییە بەو واتایە بێت کە گەیشتوونەتە قۆناغێکی یەکلاکەرەوە لە دانوستانەکاندا.

لەبارەی دۆخی گەرووی هورمز و گەمارۆیی دەریایی لەسەر ئێران جەخت دەکاتەوە کە پێویستە بخرێنە ناو بازنەی گفتوگۆکانیانەوە.

نرخی تاقمێک تا 35 هەزار دەڕوات

یەکەم پاکێجی جلوبەرگی نوێی قوتابیان گەیشتە هەولێر کە لە چین دروستکراوە و نرخەکەی لە 12 هەزارەوە دەستپێدەکات و بەپێی کوالێتی جلەکە دەگۆڕێن

دەستی لەکارکێشایەوە

تۆڵسی گابارد بەڕێوبەری هەواڵگری نیشتمانی ئەمریکا، لەگەڵ پێگە گرنگەکەی لە حکومەتی ئەمریکا هاوکات هاوسەرێکی دڵسۆزە بۆ مێردەکەی، بەهۆی دەستنیشانکردنی شێرپەنجەی ئێسک لە هاوسەرەکەیدا، گابارد بڕیاری دەستلەکار کێشانەوەی داوە و دەیەوێت تەواوی کاتەکانی تەرخانی هاوسەرەکەی بکات نەک کاروباری ئیدارەکەی ترەمپ.

هاتوچۆی سۆران بڵاویکردەوە، ئۆتۆمبێلێکی جۆری پیکاب و ماتۆڕسکیلێک لە ناحیەی حاجی ئۆمەران بەیەکیاندا کێشاوە، لە ئەنجامدا ماتۆڕسوارەکە گیانی لەدەستداوە.

هاتوچۆ داوا لە شۆفێرانیش دەکات پابەندی خێرایی دیاریکراوبن، لەپێناو سەلامەتی خۆیان.

پاکستان قۆڵی لێهەڵماڵیوە تا رێککەوتنیان پێنەکات کۆڵنادات؛ هەنگاوەکان بەرەو دانووستان بەردەوامن

عاسم مونیر فارماندەی سوپای پاکستان، گەیشتە تاران و لەلایەن ئەسکەندەر موئمینی وەزیری ناوخۆی ئێران بە باوەشێکی گەرمەوە پێشوازی لێکرا.

هەردوولا زەردەخە لەسەر لێویان و باوەشیان بۆ یەکدی کردۆتەوە و پرسی دانووستان لە باسکردنە و مونیر نیازی کۆڵدانی نییە.

دیمەنێکی دەگمەنە؛ ترەمپ بۆ کێ ئاوا دەوەستێ و بە چەپڵە بانگێشتی دەکات؟

لە مەراسیمی سوێندخواردنی دەستبەکاربوونی سەرۆکی بانکی ناوەندی ئەمریکا، ترەمپ ساتێک بۆ رێزلێنانی کێڤن وارش بە خەندەوە دەوەستێ و دواتر بە چەپڵەوە بانگهێشتی دەکات، بینەری بن کەم کات هەیە ئاوا دەم بە خەندە بیبینن.

ترەمپ لە مەراسیمی سوێندخواردنی سەرۆکی بانکی ناوەندی ئەمریکا رایگەیاند: باجی گومرگ وشەی دڵخوازی منە، لە ساڵ و نێوێکی دیکەدا بزانن ئەمریکا چی لێدەکەین، لە ماوەی 11 مانگ 18 تریلیۆن دۆلار گەڕایەوە سەر ئابووری ئەمریکا.


دەشڵێت، بەراورد بە سەردەمی بایدن، ئەمریکا بووژاوەتەوە، پێیان وتم دوو ساڵ پێش ئێستا ئەمریکا وڵاتێکی مردوو بووە، تۆ هاتی دیسان بووژایەوە، وەربەرهێنەکان و کۆمپانیاکان دووبارە روویان لە ئەمریکا کردۆتەوە، پلان و کەلوپەلی پیشەسازی بەهێزمان بەڕێوەیە، دەرمان لە ناوخۆی ئەمریکا دروستدەکەین، بودجەی بەرگری وڵات دەکەینە 1.5 تریلیۆن

گەنجێک لە بەنداوی پەڵکانەی ناحیەی لەیلان لە کاتی مەلەکردن خنکا و تەرمەکەی رەوانەی پزیشکی دادی کەرکوک کرا

سەرچاوەیەک لە بنکەی پۆلیسی لەیلان بە 964ـی وت، گەنجێکی 22 ساڵان بۆ گەشت و سەیران رۆیشتوە بۆ بەنداوی پەڵکانە و پاشان مەلەی کردووە، پێدەچێت کاتێک خۆی هەڵداوەتە ناو ئاوەکە جەستەی بەر بەرد کەوتبێت، زەبری بەرکەوتووە و لە کاتی دەرهێنانی لە ئاوەکە خوێن لەجەستەی بینراوە.

"پێویستە مێشکت ساف بێ و خواردنی باش بخۆی"
پاڵەوانیەتییەکی هێزی لەش بۆ یاریزانانی هەولێر و دەوروبەری بەڕێوەدەچێت و ئەمڕۆ کۆتایی دێت، یاریزانانی شار و شارۆچکەکان بەشدارن

ماتۆڕسوارێک لە کەرکوک کۆنترۆڵی لەدەستدا و سەری بە شۆستەیەک کەوت و دەستبەجێ گیانی لەدەست دا
ئەحمەد سەیوان شایەدتحاڵ لە شوێنی رووداوەکە بە 964ـی وت، ماتۆڕسوارێکی تەمەن 25 ساڵان، بە خێراییەکی زۆر لێیدەخوڕی و کۆنتڕۆڵی لەدەست دا و خۆی بە دارێکی ناوەڕاستی شۆستەکە کێشا، دواتر لەسەر ماتۆڕەکە بەرزبوەوە و کەوت و سەری بەر شۆستەی شەقامەکە کەوت، دەستبەجێ گیانی لەدەست دا.

گەشتیارانی سلێمانی لە کاتی گەڕانەوەیان نەمامیان پێشکەش دەکرێت تاکو بەیەکەوە سەوزایی شارەکەیان زیاتر بکەن

دیمەنی شوێنی ئاگرەکەی ئێمپایەری هەولێر دوای کۆنترۆڵکردنی لەلایەن تیمەکانی بەرگری شارستانییەوە

بەرگری شارستانی بۆ 964 وتی، زیانی گیانی نەبووە

فۆتۆ: عەبدولعەزیز خالند - 964

ئاگری باڵەخانەکەی ئیمپایەر کۆنترۆڵکرا

کەمێک بەر لەئێستا ئاگر لە باڵەخانەیەکی ئیمپایەری هەولێر کەوتەوە و وتەبێژی بەرگری شارستانی هەولێر بە 964ـی وت، شەش تیممان چوون بۆ کۆنترۆڵکردنی ئاگرەکە.

بەپەلە| لە باڵەخانەیەکی ئێمپایەری هەولێر ئاگر کەوتووەتەوە

وتەبێژی بەرگری شارستانی هەولێر بۆ 964 پشتڕاستیکردەوە و وتی، ئاگر لە یەکێک لە باڵەخانەکانی ئێمپایەر لە نهۆمی 20 کەوتووەتەوە و شەش تیم خەریکی کۆنتڕۆڵکردنین

تەرمی مامۆستا فایەق شارەزووری لەسەر وەسییەتی خۆی لە گۆڕستانی گڵەزەردە دەنێژرێت

ڤیدیۆ: ئەحمەد محەمەد - 964

فەرماندەیی ناوەندی ئەمریکا دیمەنی ساتی بە ئامانجگرتن و لەکارخستنی دوو کەشتی ئێرانی لە کەنداوی عومان بڵاوکردەوە

بەپێی راگەیەندراوی فەرماندەییەکە، دوو کەشتییەکە هەوڵیان دابوو گەمارۆ دەریاییەکەی سەر ئێران پێشێل بکەن

بەپەلە| سوپای ئەمریکا هێرشی کردە سەر دوو کەشتی تری ئێران

فەرماندەیی ناوەندیی ئەمریکا (سێنتکۆم) رایگەیاند، هێزەکانیان لە کەنداوی عومان دوو کەشتی دیکەی ئێرانییان کردووەتە ئامانج و لەکاریان خستوون، کە هەوڵیان دابوو گەمارۆ دەریاییەکەی سەر ئێران پێشێل بکەن.

مانگ شەوقی خۆری وەرگرتووە

دیمەنی دەرکەوتنی ئەم ئێوارەی مانگ لە سنوری ناحیەیی سەروچاوە لە ئیدارەی راپەڕین، کاتێک خۆر لەسەر زەوی ئاوا دەبێت و زەرداییەکەی دەبەخشێت بە مانگ دیمەنێکی کەم وێنە نمایش دەکات.

فۆتۆ؛ دەریا ئەحمەد

ئۆتۆمبێلی خێزانێک کە دوو منداڵیشیان پێبووە کەوتووەتە رووباری گەلی عەلی بەگ و چارەنوسی منداڵەکان و ئۆتۆمبێلەکەش دیار نییە.

رەوەند هاودیانی وتەبێژی بەرگری شارستانی سۆران بە 964ـی وت، ئۆتۆمبێلەکە ژن و مێردێک و دوو منداڵی تیادا بووە، پێش ئەوەی بکەوێتە ئاوەکەوە ژن و پیاوەکە خۆیان رزگار کردووە و سەلامەتن، بەڵام چارەنوسی منداڵەکان و ئۆتۆمبێلەکەش نادیارە لە رووبارەکەدا.

ئاماژەی بەوەشکرد، رووداوەکە بە دیاری کراوی لە ناوچەی کانی ماران بووە و تیمەکانیان بە رێکەوەن بۆ شوێنەکە.

بەهارەکەی پێخۆشە و لە داخی بارانی هەفتەی پێشوو، ئەم هەفتەیە حەقیان بۆ کردووەتەوە

وەزارەتی گەنجینەی ئەمریکا هۆشداری دەدات: هەر کۆمپانیایەک باج بداتە ئێران تەنانەت وەک خێریش، بە مەبەستی تێپەڕبوونی سەلامەت بە گەرووی هورمزدا رووبەری سزای توند دەبێتەوە.

فەرماندەیی هێزی دەریایی سوپای پاسداران: کەنداوی عەرەبی و گەرووی هورمز دەکەینە مایەی بژێوی و شانازی بۆ گەلەکەمان و مایەی ئاسایش و خۆشگوزەرانی بۆ ناوچەکە.

عێراقچی پیرۆزبایی لە عەلی زەیدی سەرۆکوەزیرانی راسپێردراوی عێڕاق کرد

عەباس عێراقچی، وەزیری دەرەوەی ئێران لە تۆڕی کۆمەڵایەتی ئێکس بڵاویکردەوە، دەستخۆشی لە چوارچێوەی هەمانگی دەکەم و پیرۆزباییش لە برای ئەزیزم عەلی فالح زەیدی دەکەم بەبۆنەی دەستنیشانکردنی وەک سەرۆک وەزیرانی عێراق و هیوای سەرکەوتنی بۆ دەخوازم

ئاماژەی بەوەشکردووە، بۆ پێکهێنانی حکومەت و خزمەتکردنی گەلی عێراق هیوای سەرکەوتنی بۆ دەخوازێت.

شاییەکەیان گەرمە

لە ناو سروشت و بەهاری جوانی کوردستاندا زیاتر لە 50 بنەماڵەی دێرینی زاخۆ کۆبوونەوە و سەیرانی شادی و هەڵپەڕکێ و بەزمی گۆرانییان سازکردووە و کەشێکی خۆشیان بۆ خۆیان دروستکردووە.

"مەترسییەکی جددی بۆ لایەنی پەیوەندیدار"

هاوڵاتیەک لە دوکان بەناوی جوتیار سابیر ئەم ڤیدیۆیەی تایبەت بۆ 964 ناردووە و دەڵێت، تەلێکی دڕکاوی لەناو بەنداوی دوکان خەریکە ئاو دەیشارێتەوە و منداڵان لە پەنایدا مەلە دەکەن و مەترسیدارە

گەنجێک لە کوێستانەکانی برادۆست مار پێوەی دەدات لە چیا، تیمەکانی بەرگری شارستانی و پزیشک بەم شێوەیە لە رووبارێکی گەورە دەپەڕنەوە و تاکو دەگەنە لای، چارەسەری بۆ دەکەن و ژیانی لە مردن رزگار دەکەن.

ڤیدیۆ: تایبەت بە 964

دیمەنی رووداوەکەی ئەم ئێوارەیەی کەرکوک، کە بەهۆیەوە پێنج کەس برینداربوون

ئۆتۆمبێلێکی جۆری بی ئێم دەبلیو لەسەر رێگای نێوان کەرکوک بۆ ناحیەی لەیلان و بەدیاریکراوی لە نزیک گوندی تەرجل وەرگەڕاوە