Milli.Az

🌧Azərbaycanın rayonlarında müşahidə olunan yağıntılı hava şəraitinin oktyabrın 24-25-də də davam edəcəyi gözlənilir.

Qara dənizdə Azərbaycan vətəndaşlarının olduğu gəmi PUA zərbəsindən sonra batıb

Komor adaları bayrağı altında üzən "Xorev" ticarət gəmisi ehtimal edilən dron zərbəsindən sonra Qara dənizdə batıb

Hadisə Rumıniyanın Konstantsa limanından təxminən 13 dəniz mili məsafəsində baş verib.

🎖 Hərbi rütbənin vaxtından əvvəl verilməsi qaydası dəyişir

📚 Magistratura və ya rezidenturanı bitirən, həmçinin doktoranturada təhsilini başa vuraraq elmi dərəcə alan zabitlərin hərbi rütbədə olma müddəti azaldılacaq.

▪️ Müddət hər təhsil səviyyəsi üzrə bir dəfə olmaqla 1 il azaldılacaq.

🏛 Müvafiq dəyişiklik layihəsi Milli Məclisdə birinci oxunuşda qəbul edilib.

⚡️İlham Əliyev Fərhad Xəlilovu 80 illiyi münasibətilə təbrik edib

Milli Məclisin növbəti iclası başlayıb.

🚇 “İçərişəhər”-“Həzi Aslanov” metro xəttində birbaşa hərəkət bərpa olunur

Yaxın vaxtlarda “Bakı Metropoliteni” QSC-nin “İçərişəhər” stansiyasından “Həzi Aslanov” stansiyasına birbaşa getmək mümkün olacaq.

Başqa sözlə, “Həzi Aslanov-Əhmədli” mənzilində məkik hərəkət ləğv olunacaq. Nəticədə Qırmızı xətdə qatarlararası interval pik saatlarda 2 dəqiqə, digər vaxtlarda isə 2 dəqiqə 30 saniyə təşkil edəcək.

❌ Vətən müharibəsi iştirakçısı, 33 yaşlı qazi Rahib Əminovu qətlə yetirən şəxs saxlanılıb.

V.Şirinzadə saxlanılaraq istintaqa təhvil verilib.

Xatırladaq ki, oktyabrın 21-də gecə saatlarında Bakının Qobustan qəsəbəsində şəxsi münasibətlər zəminində 1998-ci il təvəllüdlü Vüqar Şirinzadə həmyaşıdı Rahib Əminovu kəsici alətlə qətlə yetirib, onun qardaşı Elminə xəsarət yetirib.

❗️Abşeronda anasını qətlə yetirməkdə təqsirləndirilən şəxsə hökm oxunub

Sumqayıt Ağır Cinayətlər Məhkəməsinin hökmü ilə Allahverən Əhmədov 13 il 6 ay müddətinə azadlıqdan məhrum edilib.

O, Ağcabədidə 5 500 manat dəyərində qızıl-zinət əşyalarını oğurlamaqda və daha sonra anası Afət Əhmədovanı güllələyərək öldürməkdə təqsirli bilinib

⚡️Orxan Fərmayıl oğlu Məmmədov Yardımlı Rayon İcra Hakimiyyətinin başçısı təyin edilib

‼️ Bütün sosial ödənişlər sabah yekunlaşdırılacaq

Dövlət Sosial Müdafiə Fondunun (DSMF) məlumatına görə, oktyabrın 23-də bütün müavinət, təqaüd, kompensasiya və ünvanlı dövlət sosial yardımlarının ödənilməsi nəzərdə tutulub.

✅ Bununla da ölkə üzrə oktyabr ayının bütün sosial ödənişləri başa çatdırılacaq.

⚡️Kürdəmirdə magistral su borusu partlayıb, rayon mərkəzi və 6 kənd susuz qalıb.

Tovuz sakini yolu azaraq Ermənistan ərazisinə keçib

▪️Ermənistan Milli Təhlükəsizlik Xidmətinin məlumatına görə, 1968-ci il təvəllüdlü, Tovuz rayonunun Çatax kənd sakini Yaşar Qasımov oktyabrın 19-da Tavuş vilayətində aşkarlanıb.

▪️Araşdırma zamanı onun yolu azaraq Ermənistan ərazisinə keçdiyi bildirilib. Hazırda vətəndaşın Azərbaycana qaytarılması üçün tədbirlər görülür.

⚡️⚡️⚡️Ərdoğan İlham Əliyevə zəng edib

● Telefon danışığı zamanı dövlət başçıları Azərbaycan-Türkiyə ikitərəfli münasibətlərini, regional və qlobal məsələləri müzakirə ediblər.

● Prezident Rəcəb Tayyib Ərdoğan Azərbaycan ilə Türkiyə arasında qardaşlıq münasibətlərinə əsaslanan əməkdaşlığın bundan sonra da daha yüksək səviyyəyə qalxacağına əminliyini ifadə edib.

● Dövlətimizin başçısı öz növbəsində Azərbaycan-Türkiyə qardaşlıq münasibətlərinin bundan sonra da uğurla inkişaf edəcəyinə əminliyini ifadə edib.

⚡️ DTX Masazırda avtomobillərin yandırılmasını təşkil edən şəxsi xaricdə saxlayıb

● Masazırda 4 avtomobilin yandırılmasını təşkil edən şəxs Gürcüstandan Özbəkistana uçarkən DTX tərəfindən saxlanılaraq Azərbaycana gətirilib və həbs edilib.

● Oktyabrın 10-da baş verən hadisə zamanı “Mercedes”, “Lada”, “Hyundai” və “Renault” markalı avtomobillər yanıb.

● Cinayətin bütün iştirakçıları saxlanılıb, barələrində həbs qətimkan tədbiri seçilib.

Mətbuat Şurası Türkiyənin media qurumlarını, jurnalist təşkilatlarını, redaksiyalarını və rəqəmsal platformalarda ictimai rəyə təsir göstərən şəxsləri Azərbaycana dair məlumatları dərc etməzdən əvvəl onları etibarlı mənbələr əsasında yoxlamağa çağırıb:

- Şura faktların təhrifinə, saxta və kontekstdən çıxarılmış görüntülərin yayılmasına yol verməməyə, Azərbaycan dövlətinin və xalqının ünvanına yönələn təhqir, böhtan və nifrət ritorikasından çəkinməyə, aşkar edilmiş yanlış məlumatları operativ şəkildə düzəltməyə və təkzib etməyə, eləcə də iki ölkə arasındakı münasibətlərə zərər vura biləcək hər növ manipulyativ kampaniyalara qarşı prinsipial mövqe nümayiş etdirməyə çağırır.

- Azərbaycan Mətbuat Şurası bəyan edir ki, həqiqətin təhrifinə, dezinformasiyanın yayılmasına və media imkanlarından ölkələrimiz arasında etimadı sarsıtmaq məqsədilə istifadəyə qarşı öz prinsipial mövqeyini bundan sonra da nümayiş etdirəcək.

💳 Sabah ölkə üzrə pensiyaların tam ödənilməsi nəzərdə tutulub.

Dövlət Sosial Müdafiə Fondunun məlumatına görə, oktyabrın 20-də pensiyaların ödənişi yekunlaşdırılacaq.

Həmin gün güzəştli şərtlərlə pensiya hüququ olan şəxslərin də pensiyaları ödəniləcək.

❗️Adnan Əhmədzadənin həbs müddəti daha 6 ay uzadılıb

Prezident bir qrup energetiki təltif edib

❗️İsmayıllıda zəlzələ olub

Zəlzələlərin tədqiqatı bürosunun məlumatına əsasən, Zərnəva stansiyasından 3 km şərqdə, İsmayıllı rayonunda zəlzələ qeydə alınıb.

Zəlzələ episentrdə və episentrə yaxın yaşayış məntəqələrində Zərnəva, Tircan, Lahıc, Həftəsov kəndlərində 3 bala qədər hiss olunub. İsmayıllıda zəlzələ olub.

🥀 Şamaxıda FACİƏ: 7 yaşlı uşaq su ilə dolu bidona düşərək ölüb

Hadisə rayonun Çuxuryurd kəndində baş verib.

Kənd sakini, 7 yaşlı S.Samıyev yaşadığı evin həyətində su ilə dolu bidona düşərək həyatını itirib.

Faktla bağlı araşdırma aparılır.

⚡️Anar Bayramov Səhiyyə naziri təyin edilib

Bunu barədə Azərbaycan Prezidenti sərəncam imzalayıb.

⚡️Prezidentin Sərəncamları ilə:

● Teymur Yusif oğlu Musayev Azərbaycan Respublikasının səhiyyə naziri vəzifəsindən azad edilib.

● O, Azərbaycan Respublikası Baş nazirinin müavini təyin edilib.