Nodex kiberxavfsizlik klubi

🤩 Ixtisoslashtirilgan ta’lim muassasalari agentligi tasarrufidagi maktablar o‘rtasida o‘tkazilgan “Cipher Arena: Code Breaking Challenge” intellektual musobaqasida klubimiz a’zolari faxrli 3-o‘rinni qo‘lga kiritdi!

Joriy yilning 16-oktyabr kuni Toshkent shahridagi ixtisoslashtirilgan maktablar o‘quvchilari o‘rtasida kriptografiya va mantiqiy tafakkurni sinovdan o‘tkazuvchi “Cipher Arena: Code Breaking Challenge” musobaqasi bo‘lib o‘tdi. Ushbu bellashuvda ishtirokchilar 2 soat davomida turli murakkablikdagi shifrlangan ma’lumotlarni deshifrovka qilish, kriptografik jumboqlarni tahlil qilish bo‘yicha o‘zaro kuch sinashdilar.

💻 Teng kurashlar ostida kechgan musobaqada Muhammad al-Xorazmiy nomidagi ixtisoslashtirilgan maktabning o'quvchilari yuqori natija qayd etib, 3-o‘rinni egallashdi.

O‘quvchilarimizni ushbu munosib g‘alaba bilan samimiy muborakbod etamiz hamda ularning axborot xavfsizligi va dasturlash sohasidagi kelgusi ilmiy-amaliy faoliyatlarida ulkan zafarlar tilaymiz!

🔗Bizni kuzatib boring:
💬 Telegram | 🤖 Telegram Bot | 🌐 Web

🚀 Algoritmlarni noldan olimpiada darajasigacha — algoyol.uz !

Yaxshi algoritm materiallarining aksariyati ingliz yoki rus tilida. AlgoYo'l - algoritmlarni o'zbek tilida o'rganish va bellashish platformasi. Faqat darslar emas: haqiqiy judge, jonli duellar va reyting.

🗺 15 ta yo'nalish, 241 ta bosqich - dasturlash asoslaridan ilg'or algoritmlargacha (0 → 2100+)
🧭 Qayerdan boshlashni bilmasangiz, placement test darajangizni aniqlaydi.
💻 Kod brauzerning o'zida yoziladi - hech narsa o'rnatish shart emas.
✅ Platformadagi har bir dars, masala va duel qoidasi shu tayyorgarlik tajribasidan chiqqan. Darslarni ro'yxatdan o'tmasdan ham o'qishingiz mumkin.

🔄 Har bir bosqich 4 qadamdan iborat:
1️⃣ O'rganing - dars, C++ va Python kodlari, keng tarqalgan xatolar
2️⃣ Tekshiring - qisqa test; 70% dan kam bo'lsa, nazariyaga qaytasiz
3️⃣ Yeching - haqiqiy judge: yashirin testlar, vaqt va xotira cheklovi
4️⃣ Bellashing - jonli duel: 30 daqiqa, 3 masala, Elo reyting

👥 Kim yaratmoqda?
Bu loyiha Nodex kiberxavfsizlik klubi, IT vazirligi (Presidency) jamoasi a'zolari va Mirzo Ulug'bek nomidagi ixtisoslashtirilgan maktab o'quvchilari o'rtasida hamkorlikda tashkil qilinmoqda:
Ozodbek Xaydaraliyev
• Al-Xorazmiy xalqaro matematika va informatika olimpiadasi — kumush
• Info Cup 2025 — bronza
• STEM Republic — 1-o'rin va ikki marta 3-o'rin
• MSITF — 2-o'rin

Muxammadali Ubaydullayev
• Asosiy fan olimpiadasi — 1-o'rin
• Info Cup 2025 — bronza
• Al-Xorazmiy xalqaro matematika va informatika olimpiadasi — bronza
• Digital Generation contest, respublika bosqichi — 2-o'rin

🔗Platforma haqida batafsil ma'lumot olish uchun: @Algoyol | algoyol.uz

🔗Bizni kuzatib boring:
💬 Telegram | 🤖 Telegram Bot | 🌐 Web

Klubimiz aʼzosi IJCO Global Finallarida (IJCOGF 2026) ishtirok etadi! 🥇

🥈Klubimizning aʼzosi 10-03 sinf o‘quvchisi Sidikov Hamidulloh International Junior Cybersecurity Olympiad (IJCO) da yuksak mahorat koʻrsatib, kumush medalni qoʻlga kiritdi!
Ushbu ajoyib gʻalaba evaziga vakilimiz nufuzli IJCOGF (International Junior Cybersecurity Olympiad Global Finals) musobaqasiga yoʻllanmani qoʻlga kiritdi. Endilikda u xalqaro miqyosdagi global final bosqichida klubimiz va yurtimiz sharafini himoya qiladi!

Eng quvonarlisi, ushbu nufuzli STEAM AHEAD 2026 turniri va global finallari joriy yilning 11–16-dekabr kunlari aynan poytaxtimiz - Toshkent shahrida boʻlib oʻtadi! Vakilimiz oʻz uyimizda, kuchli raqiblar orasida interaktiv Capture-the-Flag (CTF) formatidagi musobaqada qatnashadi.

Yosh kiberxavfsizlik mutaxassisimizni ushbu ulkan muvaffaqiyat bilan chin qalbimizdan tabriklaymiz! Toshkentda oʻtadigan global finallarda ham unga ulkan zafarlar, oʻtkir zehn va yorqin gʻalabalar yor boʻlishini tilab qolamiz.🔥🔥

🔗Bizni kuzatib boring:
💬 Telegram | 🤖 Telegram Bot | 🌐 Web

💻 Nodex kiberxavfsizlik klubi KazHackStan: CYBERKUMBEZ 2026 da!

29–30-sentabr kunlari klubimiz asoschisi va jamoa sardori Qahramon nufuzli KazHackStan konferensiyasi doirasida o‘tkazilgan xalqaro CYBERKUMBEZ 2026 musobaqasida o‘z jamoasi bilan munosib ishtirok etdi.

Ozarbayjon, Belarus, Qozog‘iston, Qirg‘iziston, Mo‘g‘uliston kabi davlatlardan kelgan 40 ga yaqin kuchli va tajribali jamoalar orasida ular Red Team yo‘nalishida 15-o‘rinni egallashdi.

30 soat davomida to‘xtovsiz kechgan ushbu marafonda xalqaro arenadagi debyut bo‘lishiga qaramay, yosh tarkib katta matonat, mustahkam texnik bilim va sobitqadamlik ko‘rsatdi. Ilgari faqat onlayn kuzatilgan nufuzli jamoalar bilan bitta arenada yonma-yon bellashish ulkan tajriba bo‘ldi.

Eng avvalo, jamoaga ishonch bildirgan va xalqaro maydondagi ilk qadamlariga bosh homiy sifatida yelkadosh bo‘lgan ihamkor.uz ga chuqur minnatdorchilik bildiramiz — yosh iqtidorlarga bo‘lgan bunday ishonch va ko‘mak tahsinga loyiq.

🔗Bizni kuzatib boring:
💬 Telegram | 🤖 Telegram Bot | 🌐 Web

#uzb_vaqti_bilan | 23.09.2026

17 yoshli o‘zbek yigitidan Nasa ham hayratda

mtrk.uz | Instagram | Youtube | Facebook | Telegram |X (twitter)

#NASA

🇺🇿 ISMI HAM QAHRAMON, NATIJASI HAM!

🛰 Natija esa — NASA’ning rasmiy e’tirofi. Ixtisoslashtirilgan ta’lim muassasalari agentligi tizimidagi Muhammad al-Xorazmiy nomidagi ixtisoslashtirilgan maktabning 11-05-sinf o‘quvchisi Qahramon Choriyev NASA axborot tizimlarida 10 dan ortiq xavfsizlik zaifligini aniqladi hamda Letter of Recognition — rasmiy e’tirof maktubiga sazovor bo‘ldi.

Qahramon ushbu natijaga NASA’ning Vulnerability Disclosure Program (VDP) dasturi doirasida erishdi. U aniqlagan zaifliklar orasida P5, P4, P3 va P2 darajasidagi holatlar mavjud bo‘lib, yuqori darajadagi P2 zaiflik NASA tomonidan tasdiqlanib, bartaraf etildi. NASA qoidalariga ko‘ra, Letter of Recognition P1–P4 darajasida baholangan, tasdiqlangan va bartaraf etilgan zaifliklar uchun beriladi.

🔐 E’tiborlisi, bu maxsus o‘quv laboratoriyasidagi topshiriq emas. Qahramon NASA’ning VDP doirasida tekshirishga ruxsat berilgan real axborot resurslaridagi zaifliklarni mas’uliyatli tarzda aniqlab, ular haqida belgilangan tartibda xabar bergan. NASA mazkur dastur orqali xavfsizlik tadqiqotchilariga belgilangan doirada zaifliklarni aniqlash va xabar qilish imkonini beradi.

🎓 Maktab partasidan — NASA e’tirofigacha. Qahramonning natijasi kiberxavfsizlikka qiziqish, bilim va amaliy ko‘nikmalar maktab davridayoq qanday natijaga olib kelishi mumkinligini ko‘rsatmoqda.

Qahramon Choriyevni ushbu natija bilan tabriklaymiz va kiberxavfsizlik yo‘nalishidagi kelgusi faoliyatida muvaffaqiyat tilaymiz!

Bizni kuzating
💻web🌐Telegram ▶️YouTube🌐Instagram🌐Facebook⚙️Portal

#hamkorlik #cau #nodex

📱 Nodex x ©️ CAU Kiberxavfsizlik klubi

Muhammad al-Xorazmiy nomidagi ixtisoslashtirilgan IT maktabining Kiberxavfsizlik klubi hamda Central Asian University ( https://t.me/cau_cybersecurity) Kiberxavfsizlik Klubi o'rtasida rasmiy hamkorlik yo'lga qo'yildi!

📌 Kelgusi rejalar va maqsadlar:
• Talabalar va maktab o'quvchilari o'rtasida ilg'or tajriba almashinuvi va networking.
• Bugungi kunda eng talabgir yo'nalishlar (Web, Pwn, Crypto, Reverse) bo'yicha hamkorlikdagi amaliy master-klasslar.

Ushbu qadam kiberxavfsizlik hamjamiyatini birlashtirish va sohani yanada rivojlantirishga xizmat qiladi! 🛡

🔗Bizni kuzatib boring:
💬 | 🤖 https://t.me/nodexccbot | 🌐 https://nodex.uz/

#hamkorlik #nodex #bitwalls #newuu 📱 Nodex x 👾 BitWalls Muhammad al-Xorazmiy nomidagi ixtisoslashtirilgan IT maktabining Nodex Kiberxavfsizlik klubi hamda Yangi O'zbekiston Universiteti BitWalls Kiberxavfsizlik Klubi o'rtasida rasmiy hamkorlik yo'lga…

🔴 Joriy yilning 29–30-sentabr kunlari Qozog‘iston Respublikasining Astana shahrida nufuzli “KazHackStan 2026” xalqaro kiberxavfsizlik konferensiyasi va amaliy CTF musobaqasining final bosqichi bo‘lib o‘tadi.

Dastlabki onlayn saralash bosqichida "🔴" yo'nalishidan muvaffaqiyatli o‘tgan “Abobil Security” jamoasi ushbu xalqaro maydonda munosib ishtirok etish yo‘llanmasini qo‘lga kiritdi. Jamoaga klubimiz sardori Qahramon Choriyev boshchilik qiladi.

Klubimiz nomidan jamoa sardori va barcha a’zolarga xalqaro arenada kechadigan murosasiz bellashuvda omad, yuqori natijalar tilaymiz!🔥🔥

🔗Bizni kuzatib boring:
💬 Telegram | 🤖 Telegram Bot | 🌐 Web

⚡️ “CYBERSECURITY CLUB CYBERCAMP 1.0” YOZGI OROMGOHI “Kiberxavfsizlik Markazi” DM huzurida tashkil etilgan Kiberxavfsizlik klubi a'zolari uchun Qo‘qon universitetida bir haftalik yozgi oromgoh boshlandi. 🚀Ushbu oromgohda klubimiz a’zosi, 10-01 sinf o‘quvchisi…

💻 Klubimiz a'zosi xalqaro maydonlarda!

Joriy yilning 27-iyun – 2-iyul kunlari Tunis davlatida nufuzli Xalqaro kiberxavfsizlik olimpiadasi (ICO 2026) bo‘lib o‘tdi. Ushbu nufuzli musobaqada jamoamiz a’zosi, 10-03 sinf o‘quvchisi Sidikov Hamidulloh O‘zbekiston terma jamoasi safida yurtimiz sharafini munosib himoya qildi va yuqori faollik ko‘rsatdi.

❤️ Ma’lumot o‘rnida: ICO 2026 uchun O‘zbekiston terma jamoasiga saralash bahslari 2 bosqichda tashkil etilgan edi. May oyida bo‘lib o‘tgan yakuniy final bosqichida klubimizdan 4 nafar o‘quvchi ishtirok etib, ulardan 2 nafari terma jamoa tarkibiga yo‘llanmani qo‘lga kiritgan edi. Biroq, ma’lum bir moliyaviy sabablarga ko‘ra, afsuski, ularning safarda ishtirok etish imkoniyati bo‘lmadi.

Shunga qaramay, Hamidullohning xalqaro arenadagi ushbu ishtiroki butun jamoamiz uchun katta faxrdir!

Klubimiz nomidan Hamidullohni ushbu yutug‘i bilan tabriklaymiz va uning kelgusi o‘qish hamda kiberxavfsizlik sohasidagi faoliyatida ulkan muvaffaqiyatlar tilaymiz! 🚀

🔗Bizni kuzatib boring:
💬 Telegram | 🤖 Telegram Bot | 🌐 Web

⚡️ “CYBERSECURITY CLUB CYBERCAMP 1.0” YOZGI OROMGOHI

“Kiberxavfsizlik Markazi” DM huzurida tashkil etilgan Kiberxavfsizlik klubi a'zolari uchun Qo‘qon universitetida bir haftalik yozgi oromgoh boshlandi.

🚀Ushbu oromgohda klubimiz a’zosi, 10-01 sinf o‘quvchisi Mo'minov Javohir ham faol ishtirok etmoqda! Javohirga 5-iyulga qadar davom etadigan amaliy mashg‘ulotlar va CTF musobaqalarida omad tilaymiz!

🔗Bizni kuzatib boring:
💬 Telegram | 🤖 Telegram Bot | 🌐 Web

💻Nodex oilasida 200 nafar obunachi!

Kanalimiz a’zolari soni 200 nafardan oshdi! Bu biz uchun shunchaki raqam emas, balki maktabimizda kiberxavfsizlik madaniyatini shakllantirish yo‘lidagi muhim qadamdir. 🛡

Biz bilan birga ekanligingiz va loyihalarimizga qiziqish bildirayotganingiz uchun rahmat. Oldinda sizni yanada qiziqarli musobaqalar va yangi yutuqlar kutmoqda. Biz to‘xtab qolmaymiz — bu hali boshlanishi!

🔗 Bizni kuzatib boring:
📱 | 🤖 https://t.me/nodexccbot | 🌐 https://nodex.uz/

🚀 Nodex Kiberxavfsizlik Klubi rasmiy sayti ishga tushdi!

Bugundan boshlab klubimizning rasmiy sayti faoliyat boshladi. Barchangizni saytga kirib, uni sinab ko‘rishga va o‘z fikr-mulohazalaringizni bildirishga taklif qilamiz.

🌐 Sayt: https://nodex.uz/

Shu bilan birga, Nodex Bug Bounty dasturi ham start oldi!

🎯Vazifa:
Nodex rasmiy saytida zaiflik (vulnerability) topish

‼️Qoidalar:
• Faqat etik hacking doirasida ishlang
• Sayt ishiga zarar yetkazmang
• DoS/DDoS hujumlari taqiqlanadi

📩 Hisobot yuborish:
Topilgan zaiflik bo‘yicha hisobot (PoC)ni https://t.me/ciprobex ga yuboring.

💰 Zaiflik darajasiga qarab kichik mukofotlar taqdim etiladi.

😎 O‘z bilimingizni amalda sinab ko‘ring!

🔗 Bizni kuzatib boring:
📱 | 🤖 https://t.me/nodexccbot | 🌐 https://nodex.uz/

🛡CUTS CTF 2026: Nodex jamoasi TOP-15 talikda

18-aprel kuni Turan Security, Cyber University va Cybersecurity Center tomonidan o‘tkazilgan https://t.me/cyberuni_uz musobaqasida Nodex klubining faol a’zolari 170 dan ortiq jamoalar orasidan faxrli 15-o‘rinni qo‘lga kiritishdi! 🏆

Bu maktab o‘quvchilarimiz uchun ilk CTF tajribasi bo‘lishiga qaramay, juda katta va muhim natija hisoblanadi. Ayniqsa, ularning asosiy raqiblari universitet talabalari bo‘lganini hisobga olsak — bu haqiqatan ham faxrli yutuq! 🔥

📌 Ma’lumot uchun: Top 10 jamoa final bosqichga yo‘l oldi.

O‘quvchilarimizga keyingi ishlarida omad tilaymiz — bu hali boshlanishi!🚀

📱 — Muhammad al-Xorazmiy nomidagi ixtisoslashtirilgan IT maktabining birinchi va yagona kiberxavfsizlik klubi.

🌸 Navro‘z muborak bo‘lsin, azizlar!

Nodex jamoasi barchangizni ushbu go‘zal bayram - yangilanish va yasharish ayyomi bilan samimiy tabriklaydi! Bilimlaringiz bahordek rivojlanib, kiberxavfsizlik sohasida yanada mustahkam bo‘ling. Har bir yozgan kodingiz xavfsiz, har bir tizimingiz himoyalangan bo‘lsin.

— kiberxavfsizlikda birga rivojlanamiz

Hayit Ayyomingiz Muborak Bo'lsin 🌙

💻Kiberxavfsizlik sohasida o'z ishingizni topishingiz va qay darajada bilimingiz borligini isbotlovchi narsa bu — SERTIFIKATLAR!

💻Bugungi kunda OffSec, HackTheBox, TryHackMe, PortSwigger, Altered Security, Zero Point Security, INE Security, TheSecOps Group, EC-Council, TCM Security va CompTIA kabi kompaniyalar o‘z o'quv kurslari va sertifikatlarini taqdim etib kelmoqda.

Bularga misol qilib quyidagi sertifikatlarni keltirishimiz mumkin:
OSCP – OffSec
CPTS – HackTheBox
CDSA – HackTheBox
CNPen / CAPen – TheSecOps Group
eJPT – INE Security
CRTP - Altered Security
PT1 – TryHackMe
BSCP – PortSwigger
BT1 – Security Blue Team
🛡Boshlovchilar uchun esa BSCP (PortSwigger), eJPT (INE Security), PNPT (TCM Security) va BT1 (Security Blue Team) kabi hamyonbop va amaliy sertifikatlar yaxshi tanlov bo‘ladi.

🔗Yana ko‘proq va o'z yo'nalishingizga mos bo'lgan sertifikatlarni bu yerda ko‘rishingiz mumkin:
https://pauljerimy.com/security-certification-roadmap/

📲 - xalqaro sertifikatlarga biz bilan tayyorlaning!

🌷HURMATLI USTOZLAR VA AZIZ O'QUVCHILAR!

Nodex kiberxavfsizlik klubi jamoasi sizlarni 8-mart — Xalqaro xotin-qizlar kuni bilan samimiy tabriklaydi.

Sizlarga mustahkam sog‘liq, ko‘ngil xotirjamligi va o‘qish hamda ishlaringizda ulkan muvaffaqiyatlar tilaymiz. Doimo hurmat va e’tibor og‘ushida bo‘lib yuring!

💐 Bayramingiz muborak bo‘lsin!
😎 — bizni kuzatishda davom eting

🚀 CYBERHACK CONFERENCE 2026!

📱Ushbu konferensiya kiberxavfsizlikka qiziquvchi yuzlab yoshlarni bir joyga jamladi. Tadbir davomida turli ekspertlar tomonidan qiziqarli ma’ruzalar, amaliy workshoplar hamda O‘zbekistondagi eng yirik oflayn CTF lardan biri – "CyberHack CTF 2026" musobaqasi tashkil etildi.

🔒"Nodex" jamoasi ham ushbu tadbirda faol ishtirok etdi. Shuningdek, Web Security, Mobile Security va Blue Team yo‘nalishlarida o‘tkazilgan master-klasslarda qatnashib, yangi bilim va tajribalar orttirishdi. Musobaqada esa jamoamiz sardori 5-o‘rinni qo‘lga kiritdi.

Bunday tadbirlar yosh kiberxavfsizlik ixlosmandlari uchun katta tajriba maktabi bo‘lib xizmat qiladi va xalqaro musobaqalarga tayyorlanishda muhim ahamiyatga ega.

📱 — Kiberxavfsizlikni o‘rganishni bugun biz bilan boshlang!

🖥 MAKTABIMIZDA ILK BOR O‘TKAZILGAN CTF MUSOBAQASI MUVAFFAQIYATLI YAKUNLANDI!

Muhammad al-Xorazmiy nomidagi ixtisoslashtirilgan maktabda tarixiy voqea yuz berdi — ilk bor kiberxavfsizlik bo‘yicha “Al-Khwarizmi CyberCup 1.0” CTF musobaqasi o‘tkazildi.

“Nodex” kiberxavfsizlik klubi tomonidan tashkil etilgan ushbu bellashuvda o‘quvchilarimiz axborot texnologiyalari, tarmoq xavfsizligi va kriptografiya yo‘nalishlarida o‘z bilim va mahoratlarini amalda namoyish etdilar. Maktabimiz faollar zali haqiqiy intellektual jang maydoniga aylandi!

🏆 Musobaqa natijalariga ko‘ra:
Eng yuqori ball to‘plagan TOP-3 ishtirokchi maktabimizning kiberxavfsizlik bo‘yicha terma jamoasi tarkibiga qabul qilindi. Endilikda ularni soha mutaxassislari tomonidan o‘tiladigan professional mahorat darslari va xalqaro musobaqalarga tayyorgarlik jarayonlari kutmoqda.

Barcha g‘olib va sovrindorlarni tabriklaymiz! Maktabimizda kiberxavfsizlik madaniyatini shakllantirish va yosh mutaxassislarni tayyorlash yo‘lidagi ilk muhim qadam tashlandi.

💬 — Kiberxavfsizlikni o‘rganishni bugun biz bilan boshlang!

🌐 FIRST mintaqaviy simpoziumi — Markaziy Osiyo uchun tarixiy voqea

2026-yil 26–27-fevral kunlari Toshkent shahridagi Inha Universitetida “First Regional Symposium for Central Asia – 2026” xalqaro simpoziumi bo‘lib o‘tdi. Tadbir Kiberxavfsizlik markazi ko‘magida hamda https://www.first.org/ doirasida tashkil etilib, mintaqa uchun ilk yirik anjuman sifatida e’tirof etildi.

✔️ Ikki kun davomida xalqaro ekspertlar threat hunting va threat modeling metodologiyalari, ethical hacking va malware tahlili, milliy erta ogohlantirish tizimlari, bug bounty platformalari, kiberbardoshlilik hamda incident response jarayonlari bo‘yicha dolzarb ma’ruzalar bilan chiqish qildilar. Tadbirning 2-kuni Bobur Abdullaev (Inha University in Tashkent rektori), Chris Gibson (FIRST ijrochi direktori) va Olimjon Mirzaev (Kiberxavfsizlik markazi direktori) ning nutqlari bilan boshlandi.

🎓 Maktabimizning Nodex kiberxavfsizlik klubi a’zolari hamda bir guruh faol o‘quvchilarimiz ushbu nufuzli xalqaro tadbirda faol qatnashib, dunyoning yetakchi mutaxassislaridan qimmatli bilim va amaliy tajriba orttirdilar.

💬 — bizni kuzatishda davom eting