Rebar Ibrahim

ئەزانی سۆفی ئەو مرۆڤانەی دایک و باوکیان نییە پێیان ئەڵێن هەتیوو ، ئەو مرۆڤانەی هاوسەریان نییە پێیان ئەڵێن بێوە بەڵام باوکێک کە منداڵی نییە هێندە ترسناکە کە هیچ ناوێکی بۆ دانانێن...✨

لەزاری ئەمیر لە فیلمی «سۆفی و دێوانە»

فیلمیکی جوانە و واتادارە ، پێشنیارم وایە هەمووتان بینەری بن ، چێژی لێ دەبینن..

https://beenar.net/title-detail/1676?series=false

ئەگەر حەزت بە فیلمە ئاڵۆز ترسناک و پڕ لە ڕاز و پرسیارە ، ئەم فیلمە بژاردەیەکی ناوازەیە بۆ ئەمشەوتان !

ئەستێرەی ناسراوی سینەمای ئێران «شهاب حسینی» تێیدا ڕۆڵی سەرەکی ئەبینێ ، فیلمەکە بووە یەکەم فیلمی هاوبەشی ئێران و ئەمریکا کە مۆڵەتی فەرمی وەرگرتووە و چەندین خەڵاتی نێودەوڵەتیشی لە فێستیڤاڵە جیهانییەکانی سینەمای ترسناک بردۆتەوە (وەک باشترین دەرهێنەر، باشترین دەق و باشترین ئەکتەر).

https://kurdcinama.com/online.aspx?movieid=7078

درامای (یل) چیرۆکە نوێیەکەی برایانی محمودی ، ئێستا دەتوانیت لەگەڵ خێزان و کەسوکارتت چێژ لە بینینی ئەڵقەی یەکەمی ئەم شاکارە ببینیت..

ئایا بە رای تۆ، برایانی محمودی ئەتوانیت لەم کارەشدا سەرکەوتنی گەورەی «پێستی شێر» دووبارە بکەنەوە؟

https://kurdsubtitle.net/tvshows/563017-Drunkard-Morning

لە یەکەم هەنگاودا ، ڕەنگە وابیر بکەیتەوە ؛
کە کەسێکی “بێ کەم و کورتی” دۆزیوەتەوە بەڵام ژیان و کات هەموو شتێک ئەگۆڕن ، خۆشەویستی ڕاستەقینە خەیاڵ نییە ئەو کەسەی لە تەنیشتتە مرۆڤە ، هەڵە ئەکات لەوانەیە جاری وا هەبێت دڵت بشکێنێت یان نائومێدت بکات..

کلیلەکە لێرەدایە : ئایا ئامادەی لەگەڵ هەر دەرد و دەرمانێکدا قبوڵی بکەیت و پێکەوە هەوراز و نشێوەکانی ئەم ڕێگەیە ببڕن؟ چونکە خۆشەویستی ڕاستەقینە بەم جۆرەیە.

REBAR IBRAHIM 📷

زۆر جار مرۆڤ سەیری کەسێک دەکات و ئەڵێت ؛
«خۆشبەختە ، گەیشتووە بەوەی ئەیویست»

بەڵام ئەوەی نابینرێت ،
ئەو ڕۆژانەیە کە ماندوو بوویت و بەردەوام بوویت ، ئەو جارەیە کە شکستت هێنا و دووبارە هەستایتەوە ، ئەو پارە و کاتەیە کە لە پێناوی خەونەکەت خەرجت کرد ، ئەو شەوانەیە کە تەنها خۆت دەزانی چەند قورس بووە ، من هێشتا نەگەیشتوومەتە کۆتایی ڕێگاکەم ، بە پێچەوانەوە هێشتا لە سەرەتادام بەڵام ئەمڕۆ کە دواوە سەیر دەکەم فێر بووم کە شوێنی دەستپێکردنت چارەنووست دیاری ناکات ، لە هەر شوێنێک بیت لە هەر تەمەنێک بیت ئەگەر خەونێکت هەیە مەهێڵە ترس و قسەی خەڵک بۆت بڕیار بدەن چونکە ڕەنگە ئەو شتەی ئەمڕۆ تەنها «خەونە» سبەی ببێتە ژیانی ڕاستەقینەت.

غرور و سەربەرزییەکی کوێرەوەرانە ؛
وەک ژەهرێکی هێواش وایە کە وردە وردە ڕیشەی مرۆڤ دەبڕێت ، مرۆڤ بەناوی پاراستنی کەرامەتەوە خۆی لە باوەش گرتن لە لێبوردەیی و لە پەیوەندییە راستەقینەکان بێبەش دەکات و لە کۆتاییدا لەناو قەڵایەکی تەنهایدا تێکی دەشکێنێت ، زۆر جار لە پشت ماسکە قایمەکەی غرورەوە ترسێکی قووڵ و لاوازییەکی شاراوە هەیە کە نایەوێت دان بە هەڵەکانیدا بنێت بەڵام باجەکەی گرانە و مرۆڤ لە پێناوی پاراستنی پارچە کاغەزێکی وێراندا گەورەترین سامان کە دڵێکی پاک و هاوڕێیەتییەکی ڕاستەقینەیە لە دەست دەدات ، مرۆڤی مەزن ئەو کەسەیە کە دەزانێت کەی سەری خۆی نەوی بکات و دەستبەرداری لوت بەرزی ببێت چونکە نەرم و نیانی و سادەیی نیشانەی هێز و گەورەیی ڕۆحن نەک لاوازی.

ئەودەمەی “چاوشی” گۆڕانی ئەچڕێ ، هەست ئەکەیت جەنجاڵی کەم ئەبێتەوە و ڕێگاکان فراوان ئەبن ، ڕۆژ کورت ئەبێتەوە ‘چاوشی’ کاتێک گۆرانی ئەچڕێ لە خولەکێکدا تۆ هەم عاشقیت هەم دڵشکاویت هەم عارفیت هەم بێ ئومێدی هەم ئومێدت هەیە کە ڕۆژێک شتەکان باش ئەبن ، ئەو کە گۆرانی ئەچڕێ بیری نیشتیمان ئەکەیت هەست بە ساردی زستان ئەکەیت ، گوێت لە دەنگی دڵۆپەکانی بارانە کە بەر پەنجەرەکەت ئەکەون ، بۆنی قاوە ئەکەیت هەر بەکورتی : (محسن چاوشی) گوزەرێکە بەناو هەموو بوون و نەبوونەکانی ئەم ژیانە..

ئەوەندە بەهێز بە کە بێ دوودڵی هەنگاو بنێیت و دوور بکەویتەوە لە هەر شوێن، مرۆڤ و هەلومەرجێک کە ڕۆحت ئازار دەدات و قورسایی دەخاتە سەر دڵت و ئەوەندەش خاوەن دڵێکی پڕ لە ئارامی و دڵنیایی بە کە چاوەڕێی هاتنەدی ئەو خێر و نیعمەتە جوانانە بیت کە بەڕاستی شایەنی ئەویت..

هەمیشە لەیادت بێت ئەو دۆخە تاریک یان سەختەی ئێستا تێیدایت تەنها وێستگەیەکی کاتییە و دوا شوێنی مەبەست و کۆتایی ڕێگاکەت نییە بەڵکو تەنها پردێکە بۆ گەیشتن بە قۆناغێکی باشتر ، دڵنیابە و با باوەڕت پۆڵایین بێت هیچ هێزێک، هیچ کۆسپێک و هیچ مرۆڤێک لە جیهاندا توانای ئەوەی نییە ڕێگری لەو فەرمان و پلانە وردانە بکات کە پەروەردگار بۆ بەختەوەری و داهاتووی ژیانت دایناوە.

فیلمی "بــا لەگەڵ خۆی دەمانبات” شاکارێکی سینەمایی دەرهێنەری ناوداری ئێران عەباس کیارۆستمییە کە لە ساڵی ١٩٩٩ بەرهەم هاتووە ، ئەم فیلمە یەکێکە لە دیارترین ئەکادیمییەکانی سینەمای مۆدێرن و خاوەنی خەڵاتی گەورەی لیژنەی داوەران بووە لە فێستیڤاڵی نێودەوڵەتیی فیلمی ڤینیسیا.

ناونیشانی فیلمەکە لە شیعرێکی شاعیری گەورەی ئێران فروغ فەروخزاد وەرگیراوە ، فیلمەکە لە ڕێگەی گێڕانەوەیەکی هێمنەوە قووڵایی ماناكانی ژیان، مردن، پەیوەندیی مرۆڤ بە سروشتەوە، و خێراییی ژیانی مۆدێرن دەخاتە ڕوو.

فیلمەکە بۆ ئێمەی کورد دوو ئەوەندە تایبەتە چونکە زۆر باسی جوانی کلتوری ئێمەی تێدایە ، بێگومان دەرهێنەر توانیویەتی دەقاودەق پەیامەکە بگەیەنێت.

https://kurdsubtitle.net/movies/841272-The-Wind-Will-Carry-Us-bad-ma-ra-khwahd-brd

ســـــــــــوپڕااااااااااایزێکی تایبەت بۆ شەیدایانی دراما فارسییەکان !

بە دیارییەکی بێ وێنەوە گەڕاوینەتەوە : یەکێک لە هەرە بەهێزترین و تازەترین زنجیرە فارسییەکانی ساڵ تەنها بۆ ئێوە 🎭

🔥 "پیاوی سێ هەزار ڕوو" 🔥

ئەوەی ئەم بەرهەمە زۆر تایبەت دەکات تێکەڵکردنی لایەنی کۆمیدی لەگەڵ ڕەهەندە مرۆییەکان و کێشە ڕاستەقینەکانی کۆمەڵگەیە ، نووسینی زیرەکانەی سیناریۆکە لەگەڵ نواندنی بێ وێنە و بەهێزی ئەکتەرەکان ، وای لێ دەکات لەگەڵ هەر ئەڵقەیەکدا زیاتر تێکەڵ بە ژیان و چارەنووسی پاڵەوانەکە ببیت و بپرسی : ئایا مەسعود چۆن لەم هەموو تەنگژە و دۆخە ئاڵۆزانە دەردەچێت؟
ئەم شاکارە کۆمیدییە ئێستا بە باشترین کوالێتی و بە ژێرنووسی کوردیی پڕاوپڕ لە ماڵپەڕی بینەر بەردەستە ، هەلەکە لە دەست خۆت مەدە و با یەکەم کەس بیت کە دەچێتە ناو ئەم ئەزموونە جیاوازە پڕ لە چێژەوە !

https://beenar.net/title-detail/3039?series=true

کاتێک ئەم نووسینە ئەخوێنیتەوە ؛
ڕەنگە من تۆ نەناسم ، نەزانم کێیت؟
چ کارەیت؟ کەسێکی باشیت؟ یانیش خراپیت؟
نازانم لەم ساتەدا دڵت شادە یان لێوان لێوە لە خەم !
بەڵام ئەمەوێت ئەم ڕستەیەت پێ بڵێم : تۆ شایەنی گەورەترین دڵخۆشی ، تۆ زۆر لەوە بەهێزتر و جوانتری کە خۆت بیری لێ ئەكەیتەوە ، تۆ یەکێک لەو مرۆڤە ناوازانەی کە ئەتوانیت ڕۆژگار و ژیانی خۆت و ئەوانی تریش بە گڕ و تینتر و جوانتر بکەیت ، تۆ ئەتوانیت بە هەموو خەونە ڕەنگا و ڕەنگەکانت بگەی و ببیە خەونی گەورەی زۆر کەسی دیکەش..

من دڵخۆش ئەبم ئەگەر ئێستا تۆ زەردەخەنەیەک بکەیت و بڵێیت بەڵێ من هەر ئەو مرۆڤەم ئەتوانم زۆر شت باشتر بکەم ، بەڵێ من هەر ئەو مرۆڤەم کە دەتوانم جیهانی دەوروبەرم جوانتر بکەم.

٤٧ ساڵ تەمەن لە ژیانێکــ ، لە دەربڕینی دەنگێک...

ووتنی ڕاستییەکان ، دەربڕینی ناخەکان و زیندوو کردنەوەی یادەوەرییەکانی ڕابردوو ، دەنگێک کە هەمیشە هەڵگری چیرۆکە قووڵەکان و ئازارەکان بووە.

بەهیوای تەندروستی ، سەرکەوتن و بەردەوامی بۆ ئەو دەنگە بەنرخەی کە ساڵانێکە بە هونەر و هەستی پاکی دڵی ملیۆنان کەسی داگیرکردووە.

تەمەنت پڕ لە جوانی و بەردەوامیت ، ئاغای چاوشی ✨

نوێترین و پڕ باسترین درامای خاوەن سەلیقەی سینەمای ئێران "کلاغ" (قەلەڕەش) هات ! 

ئەمجارە دەرهێنەری ناودار “محمدحسین مهدویان” خاوەنی شاکارەکانی وەک «زخم کاری» بە بەرهەمێکی پڕ لە ڕاز ، ترس ، گومان و ململانێی دەروونی گەڕاوەتەوە ، چیرۆکێکی پڕ لە گرێی دەسەڵات و عەشقێکی قەدەغە و پڕ لە تاریکی کە لە دەیەی پەنجاکاندا دەستی پێکردووە و سات بە سات هەناسە لە سینەی بینەر دەبڕێت ! 

🌟 بەشداربوونی ئەستێرەکان :
هادی حجازی‌فر، مهران غفوریان، مینا وحید، مهدی زمین‌پرداز و دەرکەوتنی دەموچاوە نوێکان وەک نیک‌آفرید سماواتی. 

https://beenar.net/title-detail/3021?series=true

ئه‌زانم ژیان هه‌ندێ شتی پێ نه‌دایت ؛
كه‌ له‌ ناخی دڵه‌وه‌ ئه‌تویست ، هه‌ندێ خه‌ونی لێ سه‌ندیت كه‌ به‌ سه‌د دڵ هیوات بۆ به‌دی هاتنیان ئه‌خواست به‌ڵام تۆ هه‌ر چه‌ندێك ئازارت چه‌شتووه‌ نه‌كه‌ی سارد ببیته‌وه‌ به‌ پێچه‌وانه‌وه‌ هه‌موو توانای خۆت كۆبكه‌ره‌وه‌ تا شتی زۆر زیاتر و گه‌وره‌تری لێ بسه‌نیت بزانه کە له‌ قوڵایی ڕۆحتا هێشتا توانا و هێزێكی بێ وێنه‌ هه‌یه‌..

“کوێری” تەنها زنجیرەیەکی تاوانکاریی ئاسایی نییە کە تەنها بەدوای بکوژ یان تاوانباردا بگەڕێت بەڵکو قوڵایی مرۆڤ لە حاڵەتی قەیراندا دەردەخات ، کاتێک کارەساتێکی گەورە ڕوو دەدات و پیاوانی دەسەڵات ، دایک و باوکە خەمبارەکان و کەسایەتییە ئاساییەکان دەکەونە ناو گێژاوی ڕووداوەکانەوە ، سنووری نێوان تاوانبار و قوربانی تێکەڵ دەبێت ، هەر کارەکتەرێک نهێنییەکەی لە ناوپۆشی ڕابردووی خۆیدا هەڵگرتووە و کاتێک ئەم چینانە هەڵدەدرێنەوە ، ڕووە تاریکەکانی کۆمەڵگە و مرۆڤایەتی دەردەکەون.

بەهۆی تیشک خستنە سەر کێشەیەکی هەستیاری کۆمەڵایەتی و ستایلی دەرهێنانی ، لە سەرەتای بڵاوبوونەوەیەوە سەرنجی زۆرێک لە هەوادارانی دراماکانی ئێرانی بۆ لای خۆی ڕاکێش کردووە..

https://kurdcinama.com/Episodes.aspx?type=5890

ئەم فیلمە وەک یەکێک لە بەرهەمە سەرکەوتوو و جیاوازەکانی سینەمای سەربەخۆی ئێران ئەناسرێت کە بە کەمترین کەرەستە توانیویەتی چیرۆکێکی کاریگەر و مرۆیی لەبارەی دابڕان و ئازارەکانی کۆچەوە بگێڕێتەوە ، سەرەڕای ئەوەی بابەتەکە زۆر قورس و غەمناکە (کۆچکردن و ماڵئاوایی یەکجاری) بەڵام فیلمەکە پڕە لە ساتی خۆش، مۆسیقا، گۆرانی ووتن و پێکەنین کە هاوسەنگییەک دروست دەکات تا بینەر هەست بە بێزاری نەكات.

مۆسیقای فیلمەکە و بەکارهێنانی گۆرانییە کۆن و پۆپە فارسییەکان (وەک گۆرانییەکانی هایدە و دلکش) ڕۆڵێکی سەرەکییان هەیە لە گەیاندنی هەستی نۆستالژیا و نامۆ بوون.

https://kurdcinama.com/moves-details.aspx?movieid=19651

ئەگەر لەو کەسانەن کە حەزتان بە زنجیرەی پڕ لە ڕووداو و گرژییە دەروونییەکانە ، زنجیرەی نوێی «بدنام» یەکێکە لەو کارە ناوازانەی کە نابێت لە دەستی بدەن ، ئەم زنجیرەیە لەلایەن “حامد عنقا’وە پێشکەش کراوە کە پێشتر بە بەرهەمە پڕ باسی وەک «آقازاده» سەرسامی کردبووین ، زنجیرەکە باسی عیشقێکی قەدەغە و نهێنییەکی تاریک دەکات کە تێیدا هەڵسوکەوت ، متمانە و بەدناوی لەبەردەم تاقیکردنەوەیەکی قورسدا دەبن.

بەشداربوونی دەموچاوە دیارەکانی وەکو امیر آقایی، سینا مهراد، حسن پورشیرازی، ستایش رجایی‌نیا و لعیا زنگنه جوانییەکی تری بە دراماکە بەخشیووە و ڕۆڵگێڕانێکی بێ وێنەیان پێشکەش کردووە.

https://kurdcinama.com/Episodes.aspx?type=5857

کاتێک پێت دەڵێن “گۆڕاویت”
بەڵێ گۆڕاوم ، ئەی کێ لە ئێمە نەگۆڕاوە؟
بارودۆخ دەمانگۆڕێت ، دوورکەوتنەوەی هاوڕێ دەمانگۆڕێت ، کۆچی دوایی کەسێکی ئازیز دەمانگۆڕێت ، نەخۆشی دەمانگۆڕێت ، گریان دەمانگۆڕێت ، ئەو ڕۆژانەی بەتەنیا بەسەریان دەبەین دەمانگۆڕن ، تەنیایی دەمانگۆڕێت ، هەڵگرتنی بەرپرسیارێتی دەمانگۆڕێت ، ساتەکانی لاوازی دەمانگۆڕن ، هەرچەند تەمەن بڕوات زیاتر لە خۆمان و لە دوونیا و لە خەڵک تێدەگەین بۆیە دەگۆڕێین ، لەو کەسانە دوور دەکەوینەوە کە ماندوومان دەکەن و ئازارمان دەدەن بۆیە دەگۆڕێین ، کێ لە ئێمە نەگۆڕاوە و وەک خۆی ماوەتەوە؟

گۆڕانکاری شتێکی حەتمییە و ڕێگەی لێ ناگیرێت بەڵام هیوادارین بەرەو پێگەیشتووی ، بەرەو بەهێزی و بەرەو میهرەبانی بگۆڕێین نەک بەرەو خراپتر و ناشرینتر..

ڕۆژێک دێت تێدەگەیت کە تۆ بەڕاستی شایەنی دڵخۆشیت ، شایەنی ئەوەیت لە شتێکی دڵنیایدا بیت نەک نیوە ، تێدەگەیت ئەکرا دڵخۆشی خۆت بە هاتن و ڕۆشتنی هیچ کەس و شتێکەوە نەبەستیتەوە و خۆت دروستی بکەیت ، وە فێردەبیت لەبەر خۆت دەستبەرداری زۆر شت بیت بەبێ ئەوەی پەشیمان بیتەوە ، ڕۆژێک و لە نێوەندی ڕووداوێکی ناخۆشی ژیانتدا دادەنیشیت و بەخۆت ئەڵێیت :
“من شایستەی ئەمە نیم”

مرۆڤ ئەو کاتە ژیانی دەگۆڕێت کە بەڕاستی نرخی خۆی ئەزانێت و لەو شتانە دوور دەکەوێتەوە کە بە شایستەی خۆی نازانێت.

باش بن ، دەست بە هیواکانتانەوە بگرن ؛
دڵخۆشبن و ئاگاداری تەندروستیتان بن ، پیاسە بکەن لانی کەم ڕۆژانە کاتژمێرێک ڕێ بکەن ، یارمەتی خەڵک بدەن و ڕێگە مەدەن ویژدانتان خەوتوو بێت ، ژیانتان لەیەک شت کۆمەکەنەوە ، خودا گیان و ڕەحمەتەکانی لەبیر مەکەن ، دڵخۆشبن هەموو شتەکان ڕێگای ڕاستی خۆیان ئەدۆزنەوە و باش ئەبن برینەکانتان قبووڵ بکەن تا بتوانن ساڕێژی بکەن ، بیرتان بێت ژیانی ئینسان لەسەر هێڵێکی ڕاست نییە هەروەک چۆن ناخۆشی بوونی هەیە ئاواش خۆشی هەیە و ڕۆژێک ئەبێت بە میوانی دڵ و ژیانت ، ئێمە پێویستمان بە کەسانی بە وزە و جوان بینە ، بە هیوا بن بەرامبەر هەموو شتەکان و ژیانتان بەفیڕۆ مەدەن بە بێتاقەتی ، کەسمان بێ بەری نین لە ئازارێک کە بەس خودی خۆمان پەی پێدەبەین ، ژیان بەو برینانەی دڵیشتەوە جوانە ئەگەر تۆ خۆت بتەوێ..

“خۆتان بە شایەنی دڵخۆش بزانن”

ئەو دڵەی لە تاریکییەکانی خەم و تەنیایدا پەنا بۆ لای خوا دەبات هەرگیز لە ناوچووندا نییە ، خوای گەورە لە قوڵایی ئەو تاریکییە ئەستوورەدا چرایەکی ڕووناکی هیدایەت و ئارامی لە ناو سینەیدا دەگیرسێنێت کە تا کۆتایی ڕێگاکە ڕووناککەرەوەی ئەبێت.

تەنهایی تەنهات ناکات ، بەڵکو بوونت لەگەڵ کەسانی هەڵە تەنهات ئەکات ، خۆت بەو کەسانە دەورە بدە کە بەرزت ئەکەنەوە و پشتگیریت ئەکەن ، پەیوەندی چۆنیەتی گرنگترە لە چەندایەتی ، ئەو پەیوەندییانە هەڵبژێرە کە هیوا و ڕەزامەندبوونت بۆ ئەهێنن ، ئەگەر تەنهایت ئەوا ئەو کاتە لە دروستکردنی پەیوەندییەکی بەهێز لەگەڵ خۆتدا تەرخان بکە ، ئایا ئەتوانیت چی بکەیت تا چێژ ببینیت؟
پیاسەیەکی ناو پارک ، ڕۆیشتن بۆ کافێیەکی نوێ ، خواردنێکی بەتام بۆ خۆت ئامادە بکەیت یانیش دەست بە خولیایەکی نوێ بکەیت؟ باشترە تەنها و دڵخۆش بیت نەک لەگەڵ کەسانێک بیت کە وات لێبکەن هەست بە تەنهای بکەیت.

ھەموومان ڕوحێک قەرزاری دایکین ؛
دایک ئەو کەسەیە کە ھەرگیز لێت بێزار نابێت ھەرگیز خراپەی تۆێ ناوێت ، ھەمیشە بە سەرکەوتنەکانت دڵخۆش و بە شکستەکانت دوو ھێندەی تۆ دڵگرانە ، دایک پیرۆزترینە..

ئەگەر دڵت ڕەنجاندووە بچۆ ئاشتی کەرەوە بچۆ دەستی ماچکە ئەگەر دەتەوێ نرخی دایکت بزانیت ، پرسیار لە بێ دایکێک بکە ، خودا لە دایکی ئەوانەش خۆشبێت کە کۆچیان کردووە و داوای لێبووردن دەکەم ئەگەر نارەحەتتان بکەم بەم پۆستە.

بەرز و پیرۆزبێت لەدایکبوونی پێشەوای مرۆڤایەتی و سەروەرمان پێغەمبەر محمد ﷺ

بیرچوونەوەی ئەستەمە..
ئێوەش ئەم شاکارەتان بینیووە؟

چیڕۆکی دراماکە باس لە ژیانی بنەماڵەیەک دەکات لە قۆناغە هەستیار و پڕ لە گۆڕانکارییەکانی مێژوویەتی هاوچەرخی ئێراندا لە کۆتایی سەدەی نۆزدەهەمەوە (سەردەمی شۆڕشی دەستووری) تاوەکو شۆڕشی ئیسلامی ئێران لە ساڵی ۱۳٥۷ (۱۹۷۹) و شەڕی ئێران و عێراق ، چیڕۆکەکە تێکەڵەیەکە لە بەسەرهاتی خۆشەویستی، خێزانی و ڕووداوە سیاسی و نەتەوەییەکان کە تێیدا سەرنج دەخرێتە سەر کاریگەریی ڕووداوە مێژووییەکان لەسەر ژیانی تاکەکان.

ئەم درامایە لەلایەن مەسعوود جەعفەری جۆزانی کاری دەرهێنانی بۆ کراوە و سیناریۆکەی نووسراوە.

https://kurdish.sahartv.ir/program--زنجیرە_درامای_لەچاوی_با_دا

زنجیرە درامای «لە چاوی بادا» یەکێکە لە بەرهەمە مێژوویی و پڕ ڕووداوەکان کە بە شێوازێکی سەرنجڕاکێش ژیان و بەسەرساتی بنەماڵەیەک لە قۆناغە هەستیار و گۆڕانکارییە گەورەکانی مێژوودا دەگێڕێتەوە..

دراماکە باس لە ژیان ، بەربەرەکانێ و خۆشی و ناخۆشییەکانی بنەماڵەیەک دەکات کە تێیدا تێکەڵاوی ڕووداوە سیاسی و کۆمەڵایەتییە مەزنەکانی مێژوو دەبن ، چیرۆکەکەی ماوەیەکی فراوان لە مێژووی هاوچەرخ دابەش دەکات و بە چەندین وێستگەی گرنگدا تێدەپەڕێت.

کلیک لێرە بکە بۆ بینینی دراماکە 👉🏼

ئەم فیلمە بۆ یەکەمجار لە “41”ەمین خولی فێستیڤاڵی نێودەوڵەتی فیلمی فەجڕ نمایشکرا ، لەم فێستیڤاڵەدا سەجاد بابایی توانی خەڵاتی سیمۆرغی بلووری باشترین ئەکتەری ڕۆڵی تەواوکەر (پشتیوان) بۆ ڕۆڵگێڕانەکەی لەم فیلمەدا بەدەستبهێنێت.

چیرۆکی فیلمەکە باس لە کچە قوتابییەک دەکات بە ناوی «گوڵنوش» کە دەیەوێت بۆ درێژە پێدانی خوێندن و کۆچکردن هەنگاو بنێت ، ئەو بۆ ئەم مەبەستە پێویستی بە پشتگیری و ڕێ نیشاندانی «مامۆستا ئیدریس» هەیە کە تەلارساز و وێنەکێشێکی زۆر ناسراوە بەڵام چوونە ناو ئەم ڕێگایەوە ڕووداو و ئاڵۆزی دروست دەکات و فیلمەکە بە شێوازێکی درامایی باس لە پرسە هەستیارەکانی وەک بەکارهێنانی دەسەڵات و کێشەکانی پەیوەندیدار بە مافەکانی ژنانەوە دەکات.

https://kurdsubtitle.net/movies/588790-Ostad-astad

تەنها ١٢ خولەکەی ئەم فیلمە بەس بوو
بۆ ئەوەی پەیامێکی قوڵ بگەیەنێ !

دایکێک بە ناوی (هورا) گیرۆدەی نەزانی ئەندامانی خێزانەکەی و لادێکەی بووە کە بەردەوام داوای هێنانی منداڵی کوڕی لێ دەکەن ، بەم هۆیەوە تووشی چەندین ئاڵەنگاری دەبێتەوە.

https://kurdsubtitle.net/movies/871079-Tasyan-tasyan

فیلمی سینەمایی «کپ و بێدەنگ» بە دەرهێنانی “مجیدرضا مصطفوی” و بەشداریی کۆمەڵێک لە ئەستێرە درەوشاوەکانی سینەمای ئێران ، بە یەکێک لە ئاراستە کاریگەرەکان دادەنرێت کە ڕەنگدانەوەی زامە شاراوەکان و ڕاستییە تاڵەکانی ڕۆژگارە...

چیرۆکی فیلمەکە باس لە مرۆڤەکان ئەکات کە لە لایەنە جیاوازەکانی کۆمەڵگەدا ، ژێر فشاری بێدەنگ ، ماندوو بوون و حاڵەتی دەرونیدا بەرەو لێواری تەقینەوە دەچن ، فیلمەکە سەرنج دەخاتە سەر زامە شاراوەکان و ئەو جۆرە خشونەتەی کە نەک بە هاوار و دەنگە دەنگ بەڵکو لە «بێدەنگی» و خامۆشیدا گەشە دەکات.. 

https://kurdsubtitle.net/movies/686562-Hard-Shell-by-srw-sda

کاتێکی تایبەت بە بیر کردنەوە !