سێپتێمبەر ؛

ئەو ڕۆژەی ئەو ڕۆیشت ، سروشت وەک خۆی مایەوە، باڵندەکان دەیانخوێند ، خەڵکی بەپەلە بەڕەو کارەکانیان ئەچوون و شەقامەکان وەک هەمیشە قەرەباڵغ بوون بەڵام لە ناوەوەی مندا ، کارەساتێکی گەورە روويدا گەورەترین درۆیەک کە لە ژیانمدا بیبیستم ئەوە بوو کە ئەیان وت "کات هەموو برینیک چاک ئەكاتەوە" کات چاکەڕەوە نییە کات تەنها فێرت ئەکا چۆن لەگەڵ ئازارەکەدا بژیت لەو ڕۆژەوە من لە جیهانیکی جیاوازدا ئەژیم جیهانیک کە خۆر تێیدا هەڵدێت بەڵام رووناکی بەخش نییە ڕۆژ دەست پێدەکات . بەڵام ناوی بەیانی نییە،بەیانی ڕاستەقینە کاتیک بوو کە بە دەنگی ئەو ، بە زەردەخەنەی ئەو یان بە هیوای بینینی ئەو چاوانەم ئەکرەوە. ئیستا کە ئەو نییە بیداربوونەوەی هە ڕ ڕۆژیک تەنها نویبوونەوەی خەمێکی کۆنە.

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ .

مردنی ئازیزێک کە چەندین ساڵە لەتەنیشتەوە بووە،سەخترین بێ کەسییە.

..

مرۆڤی هۆشیار ترسناکە بیهێنە پێش چاوت تۆ پۆز لێ ئەدەیت و من بەزەییم پێتدا دێتەوە چونکە ئەزانم لەنەقسەوەیە،یان تۆ زۆر باسی ئەو شتانە ئەکەیت کە هەتە ومن هەست بە بەتاڵی ناخت ئەکەم.

..

فَاصْبِرْ صَبْرًا جَمِيلًا.

…

خودایە شیفای نەخۆشەکانمان بدەیت،ئازاری سەر ئازاربەخشەکان کەم بکەیتەوە.

..

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ .

من لەم ماندوویەتییەی ژیاندا،تەنها توانام لەگەڵ تۆ هەیە،ئەمە ئەبێتە خاڵی لاوازم یان نا،گرینگییەکی نییە خۆت خاڵی.


…

فڕین بەیادت بسپێرە،باڵندە مەرگی لە پێشە.

..

هەر جارێک گرێمان دایەوە هەڵە بووین،پەتی ڕزیو داهاتووی هەر پچڕانە.

..

(شَهْرُ رَمَضَانَ الَّذِي أُنْزِلَ فِيهِ الْقُرْآنُ)
هاتنەوەی مانگی میهرەبانی و لێخۆشبوون لە هەموو لایەک پیرۆز بێت. خودای گەورە ڕۆژوو و نزا و عیبادەتی هەموو لایەک قبوڵ بفرمێت و ئەم مانگە بکاتە سەرەتای کۆتایی هاتنی خەمەکانمان.
ڕەمەزانێکی پڕ بەرەکەت بۆ هەمووان.

…

بەڵام مرۆڤ کاتێک دەشکێت،مەحاڵە بگەرێتەوە بۆ ئەوەی پێشتر چۆن بووە،بەڵای گەورەش ئەوەیە مرۆڤ بەرامبەر زەبرە دەروونیانەی ناوەوە هیچی پێ ناکرێت.

…

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ .

خراپترین شت لە دونیادا پێویستی باوەشکردنە،هەستکردن بە بێدەسەڵاتی و بێتوانایی لە هەنگاونان،ژیانێکی بێ ڕەنگ،و عەقڵێک کە لە ناوەڕاستی یەک بیرکردنەوەدا گیر بووە،و بەداخەوە لەو ساتانەی کە زۆرترین پێویستت بە باوەشکردنە،زۆر جار ئەوە ڕوونادات،بە تەنیا،شەڕ لەگەڵ هەمووهەستەکانت ئەکەیت وە نازانیت چۆن لەبەرامبەریان سەرکەوتن بەدەست بهێنێت.

…

لە تەواوی ژیانمدا تا ئێستا نەمتوانیوە گرنگترین قسەکانم لەڕێگەی وشەوە بە کەسێک بگەیەنم،مرۆڤەکان تەمەنێکە لەگەڵ یەکدی قسە ئەکەن و هیچ کات لە یەکتر تێناگەن،ڕەنگە هەر بەهۆی ئەمەیشەوە بێت کە شەوانە، کاتێک وشەکان دەست لەسەر سەریان هەڵدەگرێت، تازە تێدەگەن کە چەندە تەنهان. تازە تێدەگەن کە شتێک لە نێو سەریاندا، لەنێو دڵیاندا ماوەتەوە کە ناتوانن لەگەڵ کەسدا هاوبەشی پێ بکەن..


…

با زیاتر قەدری یەکتر بزانین، شتانێک هەن زۆر خراپتر لەتەنهایی،وەکو لەدەستدان،ساڵانێک دەخایەنێت تاکو ئەوە بزانیت، دواجار کاتێکیش دەزانیت و تێدەگەیت ئیتر زۆر درەنگ بووە. ئەوە خودی ساتی جیابونەوە و دابڕان نیه کە غەم و خەفەتەکەی وادەکات بەرگەی نەگریت،بەڵکو لەدایکبوونی حەسرەتانێکە کە لەو ساتە بەدواوە تا ئەبەد لەنێو ئێمەدا زیندوون.

…

گەیشتوومەتە ئەو باوەڕەی هەر شتێک لای من بەها و گرنگیی هەبێت، پێویست ناکات نیشانی کەسی بدەم. وەک ئەڵێن: (ئاسمان تەنها لەبەر ئەوە بە پاکی ماوەتەوە، چونکە دەستی مرۆڤی پێ ناگات و ناتوانێت بفڕێت بۆی). زۆربەی ئەو کەسانەی گەیشتوونەتە لووتکە، لە سەرەتای ڕێگاکەدا بێدەنگییان هەڵبژاردووە.

..