️بەڕێوەبەرایەتی هاتووچۆی سلێمانی️

ئاگادارییەک لە بەشی مۆڵەتی بەڕێوەبەرایەتی هاتووچۆی سلێمانی

ئاگاداری بەڕێزتان دەکەین کە ئەمڕۆ کۆدی نۆرەگرتن بۆبەشی مۆڵەت کاتژمێر (۷) ی ئێوارە دووبارە ئەکتیڤ دەکرێت لەماڵپەڕی هاتووچۆی سلێمانی، ئەو هاوڵاتییانەی دوێنێ ۱٠/۱٠/۲٠۲٦ رۆژی شەممە فریا نەکەوتبوون کۆدی نۆرەگرتن وەربگرن دەتوان ئەمڕۆ دووبارە هەوڵ بدەنەوە بۆ سەردانیکردنمان لەم هەفتەیەدا.

#شۆفێری کردن لە #باران باریندا
شەش #ڕێنمایی گرنگ بۆ شۆفیری کردن لەکاتی باران باریندا
شۆفێری کردن لە کاتی باران باریندا وەک لە کاتەکانی تر ئەستەم ترەو پێویستی بە شارەزایی و هونەری زیاترە بۆ دەربازبوون لە ڕووداوەکانی #هاتووچۆ .
١. بیرت بێت زۆرجار زۆرێک لە شۆفێرەکان بە بێ ئاگای شۆفێری دەکەن، وە کاتێک باران دەبارێت ناتوانن واز لە بیرکردنەوەکانیان بهێنن یان بیرکردنەوەکانیان بۆ ڕێک ناخرێت بۆیە کاتێک بارودۆخ گوونجاو نەبوو شۆفێرەکان پێویستە زۆر بەئاگابن بۆئەوەی ئامادەباش بن بۆئەو شتانەی کە ڕوودەدەن لە چواردەوریان.
٢. پێویستە لایتەکانی ئوتومبیلەکەت دابگیرسێنیت لەکاتی کەمبوونەوەی ئاستی بینین بەهۆی باران بارینەوە. هەروەها پێویستە فڵچەی جامەکانت کار بکەن و ئەگەر کێشەیەک هەبوو لە لاستیکەکەی یان ئامێرەکەدا بەزووترین کات بگۆڕدرێت.
٣. ئاگاداری خلیسکاندن بە. ئەمە ڕاستییەکە کە لەکاتی باران باریندا لێخشاندنی تایەکان لەگەڵ ئاودا زیاتر دەبێت وەک لە جادەکە، ئەمەش ئەبێتە هۆی خلیسکاندنی سوارڕەوەکە بەبێ ئەوەی بتوانی کۆنترۆڵی بکەیت، لە کەشی باران باریندا خلیسکان ئەگەری زۆرە ڕووبدات، بۆ ئەم حاڵەتە لە تەنها ٢٧ میللی لیتر باران و ڕۆشتن بە خێرایی ٦٠کلم لە کاتژمێرێکدا ڕوو دەدات، ئەگەر ئەم حاڵەتە ڕوویدا تەنها لەسەرخۆبە و ستێرنی (سوکان) ئوتومبیلەکە بە تووندی بگرە و هێواش هێواش پێ بنێ بە پایدەری ستۆپدا تا دووبارە کۆنترۆڵی ئوتومبیلەکەت دەکەیتەوە.
٤. دیاریکردنی خێرایی (تحدید سرعة Cruise control) لەکاتی باران بارین و بەفردا بیکوژێنەرەوە چونکە دیاریکردنی خێرایی لەم کاتانەدا وا دەکات کە کۆنترۆڵی ئوتومبیلەکەت لە دەست بدەیت، لەوانەیە تۆ وابیربکەیتەوە کە هاوکاریت دەکات و لەخێراییەکی دیاریکراودا دەتهێڵێتەوە، بەڵام ئەگەر ئوتومبیلەکەت بخلیسکێت و دیاریکردنی خێراییت کار پێکردبێت لەم کاتەدا ئوتومبیلەکەت خێراتر دەبێت و ڕەنگە زیانەکان زۆر زیاتر بکات.
٥. خێراییەکەت کەم بکەرەوە، هێماکانی دیاریکردنی خێرایی بۆ بارودۆخی جیاجیا دانراون، کاتێک ئاستی بینین باشە و شەقامەکە قەرەباڵغ نییە مانای ئەوە نییە خێرا بڕۆیت چوونکە لەکاتی باران باریندا پێویستت بە ماوەیەکی زیاتر ئەبێت بۆ وەستاندنەوەی ئوتومبیلەکەت، بیرت بێت تا هێواشتر شۆفێری بکەیت سەلامەتتردەبیت و لەکاتی ڕووداوێکی نەخوازراودا زیانەکان کەمتر دەبن.
٦. پێویستە بەردەوام ئاگاداری ئوتومبیلەکەت بیت کە هیچ کێشەیەکی مەرجەکانی توندوتۆڵی تیادا نەبێت، تا ئوتومبیلەکەت بێ کێشەتر بێت ژیانت پارێزراوتر دەبێت.
See less

‎ئەمشەو شەقامی تویمەلیک بەربەست دەکرێت

‎بەشی ئەندازەی بەڕێوەبەرایەتی هاتووچۆی سلێمانی ئاگاداری شۆفێرانی بەڕێز دەکات ئەمشەو لە کاتژمێر ۱٠:٠٠ شەقامی تویمەلیک بەمەبەستی بۆیاخ و هێڵکاریکردن بەربەست دەکرێت.
‎داوا لە شۆفێرانی بەڕێز دەکەین تا کاتی تەواوبوونی کارەکان شەقامە جێگرەوەکان بەکاربهێنن بۆ هاتووچۆکردن.

قیرتاوکردنەوەی شەقامی سەرچنار دەست پێدەکاتەوە
پاش ڕاگرتنی کاتیی کاری قیرتاوکردنی شەقامی سەرچنار بەهۆی بەڕێوەچوونی ڤیستیڤاڵی نێودەوڵەتیی فیلم لە چەند ڕۆژی ڕابردوودا، ئەمڕۆ دووشەممە کاتژمێر (٩)ـی بەیانی، تیمەکانی شارەوانی سلێمانی دەست بە پڕۆسەی قیرتاوکردنەوە و نۆژەنکردنەوەی شەقامەکە دەکەنەوە.
بۆ ئەنجامدانی کارەکان، سایدی ڕۆیشتن لە مەودای نێوان ترافیک لایتی نزیک بەنزینخانەی تاڤگە تا بەردەم "سیتی سینەما" بە شێوەیەکی کاتی بەربەست دەکرێت.
داوا لە شۆفێران و هاوڵاتییانی بەڕێز دەکەین کە هاوکاری تیمەکانی شارەوانی سلێمانی بکەن و لە ماوەی جێبەجێکردنی کارەکاندا خۆیان لە بەکارهێنانی ئەم شەقامە بپارێزن و ڕێگا جێگرەوەکان بەکاربهێنن، تا کارەکانی نۆژەنکردنەوە و قیرتاوکردنەوەکە بە تەواوی کۆتایی پێدێت و شەقامەکە دەخرێتەوە خزمەتی هاوڵاتییانەوە.

ئاگادارییەک بۆ ئەو هاوڵاتییانەی خوازیارن مۆڵەتی شۆفێری ماتۆڕسکیل بەدەستبهێنن
بەشی مۆڵەتی بەڕێوەبەرایەتی هاتووچۆی سلێمانی ئاگاداری ئەو هاوڵاتییانە دەکات کە خوازیارن مۆڵەتی شۆفێری ماتۆڕسکیل بەدەستبهێنن، ئێستا دەتوانن فۆرمی داواکاری مۆڵەت پڕبکەنەوە لەڕێگەی نووسینگەکانی فێرکردنی شۆفێری و راستەوخۆ دوای ئەنجامدانی پشکنینی پزیشکی فۆرمەکان بگێڕنەوە بۆ ژووری (٤۷) لە بارەگای بەڕێوەبەرایەتی هاتووچۆی سلێمانی لەماوەی (۲٠) رۆژدا لە ڕێکەوتی (۲٠/۹/۲٠۲٦ تا ۱٠/۱٠/۲٠۲٦) بەمەبەستی ئەنجامدانی خولی بەدەستهێنانی مۆڵەتی شۆفێری ماتۆڕسکیل

سەرۆکایەتیی شارەوانیی سلێمانی، ئاگاداری هاوڵاتییان و شۆفێرانی خۆشەویست دەکات، بەهۆی بەردەوامبوونی کارکردن لە یەکتربڕی ژمارە ١١ـی شەقامی ١٠٠ مەتری کە دەکەوێتە ناوچەی تاسڵوجە، بە هاوکاری و هەماهەنگی بەڕێوەبەرایەتیی هاتووچۆی سلێمانی، شەقامی ڕۆیشتن لە ئاڕاستەی سلێمانییەوە بەرەو کەرکووک، لە دوانیوەڕۆی دووشەممە ١٤ـی ئەیلولی ٢٠٢٦، بۆ ماوەیەک بەربەست دەکرێت.
بۆ ئەو مەبەستە داواکارین لە هاوڵاتییان و شۆفێران بۆ ئاسانکاریی هاتووچۆ و پاراستنی سەلامەتی خۆیان، هاوکاریی تیمەکانمان بکەن و بەپێی نەخشەی دیاریکراو و بە گوێرەی هێما و ڕێنیشاندەری هاتووچۆی دانراو لە شەقامەکە، شەقامی جێگرەوە بەکاربهێنن بۆ ڕۆیشتن لە سلێمانییەوە بەرەو کەرکووک.

ئاگادارییەک لەبەشی مۆڵەتی بەڕێوەبەرایەتی هاتووچۆی سلێمانی بۆ سەرجەم هاوڵاتییان

وەک بەڕێزتان ئاگادارن لە ماوەکانی ڕابردوودا زۆرێک لە خەڵک بەهۆی لۆدی زۆر لەسەر ماڵپەڕی هاتووچۆی سلێمانی نەیان ئەتوانی کۆدی سەردانیکردن بۆ بەشی مۆڵەت وەربگرن، وەک ئەرکی خۆمان بەردەوام بەدوای چارەسەردا دەگەڕێین تاهاوڵاتییان بتوانن بە ئاسانی و بێ کێشە سەردانمان بکەن و ئێمەش بەخۆشحاڵییەوە مامەڵەکانیان بۆ بەڕێ بکەین.

پاش بەدواداچوون و خوێندنەوە بۆ داتاکانی پێشووتر کە داواکاری ئەنجام دراوە بۆ وەرگرتنی کۆدی سەردانیکردن، لە رۆژی شەممەوە ۱۲/۹/۲٠۲٦ هاوڵاتی لەکاتی پڕکردنەوەی ئەو خشتەیەی بۆی دانراوە بۆ وەرگرتنی کۆدەکە پێویستە پابەندی ئەم خاڵانەی لای خوارەوە بێت، تکایە بە وردی بیخوێننەوە و پابەندی بن بەپێچەوانەوە بەهیچ شێوەیەک مامەڵەکەت بۆ ڕایی ناکرێت لە بەشی مۆڵەت:
۱: ناوی سیانی دروست
۲: ژمارەی تەلەفوونی ئەو کەسەی دەیەوێت کارەکەی بۆ ڕایی بکرێت لە بەشی مۆڵەت.
۳: وێنەی رووخساری ئەو کەسەی دەیەوێت کارەکەی بۆ ڕایی بکرێت لەبەشی مۆڵەت. ( ئاگاداربە: بەکارهێنانی ئیمۆجی یان وێنەگرتنەوە لەبەر شاشە ڕێگەپێدراو نییە، پێویستە رووخساری راستەوخۆی کەسەکە بێت)

ئەم تۆمارانەی داواکرا، لە کاتی چێککردنەوەی لە بەشی مۆڵەت لەڕێگەی QR Code Reader هەر یەکێک لەو زانیارییانە وەک خۆی نەبێت و ساختە کرابێت و لە سیستەمەکە بوونی نەبێت کەسەکە مامەڵەکەی بۆ ڕایی ناکرێت، ئەمەش لەپێناو کەمکردنەوەی قۆرخکاری و دەستەبەرکردنی یەکسانی بۆ سەرجەم ئەو هاوڵاتییە بەڕێزانەی دەیانەوێت سەردانمان بکەن.

تێبینی: کۆدی نۆرەگرتن (شەفتی بەیانیان) لە یەکشەممە بۆ پێنجشەممە بەردەستە، وە شەفتی ئێواران تەنها بۆ رۆژانی (دووشەممە و سێشەممە) بەردەستە

ئاگادارییەک لە بەڕێوەبەرایەتی هاتووچۆی سلێمانی بۆ سەرجەم شۆفێرە بەڕێزەکان
1. لە ڕێکەوتی 7/6/2026 ڕۆژی یەکشەممە کاتژمێر 10 ی سەرلەبەیانی کامێراکانی تۆمارکردنی تیژڕەوی بە سیستەمی (خاڵ بۆ خاڵ – Point to Point) لەسەر ڕێگای (کەلار – کفری) و بەپێچەوانەوە دەکەونە کار و سەرپێچی خێرایی بەشێوەیەکی فەرمی تۆمار دەکەن.
2. ئاگاداری سەرجەم شۆفێران دەکەین ڕۆژی یەکشەممە ڕێکەوتی 7/6/2026 کاتژمێر ١٠ ی سەرلەبەیانی ئەو کامێرایانەی کە پێشتر لە ڕێگای دەرەوەی شار بە سیستەمی (خاڵ بۆ خاڵ – Point to Point) کاریان دەکرد بەشێکیان دەگۆڕێن بۆ سیستەمی ( یەک خاڵ – One Point) بەم شێوەیەی لای خوارەوە:
• کامێرای یەکەم و کۆتایی ڕێگاکانی تاسڵوجە – دوکان وە بە پێچەوانەوە، هەروەها کامێرای یەکەم و کۆتایی تاسڵوجە – چەمچەماڵ وە بە پێچەوانەوە، بەهەمان شێوە کامێرای یەکەم و کۆتایی ڕێگای هوانە – وارماوە وە بەپێچەوانەوە، کامێرای یەکەم و کۆتایی ڕێگای عەربەت - پارێزگای هەڵەبجە و پێنجوێن وە بە پێچەوانەوە و کامێرای یەکەم و کۆتایی کەلار – کفری وە بە پێچەوانەوە.
• کامێرای ڕێگای تاسڵوجە – چەمچەماڵ (ناو تەکیە)
• کامێرای ناو قەزای چەمچەماڵ بەهەردوو ئاڕاستەکە.
• کامێرای عەربەت – هەڵەبجەی شەهید (بەردەم گوندی گرێزە)
• کامێرای ناو عەربەت بە هەردوو ئاڕاستەکە.

‌‎تێبینی:
‌‎لە ئێستادا ڕێگای تاسڵوجە ـ دووکان هەروەها تاسڵوجە ـ چەمچەماڵ هێماکانی دیاریکردنی خێرایی بۆ ئۆتۆمبێلی گەورەو بچووک دانراوەو کاریان پێ دەکرێت.

پابەندبوونتان بە خێراییە دیاریکراوەکان و دوورکەوتنەوەتان لە سەرپێچی و سەرکێشی دەتانپارێزێت لە لێپرسینەوەی یاسایی و دەرهاویشتەی ڕووداو و کارەساتەکانی هاتووچۆ.

بەهیوای سەلامەتی بۆ هەمووان.