دەنگی زانکۆ

لە فاکەڵتیی زانست سیمینارێک بۆ قوتابیانی قۆناغی یەکەم سەبارەت بە سیستەمی (SIS) پێشکەشکرا

ئەمڕۆ ٢٢ی تشرینی یەکەمی ٢٠٢٦ لە درێژەی زنجیرە سیمینارەکانی تایبەت بە ئاشناکردنی قوتابیانی قۆناغی یەکەم بە سیستەمی خوێندن و تۆمارکردنی (SIS)، ئەمڕۆ بۆ ئەو بەشانەی کە مابوون، لیژنەی نوێنەرایەتیی فاکەڵتیی زانست سەربە ناوچەی زانکۆ و پەیمانگاکانی لقی سۆرانی یەکێتیی قوتابیان و لاوانی دیموکراتی کوردستان، سیمینارێکی زانستی و ڕێنمایی بۆ قوتابییان پێشکەش کرد، کە لەلایەن بەرپرسی لیژنەی فاکەڵتی و قوتابیی قۆناغی چوارەمی بەشی کۆمپیوتەر (فەرهەنگ فاخر) بەڕێوەچوو.
لە سەرەتای سیمینارەکەدا، تیشک خرایە سەر گرنگیی سیستەمی (SIS) لە ڕێکخستنی کاروباری ئەکادیمیی قوتابییان. پاشان، بە وردی چۆنیەتیی خۆتۆمارکردن، چۆنیەتیی بەکارهێنانی سیستەمەکە و سوودە زۆرەکانی بۆ قوتابییان ڕوونکرایەوە تاوەکو لە ڕێگەیەوە بتوانن بە ئاسانی کارە کارگێڕی و ئەکادیمییەکانی خۆیان بەڕێوەبەرن.

لە فاکەڵتیی ئاداب سیمینارێک بۆ قوتابیانی قۆناغی یەکەم سەبارەت بە سیستەمی (SIS) پێشکەشکرا

​ئەمڕۆ ٢٢ی تشرینی یەکەمی ٢٠٢٦
بەمەبەستی ئاشناکردنی قوتابیانی قۆناغی یەکەمی بەشەکانی (ئینگلیزی، جوگرافیا ) بە سیستەمی خوێندن و تۆمارکردنی (SIS)، ئەمڕۆ لیژنەی نوێنەرایەتی فاکەڵتیی ئاداب بەیانیان سەربە ناوچەی زانکۆ و پەیمانگاکانی لقی سۆرانی یەکێتی قوتابیان و لاوانی دیموکراتی کوردستان سیمینارێکی زانستی و ڕێنمایی بۆ قوتابییان
لەلایەن بەرپرسی لیژنەی فاکەلتی و قوتابی قۆناغی چوارەمی بەشی ئینگلیزی (بهزاد سالح )بەڕێوەبرد.

​لە سەرەتای سیمینارەکەدا، تیشک خرایە سەر گرنگیی سیستەمی (SIS) لە ڕێکخستنی کاروباری ئەکادیمیی قوتابییان. پاشان، بە وردی چۆنیەتیی خۆتۆمارکردن، چۆنیەتیی بەکارهێنانی سیستەمەکە و سوودە زۆرەکانی بۆ قوتابییان ڕوونکرایەوە تاوەکو لە ڕێگەیەوە بتوانن بە ئاسانی کارە کارگێڕی و ئەکادیمییەکانی خۆیان بەڕێوەبەرن.

لە هەنگاوێکەوە بۆ گۆڕانکارییەکی گەورەتر؛
لە بیرۆکەیەکی سادەوە بۆ پڕۆژەیەکی دیجیتاڵی فراوانتر زانکۆی سۆران.

قوتابی ( مؤمین هێمن محمد ) قوتابی قۆناغی سێیەمی بەشی کیمیای لە فاکەڵتی زانستی زانکۆی سۆران هەڵسا بە بنیاتنانی وێبسایتێکی ئەکادیمی ناوازە کە سەرەتای ئەم ڕێگایە بە بیرۆکەیەکی سادە دەستی پێکرد؛ دروستکردنی وێبسایتێک بۆ بەشی کیمیا، بە مەبەستی ڕێکخستنی زانیارییە ئەکادیمییەکان، دروستکردنی ژینگەیەکی دیجیتاڵی بۆ فێربوون و هاوکاری و دروستکردنی پەیوەندیەکی ئەکادیمی لەنێوان تەکنەلۆجیا و زانستدا، بەڵام بە تێپەڕبوونی کات و فراوانبوونی بیرۆکەکە، وای کرد کە ئامانجەکە گەورەتر بێت. ئێستا ئەم پڕۆژەیە لە قۆناغی گەشەپێدان و فراوانکردندایە، بۆ ئەوەی لە چوارچێوەی بەشی کیمیا تێپەڕێت و ببێتە پلاتفۆرمێکی دیجیتاڵی بۆ هەموو بەشەکانی زانکۆی سۆران.

ئامانجی ئەم پڕۆژەیە تەنها دروستکردنی وێبسایتێک نییە؛ بەڵکو دروستکردنی ژینگەیەکی ئەکادیمییە کە قوتابیان و مامۆستایان بتوانن لە ڕێگەیەوە بە زانیاری، توێژینەوە، سەرچاوە زانستییەکان و چالاکییە ئەکادیمییەکان بگەن و هەلی زیاتر بۆ پەیوەندی و هاوکارییان بڕەخسێت.
بەپێی پلانی گەشەپێدانی پڕۆژەکە، هەر بەشێک بتوانێت ناوەڕۆک و زانیارییە تایبەتەکانی خۆی هەبێت؛ لە زانیارییە ئەکادیمییەکان و سەرچاوەکانی خوێندنەوەوە تا توێژینەوە، کتێبخانە، تاقیگە و ئامرازە زانستییە بەسوودەکان. هەروەها، سیستەمی تۆمارکردنی بەکارهێنەران لە پلانی پەرەپێدانی پڕۆژەکەدایە، بۆ ئەوەی قوتابیان و ئەندامانی کۆمەڵگەی زانکۆ بتوانن بەشداری بکەن و لە گەشەی ئەم ژینگەیەدا ڕۆڵیان هەبێت، بەڵام هیچ پڕۆژەیەکی ئەکادیمی بە تەنها گەورە نابێت. بۆیە لەم قۆناغە گرنگەدا، بانگهێشتی هەموو قوتابیانی زانکۆی سۆران دەکرێت کە بەشداری بکەن، خۆیان تۆمار بکەن و بە پێشنیار و بیرۆکە و بەشدارییەکانیان یارمەتی گەشەی ئەم پڕۆژەیە بدەن، چونکە ئامانج ئەوە نییە تەنها وێبسایتێک دروست بکرێت؛ ئامانج ئەوەیە بناغەی ژینگەیەکی دیجیتاڵی هاوبەش دابنرێت کە سوودی بۆ قوتابیان، مامۆستایان و کۆمەڵگەی ئەکادیمی هەبێت.

ئەم پڕۆژەیە هێشتا لە قۆناغی گەشەپێداندایە و ڕێگایەکی درێژی لەبەردەمە. بەڵام باوەڕوایە کە بە بەشداریی قوتابیان، پشتیوانیی مامۆستایان و هاوکاریی کۆمەڵگەی زانکۆ، دەتوانرێت بیرۆکەیەکی سادە بگۆڕدرێ بۆ هەنگاوێکی بەسوود لە ڕێگای پەرەپێدانی خزمەتگوزارییە دیجیتاڵییە ئەکادیمییەکاندا.

ئەمە تەنها دەستپێکە؛ هەنگاوی داهاتوو بە بەشداریی هەموومان دروست دەبێت.

مؤمین هێمن محمد
قوتابی قۆناغی سێیەمی بەشی کیمیا
زانکۆی سۆران
🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻
لینکی وێبسایتەکە: https://academic-website-74e99.web.app/

ئەمڕۆ ٢١ی تشرینی یەکەمی ٢٠٢٦، لە قۆناغی پێش کۆتایی ئەو خولەی کە لەلایەن لیژنەی نوێنەرایەتی قوتابیانی فاکەڵتی زانستی زانکۆی سۆران بە هەماهەنگی و پاڵپشتیی بەڕێوبەرایەتی وەرزش و هونەری زانکۆ بۆ بەشەکانی فاکەڵتی ڕێکخرابوو، دوو یاری بەهێز بەڕێوەچوون:

لە یاری یەکەمدا، قوتابیانی بەشی فیزیا بە ئەنجامی
(5 - 2) سەرکەوتنیان بەسەر بەشی بیرکاریدا بەدەستهێنا.
لە یاری دووەمیشدا، دوای یەکسانبوونیان بە ئەنجامی
(0 - 0)، قوتابیانی بەشی کۆمپیتەر بە لێدانی یەکلاکەرەوە (پەناڵتی) لە بەشی بایۆلۆجییان بردەوە.

بەم ئەنجامانەش، تەنها یاری کۆتایی (فاینەڵ) ماوە کە لە نێوان هەردوو بەشی کۆمپیتەر و فیزیا ئەنجام دەدرێت.
گەرمترین پیرۆزبایی خۆمان ئاراستەی قوتابیانی هەردوو بەشی کۆمپیتەر و فیزیا دەکەین بۆ گەیشتنیان بە یاری کۆتایی، و هیوای بەختێکی باشتر و سەرکەوتنی بەردەوام بۆ تیپی بەشەکانی بیرکاری و بایۆلۆجی دەخوازین.

خولێکی تۆپی پێی بچووککراوە لە فەکەڵتیی ئاداب کۆتایی پێهات

​ئەمڕۆ، ۱۸ی تشرینی یەکەمی ٢٠٢٦، کۆتایی بە خولێکی تۆپی پێی بچووککراوەی فەکەڵتی ئاداب هات، کە لەلایەن بەڕێوەبەرایەتی چالاکی وەرزشی و هونەری و لیژنەی نوێنەرایتی فاکەلتی ئاداب بەیانیان ڕێکخرابوو.
​لە یاری کۆتایی خولەکەدا، هەردوو تیپی قوتابیانی بەشی جوگرافیا و تیپی قوتابیانی بەشی مێژوو ڕووبەڕووی یەکتر بوونەوە. دوای پێشکەشکردنی یارییەکی بەهێز و پڕ کێبڕکێ، تیپی قوتابیانی بەشی مێژوو توانییان سەرکەوتن بەدەستبهێنن و ببنە پاڵەوانی خولەکە.
​لە کۆتایی چالاکییەکەدا، دکتۆر کارمەند حەمەد، ڕاگری فەکەڵتی ئاداب و یاریدەدەری ڕاگر و بەشێکی زۆر لە مامۆستایانی زانکۆکەمان، خەڵات و مەدالیایان بەسەر قوتابییانی بەشداربوودا دابەشکرد.
​
بەناوی لیژنەی نوێنەرایتی فەکەڵتی ئادابەوە، پیرۆزبایی لە هەردوو تیپ دەکەین هیوای بەردەوامی و سەرکەوتنیان بۆ دەخوازین.

لیژنەی نوێنەرایەتی قوتابیان کۆلێژی ئاداب بە هاوکاری و هەماهەنگی لەگەڵ  بەرێوبەرایەتی   وەرزشی زانکۆی سۆران یاری کۆتای خولی تۆپی پێی قوتابیانیکۆلێژی ئاداب گەیشتە یاری کۆتای  رۆژی یەک شەممە١٨/١٠/٢٠٢٦  لە کاتژمێر ۱۲ی دوای نیوەرۆ.

لە ژێر چاودێری چالاکی وەرزشی زانکۆکەمان یاری کۆتای خولی تۆپی پێ بەشی وەرزش ئەنجام دەدری کاتژمێر ٢ ی دوای نیوەرۆ ١٨/١٠/٢٠٢٦

سەرپەرشتیاری خول : محمد جبار احمد

بە بۆنەی وەرگیرانیان لە زانکۆی سۆران، پیرۆزباییەکی گەرم ئاراستەی سەرجەم قوتابیانی تازەوەرگیراوی زانکۆی سۆران دەکەین و پێیان ڕادەگەیەنین کە بە پێی ساڵنامەی ئەکادیمیی زانکۆی سۆران، ڕۆژی شەممە، ١٧ی تشرینی یەکەمی ٢٠٢٦، دەوامی سمستەری پایزەی قوتابیانی قۆناغی یەکەمی ئەو بەشە زانستییانەی کە ڕۆژانی شەممە دەوامیان هەیە، دەست پێ دەکات.

ڕاگەیاندنی زانکۆی سۆران

https://t.me/Dangizanko

📚 گەشتی پێشانگای کتێب لە شاری هەولێر

📖 گەورەترین پێشانگای کتێب لەسەر ئاستی هەرێم لە شاری هەولێر دەکرێتەوە.
ڕۆژی ٢١/١٠/٢٠٢٦ دەکرێتەوە تاکوو رۆژی ٣١/١٠/٢٠٢٦

⭐️ گەشتەکە رێکدەخرێت بە هەماهەنگی پەیجەکانی دەنگی زانکۆ و رێگای زانکۆ

✨ ئەم دەرفەتە زێڕینە لەدەست مەدە و لەگەڵمان بەشداربە!

⭐️ هەروەک پێشتر بە سەرکەوتوی نزیکەی 400 قوتابیمان برد بۆ پێشانگای هایتێکس وە ئیزنمان بۆ کچانی بەشە ناوەخۆیی وەرگرت دووبارە بە خزمەت گوزاری زیاتر و هەرزانترین نرخی گواستنەوە و دیسکاونتی چێشتخانەتان بۆ دابین دەکەین.

📌 بۆ بەشداریکردن و زانیاری زیاتر، جۆینی گرووپەکەمان بکە:

🔗 https://t.me/+74SPdFxlP14zYWYy

⭐️ تێبینی: تەنیا لەم گروپە بەرپرسین قوتابیان جۆینی ئەم گروپە ببن بۆ هاوڕێکانتانی بنێرن بۆ ئەوەی لە هەمان پاس بن بەیەکەوە وە جۆینی گروپیتر مەبن.

ئەمڕۆ ١٤ ى ١٠ ى ٢٠٢٦ بە ئامادەبوونی بەرپرسی لقی سۆرانی یەکێتی قوتابیان و لاوانی دیموکراتی کوردستان و کارگێڕەکانی وە ستافی ناوچەی زانکۆ و پەیمانگاکان و لیژنەی نوێنەرایەتی قوتابیان لە گشت فاکەڵتیەکان بەشداریان کرد لە ڤیستیڤاڵی خۆراک بەبۆنەی ڕۆژی جیهانیی خۆراک و لەژێر دروشمی «بەرەو ئاسایشی خۆراکیی بەردەوام، خۆراکمان، داهاتوومانە»

بەوێنە؛ دەستپێکردنی ساڵی نوێی خوێندنی ٢٠٢٦-٢٠٢٧ لە زانکۆی سۆران و هاتنی قوتابیان بۆ دەوام.

ستافی قوتابیان و لاوان بۆ ئەم ساڵ و ساڵانی داهاتوو هەمیش لە حزمەت قوتابیان دەبن جیاواز لە ساڵانی رابردوو بەشێوەیەک کە قوتابی و داواکاری قوتابی گرنگترین ئەرک بێت.

کاک دکتۆر رزگار سعید جێگری سەرۆکی زانکۆ خۆشەویسترین خەمخۆرترین کەس لە زانکۆی سۆران هەمیشە لە هەوڵدایە بۆ بەرەو پێش بردنی ئاستی ئەکادیمیای ناوچەکە و هاریکاری قوتابیان هەمیشە پاڵپشتی داواکاری قوتابیان بووە و جێگای شانازیە

پیرۆز بێت