Ulug‘bek Choriyev

#Tahlil

Mehnat kodeksi 15-moddasining 3,4-qismlarida quyidagicha belgilangan:

Agar mehnat toʻgʻrisidagi qonunchilikda, jamoa kelishuvlarida yoxud jamoa shartnomasida yoki ish beruvchi tomonidan kasaba uyushmasi qoʻmitasi bilan kelishuvga koʻra qabul qilingan mehnat haqidagi boshqa huquqiy hujjatlarda u yoki bu masala ish beruvchi tomonidan kasaba uyushmasi qoʻmitasi bilan kelishuvga koʻra hal etilishi kerakligi nazarda tutilgan boʻlsa, ushbu talabga rioya etish ish beruvchi uchun majburiydir.

Kasaba uyushmasi qoʻmitasi ushbu moddaning uchinchi qismida belgilangan masalalar boʻyicha qabul qilingan qaror toʻgʻrisida ish beruvchiga uning yozma murojaati olingan kundan eʼtiboran 20 KUNLIK MUDDATDA yozma shaklda xabar berishi kerak, bundan ushbu Kodeksda boshqa muddat nazarda tutilgan hollar mustasno.

Endi sizda savol tug`ildi: "bundan ushbu kodeksda boshqa muddat nazarda tutilgan hollar mustasno" deganda qaysi normani nazarda tutyapti.

Javob: MK 164-mdoda 3-qismi:

Kasaba uyushmasi qoʻmitasi xodim bilan mehnat shartnomasini bekor qilishga roziligi masalasi boʻyicha qabul qilingan qaror haqida mehnat shartnomasini bekor qilish huquqiga ega boʻlgan mansabdor shaxsning yozma taqdimnomasi olingan kundan eʼtiboran 10 KUNLIK muddatda ish beruvchiga xabar qilishi kerak.

"Lex specialis derogat legi generali" — maxsus norma umumiy normadan ustun qo‘llaniladi✅

Talqin, talqin va yana talqin🔥

👉 @U_Choriyev

#Tahlil

Mehnat kodeksidada yakka tartibdagi munosabatlarni tartibga soluvchi hujjatlar ko`p. Buni yuqoridagi postda ko`rdingiz.

Endi kelinglar, shunday hujjatlarni iyerarxik tartibi qandayligini ko`rib chiqamiz:

Mehnat shartnomasi < Mehnat haqidagi boshqa huquqiy hujjatlar. < mehnat to`g`risidagi qonunchilik

Endi shu 2-o`rindagi kuchga ega mehnat haqidagi boshqa huquqiy hujjatlarni yuridik kuchini alohida tahlil qilamiz. Mehnat kodeksining 14–15 va 68-moddalaridan kelib chiqib, ularning o‘zaro nisbatini quyidagicha ifodalashimiz mumkin:

Ish beruvchi yakka o‘zi qabul qilgan ichki hujjatlar < Kasaba uyushmasi qo‘mitasi bilan kelishib qabul qilingan ichki hujjatlar < Jamoa shartnomasi < Tarmoq va hududiy jamoa kelishuvlari < Bosh jamoa kelishuvi

Lekin bu yerda bitta istisno bor!

Tarmoq va hududiy jamoa kelishuvlari bir-biriga nisbatan ustunlikka ega emas. Ya'ni:

Tarmoq jamoa kelishuvi = Hududiy jamoa kelishuvi

Agar ularning qoidalarida tafovut mavjud bo‘lsa, xodim uchun qulayroq shart-sharoitlarni belgilagan kelishuv qoidalari qo‘llaniladi.

Endi savol: quyi turuvchi hujjatda yuqori turuvchi hujjatdan yaxshiroq shart belgilash mumkinmi?

Albatta, mumkin!

Masalan, jamoa kelishuvida xodimga 28 kunlik ta'til belgilangan bo‘lsa, jamoa shartnomasida 30 kunlik ta'til nazarda tutilishi mumkin. Ammo uni 25 kunga kamaytirish mumkin emas✅

Agar bu talab buzilsa nima bo‘ladi?

Mehnat kodeksining 17 va 68-moddalariga ko‘ra, xodimning holatini yomonlashtiruvchi bunday qoidalar haqiqiy emas hisoblanadi.

Talqin, talqin va yana talqin🔥

👉 @U_Choriyev

#Tahlil

MK 11-moddasida yakka tartibdagi mehnat munosabatlariga ta'rif berilgan.

Mehnat toʻgʻrisidagi qonunchilikda va mehnat haqidagi boshqa huquqiy hujjatlarda, mehnat shartnomasida nazarda tutilgan mehnat shartlarini ish beruvchi tomonidan taʼminlashda xodimning mehnat vazifasini ichki mehnat tartibiga boʻysungan holda haq evaziga shaxsan bajarishi haqidagi, xodim bilan ish beruvchi oʻrtasidagi kelishuvga asoslangan munosabatlar yakka tartibdagi mehnat munosabatlaridir.

Bilaman, sizda savol tug`ildi, mehnat to`g`risidagi qonunchilikni tushundik, lekin mehnat haqidagi boshqa huquqiy hujjatlarga nimalar kiradi?

Mehnat haqidagi boshqa huquqiy hujjatlar quyidagilardan iborat:

1) jamoa kelishuvlari;
2) jamoa shartnomalari;
3) ish beruvchi tomonidan kasaba uyushmasi qoʻmitasi bilan kelishuvga koʻra qabul qilinadigan ichki hujjatlar;
4) ichki hujjatlar, shu jumladan ish beruvchi oʻz vakolatlari doirasida yakka oʻzi qabul qiladigan yakka tartibdagi huquqiy hujjatlar.


Bu MK 12-moddasida mustahkamlangan, buni hamma biladi. Lekin bu ro`yxatda keltirilmagan ichki hujjatga nimalarni misol qilsa bo`ladi?

Bir emas, bir necha misollar keltiraman:

1) Ichki tartib qoidalar;
2) KPI bo`yicha nizom;
3) Odob axloq kodeksi;
4) Tijorat siri to`g`risida nizom;
5) Akademik halollik boyicha nizom;
6) Mehnat muhofazasi bo`yicha nizom vhkz.


Talqin, talqin va yana talqin. Mana shu yuristni o`stiradi🔥

👉 @U_Choriyev

Bu kursimizda 1-oraliq va yakuniy kazus amaliyot darsi o’tildi.

Agar 1-kurs bo’lsangiz, kursimizda yana 17 ta talabaga joy mavjud🔥

Kurs narxi va qo’shilish uchun:

@UlugbekChoriyev ga yozishingiz mumkin🤝

Kontraktni 30 foiz chegirma bilan to’lash tartibi:

VIDEONI KO’RISH🔥

Bu videoda aniq qadamma qadam tushuntirganman✅

Mehnat kodeksining 5-moddasida majburiy mehnatni taqiqlash prinsipi keltirilgan.

Agar bu qoida buzilsa, MJTK 51-modda - Mehnatga maʼmuriy tarzda majburlash harakatga tushadi.

Mehnatga biron-bir shaklda maʼmuriy tarzda majburlash, bundan qonunda nazarda tutilgan hollar mustasno, —

bazaviy hisoblash miqdorining ellik baravaridan yuz baravarigacha miqdorda jarima solishga sabab boʻladi.

Xuddi shunday huquqbuzarlik taʼlim tashkilotining pedagog xodimiga nisbatan sodir etilgan boʻlsa, —

bazaviy hisoblash miqdorining yuz baravaridan bir yuz ellik baravarigacha miqdorda jarima solishga sabab boʻladi.

Qolaversa, JK da ayni modda bo`yicha ma'muriy preyuditsiya qo`llaniladi. Sanksiyasi esa:

bazaviy hisoblash miqdorining yuz baravaridan bir yuz ellik baravarigacha miqdorda jarima yoki ikki yilgacha muayyan huquqdan mahrum qilish yoxud ikki yilgacha axloq tuzatish ishlari bilan jazolanadi.

👉 @U_Choriyev

TDYU da “kontraktdan grantga” o’tish va "grantni saqlab qolish" tizimi bo’yicha o’qiladigan adabiyotlar ro’yxati tasdiqlandi:

1. Antuan de Sent Ekzyuperi – Kichkina shahzoda
2. Agata Kristi – O‘nta negr bolasi
3. Frans Kafka – Evrilish
4. Ernest Heminguey – Chol va dengiz
5. Chingiz Aytmatov – Asrga tatigulik kun
6. Tog‘ay Murod – Otamdan qolgan dalalar
7. Erix Mariya Remark – G‘arbiy frontda o‘zgarish yo‘q
8. Rashod Nuri Guntekin – Choliqushi
9. Jek London – Martin Iden
10. Abdulla Qodiriy - O'tkan kunlar
11. Artur Konan Doyl – Sherlok Xolms va doktor Uotsonning sarguzashtlari
12. Fyodor Dostoyevskiy - Jinoyat va jazo
13. Viktor Gyugo – Klod Gyo
14. Lev Tolstoy – Anna Karenina
15. Nikolay Gogol – Revizor
16. Abduqayum Yo‘ldoshev – Puankare
17. Amir Temur – Tuzuklar
18. Abdulla Oripov – Sohibqiron (drama)
19. Abdulhamid Sulaymon Cho'lpon – Kecha va kunduz
20. Aleksandr Dyuma – Graf Monte Kristo
21. Gabriel Garsia Markes – Yolg‘izlikning yuz yili
22. Gyote – Yosh Verterning iztiroblari
23. Etel Lilian Voynich – So‘na
24. Mark Tven – Tom Soyerning sarguzashtlari
25. Isajon Sulton – Bilga Xoqon
26. O‘tkir Hoshimov – Tushda kechgan umrlar
27. Uilyam Shekspir – Hamlet
28. Komil Sindarov – Qimmatga tushgan xato
29. Abdurauf Fitrat – Munozara
30. Alisher Navoiy – Saddi Iskandariy

Talaba belgilangan badiiy adabiyotni o‘quv yili davomida o‘qishi va yil yakunida ushbu kitoblardan o‘zi tanlagan 12 tagacha kitob bo‘yicha tuzilgan test savollariga javob berishi kerak✅

👉 @U_Choriyev

Bugun "TOP TALABA" kursimda 1-kurslarga 1- jonli efirdagi darsni o`tib berdik.

Qani talabalar, onlayn kursdagi darslarimiz haqida batafsil fikrlaringizni yozingchi ... .

Assalomu alaykum, hurmatli obunachilar!

Top talaba kursi qabulini ham bitkazvoldik. O`tgan hafta juda og`ir o`tdi. Ishlar rosa qalashib keldi.

Endi nasib kanalni yana yondiramiz. Ma'lumot uchun bu kanal mening professional kanalim. Bu degani bu yerda sizga hayotda ishlaydigan va kerakli huquqiy ma'lumotlarni ulashib boraman.

Hammasini o`rganib borsangiz, huquqiy bilimlaringiz anchagina oshadi nasib🤝

👉 @U_Choriyev

Sugʻurta hodisasi sodir boʻlganda sugʻurta qildiruvchilar va jabrlanuvchilarning (ularning merosxoʻrlari yoki huquqiy vorislarining) harakatlari

Jabrlanuvchilarga zarar yetkazilishiga olib kelgan yoʻl-transport hodisasi ishtirokchisi boʻlgan sugʻurta qildiruvchi (fuqarolik javobgarligi majburiy sugʻurta shartnomasi boʻyicha sugʻurtalangan boshqa shaxs) mazkur hodisaning boshqa ishtirokchilari talabiga koʻra ularga ushbu transport vositasi egalarining fuqarolik javobgarligi sugʻurtalangan majburiy sugʻurta shartnomasi toʻgʻrisidagi maʼlumotlarni xabar qilishi shart.

Sugʻurta qildiruvchi (fuqarolik javobgarligi majburiy sugʻurta shartnomasi boʻyicha sugʻurtalangan boshqa shaxs) yoki uning vakili sugʻurta hodisasi sodir boʻlganda:

1️⃣ jabrlanuvchiga (uning merosxoʻrlariga yoki huquqiy vorislariga) 3 kalendar kundan kechiktirmay sugʻurta polisining nusxasini topshirishi;

2️⃣ darhol, lekin majburiy sugʻurta shartnomasida nazarda tutilgan muddatdan kechiktirmay, sodir boʻlgan hodisa haqida yozma shaklda, sugʻurta polisining nusxasini ilova qilgan holda sugʻurtalovchiga yoki uning filialiga hamda yoʻl-transport hodisasi sodir boʻlgan joydagi va transport vositasi roʻyxatdan oʻtkazilgan joydagi davlat yoʻl harakati xavfsizligi xizmatiga bildirishi. Bildirishnomada hodisaning xususiyati, sodir boʻlgan payti, koʻrilishi taxmin qilingan zararning miqdori, yoʻl-transport hodisasiga aloqador barcha shaxslarning, shu jumladan taxmin qilingan daʼvogarlarning nomlari va manzillariga taalluqli axborot imkon qadar toʻliq hajmda, shuningdek sugʻurta qildiruvchi hodisa haqida ilk marotaba qay tarzda xabardor boʻlganligi va sugʻurta qildiruvchining nega hodisani talabnoma bildirishga sabab boʻlishi mumkin deb hisoblashiga oid tafsilotlar majburiy tartibda koʻrsatilishi kerak;

3️⃣ sugʻurtalovchiga sugʻurta hodisasi munosabati bilan unga nisbatan qoʻyilayotgan barcha talablar yoki unga qarshi boshlangan sud muhokamasi toʻgʻrisida darhol xabar qilishi, zarar yetkazilishi holatlari toʻgʻrisidagi barcha maʼlumotlarni va vakolatli organlardan olingan, sugʻurta hodisasining sabablari hamda oqibatlarini, zararning xususiyati va miqdorini belgilash uchun zarur boʻlgan hujjatlarni sugʻurtalovchiga taqdim etishi;

4️⃣ yoʻl-transport hodisasi toʻgʻrisidagi xabarnoma tuzilgan vaqtdan eʼtiboran uch ish kuni ichida mazkur xabarnomani ushbu Qonun 202-moddasining https://lex.uz/docs/-1342474#-5616075koʻrsatilgan materiallar va hujjatlarni ilova qilgan holda sugʻurtalovchiga taqdim etishi;

5️⃣ zararning oldini olish va (yoki) kamaytirish yuzasidan mumkin boʻlgan barcha choralarni koʻrishi kerak.


Jabrlanuvchining yoki uning merosxoʻrlarining (agar jabrlanuvchining ahvoli mustaqil ravishda murojaat qilishga imkon bermasa, qarindoshlari yoki boshqa vakillarining) yoxud uning huquqiy vorislarining sugʻurta toʻlovi toʻgʻrisidagi talabi koʻrsatilgan arizasi quyidagilarning asli yoki nusxalari ilova qilingan holda sugʻurtalovchiga yoki uning filialiga yuboriladi:

1️⃣ sugʻurta polisi (agar boʻlsa);

2️⃣ zarar yetkazilganligi faktini va zarar miqdorini tasdiqlovchi hujjatlar (yoʻl-transport hodisasi toʻgʻrisidagi xulosa yoki qaror, tibbiyot muassasasi maʼlumotnomasi yoxud hayot yoki sogʻliqqa zarar yetkazilganligini tasdiqlovchi boshqa hujjatlar, oʻlim haqidagi dalolatnoma yoxud guvohnoma);

3️⃣ mol-mulkka zarar yetkazilganligi faktini va zarar miqdorini tasdiqlovchi hujjatlar (tijorat dalolatnomalari, yuk xatlari, asosiy vositalar daftaridan koʻchirmalar, toʻlov hujjatlari, xizmatlar koʻrsatish va ishlar bajarish uchun tuzilgan shartnomalar, baholash toʻgʻrisidagi hisobotlar va boshqa shu kabilar);

4️⃣ jabrlanuvchining shaxsini tasdiqlovchi hujjat;

5️⃣ meros huquqini yoki huquqiy vorislikni olganliklarini, shuningdek merosxoʻrlarning shaxsini yoki huquqiy vorislarning davlat roʻyxatidan oʻtkazilganligini tasdiqlovchi hujjatlar (agar sugʻurta tovoni jabrlanuvchining merosxoʻrlariga yoxud huquqiy vorislariga toʻlanishi kerak boʻlsa).

👉

TDYU 2-KURSDA ASOSAN QUYIDAGI FANLAR O`TILADI:

• Ma'muriy huquq
• Jinoyat huqugi
• Mulk huquqi
• Ekologiya huqugi
• Mehnat huquqi
• Biznes huquqi
• Kiber huquqi
• Ma'muriy javogarlik huquqi
• Konstitutsiyaviy odil sudlov.

Fanlar fakultetlararo farqlanishi mumkin. Ammo unchalik farq qilmaydi✅

👉

Knowledge becomes trustworthy not because someone powerful believes it but because it can be demonstrated through evidence and logic.

👉

#yangilik

“Ish haqi, pensiyalar, stipendiyalar va nafaqalar miqdorini oshirish toʻgʻrisida”gi Prezident Farmoni (PF–115-son, 23.06.2026 y.) qabul qilindi.

Farmonga koʻra, 2026-yil 1-sentyabrdan byudjet tashkilotlari xodimlarining ish haqi va stipendiyalar miqdori 7 foizga oshiriladi.


✅ 2026-yil 1-sentyabrdan:

🔷 mehnatga haq toʻlashning eng kam miqdori – oyiga 1 360 000 soʻm;

🔷 bazaviy hisoblash miqdori – 440 000 soʻm etib belgilandi.

👉

Biz namunali xodimni emas, tanishi ko’p xodimni aniqlayapmiz! Hozir ko’pchilik davlat organlarida namunatli talaba, xodimlarni aniqlash onlayn ovoz berish orqali aniqlanadi. Xo’sh, bunda eng zo’r ishlagan xodim yutadi deb o’ylaysizmi? ASLO YO’Q. Bunda eng…