Xəbər.Burda

🇦🇿 Bakıda 20 ilin müəllimi istefa verib

👩‍🏫 Xətai rayonunda yerləşən 64 nömrəli tam orta məktəbin biologiya müəllimi Aytəkin İmanova istefa ərizəsi yazaraq 20 illik işindən ayrılıb.

✍️ O, ərizənin surətini öz sosial media hesabında yayıb.

⛓️ İmanova 20 illik peşə fəaliyyətini köləlik zənciri ilə müqayisə edib və növbəti 20 ilini xilas etmək ümidi ilə işindən ayrıldığını bildirib.

“Yazıb sizə bildirmək istərdim ki, dövlət təhsil müəssisəsində olan pedaqoji fəaliyyətim ərzində sərf etdiyim əmək, stress və qazandığım məvacib arasında tarazlığın pozulması mənim həyat enerjimi tükətdi.

“Müəllimlik şərəfli peşədir” kimi mənəvi manipulyasiyanın təsiri altında ömrümün ən məhsuldar, enerjili illərini sərf etdim.

İndi isə 20 illik köləlik zəncirimi qırmağa cəsarət edirəm. Xahiş edirəm, məni 11 sentyabr 2026-ci il tarixindən öz istəyimlə işdən azad edəsiniz”, - A. İmanovanın məktəb rəhbərliyinə ünvanladığı istefa ərizəsində qeyd olunub.

Paylaşımın altında başqa müəllimlər də oxşar səbəblərdən istefa verdiklərini bildiriblər.

🔴Azərbaycanla İordaniya arasında viza rejimi ləğv ediləcək

Saziş Azərbaycanla İordaniya arasında ümumvətəndaş pasport sahiblərinin viza tələbindən qarşılıqlı azad edilməsini nəzərdə tutur.

⚡️Ağdərədə mina partlayıb, bir nəfər xəsarət alıb.

⚡️Kəlbəcər rayonunda mina partlaması nəticəsində bir nəfər xəsarət alıb.

🇦🇲"Çiçəklənən Ermənistan" partiyasının lideri Qaqik Tsarukyana qarşı yeni ittihamlar irəli sürülüb.

Bu barədə İstintaq Komitəsindən bildirilib.

▪️Məlumata görə, ittihamlar 2,5 milyon dolların qəsb edilməsi və çirkli pulların yuyulması ilə əlaqəlidir.

⚡️6 yeni ekspres marşrut açılacaq

▪️ Xətlərin ayrılması layihəsi çərçivəsində “28 May” və “Nizami” stansiyaları arasında qatarların hərəkəti müvəqqəti dayandırılacaq.

🔹 M1 – “Elmlər Akademiyası” – “28 May”

🔹 M2 – “İnşaatçılar” – “Nizami” – “28 May”

🔹 M3 – “20 Yanvar” – “Nizami” – “28 May”

🔹 M4 – “20 Yanvar” – “Koroğlu”

🔹 M5 – “20 Yanvar” – “Gənclik”

🔹 M6 – “Elmlər Akademiyası” – “Gənclik”

▪️ Avtobuslar hər gün saat 06:00-dan 00:00-dək fəaliyyət göstərəcək.

📌DİQQƏT ‼️

🚍 Avqustun 15-dən "Nizami" və "28 May" stansiyaları arasında fəaliyyət göstərəcək əlavə avtobuslar ödənişli olacaq. Avtobuslar arasında interval 5 dəqiqədən aşağı olacaq. Bu stansiyalar arasında 6 ekspres avtobus fəaliyyət göstərəcək.

Hakimiyyətdə böyük kadr dəyişikliyi baş verir?

Azərbaycan hakimiyyətində yüksək vəzifələri əhatə edə biləcək genişmiqyaslı kadr dəyişikliklərinin baş verəcəyi ilə bağlı iddialar yenidən gündəmə gəlib. Siyasi dairələrdə yayılan məlumatlara görə, bu ilin sonunadək hökumətdə mühüm təyinatların həyata keçiriləcəyi ehtimal olunur. İddialara əsasən, hazırkı xarici işlər naziri Ceyhun Bayramov Baş nazir vəzifəsinə gətirilə biləcək əsas namizədlərdən biri hesab edilir. Bildirilir ki, Baş nazir Əli Əsədovun vəzifəsindən ayrılacağı təqdirdə, onun yerinə ən real namizədlər sırasında məhz Ceyhun Bayramovun adı ön planda çəkilir. Məlumatlarda qeyd olunur ki, mümkün ssenari reallaşacağı halda, Ceyhun Bayramovun boşaldacağı xarici işlər naziri postuna isə hazırda Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyevin təyin oluna biləcəyi iddia edilir. Son günlər Ceyhun Bayramov ətrafında müşahidə olunan informasiya axını da bu iddiaları daha da gücləndirib. Xaricdə fəaliyyət göstərən bəzi bloqqerlərin və müxtəlif informasiya resurslarının nazir haqqında tənqidi və kompromat xarakterli materiallar yayması diqqət çəkir. Bəzi müşahidəçilər hesab edirlər ki, bu proses təsadüfi deyil və mümkün təyinatların qarşısını almağa yönəlmiş informasiya kampaniyasının tərkib hissəsi ola bilər. İddialarda həmçinin bildirilir ki, Ceyhun Bayramovun adının Baş nazir postu ilə hallanmağa başlamasından sonra onun barəsində müxtəlif kompromat xarakterli materialların dövriyyəyə buraxılması müəyyən maraq qruplarının fəallaşdığını göstərir. Bu kampaniyada həm daxildəki müxtəlif təsir qruplarının, həm də "Rusiya xətti" kimi xarakterizə olunan xarici təsir dairələrinin iştirak etdiyi irəli sürülür. Digər tərəfdən, Hikmət Hacıyevin uzun illər Azərbaycanın xarici siyasətinin formalaşdırılmasında və beynəlxalq platformalarda ölkənin mövqeyinin müdafiəsində aktiv rol oynaması, onun diplomatik təcrübəsi və dövlət başçısının xarici siyasət üzrə əsas komandasında yer alması səbəbindən XİN rəhbərliyi üçün potensial namizəd kimi qiymətləndirildiyi də qeyd olunur. Bununla belə, nə Ceyhun Bayramovun Baş nazir təyin ediləcəyi, nə də Hikmət Hacıyevin xarici işlər naziri vəzifəsinə gətiriləcəyi barədə hər hansı rəsmi açıqlama verilməyib. Hazırda səsləndirilən bütün məlumatlar müxtəlif siyasi dairələrdə yayılan iddialara əsaslanır. Rəsmi qərar qəbul olunacağı təqdirdə, bu dəyişiklik son illərin ən diqqətçəkən hökumət islahatlarından biri kimi qiymətləndirilə bilər.

⛈️Bakı və Abşeron yarımadasında dolu yağacaq

❗️Şimali Kiprdə batan gəmidən 160 nəfər xilas edilib.

Girnə-Mersin marşrutu ilə hərəkət edən, göyərtəsində 267 nəfərin olduğu sərnişin gəmisi Girnə sahillərində batıb.

İndiyədək 160 nəfər xilas edilib. Axtarış-xilasetmə əməliyyatı davam edir.

❗️⚡️🔥 Hörmüz boğazında neft tankeri hücuma məruz qalıb

Bu barədə Böyük Britaniya Hərbi Dəniz Qüvvələrinin Dəniz Ticarət Əməliyyatları Mərkəzi (UKMTO) məlumat yayıb.

Qeyd olunub ki, bir neft tankeri Hörmüz boğazı vasitəsilə Fars körfəzinə doğru hərəkət edərkən hava hücumuna məruz qalıb.

Hücumun kim tərəfindən həyata keçirildiyi açıqlanmır.

⚡️ Ermənistan məhkəməsi keçmiş prezident Robert Koçaryanın həbsinə qərar verib.

İran XİN: İranı üç günə təslim etmək istəyənlər öz yaratdıqları bataqlıqda qalıblar

Milli Hidrometeorologiya Xidməti: Hazırda havada tozun miqdarı normadan 1,4-1,7 dəfə artıqdır

● Tozlu hava şəraitinin sinoptik şəraitlə əlaqədar sabah günorta saatlarına qədər davam edəcəyi gözlənilir

● Küləyin maksimal sürəti Bakıda və Abşeron yarımadasında 28 m/s-yə çatır.

🚨 TƏCİLİ

🇦🇪 BƏƏ 🇮🇷 İran ilə ticarət və maliyyə əməliyyatlarını dayandırdı ⛔️

Bu barədə BƏƏ-nin Xarici İşlər Nazirliyi məlumat verib.

🇮🇷 İranda 4,7 bal gücündə zəlzələ oldu

Məlumata əsasən, mərkəzi Əfqanıstanda olan bu yeraltı təkan İran sərhədlərinin yaxınlığında hiss olunub.

Zəlzələ ocağı mərkəzi Kariz şəhərindən 82 kilometr, Taybaddan 88 kilometr və Səmiabaddan 94 kilometr məsafədə qeydə alınıb.